ان شاء الله

قصيدة شهادة العسكري••♕
نزال.. حزن


بسجنه مات لعسكري يم داره
مسمم وطـايـح شهـيد اخباره
ـــــــــــــــــــــــــــــــــــــــــــــــــــ

لمهدي شاهد والده فوگ لتراب
گلبه مكسور بجرح هذا لمصاب
ليش بويه تروح يالبعدك شباب
ينـحـب وسال الـدمـع بكـتاره
ـــــــــــــــــــــــــــــــــــــــــــــــــــ

بالسـجن مغدور ياويلي لحسن
عاش وكـته بالظلم گلبه متحن
بـياذنب مسمـوم دالاله انطحن
عالاارض ربـك يشوف انواره

ـــــــــــــــــــــــــــــــــــــــــــــــــــ

لزهره تنـعه لطايح وحـيدر نعه
على الطـاحت چبدته ومـگطعه
هاجت اعليها المـواجع مصرعه
هـذا گـبرك يبـني الله اخـتـاره

ـــــــــــــــــــــــــــــــــــــــــــــــــــ

بالحـزن والـنوح گـلـهه مـنگـبين
حضرت ارواح لهواشهم للحنين
المهدي يشكي حالته لله المعين
فـي سبيل الدين جرحه وثاره

ـــــــــــــــــــــــــــــــــــــــــــــــــــ

بويه يالبعدك شباب اعله الرحيل
جرحي بويه بغييتك كلش ثجيل
بالااكـل مسمـوم وچـتافـك تـميل
مـن الـظـلم والـجـور دم اثـاره

ـــــــــــــــــــــــــــــــــــــــــــــــــــ

المهدي غسل والـده وگلبه جـمر
بيده نـزل مـهجته بحـضن الگبر
حضـرة امـلاك السمه وم الـطـهر
وشيـعـته هـاليوم تنـعه وحايره

ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد ع
نسالكم الدعاء

جديد

ان شاء الله

قصيدة راح العسكري ع••&
نزال حزن


يالعسكري واويلااه
يالعسكري واويلااه
ـــــــــــــــــــــــــــــــــــــــــــــــــــ

طـاح العسكري طاح••حت لونك تغير
چبدك ليش مسمـوم••والـمـهـدي تعـثر
ابچي لحالتك هاي••صاير لونك اصفر

بويه تـنزف جروحك
سمهم يـاخذ بروحك
مـاكـفـاهم ابـسـجنك
عايش بالسبي نوحك

ايالعسكري واويلااه
يالعسكري واويلااه

ـــــــــــــــــــــــــــــــــــــــــــــــــــ

صاح بدمعته صاح••يابويه شعلامك
طايح بالسجن ليش•ماعرفو مقامك
غـدرو چبدك اليوم••مغدور بصيامك

ليش بـحالتك هـايه
حقد الشامت ورايـه
مافتحوهن اچفوفك
سدو مصـحف الايه

يالعسكري واويلااه
يالعسكري واويلااه
ـــــــــــــــــــــــــــــــــــــــــــــــــــ

سابـح بالدمه سابح••مـن چـفك والگيود
جبدك عالارض شفته••دمك صاير چبود
ثيابك بويه مدميه••جسمك حيل مهدود

ابچي الياجـرح حاير
حالك يروي چم عاشر
جسمك يـنـزف هوايه
بـويـه تـكسر الخـاطر

يالعسكري واويلااه
يالعسكري واويلااه
ـــــــــــــــــــــــــــــــــــــــــــــــــــ

بالظلمه ومـطـامير••عايش بيهن شلون
سجنك نـازل بگاع••عـن كل اليشوفون
امسح ياجرح بويه•ونت هواي مطعون

جسمك ذابـل هوايه
الصايم يرتوي بمايه
صـايم ليش غدروك
تـذكـر زيـنب بـهـايه

يالعسكري واويلااه
يالعسكري واويلااه
ـــــــــــــــــــــــــــــــــــــــــــــــــــ

انته العسكري انته••وسـفه تـنام بتراب
بويه بياذنب موتك••والسجـان عـالباب
هاي لدنيا ماترحم•غدرت گلب الاحباب

كلشي ماشفت منك
بيدي اليوم اغسلنك
هاجت بيه الجروح
بگبرك بويه احطنك

يالعسكري واويلااه
يالعسكري واويلااه
ـــــــــــــــــــــــــــــــــــــــــــــــــــ

تراب الگبر عالراس••يـابـويـه نـثـرته
عگبك خنگه بالروح•ومصابك جرعته
هاشم ونت عليك••يالـغالي بـحضرته

تكـتل فـرگت عـيونك
ويـن الـگه ليشبـهونك
وسفه يـضـمـك تـراب
روحي ميته من دونك

يالعسكري واويلااه
يالعسكري واويلااه
ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد ع
نسالكم الدعاء

جديد

ان شاء الله

....

.....

.......

.....

......

....

قصيدة زيارة سامراء••&
نزال


تـنـعـه اليـوم سـامره
فگد لعسكري بحسره
ــــــــــــــــــــــــــــــــــــــــــــــــــ

بدرب العسكري ورايه
نـمـشي اليـوم مـشايه
زواره ونصيح بـشوگ
گـبر الـعـسكري الـغايه

نمشيلك عـمر مـولاي
ياتاجي وفـخر دنياي
نتـعنه بـگلب ملـهوف
ونت غـايتي ورجواي

زوارك تـطـر صحـره
تنـعـه اليوم سـامـره

ـــــــــــــــــــــــــــــــــــــــــــــــــــ

غايتنه نـجيك زحوف
مـنك مـامنعنه الخوف
يابوالمـهدي وعيونـك
ماهزنه لخطرونطوف

فگـدك ياعـزيز الـروح
مسموم وتسيل جروح
تنعـه امـك على گـبرك
والحبك يـجيك يـنوح

كـاسر خـاطر الـزهره
تـنـعـه اليـوم سـامره

ـــــــــــــــــــــــــــــــــــــــــــــــــــ

يالدربك محنه وشوگ
مثلك مايصح معشوگ
شحاله وليدگ الغايب
ندعيله بگلب مـحروگ

مـكسـور الـظـهـر يـمك
شاف اجروحك ودمك
والـخـادم گـصد مـشاي
ينعه جروحك وهضمك

تمشي وبالگلب عبره
تـنـعـه اليـوم سـامره

ـــــــــــــــــــــــــــــــــــــــــــــــــــ

طول الدرب هالخدمه
يانـعـمـه وألـف نـعـمـه
ومـحـروسـه مـواكـبنه
لجـلـك كلـها مـتـحزمه

گبرك بالغــرب صـايـر
ونته مـوشخص عـابر
طـاهـر گلبك مـن الله
والـزارك صـبـح زايــر

نبچي وندعي بالحضره
تـنـعـه الـيـوم ســامـره

ـــــــــــــــــــــــــــــــــــــــــــــــــــ

منيتي شوفتك تدري
ياروحي وبـعد عمري
كلشي يروحلك فدوه
يابوالمهدي ياضخري

يمـك يالگـلب نـدعي
ربـي الـفـرج للـمهدي
بـحسره وألم ننتظره
غيرك تـدري ماعندي

گـبرك خـيمة الـفـقره
تـنـعـه اليـوم سـامره

ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد ع
نسالكم الدعاء

جديد

ان شاء الله

اي شخص يريد الحن موجود ان شاء الله

قريباً قصائد شهادة سعيد ابن الجبير رض
وشهادة مولاتي الزهراء عليها السلام نسالكم الدعاء

قصيدة ارجوزة الكافل••&
نزال


حي الله ابو فاضل
حي الله ابو فاضل ـــــــــــــــــــــــــــــــــــــــــــــــــــ

طباهـا الكلف عباس مـالحگت على الشرده
بيده السيف اخوزينب يـاهـو الگابله يمرده
الـمـالحـگت على رگـبها چـنهـم مـاي وتـبده
القاده تصيح ياهو الصال خله الزلم ماتهده

مـايـعرف تـعب لـودخل ميدانه
سيف الله لكفيل وسرفن ردانه

حي الله ابو فاضل
حي الله ابو فاضل

ـــــــــــــــــــــــــــــــــــــــــــــــــــ

المايعرف شـني العباس لايـتـورط يچـهبه
حار مـن الله ابـوفاضل يحرگ للـزلم رگـبه
صار زامـط والـعباس داس بكل فحل گلبه
تحرگ نضرته وسيفه وروس بـجربته عبه

مو للماي خله الـجـربه بمتـونه
حط لروس بيهاوصعد ميمونه

حي الله ابو فاضل
حي الله ابو فاضل

ـــــــــــــــــــــــــــــــــــــــــــــــــــ

طر الحومه مترهدن وشـبااه الزلم طاحت
بكلشي يكتل العباس تكـتل ريشته المالت
تذبـح بالهـوه لو مار يرعد صوته عالصالت
كاسرها الرگب طـوله ورگـاب ألفت ماعت

حــار بـحـار والـعـباس مايبـرد
بضهور لزلم حد سيفه مومبرد

حي الله ابو فاضل
حي الله ابو فاضل

ـــــــــــــــــــــــــــــــــــــــــــــــــــ

لون الماي صاراحمر بس روس الزلم زرگه
وطگ عباس مـوهين كـلها گـباله مـحترگه
الماچـاهب علي الكرار خله يضوگها الطگه
جروف الماي علاها من طگ الجثث عـرگه

حيل الله گضه لفرسان بچفوفه
بـخيالـه الـزلم مـوتها من شوفه

حي الله ابو فاضل
حي الله ابو فاضل

ـــــــــــــــــــــــــــــــــــــــــــــــــــ

حار بطگه ابـوفـاظـل والااف الـگـمر ذبـها
هاي الحرب للـعباس موياهو اليجي طبها
طـب ليـها الكـتايبهه وگـام بـچـفه يگـلبها
مـثل الـمـاي لـوصبه هـيـچ الـوادم يصبها

بداهه ابو فاضل ونخمد شرهه
خـله الناس محـتاره بمجازرهه

حي الله ابو فاضل
حي الله ابو فاضل

ـــــــــــــــــــــــــــــــــــــــــــــــــــ
الشاعر مهندالعايدي

تمت بفضل الله وال محمد ع
نسالكم الدعاء

جديد ان شاء الله