١. غالبا لا تقبل سيارة ام جي الاشتراك عند انتهاء البطارية الا بصعوبة وهذه تعد ملاحظة تستحق تسميتها (عيباً) في السيارة.

٢. تكرر من اكثر من عضو من الأعضاء انتهاء البطارية في اقل من سنة وربما اكثر اذا حسبنا عمر و اداء البطارية بمجرد تركيبها في بلدها وخروجها من المصنع

٣. احرص على تغيير البطارية بعد مرور سنة عليها اذا لاحظت اي ملاحظة لها علاقة بضعف اداء البطارية سواء كانت بطارية بلدها او البطارية التي قمت بتركيبها بعد انتهاء الأولى.

٤. هام جدا... احرص على الاحتفاظ بفاتورة مختومة عند شرائك لبطارية جديدة فكل البطاريات في السعودية عليها ضمان لا يقل عن سنة حسب انظمة وزارة التجارة

بطارية mg 6
63 امبير

ان زاد لا بأس

كلام لأي شخص حابب يشتري السيارة👇
قريبا في شكل جديد أو(فيس لفت) حينزل و الافضل انك تنتظره.
و اذا كنت مستعجل على السيارة و تبغى الMG6 الشكل الحالي شوف عيوبها و اللي هي(العزل في الطرق الخشنة سيئ [و الحل هو تغيير نوع الكفرات]، القير ينتع و يطلع اصوات احيانا، و الديكور لك عليه شوي) هاذي هي سلبيات السيارة و الكل متفقق عليها، و اذا ناسبتك توكل على الله. و بما انه ذكرنا السلبيات حأذكرلك ابرز الايجابيات وهي: الرساوة و نشاط المحرك و الشكل و متعة القيادة يعني ادائها بشكل عام ممتاز مقارنه بسعرها و فئتها بين السيارات. و اذا حاب تتعمق اكثر شوف هذا قروب مميزات و سلبيات و مواضيع ثانية عن السيارة: https://t.me/mg6k2
و الافضل انك تشتري من معارض لانها ارخص بكثير من الوكالة: -
- سعرها في الوكالة حول 80 الف موديل 2021.
- سعرها في المعارض حول 60 الى 70 الف موديل موديل 2021.
بالنسبة للوكيل حسب المدن:
جدة: سيئ باتفاق الكل
الرياض: الاغلبية يقولو سيئ
الطايف: الاغلب يمدحونه
ينبع: حسب تجربتي كويس و تعاملهم محترم
شي اخير بالنسبة للقير: في اشاعة غير مؤكدة تقول ان القير يحتاج تغيير كلتشات من ممشى 100 الى 150 الف، قلت عنها اشاعة لانه السيارة لها سنتين في الأسواق و في ناس مشو ارقام كبيرة زي 150 الف وفوق سواء كان في دول الخليج أو مصر و الغريب ما سمعنا عن أي أحد غير كلتشات. المشكلة الثانية ما ندري هل تغييرها يكون تحت الضمان ولا لا! لكن خلي سالفة تغير الكلتش في بالك🙃.
و رأي في السيارة: بصراحة سيارة زي اللوز و حلوة و انا اكثر شي عاجبني في قوتها و وسعها الداخلي، و اللي مو عاجبني و مضايقيني شوي هو العزل الارضي فقط في (الطرق الخشنه) اما في الطرق الكويسة مقبول مثله مثل السيارات الثانية.

و لاتنسى الاستخارة قبل كل شي🤲

نصائح 👇
- https://t.me/mg6_sa/50445
- https://t.me/mg6_sa/50446

هاذي استفتاءات و إجابات الملاك حول اداء السيارة 👇
https://t.me/mg6k2/1205

و هذا تقرير شامل عن السيارة 👇
https://youtu.be/09oo1FUwah8

و هاذي قناه معرض الصور الخاص بMG6 👍👇
https://t.me/MG6_image

ام جي ٦ سيارة ممتازة بس زي اي سيارة لها عيوب الاشياء الي عاجبتني عزم المكينة التكييف جمل التصميم الوسع سماعات السيارة. الي ما عجبني القير (راي شخصي) اللاق و العزل القساوة. الوكيل ما تعاملت معاه الصيانه اسويها برى بالنسبة لقطع الغيار ما حتجت غير فلاتر وفحمات سعرها مو مره لكن مقبول بعض المنافسين اسعارهم ارخص طبعا القطع هذي موجودة في الوكالة بس او عن طريق تطبيق اطلبها طبعًا تدفع فلوس زيادة وقيمة الشحن

المراتب فيها قساوه شوي بالنسبة للسايق مرتاح الراكب لو فيه تحكم اقلها لو يدوي ينزل المرتبه ويرفعها بيكون افضل
مراتب الصف الثاني مريحه وواسعه لكن جلسة الظهر فيها شبه واقف

قبل من اشرح لك وش هو الهيدروليك لازم تعرف نظام قير الدبل كلتش

قير الدبل كلتش من جوة لو تفكه بتلاحظ انه 100% عبارة عن قير عادي تمام... و القير العادي جاي مجموعة من تروس سرعات مثلا ترس ١ و ٢ و ٣ و ٤ و ٥ و ٦ هاذي ال٦ تروس مربوطه بكلتش واحد فقط

لكن بالدبل كلتش جاي حرفيا اثنين قير عادي داخله وهي كالتالي

القير الاول تروس ١ و ٣ و ٥ و ٧ هاذي التروس مربوطه بكلتش واحد منفصل

القير الثاني تروس ٢ و ٤ و ٦ و R هاذي التروس مربوطه بكلتش واحد منفصل

القيرين العادية هاذي رابطهم شي اسمه الميكاترونيك(الهيدروليك)...والهيدروليك هو النظام اللي يضغط كلتش و يعشق على الترس المطلوب بدالك بالقير العادي

في الدبل كلتش نظام الزيوت كالتالي:
- تروس القير لها زيت خاص.
- الهيدروليك له زيت خاص.
- الكلتشات لها زيت خاص.

معلومه: القير الدبل كلتش الجاف (Dry) مثل الام جي 6 هنا مقصود انه الكلتشات فقط بدون زيت ويكون التبريد عن طريق الهوا...وفي نوع ثاني من الدبل كلتش نظامه ويت (wet) مثل الام جي GT يكون في زيت للكلتشات

نرجع للميكاترونيك (الهيدروليك) بالام جي 6 الزيت جاي من المصنع بكمية ناقصة حول النص علبة(٣٠٠ الى ٦٠٠ مل)...هذا الشي هو سبب نتعات القير والاصوات القوية

وفي بعض دفعات 2019 وتحت، نقص زيت الهيدروليك سبب ان يخلي الهيدروليك يعلق وتصير مشكلة بالكلتشات مثل ما صار للبعض ويطلع صوت الطقطقة المعروف.

في حال تعبئة الكمية الناقصة من زيت الهيدروليك تحس ان الهيدروليك بدأ يشتغل بالشكل الصحيح و٩٥% من النتعات بتختفي..وان جات فهي جدا خفيفة وكذالك الاصوات

طبعا زيت الهيدروليك يشتغل بالضغط بالمضخة وكلام كثير داخل الهيدروليك... بس المقصد لو حصل خطأ بالضغط هذا يسبب تأخير في الهيدروليك يالتالي تعشيق متأخر او بأوقات غلط يسبب النتعات

● لشراء زيت الهيدروليك CHF 202 👇

- زيت الهيدروليك: CHF 202 من موقع كاربوست

https://carboost.co/products/fuchs-titan-chf-202-power-steering-central-hydaulic-fluid


في حال تعبئة الناقص اشتري علبة وحدة بس
وفي حال التعبة من الصفر اشتري علبتين


● طريقة التعبئة 👇

المقطع الجزء الاول:
https://t.me/mg6_sa/100784

المقطع الجزء الثاني:
https://t.me/mg6_sa/100785

و عليكم السلام
من تجربتي للسياره اشوفها ممتازه ممكن اللي واجهته تعشيقاتها تختلف عن السيارات الثانيه لكن مع الوقت تعودت عليها و بالنسبه للصيانات كلها برا الوكاله و ما غيرت لها الا زيت و سيفون من اخذتها حتى الفلاتر ما غيرتها و اللحين ماشيه 85 الف ما واجهت اي عطالات و لله الحمد
و انا بالقروب هذا من اخذت السياره ممكن 3 او 4 اللي واجهتم مشاكل تخص القير انا من رأي اذا مزانيتك قليله حلوه السياره على المواصفات اللي فيها

الحمدلله بعد اجتهاد مجموعه من الملاك عرفنا وش المشكله بالضبط للمشكله اللي كنا نعاني منها 👍😁

القطعه هي رمان الحذاف سعرها 75 ريال تقريبا بالوكالة هاذي صوره الفاتورة 👇
https://t.me/mg6_sa/111401

وهاذي صورة لشكل الرمان القديم 👇
https://t.me/mg6_sa/111400


اذا انت برة الضمان وجاتك المشكله وديها على الضمان ولا تتكلف....لكن اذا انت برة الضمان اشتري هاذي القطعه وروح اي ورشة معروفه ركبها (سعر التركيب بالورش من ٤٠٠ الى ٦٠٠ ريال)

https://www.mediafire.com/folder/2g4agqep61r2b/%D8%A7%D9%83%D9%88%D8%A7%D8%AF+%D8%A8%D9%88%D9%8A%D8%A9+MG


اكواد بوية ام جي

بديل لقلب طرمبة البنزين🔴mg6🔴 بدون لا يغير طرمبة كاملة

السلام عليكم
انا مالك mg6 موديل 2021
حاب افيد الجميع بتجربتي
ممشى سيارتي قريب ال 200 الف ماشاءالله

المشاكل اللي واجهتها طوال فترة امتلاكي

اول مشكلة كانت ديكور الشنطه الكتف ينفك ويتكسر الكلبس لوحده مشكلة بسيطة

وثاني مشكلة طرمبة البنزين خربت علي مرتين المرة الاولى على ممشى ١٠٠ الف والثانية على ١٦٠ الف

ثالث مشكلة واجهتها مشكلة في الكمبرسر وجت بعد على ممشى ١٢٠ الف وتم تبديل كمبرسر مكيف مع رديتر القطع كلفتني ٢٠٥٠ ريال اصلي

ورابع مشكلة واجهتني علبة الدركسون مع العلم خربت عندي على ممشى ٨٠ الف وتم تبديل على الضمان
والان على ممشى ٢٠٠ الف واجهت مشكلة في العلبة مدري الدودة في فضاوه الطاره مع اي حفره او مطب تلف وتتحرك

جميع صيانات السيارة بترومين الحمدلله ما واجهت اي مشاكل في رمان القير او الحذاف والامور هذي

عيوب السيارة العزل فيها مو ذاك الزود الله حق + السيارة تعتبر قاسية
مقارنة بالمنافسين

و ان شاء الله اني ما نسيت شي و ك مجمل السيارة جميلة وتصمل الحمدلله بس يبيلها عنايه وما تعاملها بعنف يبيلها حنيه

وعليكم السلام تجربتي الشخصية وانت احكم
السيارة ممتازة ومريحة اقتصادها للبنزين معقول
مريحة فيه شوية عيوب مصنعية لكن الوكالة مهي مقصرة طالما صياناتك كويسة في اماكن معتمدة وقطع اصلية والصيانة في وقتها بيغيرو كل شي
قد غيرت كومبروسر وكراسي مكينة وعلبة دركسون ومسامير توازن مع جلودها ومروحة ثلاجة وكله ع الضمان وانا ماشي فوق 100 الف واعرف واحد غيرو قير كامل على الضمان وهو ماشي 196 الف .
بالنسبة للسفر قد سافرت مرتين 1700 كيلو دقة وحدة بدون ما تطفي السيارة وما اشتكيت من شي ومريحة
عيبها العزل مو ممتاز وفي الزحمة سواقتها صعبة لان القير دبل كلتش وحلها انك تحطها سبورت في الزحمة

اما قطع الغيار اشوف اسعارها مبالغ فيها زي البواجي والاقمشة وغيره لكن ع العموم القطع كلها متوفرة وما اتوقع انك تعاني لان اكبر مستودع قطع غيار في الشرق الاوسط موجود في السعودية لmg

السلام عليكم ورحمة الله وبركاته
وكل عام وأنتم بخير 🌹

تم تغيير اسم القروب وصورته ويوزر القروب إلى:
https://t.me/MG_saudi1

وكذلك تم تغيير يوزر القناة إلى:
https://t.me/mg_zone2

شاكرين لكم دعمكم، وحياكم الله جميعًا 🤍