【好熱喱】「好熱喱？」香港天文台今日錄得嘅最高氣溫為35.6度，為有紀錄以來7月份第二高。將軍澳、石崗，以及黃大仙都分別追平7月份高温紀錄。而打鼓嶺、大帽山、坪洲，以及上水就更加係錄得破7月份紀錄嘅高温，當中大帽山以及上水嘅紀錄更加係平咗創站以嚟全年嘅最高氣温！
異常強勢嘅副高籠罩下，預料香港有排熱！天文台罕有地預測星期六最高氣温將達36度，並且預料七月餘下時間都會持續酷熱，一直都唔會有顯著降雨。天文台預測明日日間陽光充沛，近乎萬里無雲及風勢微弱嘅天氣非常容易中暑。
嚟緊一兩日都係周末，如果市民希望進行戶外活動，應該做足防曬防暑措施，以及時刻補充足夠水份，留意身體狀況，量力而為。
#好熱喱
#見字飲水
#METWARN #天氣預警
異常強勢嘅副高籠罩下，預料香港有排熱！天文台罕有地預測星期六最高氣温將達36度，並且預料七月餘下時間都會持續酷熱，一直都唔會有顯著降雨。天文台預測明日日間陽光充沛，近乎萬里無雲及風勢微弱嘅天氣非常容易中暑。
嚟緊一兩日都係周末，如果市民希望進行戶外活動，應該做足防曬防暑措施，以及時刻補充足夠水份，留意身體狀況，量力而為。
#好熱喱
#見字飲水
#METWARN #天氣預警
【最熱7月】過去嘅7月，各個自動氣象站都錄得該站7月份甚至創站以嚟嘅新高。天文台總部錄得有紀錄以嚟7月份最高嘅「日最高」以及「日最低」氣温（36.1度/29.9度)；而上水更加曾錄得39度嘅高温，追平香港境內嘅最高温紀錄。
天文台總部有21日達到酷熱（33.0度或以上）水平，當中10日錄得35度或以上，而熱夜（當日最低氣温28.0度或以上）日數更高達25日，雙雙打破單月最多紀錄。另外，月平均氣温以及月平均最低氣温亦打破7月份歷史極值；而月平均最高氣温則追平最高紀錄。
一到夏天就耐唔耐聽到天文台「天氣炎熱/酷熱可能影響健康」嘅溫馨提示；其實天時暑熱，除左要注意生理健康之外，亦都唔可以忽視心理健康。研究指出，炎熱天氣下即使氣温只有1度嘅升幅，精神方面嘅疾病，例如情緒障礙或者係焦慮症等發病率都會顯著增加[1]。所以熱足差不多大半個月，除左叫人見字飲水之外，關心下身邊親朋好友嘅心理健康亦都同樣重要架！
[1]Liu, J., Varghese, B. M., Hansen, A., Xiang, J., Zhang, Y., Dear, K., ... & Bi, P. (2021). Is there an association between hot weather and poor mental health outcomes? A systematic review and meta-analysis. Environment international, 153, 106533.
#如不安伴你經過便能硬朗
#見字飲水
#METWARN #天氣預警
天文台總部有21日達到酷熱（33.0度或以上）水平，當中10日錄得35度或以上，而熱夜（當日最低氣温28.0度或以上）日數更高達25日，雙雙打破單月最多紀錄。另外，月平均氣温以及月平均最低氣温亦打破7月份歷史極值；而月平均最高氣温則追平最高紀錄。
一到夏天就耐唔耐聽到天文台「天氣炎熱/酷熱可能影響健康」嘅溫馨提示；其實天時暑熱，除左要注意生理健康之外，亦都唔可以忽視心理健康。研究指出，炎熱天氣下即使氣温只有1度嘅升幅，精神方面嘅疾病，例如情緒障礙或者係焦慮症等發病率都會顯著增加[1]。所以熱足差不多大半個月，除左叫人見字飲水之外，關心下身邊親朋好友嘅心理健康亦都同樣重要架！
[1]Liu, J., Varghese, B. M., Hansen, A., Xiang, J., Zhang, Y., Dear, K., ... & Bi, P. (2021). Is there an association between hot weather and poor mental health outcomes? A systematic review and meta-analysis. Environment international, 153, 106533.
#如不安伴你經過便能硬朗
#見字飲水
#METWARN #天氣預警