Zo-to-pi-a 2 (20-25)
+++++++++++
IMDb Rating (7.5) / Rotten Tomatoes (91%)
Zootopia 2 မှာတော့ ပရိသတ်အချစ်တော် ရဲအရာရှိ ဂျူဒီဟော့ပ် (Judy Hopps) နဲ့ နစ်ခ်ဝိုင်းလ် (Nick Wilde) တို့ဟာ ဇူးတိုးပီးယားမြို့တော်ရဲ့ သမိုင်းကြောင်းနဲ့ဆိုင်တဲ့ လျှို့ဝှက်ချက်ကြီးတစ်ခုကို ဖော်ထုတ်ရတော့မှာပါ။

ဇာတ်လမ်းအကျဉ်း
+++++++++

ဂျူဒီနဲ့ နစ်ခ်တို့က မြို့တော်ရဲ့ နာမည်ကြီး "ရာသီဥတုထိန်းနံရံတွေ" (Weather Walls) ကို တီထွင်ခဲ့သူတွေအဖြစ် လူသိများတဲ့ လင့်ခ်စလေ (Lynxley) မိသားစုရဲ့ လျှို့ဝှက်ချက်တစ်ခုကို သိလိုက်ရပါတယ်။ ဒီလျှို့ဝှက်ချက်ဟာ ဇူတိုးပီးရားရဲ့ အပယ်ခံ တွားသွားသတ္တဝါတွေနဲ့ ပတ်သတ်နေတာပါ။ ဒီသမိုင်းမှန်ကို ဖုံးကွယ်ချင်နေတဲ့ လင့်ခ်စလေမိသားစုက လုပ်ကြံလိုက်လို့ ဂျူဒီနဲ့ နစ်ခ်တို့ခမျာ ရဲမှူးဘိုဂိုကို လုပ်ကြံတယ်ဆိုပြီး စွပ်စွဲခံရကာ ဝရမ်းပြေးတွေအဖြစ် ထွက်ပြေးတိမ်းရှောင်နေရပါတော့မယ်။

သူတို့ အပြစ်ကင်းကြောင်း သက်သေပြဖို့နဲ့ တွားသွားသတ္တဝါတွေရဲ့ သိက္ခာကို ပြန်ဆယ်ဖို့အတွက် ဂျူဒီနဲ့ နစ်ခ်တို့ဟာ သူငယ်ချင်းသစ်တွေဖြစ်တဲ့ ဂယ်ရီ (Gary) လို့ခေါ်တဲ့ မြွေတစ်ကောင်ရယ်၊ နစ်ဘယ်လ် (Nibbles) လို့ခေါ်တဲ့ ဘီဗာတစ်ကောင်ရယ်နဲ့ ပူးပေါင်းလိုက်ပြီး ရေခဲမြို့တော် (Tundratown) အောက်မှာ နှစ်ပေါင်းများစွာ မြှုပ်နှံခံထားရတဲ့ တွားသွားသတ္တဝါ ရပ်ကွက်ဟောင်းဆီကို စွန့်စားသွားရောက်ပြီး အထောက်အထားကို ရှာဖွေကြရမှာ ဖြစ်ပါတယ်။

ဇူတိုးပီးရားထုံးစံအတိုင်း မတူတဲ့သူတွေရဲ့ ညီညွှတ်ရေးတွေ၊ သူငယ်ချင်းစိတ်ဓာတ်တွေကို ဟာသတွေနဲ့ရောနှောပြီး ကြည့်ရမှာပါ။

အသံသရုပ်ဆောင်တွေကတော့

Ginnifer Goodwin - Judy Hopps (ဂျူဒီဟော့ပ်) အဖြစ်

Jason Bateman - Nick Wilde (နစ်ခ်ဝိုင်းလ်) အဖြစ်

Ke Huy Quan - Gary (ဂယ်ရီ) - (ဇာတ်ကောင်သစ် မြွေ) အဖြစ်

Fortune Feimster - Nibbles (နစ်ဘယ်လ်) - (ဇာတ်ကောင်သစ် ဘီဗာ) အဖြစ်

Idris Elba - Chief Bogo (ရဲမှူးဘိုဂို) အဖြစ်

Nate Torrence - Clawhauser (ကလောဟောင်ဆာ) အဖြစ်

Maurice LaMarche - Mr. Big (မစ္စတာဘစ်) အဖြစ်

Raymond S. Persi - Flash (ဖလက်ရှ်) အဖြစ် ပါဝင်ထားကြတာပဲ ဖြစ်ပါတယ်။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/329

Da-id (20-25)
++++++++
IMDb Rating (7.5) / Rotten Tomatoes (76%)
ဒီဇာတ်ကားကတော့ ၂၀၂၅ ခုနှစ် ဒီဇင်ဘာလကုန်ပိုင်းကမှ ထွက်ရှိထားတဲ့ David ဆိုတဲ့ ကာတွန်းဇာတ်ကားသစ်လေး ဖြစ်ပါတယ်။
Angel Studios ကနေ ထုတ်လုပ်ထားတာဖြစ်ပြီး၊ သမ္မာကျမ်းစာထဲက လူသိများတဲ့ ဒါဝိဒ် (David) ရဲ့ အကြောင်းကို
အခြေခံပြီး ရိုက်ကူးထားတဲ့ Musical Animated ဇာတ်ကားကောင်း တစ်ကားဖြစ်ပါတယ်။


ဇာတ်လမ်းအကျဉ်း
++++++++++
ဇာတ်လမ်းကတော့ သိုးထိန်းလေး ဒါဝိဒ်အကြောင်းကို အဓိကထား ရိုက်ပြထားတာပါ။

ဒါဝိဒ်က သိုးကျောင်းရင်းနဲ့ သိုးတွေကို ရန်ပြုမယ့် ခြင်္သေ့တွေကိုတောင် ရင်ဆိုင်ရဲတဲ့ သတ္တိခဲလေးပေါ့။
တစ်နေ့ကျတော့ ပရောဟိတ်မြူရယ် ရောက်လာပြီး ဒါဝိဒ်ကို အစ္စရေးရဲ့ ဘုရင်လောင်းအဖြစ်
ဘိသိက်မြှောက်လိုက်ပါတယ်။ ဒါပေမဲ့ ချက်ချင်း ဘုရင်ဖြစ်တာတော့ မဟုတ်သေးပါဘူး။

လက်ရှိဘုရင် ရှောလု (Saul) စိတ်နှလုံး မကြည်မသာဖြစ်နေချိန်မှာ ဒါဝိဒ်က စောင်းသွားတီးပေးရင်း နန်းတော်နဲ့
ရင်းနှီးလာခဲ့တယ်။ နောက်တော့ ဖိလိတ္တိတွေနဲ့ စစ်ဖြစ်တဲ့အခါ နာမည်ကြီး လူဘီလူးကြီး ဂေါလျက် (Goliath) နဲ့
ယှဉ်ပြိုင်တိုက်ခိုက်ဖို့ ဖြစ်လာပါတော့တယ်။

လူကောင်သေးပေမဲ့ ဘုရားသခင်အပေါ် ယုံကြည်သက်ဝင်မှုနဲ့အတူ ဂေါလျက်ကို အနိုင်ယူလိုက်နိုင်ခဲ့ပါတယ်။

ဒါပေမဲ့ ပြဿနာက အဲဒီမှာ မပြီးသွားဘဲ ဘုရင်ရှောလုက ဒါဝိဒ်ကို မနာလိုဖြစ်ပြီး လိုက်သတ်တာတွေ၊
ဒါဝိဒ်က ထွက်ပြေးတိမ်းရှောင်ရတာတွေကိုပါ ဆက်လက်ကြည့်ရှုရမှာ ဖြစ်ပါတယ်။

Musical အမျိုးအစားဆိုတော့ သီချင်းကောင်းကောင်းလေးတွေလည်း နားဆင်ရမှာဖြစ်သလို၊ Animation
အရည်အသွေးကလည်း Disney နဲ့ DreamWorks တို့လို အဆင့်မီမီ ဖန်တီးထားတာဆိုတော့ ရုပ်ထွက်က ရှယ်ပါပဲ။

အက်ရှင်ခန်းတွေ၊ စိတ်လှုပ်ရှားစရာခန်းတွေ ပါဝင်ပေမဲ့ ကလေးလူကြီးမရွေး မိသားစုလိုက် ကြည့်လို့ကောင်းတဲ့
ဇာတ်ကားသန့်သန့်လေး ဖြစ်ပါတယ်။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/332

Miss Ko-ay-as-hi's Dr-go-n Ma-id: A Lo-ne-ly Dr-ag-on Wa-nt-s to be Lo-ve-d
------------------------------------------------------------------------------------------
IMDB - 7.8/10, MyAnimeList - 8.3/10

Kobayashi တစ်ယောက် သူ့အလုပ်လေးသူလုပ်ပြီး နဂါးကမ္ဘာကနေ ရောက်လာတဲ့ နဂါးမလေးတွေဖြစ်တဲ့ Tohru တို့ Kanna တို့ Iruru တို့နဲ့ အေးအေးဆေးဆေး ဘဝကိုဖြတ်သန်းလျက်ရှိပါတယ်။ ထုံးစံအတိုင်း Kanna-chan ကတော့ အမွှေစိန်ပေါ့လေ။ နဂါးဆိုပေမဲ့လည်း နွေးထွေးတဲ့ မိဘမေတ္တာဆိုတာကို ငတ်မွတ်နေသူ ချစ်စရာကောင်မလေးပေါ့။ ဒီလိုနဲ့ တစ်ရက်မှာ နဂါးကမ္ဘာကနေ Kanna ရဲ့အဖေဆိုတဲ့ နဂါးကြီး လူ့ကမ္ဘာကိုရောက်လာပါတယ်။ သူ့စကားအရ Kanna လေးက အရင်တုန်းက အစွမ်းထက်တဲ့ နဂါးပုလဲဆိုတာကို ခွဲမိခဲ့တဲ့အတွက် ဒီလိုမျိုး ပြည်နှင်ဒဏ်ပေးခံထားရတာတဲ့။ ပြီးတော့ သူတို့လည်း တခြားနဂါးမျိုးနွယ်စုလည်း စစ်မက်ဖြစ်ပွားတော့မယ်ဆိုတော့ ဒီနဂါးပုလဲဆိုတာကို ခွဲပြီး အစွမ်းစုပ်ယူထားသလိုဖြစ်နေတဲ့ Kanna ကို နဂါးကမ္ဘာကိုလိုက်ခဲ့ဖို့ စစ်ပွဲထဲမှာ လက်နက်တစ်ခုအဖြစ် အသုံးချခံဖို့ လာခေါ်ပါတော့တယ်။ ဒီမှာပဲ သူငယ်ချင်းတွေနဲ့ ဖအေကြား ဒွိဟတွေဖြစ်နေတဲ့ Kanna လေး ဘယ်လိုဆုံးဖြတ်မလဲ၊ Kobayashi အနေနဲ့လည်း ဒီပြဿနာကို ထိန်းဖို့ ဘာတွေစွန့်စားမလဲ၊ Iruru တစ်ယောက်လည်း ဒီစစ်ပွဲကိစ္စကို စုံစမ်းရင်း နောက်ကွယ်ကကြိုးကိုင်နေတဲ့အရာကို တွေ့သွားပြီး ဒီနဂါးမျိုးနွယ်စု စစ်ပွဲကြီး မဖြစ်ဖို့ အတူတူ ဘယ်လိုစွန့်စားခန်းထွက်ကြမလဲဆိုတာ ကြည့်ရှုရမှာ ဖြစ်ပါတယ်...။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/335

De-ec-ti-ve Co-na-n: One-Ey-ed Fl-as-hb-ac-k
-------------------------------------------------------
IMDB - 6.7/10, MyAnimeList - 7.6/10

Conan ရဲ့ နောက်ဆုံးထွက် ၂၈ ကားမြောက် One-Eyed Flashback ရုပ်ရှင်ပဲ ဖြစ်ပါတယ်။ Detective Conan ဆိုရင် တကူးတက မိတ်ဆက်ပေးစရာမလိုအောင် Crime Mystery Anime Genre ထဲမှာ နာမည်အကြီးဆုံး စုံထောက် Anime တစ်ခုဖြစ်ပါတယ်။ Gosho Aoyama (1963~) ရေးပြီး ၁၉၉၄ ခုနှစ်မှာ စတင်ထုတ်ဝေခဲ့တဲ့ Meitantei Conan (Detective Conan aka Case Closed) Manga ဟာ အခုဒီစာကိုရေးနေတဲ့အချိန်အထိ ဇာတ်မသိမ်းတဲ့အပြင် ဇာတ်ကောင်ဖြစ်သူ ကိုနန်လည်း ကလေးဖြစ်လိုက်၊ လူကြီးဖြစ်လိုက်နဲ့ မှုခင်းမျိုးစုံ၊ ပြဿနာမျိုးစုံ၊ နေရာမျိုးစုံ၊ လူမျိုးစုံ၊ အဖွဲ့မျိုးစုံ အစရှိသဖြင့် ကျင်လည်ကျက်စား၊ ရင်ဆိုင်ဖြေရှင်းရတာက ဇာတ်လမ်းထဲမှာတော့ နှစ်ဝက်လောက်ပဲရှိဦးမယ်ဆိုပေမဲ့ အပြင်မှာတော့ ဒီနှစ် (၂၀၂၄) ထဲဆိုရင် နှစ်ပေါင်း ၃၀ ရှိနေပါပြီ။ Manga အနေနဲ့ ၁၉၉၄ ခုနှစ်မှာစတင်ခဲ့ပြီး လက်ရှိအထိ Chapter ပေါင်း ၁၁၃၆ ခု နဲ့ Volume ပေါင်း ၁၀၆ တွဲ ထွက်ရှိထားပါတယ်။ Anime အနေနဲ့ ၁၉၉၆ ခုနှစ်မှာ စတင်ပြသခဲ့တာက လက်ရှိအထိ စုစုပေါင်း ၁၁၄၅ ပိုင်းထွက်ရှိထားပါတယ်။ Manga Canon Episodes တွေနဲ့ Filler Episodes (TV Original Episodes) တွေပေါင်းထားတဲ့ အပိုင်းပေါင်း ၁၁၄၅ ပိုင်းတွေထဲမှာ ငါးရာကျော်လောက်က Filler Episodes တွေဖြစ်ပါတယ်။ Movie တွေအနေနဲ့ ၁၉၉၇ ခုနှစ်ကနေ တစ်နှစ်တစ်ကားထုတ်လာခဲ့တာက ဒီနှစ်အထိဆိုရင် စုစုပေါင်း ၂၈ ကားရှိနေပါပြီ။
ဇာတ်လမ်းအကျဉ်းကတော့ အင်စပတ်တာ ယာမာတိုရဲ့ မျက်နှာပေါ်က မျက်လုံးဒဏ်ရာကိစ္စကို မိုရီရဲ့ မိတ်ဆွေဟောင်းက ပြန်လှန်လှောပြီး အမှုကို စုံစမ်းရာကနေ ဇာတ်လမ်းတွေ ဖြစ်ပေါ်လာပါတယ်။ ဒီတစ်ခါမှာဆိုရင် နာဂါနိုရဲဌာနတွေတင်မကပဲ Tokyo MPD, CSICE နဲ့ PSB တို့လည်း ကိုနန်နဲ့အတူ ပါဝင်ဖော်ထုတ်သွားကြမှာ ဖြစ်ပါတယ်။ အမှုကတော့ နာဂါနိုရဲ့ အေးစက်တဲ့ဆောင်းတွင်းမှာ ဓားပြတိုက်တဲ့ တရားခံနှစ်ယောက်နဲ့ လိုက်လံဖမ်းဆီးသူတွေ၊ ဒီအမှုဟာ အင်စပတ်တာ ယာမာတိုရဲ့အမာရွတ်ကို ဘယ်လိုဖြစ်ပေါ်လာစေသလဲဆိုတာတွေကို စုံစမ်းထောက်လှမ်းဖော်ထုတ်ဖို့ ဖြစ်လာတဲ့ ပဟေဠိဇာတ်လမ်းလေးပါပဲ။ အတိတ်တုန်းက ဘာတွေဖြစ်ပျက်ခဲ့ပြီး ဘယ်လိုဆက်နွယ်နေမလဲဆိုတာကိုတော့ အဆုံးသတ်ထိ စောင့်စားကြည့်ရှုသွားရမှာပဲ ဖြစ်ပါတယ်။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/338

Th-ee Ki-ng-do-ms: St-ar-li-t He-ro-es

အခုနောက်ပိုင်း တရုတ်ရုပ်ရှင်တွေမှာ အရည်အသွေးကောင်းမွန်လာသလို၊ ကာတွန်းရုပ်ရှင်လောကမှာလည်း တရုတ်နိုင်ငံရဲ့ သမိုင်းအခြေခံ ဇာတ်လမ်းတွေကို
ပိုပြီးအသက်ဝင်အောင် ဖန်တီးလာကြတာကို သတိထားမိကြမှာပါ။ အခုတစ်ခေါက်မှာတော့ တရုတ်နိုင်ငံရဲ့ သမိုင်းမှာ
အထင်ရှားဆုံးဖြစ်တဲ့ သုံးပြည်ထောင်ခေတ် က သူရဲကောင်းတွေရဲ့ အကြောင်းကို ဇာတ်အိမ်တည်ထားတဲ့ "Three Kingdom: Starlit Hero"
ဆိုတဲ့ ကာတွန်းကားကောင်းလေးကို တင်ဆက်ပေးလိုက်ပါတယ်

ဇာတ်လမ်းရဲ့အဓိကဇာတ်ကောင်ကတော့ တုန်းဟန်မင်းဆက်နှောင်းပိုင်းက သမိုင်းတွင် ထင်ရှားလှတဲ့ ချောင်ချောင် (Cao Cao) ပဲ ဖြစ်ပါတယ်
သူဟာ နိုင်ငံ့အရေးကို အလေးထားတဲ့ နိုင်ငံရေးသမား၊ စစ်ရေးပညာရှင်၊ စာပေပညာရှင်၊ ကဗျာဆရာတစ်ဦးဖြစ်ပြီး "ကံကြမ္မာသည် ငါ့အပေါ်၌တည်၏" ဆိုတဲ့
ပြတ်သားတဲ့ယုံကြည်မှုကို ဆွဲကိုင်ထားသူ ဖြစ်ပါတယ်။ ရှုပ်ထွေးပွေလီလှတဲ့ ခေတ်ကြီးထဲမှာ သူ့ရဲ့ ထူးချွန်တဲ့ လက်ရုံးရည်၊ နှလုံးရည်တို့နဲ့ အောင်မြင်မှုကြီးတွေကို
ဘယ်လိုတည်ဆောက်ခဲ့သလဲဆိုတာကို စိတ်ဝင်စားဖွယ် မြင်တွေ့ရမှာပါ။ချောင်ချောင်ဟာ စစ်တပ်ကို အင်အားဖြည့်တင်းဖို့အတွက် လယ်ယာမြေစနစ် ကို
ကျင့်သုံးခဲ့ပါတယ်။ ဒါ့အပြင် မျိုးရိုးဂုဏ်အဆင့်အတန်းကိုကြည့်ပြီး ခန့်အပ်တဲ့ အယူအဆတွေကို ဖယ်ရှားကာ အရည်အချင်းရှိသူကိုသာ ရာထူးပေးတဲ့စနစ်ကို
ဖော်ဆောင်ခဲ့တာကြောင့် သူအုပ်ချုပ်တဲ့ မြောက်ပိုင်းဒေသမှာ စီးပွားရေးကို ပြန်လည်ဦးမော့လာစေပြီး ဖွံ့ဖြိုးတိုးတက်အောင် စွမ်းဆောင်နိုင်ခဲ့ပါတယ်။

သူ့ရဲ့ စစ်ရေးစွမ်းရည်ကို အပြည့်အဝပြသခဲ့တဲ့ သမိုင်းဝင်တိုက်ပွဲကတော့ ကွမ်းတုတိုက်ပွဲ (Battle of Guandu) ပဲ ဖြစ်ပါတယ်။ အင်အားအဆမတန်များပြားတဲ့
ရန်သူကို လူအင်အားနည်းနည်းနဲ့ အပြတ်အသတ်အနိုင်ယူခဲ့တဲ့ ဒီတိုက်ပွဲဟာ တရုတ်သမိုင်းမှာ အကြီးကျယ်ဆုံးနဲ့ ဂန္ထဝင်အဖြစ်ဆုံး တိုက်ပွဲတစ်ခုအဖြစ် မှတ်တမ်းဝင်ခဲ့ပါတယ်
ဒီကာတွန်းကားထဲမှာ ချောင်ချောင်ရဲ့ ဇာတ်လမ်းအပြင်၊ သူ့ရဲ့ပြိုင်ဘက်တွေဖြစ်တဲ့ လျိုပေ့ (Liu Bei) နဲ့ စွန်းချွမ် (Sun Quan) တို့လို သူရဲကောင်းတွေ၊
ဉာဏ်ကြီးရှင် စစ်သူကြီးတွေရဲ့ အားပြိုင်မှုတွေကိုလည်း တွေ့မြင်ရမှာပါ။ သုံးပြည်ထောင်ခေတ်ရဲ့ ပြောလို့မကုန်နိုင်တဲ့ သမိုင်းဇာတ်ကြောင်းတွေ၊
ရှုပ်ထွေးလှတဲ့ နိုင်ငံရေးပရိယာယ်တွေကြားမှာ နာမည်တွင်ကျန်ခဲ့တဲ့ သူရဲကောင်းတွေရဲ့ ဇာတ်လမ်းကို အခုပဲ ဆက်လက်ကြည့်ရှုလိုက်ကြရအောင်နော်

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/341

Dr-ae-mo-n t-h-e Mo-vi-e: No-bi-ta's A-r-t Wo-rl-d Ta-les
-----------------------------------------------------------------
IMDB - 7.3/10, MyAnimeList - 7.6/10

Doraemon တို့ရဲ့ နောက်ဆုံးရုံတင်ကားသစ်လေး ထွက်လာပါပြီ။ Doraemon ကိုတော့ မသိတဲ့လူ ရှိကြမယ်လို့တော့ မထင်မိပါဘူး။ ကျွန်တော်တို့လို ဘိုဘို အီးတီ ကာတွန်းနဲ့ ကြီးပြင်းလာခဲ့ရတဲ့လူတွေဆို ပိုလိုတောင်သိကြမယ်လို့ ယူဆမိပါတယ်။ ထုံးစံအတိုင်း ဒိုရေမွန်က ထူးဆန်းတဲ့ပစ္စည်းတွေနဲ့ နိုဘီတာတို့က ဘယ်လိုမွှေကြဦးမလဲဆိုတာ ဒီကားလေးထဲမှာ ဆက်လက်ရှုစားလိုက်ရအောင်နော်..။ ရိုးရာမပြတ် နိုဘီတာတို့ကလေးတစ်သိုက် ဒိုရေမွန် အသစ်ဖန်တီးပေးထားတဲ့ပစ္စည်းနဲ့ ဆော့ကစားနေကြပြန်ပါပြီ။ ဒီတစ်ခါမှာတော့ ပန်းချီကားတွေထဲကို လူတွေပါလိုက်ဝင်နိုင်စေတဲ့ ဓာတ်မီးလေးဖြစ်ပါတယ်။ အဲဒါဆော့လို့လည်းဝရော သူတို့နောက်ကို ကလယ်ရ်ဆိုတြ့ ထူးဆန်းတဲ့ ကလေးမလေးတစ်ယောက် ဒီဖက်ကမ္ဘာကိုပါလာခဲ့ပါတယ်။ အဲဒါ ကလယ်ရ်ဆိုတဲ့ အလယ်ခေတ်လောက်က ကလေးမလေးကို ပြန်ပို့ကြမယ်ဆိုပြီး သူလာရာပန်းချီကားဖြစ်တဲ့ ထူးဆန်းတဲ့ပျောက်ဆုံးတောအုပ်ထဲ ဝင်ကြရာကနေ အလယ်ခေတ်ကမ္ဘာထဲမှာ နိုဘီတာတို့ ဒိုရေမွန်တို့ ဘယ်လိုမျိုး စွန့်စားခန်းတွေ ထွက်ကြဦးမလဲဆိုတာ စိတ်ဝင်တစား ကြည့်ရှုရမှာပဲ ဖြစ်ပါတယ်...။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/344

Ne Xi-ao-qi-an

“လူသားနဲ့သရဲတစ္ဆေကြားက ချစ်ခြင်းမေတ္တာဟာ ဖြစ်နိုင်ပါ့မလား” … ဒီတစ်ခါမှာတော့ အပြစ်နဲ့အကြင်နာတရားတို့တိုက်ဆိုင်ရာလမ်းခွဲတစ်ခုမှာ
ချစ်မေတ္တာတရားကို ပြန်လည်ရွေးချယ်နိုင်ပါ့မလားဆိုတဲ့ Nie Xiaoqian ရဲ့ ဒဏ္ဍာရီဆန်ဆန် ချစ်ခြင်းမေတ္တာသရဲတစ္ဆေရုပ်ရှင်လေးတစ်ပုဒ်နဲ့ မိတ်ဆက်ပေးပါရစေ

လူသားနဲ့သရဲတစ္ဆေကြားက ချစ်မေတ္တာကိုဖော်ကြူးထားတဲ့ A Chinese Ghost Story ဇာတ်လမ်းက အတော်လေးကိုနာမည်ကြီးလှပါတယ်
1987-1991 အတွင်းမှာ Live Action သုံးကားတိတိထွက်ခဲ့ပါတယ် မြန်မာအမျိုးသားထုကြီးရဲ့အချစ်တော် Liu YiFei ဟာလဲ 2011 မှာ
Remake ပြန်ရိုက်ခဲ့ပါသေးတယ် ကြားထဲမှာလဲ မူကွဲအမျိုးမျိုးနဲ့ ထွက်ခဲ့တဲ့ Web Movies လေးတွေလဲရှိပါတယ် အဲ့လောက်ထိ
နာမည်ကြီးတာပါ ဒီတခါမှာတော့ လှပသေသပ်တဲ့ Animation လက်ရာတွေနဲ့အတူ နောက်ပိုင်း တရုတ် Animation တွေကလဲ
ကမ္ဘာကျော်တဲ့ထိနာမည်ကြီးလာတာဆိုတော့ ဇာတ်လမ်းကောင်းလေးကို ပြန်လည်ခံစားကြည့်ပါဦးစို့

Nie Xiaoqian ဆိုတဲ့အမျိုးသမီးလေးဟာ အသက် ၁၈ နှစ်အရွယ်မှာ ဆုံးပါးသွားပြီး ဘုရားကျောင်းဟောင်းတစ်ခုမှာ သင်္ဂြိုဟ်ခံခဲ့ရပါတယ်
ဒါပေမဲ့လည်း သူမသေဆုံးပြီးနောက်မှာတော့ သူမရဲ့စိတ်ဝိညာဉ်ဟာ မကောင်းဆိုးဝါးတစ်ဦးရဲ့ အမိန့်အောက်မှာ လူသားတွေကိုသတ်ဖြတ်ဖို့
လှည့်လည်ရတဲ့အခြေအနေထဲကို ကျရောက်သွားခဲ့ရပါတယ် နောက်ဇာတ်ကောင်တစ်ဦးအနေနဲ့ Ningsheng ဆိုတဲ့ စာပေပညာရှင်လေးတစ်ယောက်ဟာ
မြို့တော်ကိုသွားပြီး အစိုးရစာမေးပွဲဝင်ရောက်ဖြေဆိုဖို့ ခရီးဝေးထွက်လာခဲ့ပါတယ်

Ningsheng ဆိုတဲ့အမျိုးသားလေးနဲ့ Nie Xiaoqian တို့တွေ့ဆုံချိန်မှာတော့ Nie Xiaoqian က မကောင်းဆိုးဝါးရဲ့အမိန့်အတိုင်း Ningsheng ကို
လှည့်စားဖို့ကြိုးစားပေမဲ့လည်း Ningsheng ရဲ့ သန့်စင်တဲ့စိတ်ဓာတ်တွေ ကိုယ်ကျင့်တရားတွေကြောင့် မအောင်မြင်ခဲ့ပါဘူး
Nie Xiaoqian ရဲ့ထူးခြားချက်က သရဲတစ္ဆေဖြစ်ပေမဲ့ လူသားဆန်တဲ့စိတ်ကို မလွတ်မြောက်နိုင်သေးတာပဲ ဖြစ်ပါတယ်
ဆက်ပြီးတော့ Nie Xiaoqian တစ်ယောက် မကောင်းဆိုးဝါးရဲ့ထိန်းချုပ်မှုကနေ လွတ်မြောက်နိုင်ပါ့မလား သူမအနေနဲ့ လူသားအဖြစ် ပြန်လည်ဝင်စားနိုင်ပါ့မလား

မကောင်းဆိုးဝါးရဲ့အမိန့်အောက်မှာ ရှင်သန်နေရပေမဲ့လည်း အတွင်းစိတ်ကောင်းမွန်တဲ့ သရဲတစ္ဆေမလေးတစ်ယောက်နဲ့ သစ္စာတရားပြည့်ဝတဲ့
စာပေပညာရှင်လူငယ်လေးရဲ့ လူသားနဲ့သရဲတစ္ဆေကြားက မေတ္တာကြိုးမျှင်လေးကရော ခိုင်မြဲပြီးရှေ့ဆက်သွားနိုင်ပါ့မလားဆိုတာ ဒီရုပ်ရှင်လေးထဲစီးမျောကြည့်ရှုလိုက်ရအောင်နော်

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/351

Li-tl-e Aé-li-e o-r t-h-e Ch-ar-ac-te-r o-f Ra-in

နာမည်ကျော်စာရေးဆရာမ Amélie Nothomb ရဲ့ ကိုယ်တိုင်ရေးအတ္ထုပ္ပတ္တိဝတ္ထုကို အခြေခံပြီး ရိုက်ကူးထားတဲ့ ပြင်သစ်-ဘယ်လ်ဂျီယံ အန်နီမေးရှင်း ရုပ်ရှင်ကားကောင်းလေး ဖြစ်ပါတယ်။ဂျပန်နိုင်ငံရဲ့ အလှအပနဲ့ ကလေးငယ်ရဲ့ စိတ်ကူးယဉ်ကမ္ဘာကို ရောင်စုံပန်းချီကားတစ်ချပ်လို ဖန်တီးထားပါတယ်။

ဥရောပသူလေးတစ်ဦး ဂျပန်နိုင်ငံမှာ ကြီးပြင်းလာတဲ့အခါ ယဉ်ကျေးမှုနှစ်ခုကြားက ကွဲပြားနေတဲ့ ဘဝတစ်ခုကိုမြင်တွေ့ရမှာပါဂျပန်နိုင်ငံမှာ မွေးဖွားခဲ့တဲ့ Amélie ဆိုတဲ့ မိန်းကလေးငယ်လေးရဲ့ ဘဝပထမဆုံး သုံးနှစ်တာကာလကို ထူးခြားတဲ့ ရှုထောင့်ကနေ တင်ဆက်ထားတာပါ။ ဇာတ်လမ်းအစမှာ Amélie ဟာ ခံစားချက်၊လှုပ်ရှားမှုမှမရှိဘဲ စားလိုက်၊ အိပ်လိုက်နဲ့ စက်ရုပ်တစ်ရုပ်လို မွေးဖွားလာခဲ့ပါတယ်။

ဒါပေမဲ့ သူမ အသက် ၂ နှစ်အရွယ်မှာ ချောကလက်ရဲ့ အရသာကိုစတင်သိရှိသွားတဲ့အခါမှာတော့ သူမရဲ့ အာရုံငါးပါးဟာ ရုတ်တရက် နိုးထလာပြီး ကမ္ဘာကြီးကို စတင်လေ့လာပါတော့တယ်။ ဂျပန်ယဉ်ကျေးမှုကြားမှာ ကြီးပြင်းလာရတဲ့ သူမရဲ့ ကလေးဘဝ၊ နတ်ဘုရားတစ်ပါးကို ကိုးကွယ်ကြတဲ့ ပတ်ဝန်းကျင်နဲ့ ကလေးငယ်တစ်ယောက်ရဲ့ စိတ်ထဲမှာဖြစ်ပေါ်နေတဲ့ အတွေးအခေါ်အဆန်းတွေကို ချစ်စရာကောင်းတဲ့ အန်နီမေးရှင်းတွေနဲ့
မြင်တွေ့ရမယ့် အန်နီမေးရှင်းကားကောင်းလေးဖြစ်ပါတယ်

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/354

Dr-go-n He-ar-t: Ad-ve-nt-ur-es Be--yo-nd Th-is Wo-rl-d

စိတ်ကူးယဉ်စွန့်စားခန်း Anime ဇာတ်ကားသစ်လေး ထွက်ရှိလာတာကြောင့် Anime ချစ်သူများအတွက် တင်ဆက်ပေးလိုက်ရပါတယ်။ Ryusuke ဆိုတာက တောင်တန်းတွေကို ချစ်မြတ်နိုးတဲ့ တိုကျိုက အထက်တန်းကျောင်းသားလေးတစ်ဦးပါ။ နွေပိတ်ရက်မှာ ဘော်ဒါတွေနဲ့ စခန်းချခရီးထွက်ဖို့ စီစဉ်ထားပေမဲ့ တစ်ယောက်တစ်ပေါက်နဲ့ ခရီးစဉ်ပျက်သွားလို့ ဘူနေတာပေါ့။ အဲဒီမှာတင် သူ့အမေ အကူအညီကြောင့် Tokushima သဘာဝမြို့လေးက အဒေါ်ဖြစ်သူဆီ အလည်သွားဖို့ ဖြစ်လာခဲ့ပါတယ်။ တောတောင်သဘာဝတွေ နတ်ကွန်းတွေ ပေါများလှတဲ့ Tokushima မြို့လေးကို ဝမ်းကွဲ ညီမဖြစ်သူ Tomomi နဲ့ လျှောက်လည်ရင်း နှစ်ယောက်သား မြစ်ရေစီးကြောင်းထဲ မျောပါသွားခဲ့ရာကနေ ထူးဆန်းစွာနဲ့ နဂါးတစ်ကောင်က ကယ်ဆယ်ခြင်းကို ခံလိုက်ရပါတယ်။ နောက်တော့ ထူးခြားဆန်းကျယ်တဲ့ အဘိုးအိုတစ်ဦးဆီ ရောက်သွားပြီး "မင်းတို့နှစ်ယောက်က သေဆုံးသွားခဲ့ပြီ ဒါပေမဲ့ တမလွန်ဘဝကို စူးစမ်းလေ့လာပြီး မင်းတို့ဘဝရဲ့ ရည်ရွယ်ချက်ကို ရှာဖွေတွေ့ရှိမယ်ဆို အသက်ပြန်ရှင်လာနိုင်မယ်" လို့ ပြောဆိုခဲ့တာကြောင့် Ryusuke နဲ့ Tomomi တို့ မောင်နှမနှစ်ယောက် လျှို့ဝှက်ဆန်းကြယ်မှုတွေ ရက်စက်ကြမ်းကြုတ်မှုတွေနဲ့ ပြည့်နှက်နေတဲ့ ဒီသက်ရှိကမ္ဘာအလွန်က တမလွန်ခရီးစဉ်ကို စွန့်စားခန်းထွက်ဖို့ ဖြစ်လာပါတော့တယ်။ သူတို့ဘဝရဲ့ ရည်ရွယ်ချက်တွေကို ရှာဖွေတွေ့ရှိပြီး ဒီဖက်သက်ရှိကမ္ဘာကို ပြန်လာနိုင်မလားဆိုတာတော့ ဖန်သားပြင်ပေါ် ဆက်လက်ရှုစားကြည့်ကြပါဦး..။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/357

P-a-p-a Z-o-a: T-h-e M-v-i-e

IMDb Rating (8.2)
လူကြိုက်များလှတဲ့ မလေးရှားအန်နီမေးရှင်းစီးရီး BoBoiBoy ထဲက အမြဲ ဟာသလုပ်တတ်တဲ့ ဆရာကြီး Papa Zola ကို အဓိကထား ရိုက်ကူးထားတဲ့ Spin-off ရုပ်ရှင်ကားဖြစ်ပါတယ်။ ဒီကားဟာ ၂၀၂၅ ခုနှစ်၊ ဧပြီလ (အဒ်ပွဲတော်ကာလ) မှာ ရုံတင်ပြသခဲ့တာဖြစ်ပြီး မိသားစုနဲ့ကြည့်လို့ရတဲ့ အကောင်းဆုံး အန်နီမေးရှင်းကားတစ်ကားပါ။

Papa Zola ရဲ့ ထုံးစံအတိုင်း ရယ်စရာကောင်းတဲ့ စကားပြောဟန်တွေ၊ အမူအရာတွေက ကလေးတွေတင်မက လူကြီးတွေကိုပါ ရယ်မောစေမှာပါ။ ဒီရုပ်ရှင်မှာတော့ Papa Zola ဟာ BoBoiBoy တို့နဲ့အတူ ဂလက်ဆီထဲမှာ စွန့်စားခန်းဖွင့်နေတာမျိုးမဟုတ်ဘဲ သူ့ရဲ့ သမီးလေး Pipi Zola နဲ့အတူ ကမ္ဘာမြေပေါ်က သူတို့ရဲ့ နေ့စဉ်ဘဝမှာ ကြုံတွေ့ရတဲ့ ပြဿနာတွေကို ဟာသနှောပြီး ရိုက်ပြထားပါတယ်။

ဇာတ်လမ်းရဲ့ အဓိကအချက်ကတော့ Papa Zola ဟာ သူ့ကိုယ်သူ "တရားမျှတမှုရဲ့ သူရဲကောင်း" (Hero of Justice) လို့ အမြဲကြွေးကြော်လေ့ရှိပေမဲ့ တကယ်တမ်းမှာတော့ သမီးဖြစ်သူ ရှေ့မှာ မျက်နှာပန်းလှဖို့နဲ့ ဖခင်ကောင်းတစ်ယောက်ဖြစ်ဖို့ ရုန်းကန်ရပုံတွေကို ချစ်စရာကောင်းအောင် ပုံဖော်ထားတာပါ။

ဒါပေမဲ့ မထင်မှတ်ထားတဲ့ ဗီလိန်အသစ်တစ်ယောက် ပေါ်လာတဲ့အခါမှာတော့ Papa Zola တစ်ယောက် သူ့ရဲ့ "တရားမျှတမှု" စွမ်းအားတွေကို တကယ်ထုတ်သုံးပြီး ကမ္ဘာကြီးနဲ့ သူ့မိသားစုကို ဘယ်လိုကာကွယ်မလဲဆိုတာကို ကြည့်ရှုရမယ့် စူပါဟီးရိုးကာတွန်းရုပ်ရှင်ကောင်းလေးဖြစ်ပါတယ်။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/360

J-u-b-o

IMDb Rating (7.9)
"ခက်ခဲတဲ့စွန့်စားခန်းတွေဆိုတာ သူငယ်ချင်းကောင်းတွေနဲ့ဆိုရင် ပျော်စရာကြီးပါ..."
ပိတ်ရက်မှာ မိသားစုလိုက်ဖြစ်ဖြစ်၊ သူငယ်ချင်းတွေနဲ့ဖြစ်ဖြစ် ပေါ့ပေါ့ပါးပါးနဲ့ ရယ်မောပျော်ရွှင်ချင်သူတွေအတွက်
Animation Fantasy/Adventure ကားကောင်းလေး "Jumbo" နဲ့ မိတ်ဆက်ပေးပါရစေ။

ဒီကားလေးက Rotten Tomatoes မှာ 10/10 ထိပေးချင်စရာကောင်းလောက်အောင်
Drama, Comedy နဲ့ Adventure ကို အချိုးကျကျ ပေါင်းစပ်ထားတယ်လို့ Review တွေ
ရထားသလို၊ IMDb မှာလည်း 7.9/10 အထိ ရရှိထားတဲ့ Rating အလွင့် ကားကောင်းလေးပါ။

ဇာတ်လမ်းအကြောင်းအရာလေးကတော့ ရပ်ကွက်ထဲက ကလေးတစ်သိုက်ရဲ့ အလွဲလွဲအချော်ချော်
စွန့်စားခန်းတွေကို ချစ်စရာကောင်းအောင် ပုံဖော်ထားတာပါ။

ဂျမ်ဘိုဆိုတဲ့ကောင်လေးဟာ ဖက်တီးလေးမို့ အရာရာနှေးကွေးနေတဲ့အတွက် ရွယ်တူတွေကြားမှာ
အပယ်ခံဖြစ်နေတာပေါ့။ ဒီလိုနဲ့တစ်နေ့မှာ ဂျမ်ဘိုတစ်ယောက် သူ့ကိုယ်သူသက်သေပြဖို့
စွမ်းရည်ပြိုင်ပွဲ ဝင်ပြိုင်ဖို့လုပ်ရင်း မယ်ရီဆိုတဲ့ သရဲမလေးနဲ့ဆုံတဲ့အခါ.....

သာမန်ကလေးတွေရဲ့ ကစားခုန်စားဘဝကနေ မထင်မှတ်ထားတဲ့ မှော်ဆန်ဆန် အဖြစ်အပျက်တွေ၊
လျှို့ဝှက်ဆန်းကြယ်တဲ့ အရာတွေနဲ့ ကြုံတွေ့လာရတဲ့အခါ သူတို့သူငယ်ချင်းတစ်သိုက် ဘယ်လိုတွေ
ဆက်လက်ရင်ဆိုင်ကြမလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုရမှာဖြစ်ပါတယ်။

ကလေးတွေရဲ့ ဖြူစင်တဲ့ သူငယ်ချင်းသံယောဇဉ်၊ ရယ်မောစရာ အလွဲအချော်လေးတွေနဲ့အတူ
မျက်စိပသာဒဖြစ်စရာ Animation အလန်းစားတွေကို 1 နာရီ 42 မိနစ်စာ အပြည့်အဝ ခံစားရမှာပါ။

Animation ကားကြိုက်သူတွေ၊ အထူးသဖြင့် Feel-good Vibe လေးနဲ့ စွန့်စားခန်းကားလေးတွေကို
သဘောကျသူတွေအတွက် လုံးဝ လက်မလွှတ်သင့်တဲ့ ကားလေးဖြစ်လို့ အခုပဲ ပြေးကြည့်လိုက်ကြပါတော့ဗျာ။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/363

M-i-r-c-u-l-o-u-s W-o-r-l-d: T-o-k-y-o, S-t-e-l-a-r F-o-r-c-e
IMDb - 7/10

စီးရီးအနေနဲ့ထွက်ရှိခဲ့တဲ့ Miraculousကာတွန်းဇာတ်လမ်းတွဲရဲ့ အထူးအပိုင်းအနေနဲ့ထွက်ရှိလာတဲ့ ရုပ်ရှင်လေးကို တင်ဆက်ပေးလိုက်ပါတယ်။
ကိုင်ဂျူးဆိုတာ ဂျပန်ရိုးရာပုံပြင်တွေထဲက ဂေါ်ဇီလာလို သတ္တဝါဆန်းကြီးတွေပေါ့။တိုကျိုမြို့သူမြို့သားတွေကို ကိုင်ဂျူးတွေအဖြစ် ပြောင်းပစ်နေတဲ့
လူဆိုးကြီးကို တားဆီးဖို့အတွက် ပါရီမှာ စူပါဟီးရိုးလုပ်နေတဲ့ လေဒီဘတ်တို့ ဘော်ဒါနှစ်ယောက်တိုကျိုမြို့ဆီကိုလာခဲ့ကြတာပေါ့။တိုကျိုမှာ ရှိနှင့်နေပြီးသား စူပါဟီးရိုးအဖွဲ့နဲ့ပေါင်းပြီး သူတို့နှစ်ယောက်လူတွေကို ကိုင်ဂျူးတွေအဖြစ်ပြောင်းနေတဲ့ လူဆိုးကြီးကို ဘယ်လိုနှိမ်နှင်းမလဲဆိုတာ...။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/366

G-O-T

IMDb Rating (6.9) / Rotten Tomatoes (84%)
GOAT (2026) ကတော့ Spider-Verse ကားတွေကို ဖန်တီးခဲ့တဲ့ Sony Pictures Animation ကနေ အသစ်ထွက်ထားတဲ့ animation ကားသစ်လေးပါ။
ဒီကားလေးက ဝေးလ် (Will) လို့ခေါ်တဲ့ ဆိတ်ကလေးတစ်ကောင်အကြောင်းကို ရိုက်ကူးထားတာပါ။ ဒီဆိတ်လေးက 'Roarball' လို့ခေါ်တဲ့
အကြမ်းပတမ်းဆော့ရတဲ့ ဘတ်စကတ်ဘောနဲ့ ရပ်ဘီ ပေါင်းထားသလို ကစားနည်းမျိုးမှာ ပရိုကစားသမားတစ်ယောက်ဖြစ်ချင်နေတာပေါ့။

ပြဿနာက Roarball ဆိုတာ ကြံ့တွေ၊ ဂေါ်ရီလာတွေ၊ ကျားသစ်တွေလို အကောင်ကြီးတွေပဲ ဆော့နိုင်တဲ့ အကြမ်းစားအားကစားဖြစ်နေတာပဲ။

ဇာတ်လမ်းကတော့ အကောင်သေးသေးလေးကနေ မဖြစ်နိုင်တာကို ဖြစ်အောင် ကြိုးစားပြသွားမယ့် Underdog ဇာတ်လမ်းမျိုးပါပဲ။
ဝေးလ်က သူ့ရဲ့အိုင်ဒေါဖြစ်တဲ့ ကျားသစ်မကြီး ဂျက် (Jett) ရှိတဲ့ Thorns အသင်းမှာ ဝင်ကစားခွင့်ရသွားတဲ့အခါ ဘာတွေဆက်ဖြစ်မလဲ၊

အသင်းကလူတွေကရော ဆိတ်ဆိုပြီး နှိမ်ထားတဲ့ကြားက သူဘယ်လိုသက်သေပြမလဲဆိုတာကို ရယ်စရာမောစရာလေးတွေနဲ့ ကြည့်ရမှာပါ။
ဒီကားကို NBA က နာမည်ကြီးကစားသမား စတီဖန် ကယ်ရီ (Stephen Curry) ကိုယ်တိုင် ပရိုဂျူဆာလုပ်ပေးထားပြီး သူ့အသံလည်း ပါသေးတယ်။

အဓိကဇာတ်ကောင် ဝေးလ် နေရာမှာ Stranger Things ထဲက Caleb McLaughlin က အသံထည့်ပေးထားပြီး၊ ဂျက် နေရာမှာတော့
Gabrielle Union က ပါဝင်ထားပါတယ်။

Animation အပိုင်းကတော့ Spider-Verse တွေလိုပဲ street art graffiti ပုံစံလေးတွေနဲ့ တော်တော်မိုက်ပါတယ်။ မိသားစုလိုက်
ပေါ့ပေါ့ပါးပါး ကြည့်လို့ကောင်းမယ့် ကားလေးတစ်ကားမို့လို့ ဘတ်စကတ်ဘောဝါသနာပါတဲ့သူတွေရော၊ Animation ကားကြိုက်တဲ့သူတွေပါ
သဘောကျမှာ သေချာပါတယ်။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/368

L-u-i-n t-h-e III-r-d: T-h-e M-o-v-i-e - T-h-e I-m-o-r-t-a-l B-l-o-o-d-l-n-e

IMDB - 6.3/10, MyAnimeList - 6.8/10
Lupin III ဆိုတာက Japan Anime လောကမှာ ဆယ်စုနှစ် ၅ ခုလောက်ကြာအောင် နာမည်ကြီးနေတဲ့ ဇာတ်ကောင်တစ်ကောင်ပဲ ဖြစ်ပါတယ်။ သူကတော့ ပြင်သစ်နာမည်ကြီး သူခိုး Arsène Lupin ရဲ့ မြေးဖြစ်သူဖြစ်ပြီး ကမ္ဘာ့အတော်ဆုံး သူခိုးဇာတ်ကောင်တစ်ကောင်ပါ။ သူ့မှာ တရားဝင်အဖွဲ့ဝင်မဟုတ်ပေမဲ့လည်း အမြဲတမ်း ဇာတ်ပို့တွေအဖြစ် ပါနေကြ စနိုက်ပါသမား Daisuke Jigen တို့ ဆာမူရိုင်း အကြမ်းစား Goemon Ishikawa တို့ နောက်ပြီး ကျီစားလိုက် ကူညီလိုက် ဒုက္ခပေးလိုက်လုပ်နေကြ ဆက်ဆီမ Fujiko Mine တို့အပြင် နောက်ကနေ အမြဲလိုက်ဖမ်းနေကြ စုံထောက်ကြီး Zenigata တို့လည်း ဆက်လက်ပါဝင်ကြဦးမှာပါ။ ဒီ Lupin ရုပ်ရှင်အသစ်လေးကတော့ နောက်ဆုံးထွက်ရှိထားတာဖြစ်ပြီး ဒီဇာတ်လမ်းမှာတော့ သူတို့အားလုံးနောက်ကို လိုက်လံသတ်ဖြတ်နေကြတဲ့ လုပ်ကြံသူတွေကို စေလွှတ်နေတဲ့ နောက်ကွယ်က လက်မည်းကြီးကို Lupin တစ်ယောက် သိရှိလို့သွားပါပြီ။ အဲဒါကြောင့် အပေါင်းအပါတွေနဲ့အတူတူ ဘာမြူဒါပင်လယ်ထဲက မြေပုံပေါ်မှာတောင်မရှိပဲ ထူးဆန်းတဲ့ကျွန်းပေါ်မှာရှိတဲ့ ကြိုးကိုင်သူကို အပြီးတိုင် ချေမှုန်းဖို့ ထွက်လာခဲ့ပါတယ်။ ဒါပေမဲ့ ကျွန်းနားစကပ်ကတည်းက လျှို့ဝှက်ဆန်းကြယ် လုပ်ကြံသူတွေကြောင့် လေယာဉ်လည်းပျက်ကျ လူတွေလည်းကွဲပြီး ကျွန်းပေါ်က ထူးဆန်းတဲ့အရာတွေနဲ့ တွေ့ရှိကာ ဆက်ပြီး အသက်ရှင်နိုင်မှာလား နောက်ကကြိုးကိုင်နေသူက ဘယ်သူလဲ ဘာကြောင့် ဒီလိုတွေ ဖြစ်နေရတာလဲ စသဖြင့် စိတ်ဝင်စားစရာတွေနဲ့ ဇာတ်လမ်းတည်ထားတာပဲ ဖြစ်ပါတယ်။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/371

S-c-a-l-e-t
--------------------------------------------
IMDB - 6.3/10, MyAnimeList - 6.3/10

၂၀၂၅ ခုနှစ် ရုံတင် Anime ရုပ်ရှင်တွေထဲက ဇာတ်လမ်းကောင်းလေးတစ်ကား ထွက်ရှိလို့လာခဲ့ပါပြီ။ ဒီကားကို ရိုက်ကူးပေးခဲ့တဲ့ ဒါရိုက်တာ Mamoru Hosoda ဆိုတာက Mirai တို့ Wolf Children တို့ The Girl Who Leapt Through Time တို့ Summer Wars တို့လို Anime ဇာတ်ကားကောင်းတွေကို ရိုက်ကူးခဲ့သူပါပဲ။ ဒီရုပ်ရှင်လေးထဲမှာတော့ 2D 3D ပေါင်းစပ်ရိုက်ကူးထားပြီး Visual အလှတရားတွေရယ် Soundtrack အမိုက်တွေ သီချင်းအကောင်းတွေ ခံစားနိုင်ဦးမှာပါ။
ဇာတ်လမ်းလေးကတော့…. ၁၆ ရာစုနှောင်းပိုင်း ဒိန်းမတ်နိုင်ငံမှာ အများပြည်သူက ချစ်ခင်လေးစား ကြည်ညိုပြီး စစ်မက်ဖြစ်ပွါးတာကို မလိုလားတဲ့ ဘုရင်တစ်ပါး အုပ်ချုပ်နေပါတယ်။ ဒါပေမဲ့ သူနဲ့ အယူဝါဒချင်း မတူညီ စိတ်သဘောထားချင်း မတူညီတဲ့ ညီတော်ဖြစ်သူက မနာလိုဝန်တိုပြီး တိုင်းပြည်ရော မိဖုရားကိုရော သိမ်းပိုက်ပြီး အစ်ကိုတော်ကို ကွပ်မျက်လိုက်ပါတယ်။ ဖခင်ဖြစ်သူ အသတ်ခံရတာကို မြင်လိုက်ရတဲ့ Scarlet တစ်ယောက် သူ့ဦးရီးတော်ကို လက်စားချေဖို့ ဘဝတလျှောက်လုံး ဓားပညာတွေခိုးသင်ပြီး အသက်အရွယ်ရလာချိန် လက်စားချေတဲ့အခါမှာတော့ ထင်သလိုဖြစ်မလာပဲ သူပဲ သေဆုံးသွားခဲ့ရပါတယ်။ ဒါပေမဲ့လည်း ပြန်နိုးထလာတဲ့အခါမှာတော့ Scarlet တစ်ယောက် သေခြင်းနဲ့ရှင်ခြင်း အတူတူဖြစ်တည်နေတဲ့ ထူးဆန်းတဲ့ဘုံကမ္ဘာတစ်ခုကို ရောက်နေပါတော့တယ်။ ဒီနေရာမှာပဲ ၂၁ ရာစု ဂျပန်ပြည်က ဆေးအကူဝန်ထမ်းကောင်လေး Hijiri နဲ့ တွေ့ဆုံပြီး တစ်ဖက်က အာဃာတတွေနဲ့ ပူလောင်နေတဲ့ Scarlet နဲ့ ဆန့်ကျင်ဖက်ဖြစ်သူ Hijiri တို့ ဒီကမ္ဘာကြီးထဲမှာ ဘယ်လိုတွေ စွန့်စားပြီး ဘာတွေကြုံဆုံကြမလဲဆိုတာကို စိတ်ဝင်စားဖွယ် ကြည့်သွားရမယ့်အပြင် Scarlet တစ်ယောက် အောင်မြင်စွာ လက်စားချေနိုင်သွားမလား၊ Hijiri နဲ့ရော ဘာဇာတ်လမ်းလေးတွေ ဖြစ်ပေါ်လာမလဲ၊ ဒီကမ္ဘာထဲကနေ ပြန်လည်လွတ်မြောက်နိုင်ပါ့မလားဆိုတာကတော့...............။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/374

P-i-n-e-o-n-e

၂၀၂၆ ခုနှစ်မှာ ထွက်ထားတဲ့ “Pinecone” ရုပ်ရှင်ကားက တကယ့်ကို နွေးထွေးတဲ့ မိသားစုကြည့် Animation (ကာတွန်း) ရုပ်ရှင်လေးပါ။
ဇာတ်လမ်းက ၁၉ ရာစု အိုင်ယာလန်နိုင်ငံရဲ့ လှပတဲ့ သဘာဝအလှတရားတွေကို နောက်ခံထားပြီး ရိုက်ကူးထားတာဖြစ်ပါတယ်။

ဇာတ်လမ်းရဲ့ အဓိက ဇာတ်ကောင်ကတော့ “Pinecone” လို့ အမည်ရတဲ့ ဇာတ်ကောင်လေးပေါ့။ သူက ဘဝမှာ ကြုံတွေ့ရတဲ့ အခက်အခဲတွေနဲ့
ကိုယ့်ကိုယ်ကိုယ် ကြောက်ရွံ့နေတဲ့ စိတ်တွေကို ဘယ်လိုမျိုး ရဲရဲဝံ့ဝံ့ ရင်ဆိုင်ကျော်ဖြတ်မလဲဆိုတာကို ဒီကားထဲမှာ ပုံဖော်ထားပါတယ်။
လူတစ်ယောက် ဒါမှမဟုတ် သတ္တဝါတစ်ကောင်ကို အပြင်ပန်းပုံစံကြည့်ပြီး အထင်မသေးဖို့၊ သူတို့ရဲ့ စိတ်ရင်းကို ကြည့်တတ်ဖို့
သင်ခန်းစာပေးထားပါတယ်။

ကိုယ်နဲ့မတူတဲ့သူတွေကိုလည်း ချစ်ချစ်ခင်ခင်နဲ့ ဘယ်လိုပေါင်းသင်းရမလဲဆိုတာကို ပြထားပါတယ်။
ကိုယ်ကြောက်နေတဲ့ အရာတွေက တကယ်တော့ ကိုယ့်အတွက် တကယ့်ကို လိုအပ်နေတဲ့ အရာတွေ ဖြစ်နေနိုင်တယ်ဆိုတဲ့ Message လေးကို
ပေးချင်တာပါ။

ဒီကားကို Ashley Hays Wright က ရိုက်ကူးထားတာဖြစ်ပြီး သူ့ရဲ့ မိသားစုဝင်တွေလည်း အသံသရုပ်ဆောင်အဖြစ် ပါဝင်ထားကြပါတယ်။
ရုပ်ရှင်က အရမ်းမရှည်တဲ့အတွက် ကလေးတွေနဲ့အတူ အေးအေးဆေးဆေး ကြည့်လို့ကောင်းတဲ့ ကားတိုလေးပါ။

ဇာတ်လမ်းက အရမ်းကြီး ရှုပ်ရှုပ်ထွေးထွေး မဟုတ်ဘဲ ရိုးရိုးရှင်းရှင်းနဲ့ စိတ်ဓာတ်ခွန်အားရစေမယ့် (Heartfelt) ပုံစံမျိုးပါ။
ခြုံပြောရရင်တော့ “Pinecone” က ကလေးရော လူကြီးရော ကြည့်လို့ရတဲ့၊ ကြည့်ပြီးရင် စိတ်ထဲမှာ နွေးထွေးမှုလေး ကျန်ခဲ့မယ့်
ရုပ်ရှင်လေးပဲ ဖြစ်ပါတယ်။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/380

T-h-e S-u-p-e-r M-a-i-o G-a-a-x-y M-v-i-e

၂၀၂၃ တုန်းက ပရိသတ်တွေကြား အရမ်းရေပန်းစားခဲ့တဲ့ The Super Mario Bros. Movie ရဲ့ အဆက်အနေနဲ့ ဒီနှစ် ၂၀၂၆ ဧပြီလမှာ "The Super Mario Galaxy Movie" ဆိုပြီး ထွက်ရှိလာပါပြီ။ ဒီတစ်ခေါက်မှာတော့ ကမ္ဘာမြေပေါ်မှာတင် မဟုတ်တော့ဘဲ အာကာသထဲအထိ သွားပြီး စွန့်စားကြမယ့် ပုံစံလေးပါ။ ဝေဖန်ရေးဆရာတွေက သိပ်သဘောမကျပေမဲ့ ပရိသတ်တွေကတော့ အရမ်းကြိုက်ကြလို့ ရုံတင်ပြီး သိပ်မကြာခင်မှာပဲ ဝင်ငွေ ဒေါ်လာ ၄၆၃ သန်းကျော်အထိ ရရှိထားပြီး အောင်မြင်နေတဲ့ ကားလေးပါ။

ဇာတ်လမ်းအကျဉ်း အရင်ကားမှာ Mario တို့ နှိမ်နင်းလိုက်လို့ သေးသေးလေးဖြစ်သွားတဲ့ Bowser ကို ကယ်ဖို့ သူ့ရဲ့သား Bowser Jr. က ကြံစည်ရာကနေ စတာပါ။ Bowser Jr. က အာကာသထဲက ကြယ်လေးတွေရဲ့ မိခင် မင်းသမီး Rosalina ကို ဖမ်းသွားပါတယ်။ ဒီတော့ Rosalina ကို ဖမ်းသွားတဲ့ ပြန်ပေးသမား Bowser Jr. ကို တားဆီးဖို့နဲ့ အာကာသကြီးကို ကယ်တင်ဖို့ Mario, Luigi, Princess Peach, Toad နဲ့ အသစ်ပါလာတဲ့ ဒိုင်နိုဆောလေး Yoshi တို့ အာကာသထဲကို သွားပြီး စွန့်စားကြရတဲ့ အကြောင်းလေးပါ။

ပါဝင်တဲ့ ဇာတ်ကောင်တွေအရင်ကားက Mario (Chris Pratt), Luigi (Charlie Day), Peach (Anya Taylor-Joy) နဲ့ Bowser (Jack Black) တို့ ပြန်ပါလာတဲ့အပြင် အသစ်အနေနဲ့ Bowser Jr. (Benny Safdie) နဲ့ မင်းသမီး Rosalina (Brie Larson) တို့ ထပ်တိုးပါဝင်လာပါတယ်။ ဒါ့အပြင် Star Fox ဂိမ်းထဲက Fox McCloud အဖြစ် Glen Powell လည်း ဧည့်သည်သရုပ်ဆောင်အနေနဲ့ ပါဝင်လာလို့ ဂိမ်းပရိသတ်တွေအတွက်တော့ တကယ့်ကို အကြိုက်တွေ့စေမှာပါ။ ဇာတ်လမ်းက အရမ်းကြီး လေးလေးနက်နက် တွေးနေစရာမလိုဘဲ ပေါ့ပေါ့ပါးပါးနဲ့ ရယ်ရယ်မောမော ကြည့်လို့ကောင်းတဲ့ ကားမျိုးပါ။ ဂိမ်းထဲက ကမ္ဘာတွေကို အပြင်မှာ မြင်ရသလိုမျိုး ဖန်တီးထားတာတွေ၊ ဇာတ်ကောင် အသစ်တွေနဲ့ အက်ရှင်အခန်းတွေကလည်း ပိုမိုက်လာပါတယ်။ ကြည့်လိုက်ကြပါဦး။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/383

D-r-e-a-m A-n-i-a-l-s: T-H-E M-V-I-E
*********************************
သင်္ကြန်ပိတ်ရက်မှာ အနားယူရင်း ကာတွန်းအသစ်လေး ကြည့်လို့ရအောင် တင်ဆက်ပေးလိုက်ပါတယ်။

ဒီဇာတ်ကားလေးကတော့ ဂျပန်နိုင်ငံရဲ့ နာမည်ကျော် မုန့်အမှတ်တံဆိပ်ဖြစ်တဲ့ Tabekko Doubutsu (တိရစ္ဆာန်ရုပ်ပုံစံ ဘီစကစ်မုန့်)ကို အခြေခံပြီး ဖန်တီးတင်ဆက်ထားတဲ့ အန်နီမေးရှင်းရုပ်ရှင်ကားကြီးဖြစ်ပါတယ်။

ဒါရိုက်တာ Hitoshi Takekiyo ဖန်တီးထားတာဖြစ်ပြီး ချစ်စဖွယ် ဘီစကစ်တိရစ္ဆာန်ဇာတ်ကောင်များစွာရဲ့ မုန့်ကမ္ဘာစွန့်စားခန်းကို ရှုစားကြရမှာပါ။

ဇာတ်လမ်းအကျဉ်း
***************
လိုင်းယွန်း၊ ဆာရု၊ ပယ်ဂါဆပ်စ်၊ ဝါနီ၊ အုဆဂိ၊ ခါဘ၊ ဟိရိုကို၊ ဇိုးတို့ဟာ မုန့်ကမ္ဘာက အံ့ဖွယ်ဖြစ်ရပ်နဲ့အတူ နာမည်ကြီးလာတဲ့ Dream Animals အဖွဲ့က ဘီစကစ်အိုင်ဒေါလေးတွေ ဖြစ်ကြပါတယ်။

Dream Animals အဖွဲ့ဟာ ကမ္ဘာအနှံ့ တစ်နှစ်ပတ်လုံး လှည့်လည်ဖျော်ဖြေနေရပြီး သူတို့ဇာတိ မုန့်ကမ္ဘာကို တစ်နှစ်အကြာမှာ လေယာဉ်နဲ့ ပြန်လာခဲ့ကြပါတယ်။

လိုင်းယွန်းဟာ တောဘုရင်ဆိုတဲ့ အဓိပ္ပာယ်နဲ့ Dream Animals ရဲ့ခေါင်းဆောင်ပါ၊ ဒါပေမဲ့ လိုင်းယွန်းကို မကျေမနပ်နဲ့ အားမရနေသူရှိနေပြီး သူကတော့ ပယ်ဂါဆပ်စ်ဖြစ်ပါတယ်။

သူတို့တွေ ခေါင်းဆောင်နေရာအတွက် စကားများနေကြချိန် သူတို့လေယာဉ်ကို အာတာပူစီတွေ လာကပ်လာတဲ့အတွက် ဆက်လက် မပျံသန်းနိုင်တော့ဘဲ ကြုံရာနေရာမှာပဲ အရေးပေါ် ဆင်းသက်လိုက်ရပါတော့တယ်။

Dream Animals အိုင်ဒေါလေးတွေရဲ့ မျှော်လင့်ချက်အပြည့်နဲ့ အိမ်ပြန်ခရီးလမ်းမှာ ဘယ်လိုစွန့်စားခန်းတွေ ကြုံရမလဲဆိုတာ ရှုစားလိုက်ကြရအောင်ပါ...

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/386

T-h-e L-e-g-e-n-d o-f A-n-g: T-h-e L-a-s-t A-i-r-b-n-d-e-r

Avatar ပရိသတ်တွေ အကြာကြီး စောင့်မျှော်နေခဲ့ရတဲ့ ရုပ်ရှင်အသစ်ကြီး တင်ပေးထားပါတယ်။ ဒီကားက အရင်နာမည်ကြီး Animation စီးရီးရဲ့ တိုက်ရိုက်အဆက်ဖြစ်ပြီး Aang တို့ သူငယ်ချင်းတစ်စု (Team Avatar) လူကြီးအရွယ် ရောက်သွားတဲ့အချိန်ကို အဓိကထား ရိုက်ကူးထားတာပါ။

အရင်လို ဆယ်ကျော်သက်လေးတွေ မဟုတ်တော့ဘဲ လူကြီးတွေအနေနဲ့ ဘယ်လို ရင့်ကျက်လာကြလဲဆိုတာကို မြင်ရမှာပါ။

ဇာတ်လမ်းအကျဉ်း

ကမ္ဘာပေါ်မှာ နောက်ဆုံးကျန်ရစ်တဲ့ Airbender ဖြစ်တဲ့ Aang တစ်ယောက် သူ့ရဲ့ လေစွမ်းအင်သုံး ယဉ်ကျေးမှုကြီး လုံးဝပျောက်ကွယ်မသွားအောင် ကယ်တင်ပေးနိုင်မယ့် ရှေးဟောင်းစွမ်းအားတစ်ခုအကြောင်းကို သိသွားတာကနေ စထားပါတယ်။

သူတို့ အနစ်နာခံပြီး တည်ဆောက်ထားတဲ့ ငြိမ်းချမ်းရေးကြီး မပျက်စီးသွားဖို့ရယ်၊ အဲဒီစွမ်းအားတွေ မသမာသူတွေလက်ထဲ မရောက်သွားဖို့ရယ်အတွက် Aang နဲ့ သူ့သူငယ်ချင်းတွေ ကမ္ဘာအနှံ့ ခရီးထွက်ပြီး စွန့်စားခန်းဖွင့်ကြမယ့် အကြောင်းကို ကြည့်ရမှာပါ။

စိတ်ဝင်စားစရာ အချက်များရုပ်ထွက်နဲ့ Animation: ဒီကားကို 2D Animation အဟောင်းစတိုင်ကိုမှ CG အလန်းစားတွေနဲ့ ပေါင်းစပ်ပြီး ဖန်တီးထားတာပါ။ နာမည်ကြီး Studio Mir နဲ့ Flying Bark တို့က တာဝန်ယူထားတာဆိုတော့ ရိုက်ချက်တွေနဲ့ တိုက်ခိုက်ရေးခန်းတွေကတော့ တော်တော်လေးကို မိုက်နေမှာ သေချာပါတယ်။

အသံသရုပ်ဆောင်များ: အရွယ်ရောက်လာတဲ့ Aang ရဲ့ အသံနေရာမှာ Eric Nam က သရုပ်ဆောင်ထားပြီး ဗီလိန်နေရာမှာတော့ Dave Bautista တို့လို နာမည်ကြီးတွေ ပါဝင်ထားပါတယ်။ ငယ်ငယ်ကတည်းက ရင်းနှီးခဲ့တဲ့ Aang, Katara, Sokka, Zuko နဲ့ Toph တို့ လူကြီးတွေဖြစ်လာတဲ့အခါ ဘယ်လိုပုံစံတွေ၊ ဘယ်လို အစွမ်းအစတွေနဲ့ အမိုက်စား ပြန်လာမလဲဆိုတာ တကယ်ကို ရင်ခုန်စရာပါပဲ။

Avatar ပရိသတ်တွေရော၊ Animation ကောင်းကောင်း ကြည့်ချင်တဲ့သူတွေပါ ဒီနှစ်ကုန်ပိုင်းမှာ မဖြစ်မနေ စောင့်ကြည့်သင့်တဲ့ ကားတစ်ကားပါပဲ။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/390

C-h-a-r-l-i t-h-e W-o-n-d-e-d-o-g

ဒီကားလေးကတော့ ကလေးတွေရော လူကြီးတွေပါ ပေါ့ပေါ့ပါးပါး အပန်းဖြေကြည့်ရှုလို့ကောင်းမယ့် Animation ကားလေးပါ။
ဒါရိုက်တာ: Shea Wageman ရိုက်ကူးထားပြီး အသံသရုပ်ဆောင်တွေအဖြစ် နာမည်ကြီး မင်းသား Owen Wilson အပြင်
Anthony Bolognese နဲ့ Mela Pietropaolo တို့က အဓိက ပါဝင်ထားပါတယ်။

ဇာတ်လမ်းလေးက
ချာလီ (Charlie) လို့ခေါ်တဲ့ ခွေးလေးတစ်ကောင်ကနေ စထားပါတယ်။ တစ်နေ့ကျတော့ ချာလီ့ကို ဂြိုဟ်သားတွေက ပြန်ပေးဆွဲသွားပါတယ်။

အဲဒီကနေစပြီး ချာလီလေးဆီမှာ ထူးခြားတဲ့ စူပါပါဝါ (superpowers) တွေ ရလာပါတော့တယ်။ အဲဒီနောက်မှာတော့ လူသားတွေကို
ဒုက္ခပေးဖို့ ကြံစည်နေတဲ့ ကြောင်ဆိုးကြီးကို တိုက်ခိုက်နှိမ်နင်းရပါတော့တယ်။ ဒီလိုနဲ့ ချာလီလေးဟာ နာမည်ကြီး စူပါဟီးရိုး
ခွေးလေးတစ်ကောင် ဖြစ်လာတာကို ချစ်စရာကောင်းအောင် တင်ဆက်ပေးထားတာပါ။

ဒီကားမှာ အထူးခြားဆုံးကတော့ အဓိက ဇာတ်ကောင် ချာလီရဲ့ အသံကို ဟောလိဝုဒ် မင်းသား Owen Wilson က အသက်ဝင်အောင်
သရုပ်ဆောင်ပေးထားတာပါ။

စူပါဟီးရိုး ခွေးလေးနဲ့ သူ့သခင်လေးကြားက သံယောဇဉ်တွေ၊ ကြောင်ဆိုးကြီးနဲ့ တိုက်ခိုက်ရတဲ့ အခန်းတွေကို ရယ်စရာရော
စိတ်လှုပ်ရှားစရာရော အချိုးကျကျလေး ထည့်သွင်းပေးထားပါတယ်။
ဦးနှောက်စားစရာမလိုဘဲ ရိုးရိုးရှင်းရှင်းနဲ့ ချစ်စရာကောင်းတဲ့ ဇာတ်လမ်းလေးကို ကြည့်ချင်တယ်ဆိုရင်တော့ ဒီကားလေးက
ရွေးချယ်ကြည့်ရှုဖို့ အကောင်းဆုံးပါပဲ။

Group ကို Join ပါ
https://t.me/+JBqchaGomKY5YzI1

Movie https://t.me/c/2491450999/393