• فعنجد اذا منفكر منيح بالموضوع منشوف انو ما في شي بيستاهل نهمل هالجانب بحياتنا،

وإنو واللهِ لو إنو حياتنا ماشية تمام بهالجانب فحياتنا رح تترتب شوي شوي ونلاقي التوفيق بأيامنا..

_
وكمان أهم أهم شي وقبل أي شي
نسأل الله الثبات كل يوم..
لأنو لو ضلينا فترة طويلة ملتزمين بعبادة معينة
وفكرنا حالنا وصلنا لمرحلة واو عظيمة
لمجرد الاغترار بالنعمة هي،
أو نسيان شكر الله يومياً إنو وفقنا إلها
الله رح يسلبنا منا لأنو ما كنا صادقين

• واخر الشي رح اختم كلامي كتابةً
لأن بطلت قادرة كفي تسجيل براحتي
_وما رح اترك هالكلام بالقناة (مافي سبب)_

ورح قول إنو اليوم هو فرصة لنصحح
اليوم موجودين وبكرا يمكن ما نكون
وكل شي بالدنيا يخرب، ولا نقصر بحق الله

قول الله تعالى: (أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللهِ).
- الزمر.


نحن عايشين هلأ، وكل الملهيات اللي بهالحياة رح تروح بيوم من الأيام من بين إيدينا..
وشو رح نقول؟
(يقول يا ليتني قدمت لحياتي)
- سورة الفجر.

واللهِ هالآية بتقشعر بدني وبتخوفني بس فكر فيها كتير، إنو أديش هالتمني مؤلم لما ما فينا نغير الحال اللي نحن فيه؟

فهالكلام هو تذكير إلنا كلنا لنعيد حساباتنا
لنشوف وين مقصرين ونرمم
وأول شي نصدق نيتنا وندعي الله الثبات
ونحاول نستقيم بما يرضي الله

ونترك شوي شوي الأمور اللي معلقتنا بالدنيا
ونتذكر الآخرة، نتذكر اللحظات الصعبة اللي رح نمرق فيها وما يكون معنا فيها إلا عملنا الصالح..


ويا رب كلامي ما يكون رياء
وأنا أشهد إني عم أتحرى هالموضوع
وبدعي الله يجعل كل أعمالي خالصة لوجهه.

_
لهلأ ما بنسى شعوري بيوم نشرتا هون
كلماتا أبداً مو عادية.. والشعور اللي بيجي ورا الكلمات كمان مو عادي أبداً..
بتوصل لأعماقي لما كون بهالحالة..
وبترجع بتعطيني ضو لارجع اشتغل

ما بعرف ليه عم احكي كل هاد
ما حبيت إنو حس بهالمشاعر لحالي
وحبيت إنو نشتغل سوا عهالجانب
وما نسمح لأي شي يخلينا نفتر

بس هيك..
تصبحوا ع خير وجبر خاطر ♥️

• أتمنى أن أجدَ اثنين من النّاس ينموان معًا، جنبًا إلى جنب، وكل منهما يجلبُ الفرحَ للآخر، بدون أن يكونَ على أحدهما أن يُسحقَ لكي يبقى الآخر قويًا ❤️‍🔥.

- ليڤ أولمن.

شوية حكي عن سماع الأغاني ونشرها بالقنوات..

عشوائي ومو مرتب حكيي هالمرة
بس كان لازم احكي عن الموضوع 😁♥️.

#مايا_بركات.

@MayaDreamer

• أذكار الصباح بصوت #العفاسي 💛.

#الأذكار.

@MayaDreamer.

• وهلأ.. صباح الخير والحماس يا أصدقاء.

بعد إنجازي للأعمال المنزلية،
رح حضر الفطور وبعدين عالإنجاز الجميل 💘.

اليوم رح يكون في بودكاست ظريف إن شاء الله، بالإضافة لبوست عن الدراسة.

يلا بلشوا نشاط معي..

‏• أي شخص يقدم لك نصيحة إنما هو يخاطب نفسه في الماضي.

• سر عن الدراسة بشكل علمي عم يخبرنا ياه الدكتور #فرانسوا_داراني.

آخر معلومة استغربت منها 😁♥️

• هي أنشودتي المفضلة
كلماتا كتير كتير حلوة،
والصوت عذب جداً ما شاء الله 💘.
.
.
.
أتيناك بالفقر يا ذا الغنى
وأنتَ الذي لم تزل مُحسنا

@MayaDreamer.

• ليش بيتولد الفراغ العاطفي؟
شي مرة حدا فينا فكر بالموضوع هاد؟

كيف أتخلص من مقارنة نفسي بالآخرين؟
_

كل موضوع من مواضيع نورا هي خطوة لتوصلكم لمكان رائع من شخصياتكم..

وحتى نوصل لهالنقطة منحتاج إنو نشنتغل عبر كل نقاط ضعفنا، ونغذّي نقاط القوة..

#بودكاست نورا ادريسي

@MayaDreamer.

• لقد كتبت مايا نصًا جديداً بعد انقطاع طويل
وفرحانة فيه كتير

تعوا عإكسيبسنال أقرأوه 😁♥️

https://t.me/Exceptional_Ma