• لو عاد بيّ الزمان أربعَ سنوات.. لدخلت كلية الهندسة الزراعية مرة واثنان وعشرة بكل شغف وحبّ، ومع ألف نعم أيضاً 💕.

يا إلهي أقدار الله ما أحلاها، ما ألذها فعلاً
وما أحلى أن يرزقك الله القدرة على التأقلم
في المكان الذي اختاره لك
فيرزعُ في صدرك قبولاً لقدره جزاءً بما صبرت

حتى هذه القدرات التي يرزقها الله لنا
القدرات في تقبل شيء ما، التجاوز، النسيان، العفو والمسامحة، التأقلم والصبر.. الخ.

كلها نِعم لا يملكها الجميع، فلنحمد الله عليها. ولندرك معاً عدد النعم الهائل التي منحنا الله إياها! 🌸

• عندما تستيقظ صباحًا
فكر في كم هي ميزة ثمينة
أن تكون على قيد الحياة،
أن تتنفس، تفكر
تستمتع، وتحب ♥️.

- ماركوس أوريليوس.

• قيمتك الذاتية ليس لها علاقة بـ :

• أخدت اليوم درس كتير حلو بالجامع، ورح لخص أكتر الأمور العظيمة اللي علقت بعقلي من كلام الآنسة:

- لما يكون في فرصة استغلوها فوراً.
وذكرتلنا عبارة حبيتا كتير فحفظتا بتقول:
"إذا هبّت رياحك فاغتنمها". 🍃

وسبب ذكر هالجملة جداً أثر فيي..
وكانت بسبب تابعي أسلم بعد وفاة الرسول ﷺ، بس لما كان عايش النبي اللهم صل عليه اجتمع فيه بتجارة كانت حاصلة بين أبو العباس (عم النبي ﷺ) وبينو لهالتابعي، ووقتا كان سيدنا موجود، فسأل التابعي أبو العباس وقلو مين هاد اللي كان قاعد معك؟ قلو إنو هاد ابن أخي وأوتي النبوة، وإذا بدك بعرفك عليه لحتى تتعرف عالدين وتأسلم؟ قام قلو خلينا بتجارتنا وما أسلم بوقتا..
فبعد وفاة النبي صلوات الله عليه، اجا هالتابعي عم يبكي ويقلو للعباس خسرتُ الصحبة، خسرتُ صحبة رسول الله.

فعنجد الواحد أوقات بتجيه رسائل من الله، بس هو ما بيفهم هالرسالة وبتمرق وبروح عليه خير كتير..
وياما الله بيبعتلنا رسائل بيومنا العادي، فلازم دائماً نضل مفتحين ومركزين، لأن ما منعرف وين بكون الخير.. وكيف الله بدو يقربنا منو بس أحياناً قد ما يفهم قلبنا هالرسائل.


- وكمان من الشغلات الحلوة اللي انذكرت بالدرس، إنو لما يكون هدف الإنسان واضح، ما عاد بتلهيه القصص الصغيرة والتفاهات..

فمثلا عنا الصحابي بلال الحبشي، اللي اتأذى كتير من الكفار، وكان يتعذب تحت أشعة الشمس وفوق بطنو حجر تقيل.. لو ما كان الإيمان متجذر بقلبو، وبيعرف إنو هاد دار ابتلاء واختبار للنية والصبر مستحيل كان يصبر، ولو كان همو الدنيا والمصاري والمتاع اللي فيها مستحيل كان يتحمل كل هالأذى، ففعلاً كانت نظرة الصحابة اللهم ارضَ عنهم نظرة شاملة للدين والنبي اللهم صل عليه زرع حب الله والآخرة بقلبهن بشكل رائع.

- السيرة النبوية بتجنن وبتعيشوا التفاصيل وبحنّ قلبكن للآخرة ولرؤية النبي ﷺ..

كل ما ناخد درس والآنسة تحكي موقف صار وشوف كيف تصرف النبي بحس قلبي رقّ، أو لما أعرف سبب نزول آية من الآيات بالقرآن، بحس بشعور مُذهل لا يوصف إنو عم اقدر اربط آيات الله بالمواقف اللي عاشها الرسول ﷺ مع صحابته رضي الله عنهم 💕.


#رسائل_من_الله 🕊.

• من دون الالتزام لن تبدأ،
ومن دون الاستمرارية لن تنهي ما بدأته.


صباح الخير دريمر 💕.

• إن الذي ينقص المسلم ليس منطق الفكرة، ولكن منطق العمل والحركة، فهو لا يفكر ليعمل، بل ليقول كلاماً مجرداً، بل أكثر من ذلك، فهو أحيانًا يبغض أولئك الذين يفكرون تفكيرًا مؤثرًا ويقولون كلاماً منطقياً من شأنه أن يتحول في الحال إلى عمل ونشاط، ومن هنا يأتي عقمنا الاجتماعي، فنحن حالمون، ينقصنا المنطق العملي.

- شروط النهضة || مالك بن نبي.

_
ملفتة هذا الكلمات جداً وحقيقية
تحتاج إلى تدبّر وتأمل!

• أنا كتير بحب هالجو، وبحب البرد والغيوم والمطر..

بس هي أول مرة بصير بنطر الشمس والدفا بس كرمال النباتات اللي زارعتن متخيلين؟

نباتاتي حرفيا من التغير الكبير بالجو عم حسهن زعلانين ومرضانين وأنا عنجد عم انقهر بس اطلع شوفهن هيك..

تعوا ورجيكن ياهن كيف دبلانين ☹️💔

• ليكو الخيار كيف دبلانين؟

طبعا هدول كنت مفكرتهن بيتنجان قام طلع الزلمة غشاش وأنا ما كنت بعرف. 🤷🏼‍♀♥️

لهيك هلأ تعرفت ع ورق الخيار وما عاد حدا يغشني بهيك شي إن شاء الله..

وأنا أساسا زارعة خيار بس بالبذور
فهلأ صار عندي خيار من الشتل والبذر.

#تجربة #زراعة.

رح انطر الكل يشارك قبل ما قلكن شو هاد

• وكمان احزروا شو هالنبات الجميل 😁♥️؟

رح نقلكن معلومة عنو.. هو نبات زاحف.

#زراعة.

_
• هاد..
جزر ترا ترا 🥕

غالباً ما حدا كان متوقع..
وأنا لما كانوا عم يكبروا قلت يوه طلع كزبرة!
وأنا زارعة جزر!
قام فعلاً بحثت
وطلع هيك بأنبت الجزر سبحان الله 🥹♥️