طبعا السنة التانية مانها متل التحضيري كله رح يختلف😬😳
الاختلاف الاهم هوي العملي !!
العملي بالفصل الاول هوي ل٣ مواد
تشريح حيوية نسج

التشريح🔥:
رح تدرس عضلات الاطراف علوي وسفلي مع الراس والعين والاذن 🔥
المشرحة فيها مجسمات ولوحات بس هدول مرح تشوفن لوقت الامتحان 🙂

خلال الفصل العملي كله رح يكون على جثث وانت بدك تمسك الجثة و تعرف العضلات و منشأها ومرتكزها بالاضافة للاعصاب والاوردة والشرايين 🔥🔥

عملي التشريح اذا حبيته رح تلاقيه من امتع العملي يلي تحضره بس بضل في صعوبة بالامتحان والمذاكرة لتحصل علامة وبالاخص انه عندك مجتبى مجبور ترسمه بالاضافة للحضور الاجباري والحضور مو متل التحضيري يعني مجبر تحضر بس مفي علامة عالحضور العلامة هيي مقابلة يعني سؤال بيسالك اياه الدكتور وقت تسلمه المجتبى وقصة انه دكتور بيضرب طلاب مانها موجودة دكتوري اول شي حكوا عنه انه صعب كتير بعدين منكتشف انه كان احسن دكتور بعلمنا 🤣🤣💔

النسج🔥:

فيها اكتر من دكتور وكل طلاب بميل لدكتور مع اختلاف اساليبن بس الشي العام هوي انه عشاشة رح تشوف الانسجة عالمجهر
في مجهر منشان التسهيل وعدد الطلاب الكبير الدكتور بيوصل المجهر عشاشة وكل الطلاب بتشوفها
امتحانها ومذاكرتها بتكون دراسة ساحة يعني صورة وتوصف كلشي فيها 🥲

الحضور برضه اجباري وما عليه علامات

الحيوية🔥:

عملي الحيوية عبارة عن تفاعلات كيميا بدك تطبقها بتروح عالمخبر بتعمل تجارب القوانين والادوات كله موجود عندك يعني بتطبق تمشي
بس عندك اختبارات كتير عملي عملي ونظري عملي مذاكرة وامتحان 🤣🤣
علين بتتوزع العلامات

بس للاسف بالاخير العلامات شلف يعني لا توقع انك تجيب ٣٠ 🤣🤣🤣 💔

هي بالنسبة لعملي الفصل الاول
وبرجع باكد:
الحضور اجباري مافي علامات بس الغياب بيرحلك علامات

ال٣٠علامة يلي للعملي مهمات جدا و مواد رح تلاقين اهم من ال٧٠ يلي للنظري 🤣
لهيك العملي لازم تهتمله وتعطيه وقته مو متل التحضيري

تعلن وزارة التعليم العالي والبحث العلمي عن مفاضلة الفرز لطلاب السنة التحضيرية للعام الدراسي 2023 / 2024.. تقدم الطلبات خلال الفترة من 03 / 09 / 2024 ولغاية 12 / 09 / 2024.

تعوا نحكي عن الطب البشري بجامعة تشرين😎🔥:
👈اولا: عندكن موضوع الدوام بالنظري هاد الامر بيرجع لالكن بالاول
بس برايي الشخصي احضروا للمواد الاساسية كتير بساعدكن ع الفهم حتى لو ما درستوا المحاضرة بنفس اليوم او حتى بنفس الاسبوع
بالنسبة للدكاترة عنا بتشرين من افضل الدكاترة
منبلش شو المواد🌚
اولا: التشريح ١ (تشريح الاطراف)
بيعطيكن بشكل اساسي الدكتور بشر و الدكتور علي
وممكن يعطي الدكتور وجدي (في اشاعات بتقول ممكن الدكتور علي ما يستلم محدا بيعرف بس ادعوا يستلم😂❤️ )
المادة حسيتا مقتة وناس قالو حلوة حسب كل واحد
بتمنى تعطوها حقها و بتمنى تكونوا كويسين مع الدكتور بشر
تانيا: كمياء حيوية ١
الدكتور فيصل رضوان و الدكتور عماد خياط
المادة بدا متابعة خلال الفصل و الحضور كتير كويس خصيصا عند الدكتور فيصل لانو بيشرح و بس يطلع من المحاضرة بحط اسئلة تعيت المحاضرة بنفس اليوم ف شرحه مهم والدكتور عماد قسمه لا سهل ولا صعب بده شوية تركيز
تالتا: نسج عام
المادة باعطاء الدكتورة غصون الغنية عن التعريف صراحة
الدكتورة كتير متعاونة و بتجيب دورات بس اوعكن تسالوها (صار فينا و اجت صعبة🤣💔)
بس غير هيك شرح الدكتورة كويس كتير و ابدا ما بتجيب التفاصيل يلي ما مهمة بتحب تعطي الزبدة من اافكرة بس تابعوا المادة شوي خلال الفصل المحاضرات الطويلة عالاقل
(بيني و بينكن الحضور نظري بزيد علامة العملي🤫)
رابعا : ثقافة
مادة المعدل بامتياز سهلة و بسيطة و لايامها بقدي اتفاقيات و مدري شو لوقتابتعرفو بس سهلة🤣
خامسا: اللغة العربية
الدكاترة كل سنة بتتغير بس اذا استلم الدكتور كسرى ف الدكتور متعاون و كويس كتير 🔥
سادسا : مصطلحات طبية ١
الدكتور بسام و الدكتور يوسف
مادة حلوة بتعرفو فيها مصطلحات الجسم والامراض و الاعراض و التشخيص و كلو😂😂
ادرسوا محاضرة او ٢ خلال الفصل و الباقي لوقتو
سابعا: تركتا لاخر الشي 🌚
ممكن تكون علم نفس وممكن جنين حسب اي مادة بدن يحطوها اول فصل
بنجي علم النفس مستلمتا الدكتورة عبير و معدل بامتياز و الدكتورة متعاونة كتير و اياما كافية
امااا الجنيييين🔥
مادة من مواد البعبع عند الطلاب
الدكتورة فلورا و الدكتورة روميا بتحكي عن مراحل تطور الجنين و تشكله و بتنقسم لعام و خاص كل سنة بيتغير التقسيم بين الدكتورتين الجنين العام اساسي كتير مبتقدروا تبلشوا بالخاص بلا ما تفهموا العام ع الاخير و الخاص بيحكي عن مراجل تشكل كل عضو ف بده شغل
ما تتهاونوا فيا ابدااااا بدا دراسة كلاااا خلال الفصل
والدكتورتين صعبين 😂💔 بس دكتورة فلورا اذا درست بتجيب اما الدكتورة روميا للاسف في القليل من الاسئلة الخارجية
والحضور مفيد

للعملي : ٣ مواد اذا مفي جنين
و٤ اذا في جنين
(الهيئة جدا متعاونة مع طلاب المحافظات و الدوام يوم واحد و كل الجامعات بتعرف بهيئة جامعة تشرين😉🔥 )
العملي مهم و باهمية النظرية و في مواد اسا اهم
عملي التشريح : مخبر و بتقعدوا بتشوفو صور و هيك (بتمنى تدرسوا نظري احيانا بيدخل محاضرات نظرية بمذاكرة العملي)
عملي النسج: ركزو كتير فيه منشان تضمنوا العلامة و كل المعدين رائعييين والامتحان يا صور يا ع المجهر و بتكتب شو شفت( كلمة وحدة غلط راحت كل العلامة لهيك ركزو)
عملي الحيوية: تجارب كيميائية عادية بتحضرو كيف بتعملو التجربة و بتعملو تقرير و بتقدموه للمعيدة و بتطلعوا😂
عملي الجنين: متل النظري بس مختصر ف يلي بتابع بالمحاضرات العملي بكون سهل كتير
وهي خلصنا 🔥
حتنبسطوا كتير جو الطلاب كتير حلو (عدا اليهود😂)
منجي لموضوع ايمت بتبلشوا:
المهم بس تبلشوا تلتزموا وبما انكن بتتاخروا لتبلشوا ف اول ما تبلش الجامعة بلشوا برايي الوقت حيكون قليل
موضوع اي فريق تابع:
صراحة كل اافرق روعة و كلو شغل كتير كويس
بس المتعارف تشريح لدريم و الباقي لكيو و وقت الزنقات اربيسز
بس عن نفسي برايي تجربوا كل الفرق اول فترة تشوفوا اي اسلوب عجبكن و تكفوا
محدا حينقص عليك علامة لا تخاف يلي عم يتشغلوا متلك طلاب (ما تحضيرية )

وبس
الله يوفقكم يارب يا زملاء وانشالله بيتحقق حلمكم و بتنبسطوا بالفرع 🔥❤️

هي احدث نسخة

وهلأ صار دور بشري حماة 🔥

هي الكلية فيك تسميها سيف ذو حدين
إما الك أو عليك أنت وحظك ودراستك
فيها من الدكاترة الشديد وفيها اللي مو شديد
مبدأياً ما عنا مادة اسمها مادة دورات (متل دمشق🦦 ) بس بشكل عام فيك تجيب معدل بسهولة طبعاً قصدي بمعدل يعني فوق ال٨٠ هاد معدل بينجاب بحماة بسهولة وكل ما درست أكتر جبت أكتر .

لنحكي عن العملي عندك أول فصل ٤ مواد عملي وتاني فصل متلن كمان
العملي ضروري كتير تأمن على علامته هو اللي بيرفعلك معدل وهو اللي ممكن ينزله بشكل عام مانه صعب ولا تستهين فيه متل عملي التحضيرية لأن هاد العملي مهم كتير الك مو متل عملي التحضيرية.
وهلأ منجي على مواد النظري بالفصل الأول ومنبلش فيهن:

🔰التشريح
بتتضمن تشريح أطراف وتشريح رأس وعنق وطبعاً قسم الأطراف كتير ممتع وسهل والدكتور اللي مستلمه شو ما قلت عنه كتير فخم.
أما الرأس والعنق للأسف هاد القسم صعب شويات ودكتوره دقيق كتير💀.

🔰الكيمياء الحيوية
هالمادة كمان من قسمين قسم كيميا حيوية بتختلف فيه الآراء بين صعب وبين سهل بس هو فعلياً متوسط الصعوبة، بيعطي هاد القسم دكتور.
والقسم التاني بيولوجيا جزيئية قسم صغير بس بشع شوي ودكتورته بالأسئلة ما بترحم أبداً ( بجوز حتى دراستك ما تفيدك💀).

🔰مادة الجنين الطبي
مادة حلوة كتير بس ما بتخلى من صعوبات ودقة مستلم هالمادة دكتورين والتنين رائعين.

🔰النسج العام
مادة كتير سهلة ومقررها صغير ودكتورتها من أروع دكاترة الكلية أو حتى هي الأروع🩵

🔰 الإنكليزي 3
مادة متوسطة مستلمها دكتور واحد بس طويلة شوي وغالباً بكون الوقت قدامها ضيق بس اذا لحقت تدرسها بتنجاب بعلامة منيحة.

🔰علم النفس الاجتماعي
مادة سهلة كتير وسلسة بتعطيها دكتورة وحدة.

🔰ثقافة
إذا كانت موحدة الأفضل تدرسها مقرر بتضمنها كاملة وإذا ما كانت موحدة فالملخص بيضمنلك ياها.

-طبعا ما ننسى انو لازم تحل دورات لتختبر حالك وكمان لتعرف نمط الأسئلة اللي بجيبها دكتور المادة
وكمان شهر الفحص مهم لا تضيعه لازم تكون بتعرف هالشي من تجربتك بالتحضيرية.

والملاحظة الأهم بمسيرتك الجامعية لا تسأل دكتور إذا بجيب دورات🦦

صار دور احكي عن بشري البعث💙

▫️🫠أولا بعرف ان عم تسمع كثير عن الجامعة و أنو في ضرب و علامات سيئة و عم منموت و الوضع سيء جدا و ما عنا شي و مقررات ضعيفة ه الحكي كلو قالولي ياه طلاب خايفة انها تسجل بالبعث و مستغربة انا ليش ه التهويل كلو هو اي صح صعب بس مو لهي الدرجة الي عم ينحكى عليها
🔷شيلو هي الافكار كلها و حط قاعدة أن الي بدرس وبشتغل صح بجيب صح بس بده يتعب
عندنا بالبعث العملي خصوصا بدو شغل و تعب

💢يلا نبلش نعرفكم ع المواد بس بالاول نصيحة مهمةة العملي مهمم جداا انك تدرسو منيح و تزبطو لتضمن +٢٥
لان بس كان قليل بنضرب المعدل بتكون جايب نظري منيح بس العملي بدمرها

1⃣الكيمياء الحيويه
تعتبر المادة التقيلة بهاد الفصل (هيي و التشريح الباقي عاديات ) بدها دراسة خلال الفصل كمان العملي تبعها مش تراكمه لقبل الفحص بيوم
امتحان النظري وسط بس مرات بضربو السلم مثل ما صار السنة الماضية 😴💔

2⃣ النسج العام
ما بتخوف ه المادة كيوت( رغم ما بحبها انا)
و بتنجاب معدل ان شاء الله شرط يكون العملي عالي مرق كم محاضرة بقلب الفصل لا تتركها كلها
عملي النسج كثير زنخ صراحة و امتحانو يعتمد على سرعتك بالكتابة بدك تكون باصممم و سريع
مثلا معك ٥٠ ثانية لتميز المحضر و تكتب اسمه كامل ... مشان تحاول تضمن منيح بدك تشوف محضرات قد ما فيك من كل مكان لان مو رح تجي نفس السلايدات الي بنشوفها بالجلسة ( ع دورنا بالنسج الخاص جابو من موقع لمرجع نسج نسيت اسمه هخخ💔🫠)

3⃣ انكليزي
ح قلك مادة معدل ان شاء الله بتندرس باسبوعا بس في ناس ما بتلحقها ف حسب كل شخص في قدامها ٤ ايام

4⃣ الثقافة
السنة الماضية كان قبلها يوم و صراحة ما لحقتهها انا و في غيري لحقها بس في ناس سريعة و بتحب الحفظ و البصم

5⃣العربي
بتتلحق قبلها في يوم
مرات بتجي صعبة و مرات بتجي سهلة انتو و حظكم
6⃣ علم النفس
مادة حلوة والله كمان لاسبوعها بتتلحق 😴
ة فيك تجيبها معدل ان شاء الله

( هلأ بتقولو احا كلو لاسبوعا🤨
مو كلوو عندك تشريح كيميا و نسج مرق منهم اجباري، ا انا ك تجربة شخصية تركت كلشي تقريبا لاسبوعو و شفت ان غلط هيك فلا تعملو مثلي

7⃣ واخيرا التشريح ☠
اهم شي بهي المادة دعاء الوالدين 🤍
دراستها ممتعة فيك تشوف فيديوهات بيان السيد و ادرس النظري خلال الفصل منيح و حاول تحل دورات شوي بس لا تكتئب من التناقض
المعيدين أغلبهم بسمعو
ولان في مقابلة ف اجباري بدك تكون دارس ولو رؤوس اقلام مشان ما تتقلع يعني
اي اعمل شو ما بتقدر و بترفعها أن شاء الله اكيد ، ( اذا جبت +٨٠ انت خارق )


👻و بالنهاية نصيحة تحل دورات لتعرف نمط الدكتور كيف بجيب الاسئلة وفي مواد الدورات كثير هامة فيها
موفقين جميعا زملاء ❤️🔥

الي عندو استفسار يتفضل 😴

الف مبرووووك جميعا 🔥🔥

خلصتوا تحضيرية صعبة بس جاييكن يلي اصعب 🤣🤣🤣🤣🤣
مبروك يلي طلعله متل ما بده وان شاءالله كلكن هيك تكونوا 🔥
ويلي ما طلعله لا يزعل لان اكيد الخير يلي طلعله🔥

تعلن وزارة التعليم العالي والبحث العلمي الحدود الدنيا لنتائج مفاضلة الفرز للعام
2023-2024

#تذكير
• بينمَا يظنُّ البعضُ أنَّنا نضيِّعُ شبابَنا في الدراسةِ، يقولُ رسولُنا الكريمُ:
"طلبُ العلمِ فريضةٌ على كلِّ مسلمٍ، وإِنَّ طالبَ العلمِ يستغفِرُ له كلُّ شيءٍ، حتى الحيتان في البحرِ".

• وبينما يُشفقُ علينا الكثيرونَ؛ لأنَّهم يعتقدونَ أنَّنا نفني عُمرَ الزهورِ عبثًا،
يقولُ رسولُ اللهِ -ﷺ-:
"أَلَا إِنَّ الدُّنْيَا مَلْعُونَةٌ مَلْعُونٌ مَا فِيهَا إِلَّا ذِكْرُ اللَّهِ وَمَا وَالَاهُ وَعَالِمٌ أَوْ مُتَعَلِّمٌ".

• وبينما يختارُ الغالبيةُ الطريقَ السهلَ،
سلكْنا نحنُ ذلك الطريقَ الطويلَ الذي قالَ فيه رسولُ اللهِ -ﷺ-:
"مَن سلَكَ طريقًا يلتَمِسُ فيهِ علمًا، سَهَّلَ اللَّهُ لَهُ طريقًا إلى الجنَّةِ".

❤❤🫀

لا تنسوا تنضموا لـ قناة طبية وعلمية ومعلومات عامة 🌚🤍

t.me/TheArea7

https://t.me/tonasemm


ادعمو هي القناة هيك حلوة لانو و كذا