"Сөембикә" белән "Казан утлары" журналларарының тиражлары кимегән. Әйтик "Сөембикә" былтыр 4600 тираж белән чыкса, гыйнвардан 2711 гә калган. (2022 дә 10 мең булган) "Казан утлар"ының да тиражы 3140тан 1612 гә калган. Ә бу журналлар татар халкының иң затлы, иң популяр басмалары, югыйсә.
Бер хезмәттәшем әйтә - әгәр һәр татар кешесе, бары бер генә татар газетасы я журналына язылуны үз милли бурычы итеп алып, язылса татар матбугатын саклап калып була ди. Икенчебез, алай булырга тиеш түгел, язылу-язылмау һәркемнең үз эше, ул бурыч түгел, ә теләк буенча булырга тиеш ди. Өченчебез хәзерге заманда трендлар үзгәрде, яшәеш тизлеге артты, газета-журнал укырга халыкның вакыты юк, интернеттан кыска хәбәрләр укып, кызык-мызык карый да шуның белән яши ди.
"Журналга язылу кыйммәт диючеләр белән килешмим, 1200 сум - бер казылык бәясе, аны алганчы ел буена журналга язылырга була, тик хәзер рухи кыйммәтләргә урын бетте ди икенче бер хезмәттәшем. Шактый сүз көрәштердек. Ә татар матбугатын ничек саклап калырга дигән сорау ачык калды...