#верш #агучка
#Максім_Крывіч

💙🌠

Агучка сваім голасам майго новага верша. Прашу прабачэння за якасць

• • •

#пераклад
#vertebra
#госць

Званок ужо можна паглядзець у нашым Тэлеграм-канале

https://t.me/KVertebra

Журналістка Рэйчал Кэлер павінна раскрыць сакрэт таямнічай відэастужкі, якая забівае любога, хто яе глядзеў, роўна праз сем дзён.

• • •

#верш
#Настасся_Хадзько

***
Халодны снег, халодны лёд —
Жыццё не казка і не мёд!
Але яно і сэнс свой мае,
Калі кагосьці хтось кахае.

Калі прыехаў ты ў мястэчка,
Дзе запрашаюць усіх сардэчна,
Дзе ты вандруеш па радзіме,
Калі шмат год быў на чужбіне.

Пабачыць першыя пралескі,
Як іх збіраюць сваякі і дзеткі.
Завітаць па сцежцы ў хатку,
Аддзякаваць з парога бацьку.

Падыйсці да бабулі і абняць,
Аб жыцці старой паразмаўляць.
Мець крэда, быць чалавекам,
І верыць у найлепшае сэрцам.

• • •

#малюнак #ТоЯ

Маю імпэт надрукаваць паштоўкі, стыкеры і декілька плакатаў са сваімі малюнкамі.

Ці было б вам цікава набыць штось падобнае?
Пішыце ў каментах!

#малюнак #ТоЯ

Курэнне шкодна для здароўя!

Больш пра маіх персанажаў - @charounygai

#верш
#Шрэбра_Іслачы

Фантазмагорыя пра карысць Кавіду

Чаму Кавід не Маргенштэрн?
Паеў бы ўсіх дзядоў.
Тым дзедам стаў нам інтэрнэт,
Ён ведае ўсё.
У галавах дзядоў сівыя мары іх
Крывымі пальцамі сваймі
Цягнуцца да мяне.
Жадаюць знішчыць мне мой лёс.
Мінулае вярнуць.
Паскуды, гніды! Вось хто вы!
Вам трэба ў зямлю.
Вы, дрэні, дайце людзям жыць.
Пакіньце з мірам свет.

#верш
#Шрэбра_Іслачы

Скажы "сумочка"

Сядзеў за партаю Міхал
І думаў пра сябе
Мне кажуць: "Сумочка скажи!"
А мне яно не трэ!
Заўсёды "Торбаю" была
А тут раптоўна не.

#верш
#Сьвятлана_Зьнічка

«Да Марыі Б.»

«Ду-ду-ду-ду..» – чуеш на полі?
Загадкавы рытм паўзе ніц.
Дзяўчына пяе аб бяздонні
Азёраў, празрыстых крыніц.
Ад золку да змроку ў лясах
Шукае намёкі на мару.
У травах заснула краса,
Яна чуе подых нектару.
З сабою прыносіць дуду
І цягне жаллівае «ду-ду..» –
Адпуджвае хмару-бяду
Сваім спачуваннем да люду.
Гульня ў пачуцці да мора
Таемнасцю будзіць зямлю.
Давераць свой лёс, сваё гора
Як толькі пачуюць ігру.
Іскрацца блакітныя вочы,
І хоць асляпіла іх сонца,
Душа мае скарб, што ўночы
Вядзе кветкі ў шчасця аконца.
«Ду-ду-ду-ду..» – чуеш на полі?
Загадкавы гурт паўзе ніц.
Дзяўчына пяе аб бязволлі
Калосся і сініх званіц.

• • •
Telegram
• • •

#верш
#Хросная

Раніцай еш навальніцы
Маскі здымай з тварам
памятай, гэта - сніцца
Пі туманоў адвары.

Хай праляцяць стагоддзі
Твары, імёны, даты
Наперакор прыродзе
Унутрана будзь рагатай

Трэба адрошчваць зубы
Трэба з'ядаць маланкі
Каб называць любай
Не засынаць - ранкам...

А па дарогах хадзі
Толькі басымі нагамі
Каб вырываць з грудзі
Пушкіных з Муракамі

Раніцай еш навальніцы
Маскі здымай з тварам
памятай, гэта - сніцца
Пі туманоў адвары.

#верш
#Максім_Крывіч

* * *
Гэй, спадар! Не хавай галавы:
Хутка стане і наш с табой век!
На жыццё адаб’ема правы!
Нагадаем, кім ёсць чалавек!

* * *
Hej, spadar! Nie chavaj hałavy:
Chutka stanie i naš s taboj viek!
Na žyćcio adabjema pravy!
Nahadajem, kim jość čałaviek!

• • •
Telegram
• • •

#песня #музыка
#MASHA

Песню можна паслухаць на ўсіх лічбавых платформах ❤️

MASHA -RUZHA (KRYWI cover)
Music by NIKITA ZOLOTAR

https://youtu.be/QpEZHbVXrMQ?si=XGTEJOFriejlU3SP

• • •
Telegram
Instagram
Facebook
Onerpm
SoundCloud
• • •

#верш
#Максім_Крывіч

Ціша.

Ціша.
Спякотны вечар.
Над галавою — неба.

Сонца.
Аблокава зграя
да самага небакраю...

Бялюткі рамонак у полі
стане барвовым макам
з чужыцкай рукі і волі.

Пакіне ён нас без долі,
пакіне сам-насам з катам,
з варожым ботам салдата.

Такое было не раз.

Брат стане насупраць брата,
пад рознымі пад сцягамі.
вось гэта і будзе з намі,

вось гэта чакае нас.

Ціша.
Спякотны вечар.
Над галавою — неба.

Месяц.
вароніна зграя
да самага небакраю...

• • • • •

Ciša.

Ciša.
Spiakotny viečar.
Nad hałavoju — nieba.

Sonca.
Abłokava zhraja
da samaha niebakraju...

Bialutki ramonak u poli
stanie barvovym makam
z čužyckaj ruki i voli.

Pakinie jon nas biez doli,
pakinie sam-nasam z katam,
z varožym botam sałdata.

Takoke było nie raz.

Brat stanie nasuprać brata,
pad roznymi pad ściahami.
voś heta i budzie z nami,

voś heta čakaje nas.

Ciša.
Spiakotny viečar.
Nad hałavoju — nieba.

Miesiac.
varonina zhraja
da samaha niebakraju...

• • •
Telegram
Twitter
TikTok
• • •

#малюнак #ТоЯ #Добрыя_прадвесці

Малюю падарунак сяброўцы)))

#верш
#Сьвятлана_Зьнічка

«Непаўторная восень»

*
Імховы пах даўно ўжо звыклы мне
Настолькі, што балюча.
Бясконца лёс сваю пагібель гне,
Ліе адвар пякучы...

Ланцуг нябачны шыю сціснуў мне
Так моцна, што балюча.
Я мушу назіраць, як вецер рве
Лісты пасмы сыпучай.

Нашто мне ведаць жах пакут сусветных,
Боль кожнага лістка,
Калі сябе я задушыла ў нервах
І сталася хістка?

Забыты і схаваны ў чорнай глебе
Спакой, і нат у снах
Не ўваскрэсне болей спелай рэпы
Духмяны, горкі пах.

Прытулак мне цяпер – мая зямля,
Магіла мне блізка.
Упала – і кладуся долу я
Да жоўтага лістка.

*🍂 Telegram

https://youtu.be/z2T8FEXr588?feature=shared

#пераклад #ТоЯ

#верш
#Хросная

Красуня - Ноч між цёмных шатаў
Люляе месяц залаты
Абрус туманны лёг на хаты
Ды коткі з цемраю "на ты"

#верш
#Сьвятлана_Зьнічка

«Крывавы Шлях»

*

Мільёны кіну перуноў
У тых, каго я знаю,
У тых, маю што сочуць кроў,
У тую чорну зграю.

А.Гарун

*

Цікаўнае вока глядзіць на мяне,
З нябёсаў цьмяных назірае
За капляй крыві на маім рукаве,
Што зоркі
па небе
пускае.

Па вёсцы прайшла пагалоска, маўляў,
Хтось бачыў дзіўное здарэнне:
Уночы свяцілася неба – а я
Хаваўся
у глыб
сутарэння.

Казалі, што неба працялі агні
Халодным замогільным бляскам.
Не дзіва зусім, што пачуць не маглі
Зубоў маіх
трасцавы
ляскат.

У пошуках белых анучак для ран
Натрапіў на мёртвыя целы –
Пакуль праліваў я крыві акіян,
Яны яе
лілі
ў землю.

Ахінуў я зноў вёску чорнаю коўдрай,
Пачаў разбінтоўваць рукі –
Як раптам пачулася бразганне вёдраў
І грукат
жалезнай
папругі.

Імкліва страла перасекла паветра,
Ляцела наўпрост у мяне,
А людзі крычалі скрозь яркае пекла,
Што вочы
заслала
мае...

Маўкліва сядзеў я пад кронаю дуба,
Глядзеў на нябёсаў узоры.
Хоць рукі мае забінтованы туга,
Знайшоў я,
з каго зрабіць
зоры.

Цікаўнае вока глядзіць на мяне,
З нябёсаў цьмяных назірае
За капляй крыві на маім рукаве,
Што зоркі
па небе
пускае.

Telegram

* 🌌🫀

#верш
#Хросная


Адно жыццё: яго пражыці мушу
Каб не травілі мне так горка душу
Усе няздзейсненыя мары і жаданні

Прыстасаванне, сэрца хваляванні
якія я нікому не адкрыла
і гора, калі штосці не зрабіла

Жыццё маё - як быццам палатно
Калі мне лёсам дадзена яно
Я паспрабую так яго пражыць
Каб не казаці сумна: час бяжыць

Няхай палічаць усе мяне вар'яткай
І хай зазначаць: нешта не ў парадку

Насіць я буду доўгія спадніцы
І басанож хадзіць збіраць суніцы.

Сабе не абяру я шлях чужы
Стаяць сурова буду на мяжы

Хай сэрцайка маё не застывае
Хай моцна ненавідзіць і кахае
Кахае тых, каго хачу кахаць
Спявае тое, што хачу спяваць

Хачу сабе я гэтакую долю
Каб толькі волю -
мне было б даволі.

Каб зубы выраслі. Й гэтымі зубамі
Змагла я біцца з небам і багамі.

Адно жыццё. Пражыць яго наноў
Не атрымаецца, каб паспытаць ізноў.

Пражыць яшчэ раз - немагчыма проста
І што рабіць, калі не выйшаў ростам
І сіл душэўных, мусіць, не хапае
А сэрцайка то плача, то спявае
Нібы дзіця маленькае

Ну што ж
У сябе саму мне не ўсадзіці нож:

Я буду жыць, і жыць - як я хачу
Не маю крылаў, ды далей лячу
Як птушка вольная. наперадзе
- сусвет

Не веру я ў вартасці прыкмет
І ў дурныя вочанькі і словы -

Сама ствару сабе малюнак новы
І паспрабую так яго пражыць
Каб не казаці сумна: час бяжыць

Мне б жыць і жыць
І варажыць

Крый Божа
толькі
подласці служыць.


(Так, я пішу з дзеяслоўнымі рыфмамі, бо я лох і што вы мне зробіце, я ў іншым горадзе)