#верш
#кася_кастрычніцкая

Зьбянтэжанасьць...
Хваляваньне...
Страх згубіць блізкага чалавека...

━━━ • ✙ • ━━━
1 | Пяць хвілінаў да цягніку

#верш
#Nichto_Absalutna

Лістападаўскі голад

Цішыня ловіць сонца, шум дарог гасіць зоры,
Гэта ўсё не істотна, ці мой сябар, ці вораг.
Мой адзіны чытач у далёкім мінулым,
Хто ты ёсьць і нашто круціш неба ў калюжах?

Ставіш музыку лісьця, помніш ветру абрысы,
Вось бы гэтага збыцца, распрануцца, забыцца,
Басанож на мароз і крычаць да прастуды,
Зьнітаваць хрып свабоды з заінелай пакутай.

І ўглядацца да рэзі, і кідацца на дрэвы,
Бо маўчаць, адпусьціўшы дзяцей і спадзевы,
Загарэцца ад сьцюжы, скарачаючы ночы,
Але рукі ў кішэнях грэюць лепей за волю.

#верш
#кася_кастрычніцкая

Бязвыхаднасьць...
Расчараваньне...
Пачуцьцё віны...

━━━ • ✙ • ━━━
2 | Хопіць удушваць

#верш
#кася_кастрычніцкая

Натхненьне...
Сум...
Надзея...

━━━ • ✙ • ━━━
3 | Начная споведзь самой сабе

#малюнак #ТоЯ

*Патанула ў слязах*

Я вельмі натхняюся фэнтэзі тэматыкай увогуле, а цяпер мяне забрала апанаванасць "Хобітам" Пітэра Джэксана 💘

#верш
#Хросная

У Нясвіжы
гісторыя прабіваецца
праз паток
турыстаў, асфальтавых сцежак
і кінжалаў
электрычнага святла

Калі стаць на герб трубы
што намаляваны
на падлозе
і прыдумаць жаданне,
то жаданне -
споўніцца.
Трубы - быццам
спінэр
Калі іх круціш -
бясконцы рух.

Так сказала
экскурсаводка.

Подлінікі экспанатаў
Бясследна зніклі
Ці
знаходзяцца ў Польшчы, Расіі
Італіі.

Нам дазволілі
зняць копіі.
Гэта рэканструкцыя.

Нам пашанцавала
вярнуць.

У савецкі час
тут быў
працэдуры кабінет.

У савецкі час
знішчылі
перадалі
нацыяналізавалі

Бясконцы калідор
з люстэрак
у канцы якога -
цемра.
Быццам бы
увасабленне
шляху
маёй
краіны

Скрозь час і прастору.

     цемра і адбіткі.
     А потым - аскепкі.

У краме сувеніраў
раблюся Дыягенам -
шукаю надпісы
па-беларуску.

Купіла магніцікі і значок.

Занадта мала
патраціла
грошай.

Я іду па брукаванцы
І па залах палаца

там
таксама хадзілі
гістарычныя асобы.

Слёзы і боль
Вар'яцкасць і жорсткасць
Каханне і магільны
холад
Якія
зараз прэпаруюцца
для вушэй цікаўных турыстаў
якія цераз хвіліну
забудуць
усё

Абавязкова апранайце бахілы!

Мае чырвоныя боты
у сініх бахілах

Быццам бы
неба
у крыві.
Ці кроў -
у небе.


Стылёва, модна, маладзёжна

На сувенірах
Будынкі, мужчыны, зброя, герб

І толькі шакаладка -
з Барбарай
Радзівіл.

Выходжу з палаца -
Ідзе дождж.
:
Неба плача
па Беларусі.

#верш
#кася_кастрычніцкая

Сумневы...
Успаміны...
Меланхолія...

━━━ • ✙ • ━━━
4 | Арэлі

#ТоЯ #малюнак

Мае арыгінальныя персанажы з нагоды сусьвету Хобіта.
Гномка і эльф 💚

#верш
#Шрэбра_Іслачы

Чыгунка-Камета
клас-эканом
Гэта не слова
Гэта сіндром

Суседка насупраць
Дачытвае кніжку
Навучпоп нейкі
"Псіхалогія звычкі"

Пад грукат калёс
Яна едзе да Менску
А жыве на ўскрайку
У горадзе ЭНску.

Чыгунка-Камета
Ты ведаеш лёсы
Дык што мне зрабіць
Каб узняць іх у нябёсы?

#верш
#кася_кастрычніцкая

Беларушчына...
Запал...
Вар'яцтва...

━━━ • ✙ • ━━━
5.1 | Эйдас Ч1
5.2 | Эйдас Ч2

#верш
#Сьвятлана_Зьнічка

«Мае крыжы»

*
Вакол крыжы, мае крыжы,
Куды ні валакуся я.
Няма ні ночы тут, ні дня.
Вакол крыжы, мае крыжы.
Што я ад іх бягу – хлусьня,
Бо чую крокі ў цішы.
Вакол крыжы, мае крыжы,
Куды ні валакуся я.

* 🌫️🪦

Творчы канал аўтаркі

#малюнак #ТоЯ
Я на гэтай сцэне заўжды плачу...😞

( Смерць Торына Дубашчыта)

#пераклад
#Станіслаў_Вярба

Адкрывай мяне асцярожна: Сардэчныя лісты Эмілі Дыкінсан да С'юзан Хантынгтан Дыкінсан

Ліст пяты

—Чытаць—


──────≪✷≫──────
Тэлеграм-канал

#малюнак #Яварынка
Сумнае чорнае вечаровае кацянё

#верш
#афікс

не забывай

Не за                             Не
        будзь       забудзь        Ты
                — не                       тым
                   адны              на гэ
                Ня       На сьвеце
          будзеш
          ніколі
               І
               не на тым
                       Не за
              Не за     будзь — не адны
       Не за      будзь — не адны
Не            будзь — не адны
       за
          бывай

#пераклад
#vertebra
#госць

Дзясятая серыя "Ганібала" ўжо даступна ў нашым тэлеграм-канале https://t.me/KVertebra

Прыемнага прагляду!

#верш
#Сьвятлана_Зьнічка

«Плямка»

У яе на шыі плямка
Цёмнай чырваньню гарыць,
А на сэрцы шчыльна клямка
Срэбразьвённая вісіць.

Я пяшчотным пацалункам
Прыпаду да лапінкі –
Слых яна палашчыць гукам
І не прыбярэ рукі.

Як залезу ёй пад скуру,
Адарвуся ад шчакі,
Выклічу пачуцьцяў буру –
Адштурхне зварот такі.

Ах, красуня, што ты робіш!
Цяжка вечна галубіць!
Так хачу я, што ты тоіш,
Беззваротна палюбіць!

*❤️‍🩹
Творчы канал аўтаркі