#верш
#Хросная
#ГП

Remus Lupin x NymphadoraTonks

Кахай мяне, пакуль яшчэ жывыя
Занадта страшна енчыць цішыня
І мы маўчым, нібыта мы - нямыя
Надыдзе час - апошняя гульня

Калі памрэм - гадзіннік не застыне
Аднойчы мы сустрэнемся між зор
Усё, што ў гэтым свеце мы пакінем
- Нябачных нітак страчаны узор

Апошні бой - апошняе спатканне
Сярод смара́гдаў-водблескаў авад
І не згарыць у полымі каханне...
Нічога больш не вернецца назад

Сярод руін - застануцца жывыя
Ім выць і піць, смяяцца і крычаць
А мы маўчым, нібыта мы нямыя
Бо мёртвы абавязаны маўчаць