Рамазанн мубараккк❤️

Ораза ұстаушы әйелдің Рамазан айындағы сауабы қандай үлкен:

1) Ораза ұстағанының сауабы;
2) Ауызашар дайындағаны үшін алатын сауабы;
3) Сәресі жасағаны үшін алатын сауабы;
4) Үй шаруасы үшін алатын сауабы.

Алла Тағала баршамызға ықылас нәсіп етсін! Амалдарымыз қабыл болсын!

Шейх Мухаммад Уаилдің парақшасынан аударылды

"Бауыржан Әлиұлын танисыздар ма? Алдыңғы рамазанның соңғы он күнінде екеуміз бірге ауыз аштық. Сол кезде келесі рамазанға жетеміз бе?
жетпейміз бе?.... деген әңгіме болып еді..Сол секілді қаншалаған адамдар рамазанға жете алмай кетті....😔"
(Қайрат Құрманбаев "тарауих уағызынан")

Барзақ әлемінде бәрі де әттеген-айлап жатыр. "я, раббым! Мені қайтаршы. Салиқалы амалдар жасап келейінші" деген өкініште жатыр. Барлығы өкініште. БАРЛЫҒЫ!
Ал сізге Алла рамазан айына жетуді нәсіп етті. Сол әттеген-айлап қалмасыншы деп сізді жеткізді. Бар салиқалы амалды жасап қалайық.

Құрметті менің шариғат оқып, Құран жаттап не толық жаттап болған бауырым! Алла сізге ең үлкен байлық, қазына бергенін ұмытпаңыз. Сіздегі бар шариғат ілімі мен Құранға мына дүниеде ешнәрсе тең келмейді. Ешқашан өзгеге берілген байлығына не басқа да нәрсесіне қызығып, “одан да мен бай болғанымда ғой” деп, Алла Тағала дәрежесін көтеріп қойған ілімнің дәрежесін түсірмеңіз.

Уаллаһи! Құранды жаттаған адамнан бай адам жоқ. Ол Алланың сөзі ғой. Сондықтан қиналғанда не басқа да жағдайда ешқашан өзгеге берілген нығметті шариғат ілімі мен Құраннан жоғары қоюшы болмаңыз.

Мен деген ең байдың не бастықтың не басқа да мансабы бар адамның үйінде не басқа бір кездесуде болсаңыз, басыңызды тік ұстап, ол адамнан өзіңізді төмен сезінуші болмаңыз.

“Адамдарға негізі Құран амал ету үшін түсірілген еді, ал кейбір адамдар Құран оқудың өзін амал етіп алды”. (Абдуллаһ ибн Масхуд)

Яғни ниет тек қана Құранды оқып қоя салу болмау керек, ол біз үшін хидаят екенін, мінез құлықты дұрыстауымызға, амал етуге арналғанын ұмытпау керек.

Пайғамбарымыздың (Алланың оған игілігі мен сәлемі болсын) сахабаларынан келген сөз бар: “Бір адам Құран оқиды.. Құран оқып жатып ол адам өзіне лағнет (қарғыс) айтады”.
“Қалайша?” дегенде, ол кісінің берген жауабы: Құранда “Жалғаншыларға Алланың лағнеті болсын” деген аят бар, “Залымдарға Алланың лағнеті болсын” деген аят бар. Ол адам Құрандағы әлгі аяттарды оқиды, бірақ өзі күнделікті тіршілігінде, саудасында адамдарды алдайды, біреудің ақысын жейді, зұлымдық жасайды.. Яғни өзі жалғаншылардың, залымдардвң қатарына кіріп тұр. Солай ол өзіне қарғыс айтқа болады.

Тағы да алдыңғы ғалымдардан келетін сөз бар: “Бір адам Құран оқи бастайды, және соны оқып біткенше періштелер оған салауат айтып тұрады. Ал екінші бір адам Құран оқып отырады, ол оны оқып біткенше періштелер оған лағнет айтып тұрады. Егер Құранның адал дегенін адал деп біліп, арам дегенін арам деп біліп, соған жараса амал ететін болса, ол адамға періштелер салауат айтады. Ал олай етпесе періштер қарғыс айтады”.

Құран оқу әдептері дәрісінен.

🔈Тыңдаймыз және бөлісеміз↩️

▶️https://t.me/yersin_ihya

Жер бетінде аяқ басып жүргенде фитна шығарып,өз Раббысын ұмытып,құтырып жүргендендердің ажалы келмейді деп ойлайсың ба?Дер кезінде тәубе етпесе,“Раббым мені қайтаршы деп өкініштен жылап,ақыретте сорлап қалары хақ”. Аллаһ қаласа сол тұрған жерінде күл талқанын шығарар еді..

Ұлық Аллаһ бәрін Көруші,Естуші..

Мүмин сүресінің 17 аятында айтылғандай:

الْيَوْمَ تُجْزَى كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّهَ سَرِيعُ الْحِسَابِ

аудармасы: Бүгін әрбір жан дүниеде істеген ісіне қарай қарымын алады.Бүгін ешкімге зұлымдық жасалмайды.Шүбәсіз,Алла жауапқа өте жылдам тартушы…

•Хақ нәрсе жақпаса білгеніңді істеп жүре бер,бәрібір Аллаға қайтамыз.Аллаға деген сенімің дұрыс болмаса өміріңнің зая кектені.Әуел бастан адам баласына “Оқы” деп бұйырылған соң,ілім алу әрбір ер мен әйелдерге парыз.Сауатсыз адамдардың құны жоқ сөзіне еріп кетпеу үшін ең бірінші аятқа амал етуіміз керек қой асылында.

Поликлиникада жұмыс жасағанда танысқан бір орамалдағы әже бар еді. Әлі де хабарласып тұрамыз. Соңғы уақытта көп ауырған соң, ораза ұстай алды ма екен деп жазып едім. Әже 70-тен асқан, өте арық, көп жері ауыратын кісі, бірақ мешітке Құран сабақтарына барып жүретінін, хатымдарға қатысатынын білетінмін. Сөйтсем, әжем ,Аллаға шүкір, ораза ұстапты, тарауихға Нұр Астанаға, Құран Хатымға Әзірет Сұлтан мешітіне барып жүр екен, бәрәкАллаһ, субханАллаһ (ол кісі автобуспен жүреді, бір ауданда тұрамыз. бізден Әзірет Сұлтанға кем дегенде 1 сағат барасың). Естіп таң қалдым. Мейірімі мен кеңдігі шексіз Алла ықыласты құлдарына күш-қуат беріп қояды екен.

Исламдағы ұзақ өмір, жақсылығы мен Рамазандағы құлшылығы көп өмір қандай жақсы!

Дені сау, жап-жас біздерге бұл - үлкен үлгі, сабақ, м - мотивация болсын! Рамазан айын көре тұра сауабы аз, мардымсыз болып қалғандардан болмайық!

Байқадыңыздар ма?
Рамазан басталғалы күндеріміз кәдімгідей берекелі болып жатыр. Бір күнде екі күн өмір сүру деген керемет нәрсе ғой
04:00- 23:00 ✨

Таңның берекесі де ұзаағынан🌅🥹

Әйелдердің білім алуының маңыздылығы туралы

Шейх әш-Шағрауй (оған Аллаһтың рақымы болсын) өзінің «Фиқһ әл-мәрғәти әл-муслимә» кітабында былай деп жазады:

«Білім алу құқығында ер мен әйелдің арасында теңдік белгіленді және ер адам секілді әрбір әйелге ғибадат бөлімін мен ақиданы, сондай-ақ тамақтануға қатысты ненің рұқсат, не харам екенін оқып үйрену парыз».

Әйелдер Исламның ұлы ақыл-ойшылдарын тәрбиелеуге зор потенциал берілген, бірақ болашақ ғалымдарды, шейхтар мен муфтилерді тәрбиелемес бұрын, біз өзіміз шариғат білімін игеруге шындап кірісуіміз керек және білім тек қана дәптерде реферат күйінде ғана қалмай, алған біліміміз отбасылық өмірде көрінуіне бар күш-жігерімізді салуымыз керек.

Тағдырымызға ана болу бұйырған болса, әрбір мұсылманның бойына ерте жастан бастап сіңіру керек нәрселерді: Аллаһтан қорқуды, тәуекелді, адалдықты, дінге қызғанышпен қарауды, батылдықты, жақсы мінезді, мейірімділікті сіңірту керек; осылайша Құран оларға жастайынан жолбасшы, жол көрсетуші болып, мінез-құлқы Құран мен Пайғамбардың ﷺ сүннетіне негізделеді. Ең бастысы, осы үмметке мүмкіндігінше пайда келтіре алатын және сол үшін бар себептерін жасайтындай тәрбиел.

Аллаһу Тағала баршамызға үмметке пайдалы ана, тұлға болуды нәсіп етіп, осындай перзенттерге лайықты болуды нәсіп етсін. Әмин.

#әйел

Тек әйелдерге арналған канал:
https://t.me/sisters_today

Оңтүстік Кореяға күні кеше ұшып барып, кіре алмай, отказ алған 2 қазақ жігіттің оқиғасын естіп білген шығарсыздар. Кіре алмаған соң, сол жерде күту залындағы терезені ашып, ұшақтардың ұшу жолағымен қашып, биіктігі 3,6 метр шарбақтан секіріп өтіп, жасырынған екен.

Полиция тауып ұстаған. Әлбетте, ұстайды. Онсыз да мәз емес қазақтардың Оңтүстік Кореядағы репутациясы одан сайын түсті. Енді қазақтар ол елге оңайлықпен кіре алмайды.

Бір адамның әрекеті өзге мыңдаған адамға зиянын бере алады.

Жаңалықтардағы пікірлерді оқысам "Осы жағдайға әкелген біздің өкімет", "Сол жастар жетіскеннен кетті дейсіңдер ме?", "Елдің жағдайын түзеңдер" деген сарындағы ойларды көзім шалды. "Иә" деп қолдай түсушілер де көп...

Біздегі жалпы өте қызық таным-ей... Елді, билікті жамандайтын адам табылса, жаппай соған еріп, сөзін қостап кетушілер шығады. Әулие емесі анық билігіміздің. Бірақ жай ғана өзіміздің жеке басымыздағы проблеманың бәріне елді кінәлай беру қаншалықты дұрыс деп ойлайсыздар?

"Адамдардың кредиті бар, соны төлеуі керек. Елде жұмыс жоқ. Сол үшін Кореяға кетіп сандалып жұмыс жасайды да" дейді. Жасасын. Еш қарсылығым жоқ. Алайда кредитті біреу мәжбүрлеп алғызбайды. Көптеген оқиғалардың астарын ашып қарасақ, адамдар кредитті көп жағдайда қиналғаннан емес, білімсіздігінен алады, өтірік қажеттіліктерін өтеу үшін алады, дарақыланып той жасау үшін алады...

Жеке проблема, өз кінәміз...Әділ бағасын берсек осы! Телефон алам деп рассрочкіге, редке кіреді. Жас қой, өзгелер ұстаған соң қызығады да... Абай атамыз айтады: "Жуасты мін де айран іш" деп. Жүйрік мінгенше сәл жуасты міне тұр, қымыз орнына сәл айран іше тұр дегені. Уақыты келгенде ұстайсың бәрін, ішесің бәрін. Сабыр ет, адал еңбек ет дегені.

Мен өзім мектеп бітіргенде 2016 жылы алған Iphone 6s телефонымды әлі ұстаймын. Жанында түрік симкасын салған Samsung-ым бар. Тіршілікке, тірлікке жарап тұр. Iphone-ның соңғы моделі керек-ақ. Блог жүргізем, контент жүргізем. Рассрочкіге алуға болар еді. Алайда келісімшартындағы пайызға бола жоламаймын, өзімнің құзыретім жүретін адамдарды жолатпаймын. Бірден ала салуға ақшаның жоқтығы емес тосқауыл. Шүкір, ризығымызды беруде Алла. Артымда жауапты адамдарым бар болған соң, оның үстіне білім жолында жүрген соң, бірден алуды құп көрмей жүрмін.

Уаллаһи, бұны тек ғибрат үшін жаздым. Кредит, рассрочка алмай өмір сүруге болатынын дәлелдегім келеді. Адамдар қазір азық-түлігін редпен алуға үйреніп алыпты. Ол жай ғана сізге берілген таңдау. Таңдамасаңыз да өмір сүруге болады. "Амал жоқтан алдым" деу нағыз өтірік сөз. Амал бар. Сіз просто оңай жолдың барын біліп, амалын жасамайсыз.

Басымыздағы әрбір нәрсеге, әуелі өзіміз кінәлі екенімізді ұғындырғым келеді. Өзіміз, өзіміздің қанағатсыздығымыз, көрсеқызарлығымыз, дарақылығымыз кінәлі. Өз қалауларымызды керек кезде шектей алсақ, ақылмен, парасатпен әрекет ете білсек игі.

Кембағал, төмен санадан арылу керек. Көрпеге қарап көсіліп үйренген соң, ретін тауып іс қылу керек. Алла берекесін берсе, ел ұстамағанды ұстайсыз, ел көрмегенді көресіз (мақсатыңыз сол болса).

Мұсылман адамның өмірлік ұстанымдары материалдық құндылықтармен ғана шектеліп қалғаны өкінішті. Тұрмыс - сананы билеп кеткен.

Қысқасы, жылай беруді қою керек. Пікірлерді қарасаң, тек жылау. Ақиқатында бәріне лайықтымыз. Өзіміз өзгеруді бастамайынша, Алла Тағала ешбір қауымды өзгертпейді.

#ойымнан #дәм #тат

Қазақ тіліне, жазылған мәтінге, әрбір әріпіне мән беріп оқитын кез келген адам Жанат Бақыт деген кісіге қойылып жатқан сұрақтардың басым бөлігін бірдей тәсілде, бір стилде, бір адамның жазғанын байқайды. Сол үшін мынандай сұрақтарға алданбаңыздар. Манипульяция жасау үшін өзіне өзі немесе сыбайлас басқа адамға қойдырып отыр.

Сұрақтарды сауатты, қатесіз жазатын недеген сұмдық оқырмандар)))

"Көп айтса көнді, жұрт айтса болды - әдеті надан адамның".

Абай Құнанбайұлы.

Манипульяция жасауының бірден бір себебі - соңынан ергендердің санын қолдан көп етіп көрсету арқылы "қате болса жұрт ермес еді ғой" деген тобырлық санадағы адамдарды өзіне тарту. Ал ондай адамдарды жалған, ақылға қонымсыз сенімде ұзақ ұстап қалу да оңайырақ.

Тарихта Салахаддин Айюби деген батыр болған. Христиандермен соғысып, мұсылмандарға Құдыс мешітін қайтарып берген. Оның әкесі де асқан батыр болыпты. Бірақ ұзақ жыл үйленбей жүрген көрінеді. “Неге үйленбейсің?” деп достары сұраса, ол "Көңілімдегі қызды таппай жүрмін, Құдыс мешітін христиандардан алып, мұсылмандарға қайтарып беретін батыр туатын қыз іздеп жүрмін. Бірақ ондай қыз кездестіре алмай жүрмін” дейді екен. Араға бірақ уақыт салып, достарымен бір асханада тамақ ішіп отырса, келесі бөлмеде қыздардың дауысы шығып жатыр екен. Ол жақта да бір қызға басқа әйелдер: “Тұрмысқа шықпайсың ба? Жасың болса өтіп бара жатыр. Сен сияқты көрікті қызға обал емес пе?” деп тиісіп жатқан көрінеді. Әлгі қыз: “Мен өз батырымды жолықтыра алмай жүрмін.

Менің күйеуім болашақта Құдыс мешітін азат ететін батырдың әкесі болуы керек” деп айтады дейді. Содан жігіт ортаға адам салып, ақыр-аяғында шаңырақ көтеріп, екеуінен Салахаддин Айюби туған. Алла оларды ниетіне қарай жолықтырып, арманына жеткізген. Демек, қыз да, жігіт те үлкен мақсаттар қойып, биік нәрсені армандауы керек. Мұның алдында мансап, байлық дейтін құндылықтар түкке де татымайды. Хан Тәңірі сынды шың тұрғанда, қырқа-қыраттарды қайтесің? Хан Тәңірідей шыңға шығу оңай емес. Дегенмен, шын талпынса, Алла күш қуат беріп қояды.

Көрінген бір жерден күмәнді тамақ жей саласың, сосын: “Ілімге деген ықыласым азайып кетті, намаздарымда хушуғ мүлде жоқ. Не істесем болады?”-деп, дым болмағандай сұрақ қоясың.