بأوروبا تقوم الزوجة برفقة زوجها وابنهما الوحيد بزيارة أهلها
يوم الأحد لأنه يوم عطلة وتكون قادمة من مدينة بعيدة وبالرغم من ذلك فهي تقضي يوما ممتعا مع أهلها وقبل غياب الشمس تعود مع زوجها وابنها إلى بيتها
اما عنا بيوصلا الصهر ع باب البيت وبيروح وبيكون معا خمس بنات وصبي وحيد اجاها بعد الف ندر وبيكون أسمو جعفورة وبيشبه كلشي إلا البشر من كتير مو بهيم وجحش وبيطلع قد اخواتو الخمسة وعأساس مدلل ومغنج وما حدا بيزعلو أو بيصرخ بوجهو راصو قد راص العجل ودانو تقول صحن دش بتجيب كل قنوات أفريقيا الوسطى ومنخارو تقول فردة جزمة غوما وفايتة بيجامتو بطيزو ع كتر مو معلوف وأكل خرا وبتكون جاي احتلال مو زيارة
وبتقعد أسبوع عشر تيام مع انو بيتا بالحارة التانية و بيتكركب نظام البيت لا نوم ولا راحة وشو بدك تلحق تجيب خبز كل يوم سبع ربطات خمسة منن لجعفورة الغالي لانو بياكل تسع وجبات باليوم ومابيعجبو الفرجة على افلام كرتون غير وقت الأخبار وبيكون وقح وجقر كتير وحافظ كل الاغاني الخرائية بس واحد ضرب تنين مابيعرف وبيوقف قدامك متل فدان الحسنة أو متل كديش التهريب عأساس متل طيزو هالحكي
ويفقد البيت الراحة والأمان وبيختفي الصهر بظروف غامضة ومابيرجع ياخد مرتو غير لما بيكون الأب ع أخر نفس وطارق أربع كفريات عالريق منن تلاتة كفريات موجهة لجعفورة مباشرة و بس يجي بدو ياخد مرتو شوف بقا يوم الوداع ومابتصدق انو رح يزول الاحتلال وتعود الحياة لطبيعتها السابقة مع إحصاء لكمية الأضرار التي خلفتها الزيارة من حرق لمبة الحمام وحنفية التواليت المنزوعة وكسر مسكات البواب والركوب على المساند من قبل المدعو جعفورة تقول راكب ع كر وغيرها من الأضرار الناجمة عن هذه الزيارة

يعني هيك لازم كل رمضان نتخانق انا وجوزي ، لأنه بضل يقارني بالممثلات الزفت😣
كل يوم عالسهرة بصنطر عند الشاشة وما بقى يدير وجهه غير وقت الإعلانات ، بيطلع عليي بيقدحني زورة وبقلي يا هيك النسوان يا بلا ، روحي روحي تعلمي منهن
او قلك روحي ساوي شاي لانو هاد يلي بتعرفي تعمليه 😒
زعلت بس بلعتا و سكتتت و لمبارح لقررت فعلا اعمل متلون 🙂
بعد ما خلصت شغل البيت وتجهيز مائدة الإفطار ، رحت فورا فتحت الخزانة حتى قلد نادين زفت تبع #خمسة_ونص تمكيجت مكياج كلاسيكي
ولبست بنطلون قماش وربطت شالة على رقبتي وشفترت وقعدت 😊
اجا جوزي قبل الإفطار بربع ساعة
قرب لعندي وقلي تعي شوفي شو جبتلك #قطايف_عصافيري
قلتلو : ميرسي 😊
قلي وكمان كولا
قلتلو: ثانك يو 😊
قلي وانشالله ما تكوني مكترة أكل لانو جبت فروج بروستد
قلتلو: يا ديعان التعب يا ديعان الشغل يلي اشتغلته بالمتبخ
ليه حدرتك ما خبرتني انك ح تجيب ديليفري
عمول معروف وحتون بالمتبخ ومبئى بدي اتبخ 🙂
قرب لعندي نكشني من كتفي قلي شبك ولك اليوم مشفترة ؟!
قلتلو : مخصك
قلي : حاجتك هبل وطلعيلي من تقمص شخصية بيان
وشمري عن زنودك واقبعيلك فخدة الجاجة وفوتي معي فوتة البروستد ما لابقلك هالدور ابدا"😉
ضحكنا وأذن وفطرنا ومحلانا ، بس للأسف رجعت حليمة لعادتها القديمة ورجع لنفس الشي #المقارنة بيني وبين الفنانات الصاعدات🙃
قلي بربك تعي شوفي هالشوفة
هي مرة وانتي مرة 😭
زعلت كتير بس بلعتا وسكتتت 💔
فقت تاني يوم قلد الممثلة سيرين ركضت كمان قبل الفطور
رحت لبست بنطلون جلد وكعب مسمار أبو 15 سم وعملت ليس لشعري
وجبت قلم الروج الأحمر على خدني جيتك خدني جيتك .. طلعت متل القطة يلي اكلة ولادها😂💋
بس فات عالبيت ركضت لعندو قلتلو حلوين شعراتي وفتلت هديك الفتلة وفات شعري بنص عيونو ، صار ينط ما يحط قلي عميتيني الله لا يوفقك ...
بس طابوا عيونه فات لعندي عالمطبخ حملت طنجرة المقلوبة وقلتلو غمض عيونك
حزير شو تابختلك قام هوي الله يصلحو مد ايدو عالطنجرة واحترقت ايدوو
قمت انا ع قد مو همشرية بدي لحقو بالمي الباردة رحت داعسة بكعب الكندرة على أصبع رجله الصغير
صار يفعفر قدامي متل الديك المدبوح
زورني و قلي يخرب مخك بلاه الهبل هاد روحي لحقيني بالتمر الهندي رح يأذن و #مالابقلك هالدور ☻
....
قضيت كل الوقت زعلانة أبلع اللقمة لتحت تطلع لفوق
ما اقدر من الغصة أكل
يالله انا حلوة وجذابة مو بالضرورة صير شبههم حتى صير مقياس الجمال بنظر جوزي ... #بلعتا_وسكتت
عالسهرة بلش يتابع مسلسل #الهيبة بس طلعت #سيرين وقت فتحتلو الباب لجبل
نط جوزي من مكانه وقال #ياريتني_جبل😋
أنا هون فقعت معي عالآخر
طلعت أم ذكي يلي جواتي وبلشت اردح
قلتلو :أي والله يا ريتك جبل ؟!
كنت عالقليلة استفتحت نهاري بوجه حلو وشخصية ولحية بتاخد العقل
مو متل لحيتك يلي بتشبه مكنسة الزبال تبع باب الحارة
لك بتصبح ب جسم طويل عريض المنكبين ، مو متل جسمك يلي شبه الدودة يلي بتطلع بالبزاليا
لك بتمسى بوجه ملائكي مو متل وجهك يلي شبه الغوريلا تبع رامز في الشلال
بالعادة ببلعا وبسكت بس هالمرة والله ما قدرت اسكت🙂
#بيشبه_علبة_السردين_وبدو_ياها_متل_نادين_وسيرين
#تبا_لكم_مجتمع_ذكوري_فاشل😂
#لو_الجمل_شاف_حردبته_لوقع_وانكسرت_رقبته😂🤣🤣🤣🤣

صفات الام السورية : 🙅

💥 انا تاركتكن و رح اطلع من البيت
وما خليكن تعرفوا وينني.

💥 المصاري اللي بالجزدان هدول للمرة مو الي

💥 لو مخلفة أرانب كان ممكن استفيد منن
اكتر منكن.

💥 كل الشغل عليي طبعاَ لاني الفلبينية
تبعكن.

💥 الجاجة قيمي نصا لأخوكي..
حرام بيرجع بيتعشاها بالليل.. انتي و اختك
ما بتحبوا الجاج.... ايدك عنها.. قلتلك هي لأخوكي.
بتفهمي ولا لا.

💥 قومي اعملي شاي لأخوكي..
تحركي وحاجة حاملة هالزفت بإيدك.

💥 الشباب عندي اللي يرضى عليهن..
انا بس تاعبيني البنات والله..
لا بيشتغلوا ولا بيساعدوني بنوب.
" قاعدة عم تحكي للجارة "

💥 خلصتي علب الشامبو
لسه مبارح اشتريناها.. لو عم تشربيها
انتي واختك ما بتخلص بيومين..
اشمعنا اخوكي ما بيتحمم..
بدكن مال قارون يصرف عليكن.

💥 الجاجة قيمي نصا لأخوكي " مكرر للضرورة الشعرية"

يُخبرني طبيبي أنّي لم أحبّك يوماً..
كُنتُ أحتاجُكِ فقط.

يُخبرني أيضاً أنه يتوجّب عليّ أن أستمر بدوائي المهدىء..
لا يعرف المسكين أنني قطعته منذ أشهر طويلة لأنه لم يُهدّئني يوماً عنكِ.

تقول لي صديقتي أن تجاوزكِ هو مسألةُ وقتٍ لا أكثر..
لا تعرفُ هي المسكينة أيضاً أنّك ضاربةٌ في عُمقِ الرّوح.

يُخبرني كاهِنُ كنيستنا أن الحُبَّ هو للله فقط..
وأنا أتأمل بعدها صورتكِ وأقول في سرّي: ولملائكتهِ أيضاً.

يقول لي سائق سيّارة الأجرة: يلعن أبو النسوان..
وأقول في سرّي أيضاً: إلا أمّي وهِيَ.

تقول لي الأزقة الضّيقة التي تَعِبت من خطواتنا: لا تقلق.. ستمشي يوماً مع أنثى غيرها.. وكأنه توجد أنثى غيركِ.

أبداً.. أنا لا أنصِتُ لهم أبداً.

أدخل مقهاي فأقرأ لمحمود درويش كلمةَ وحيدةً باللون الفيروزي: انتظِرها.

سمعاً وطاعةً سيّدي.. ولهُ فقط أُنصِت.. لهُ فقط.💙

- ميشيل نصر الله.

اخترت أن أحبك في صمت
لانه في صمتي لا أواجه بالرفض ..
اخترت أن أحبك في وحدتي
لان في وحدتي لا أحد يملكك الا أنا ..
اخترت أن اعشقك من بعيد
لأن البعد درع من الألم لي ولك ..
اخترت أن أسجنك في أفكاري
لأن في أفكاري حرية لاختيار قراري ..

مرحباً يا تعبي ..كيفَ حالك ؟
اطمئن أنا بخير ..
اعتدتُ على غيابك ..مثلما اعتدتُ على قسوتك ..!
لم تعُد الذكريات حاجزاً بيني وبين نسيانك ..أصبحتُ قادراً على التجاوز بكل قوة ..!

لم تعد تُغريني كلماتُ الحُب المعسولة بعدما أصبَحتْ ضمن نطاق المجاملة لا أكثر ..!

أصبحتُ شخصاً بارداً لا يهُمُّه الحُب ..ولا يلقي بالاً لأي حديثٍ يُذكَرُ فيهِ الحُب وعلاقاته ..!

اعذُرني على قَسوتي..اعذُرني على تَغيُري ..على اختلافي وغُربة قلبي ..!

يوماً ما كان قلبي غريباً لا يعرفُ الحُب سوى بالكلام
وعند مجيئك أصبحَ وطنا آمنا بحُبك له ..

غادرتني وغادرتَ وطنك ..وعاد قلبي غريباً مهجوراً ومهمشاً..!
اعدكَ بأنَّ هذا الوطن بكل الخراب الذي سببه بُعدك ..لن يحتَله غيرك ..!

سامحني عند قرائتكَ لحروفي المليئة بالتعب..
لأنَّك الوحيد الذي سيعلم أنني كاذب !
بكُل كلمة كتبتها ..وبكُل شعورٍ ظَهرَ مابينَ هذه الكلمات
لم أعتد الكذِب ..لكنَّني وجدتُهُ طريقاً أخفُّ حِملاً وتعباً ..
ولربما سيؤدي الى نسيانك ..!

لـ عبدالرزاق سيد عمر

لترك تعليق 📩

يرتكي الظل على ظله . .
يستفقد . . . يبحث . . يرتكي ويبكي . .
يرتكي الظل ويطل على ذكرياتك
ويجلس في ركن هذه الزاوية
يحضر فيلما لا حماسا فيه ولا قصة
يأكل السراب كي لا يشبع . .
ويطلب من المكان ان ينطق . .
فلا صوت . . ولا صدى . .
يرتكي الظل على سرابه
فوق ترابه
فوق شبابه
وتدور عقارب الساعة
تدور دون ان نعرف الوقت . .
الشمس لاتدخل هنا . .
والوقت نقيسه
بحجم الاتصالات التي تأتي فقط . .
تدور عقارب الساعة . .
وتبقى الكؤوس في مكانها لاتنقص
فكل مايحدث ذكرى وسراب
نحن لم نكن هنا في يوما ما
ولم نولد اصلا كي نموت . .
نحن كنا لاشئ وانتهى اللاشئ الى اللاشئ

رقم انت . .
خذ موقعك في جدول الضرب وانتظر
كسرك وطرحك وتقسيمك وجمعك ثم نثرك
تتلاشى ولن تعود لن تعود
ولن يلاحظ احد غيابك
او الفراغ الذي تركته في مكان ما
فمجرد رقم انت
جوعك او عطشك او حرك
صراخك او صمتك
لايعني الكثير
فمجرد رقم انت
خذ موقعك في الجدول وانتظر . . .

السنة الـ ٨٥ ، لِقَمرِ الأرض
فِي مثل هَذا اليَوم وُلِدت فيروز ..

الخَطُّ الفاصل بَين الحُب وَ التَخلي ، مَعبر
وَ الخَطُ الفاصلُ بين الثقة وَ الغرور ، خُطوة
وَ الخطُ الفاصل بين كُل قِصة حُب ، وذكرياتننا.. فَيروز

غَاليتي فَيروز ..

هَل تُدركين ما ارتكبتهِ طيلة هذه السنين؟ وَ هُل تدركين كَم تحدثتي عن مشاكلي أفضل مما تحدثتُ أنا؟

أذكرُ فترات الخريف الحزينة ، التي كنت أرتبِكُ بها عندما أخبرتني
" القصة مش قصة طقس ، هي قصة ماضي كان عنيف"

أذكرُ فُراقي الأول ، عندما رَبتَ صوتكِ على كتفي يخبرني
" بقولو الحب.. بيقتل الوقت
وبقولو الوقت.. بيقتل الحب "

وماذا عَن
" بعدو هل حنين.. من خلف الحنين ، بالدمع يغرقني.. "

" الهوا غلّاب.. عجل واتعى السِني ورى الباب"

" يخطر عبالك شي نجم وتقوم تمشي بالعتم.. وانطر أنا عالباب ، انطر خايفة.. "

لَقد كُنتِ في داخلي بكل مرة لم أستطع أن أرى بها أحداً هُناك ، لَو تدرين كم أرغبُ في شكر اليوم الذي وُلدتي به.. اُخرُجِ و اضحكِ مَرةّ أُخرى..

" مو محرز هالعمر .. والله "

من أجلِ ذلك ، زورينا وَ لو كل سنة مرة..
حرام تنسينا بالمرة..

عامٌ سَعيدٌ للتقويم لأنكِ وُلدتي ، عامٌ سعيدٌ لنا جميعاً بكِ
فَوِلادة كُل يوم جديد، هيَ ولادة لـ فيروز..
لأنَّ فَيروز وَ الحياة، وِلادة واحدة💛

فرانسوا داراني

خلوني اختصر الطريق شوي..
اليوم صار تفجير و مات ناس.. و نحنا حزنا كتير و خفنا اكتر و ناس منا قعدت بالبيوت و هاد حقنا..

يوم يومين تلاتة لح نرجع نطلع من البيوت و يرجع كلشي متل ما كان مبارح...

و بعد اسبوع.. شهر.. سنة.. يلي هو.. عالاغلب لح يرجع يصير تفجير.. اذا مو تفجير هاون.. و في ناس لح تموت..

و إذا هديت فترة فلح تطلع قصة ما.. يمكن مي.. يمكن مازوت.. يمكن بنزين.. و يمكن كلون سوا.. و لح يضل في خط عسكري و واسطات و فساد.. و الحواجز ما اتوقع تروح قبل كذا سنة.
و بعد فترة لح تطلع انتخابات مجلس الشعب يلي فاقدين الأمل منو..
و لح يبلش مشوار المنتخب السوري يلي غالبنا بيعرف شو نهايتو بتصفيات كأس العالم.
و بيجوز يتغير وزير الكهربا.. و ربما الوزارات كلها.. و لح يضل وضع الكهربا سيء..
و ناس كتيرة لح تسافر.. و ناس أكتر لح تفكر بالسفر.. و يمكن في ناس ترجع ما بعرف.

و بوسط كل هاد.. لو خفنا و ردينا قعدنا كم يوم بالبيت لح نرجع نطلع.. و لح نرجع ننتخب بمجلس الشعب.. و نحكي على وزير الكهربا و الحكومة.. و نتخانق بموضوع السفر.. و لح نضل عم نحب.. و نحتفل بعيد المراة عالفيسبوك.. و ننبسط وقت يفوز أو يخسر برشلونة... لح يضل عنا أمل بالمنتخب السوري لوقت ما يصفر الحكم.. و بالعياد لجميع الطوائف لح نكتب بأي حال عدت يا عيد.. ننطر على دور البنزين و نحس بالنصر لما نعبي تنكة.. و لح يضل في شب و بنت ناطرين بعض بالشام القديمة بالحارة ورا الآسية ليسرقوا بوسة.

و لح يضل في ناس عم تعزف.. و ناس عم تغني.. و ناس عم تكتب و ناس عم تسهر و ناس عم تنق.. و لح يضل في شخص ساذج متلي عم يجرب يشوف البقيان حلو بالشام.

نحنا هيك.. ٧ سنين مرات كنا نضعف و نخاف معلش.. و نرجع نقوى..

اليوم معلش تخافوا من الشام.. بس بوكرا حبوها.

دمشق ١٦-٣-٢٠١٧

————-
في بلادي.. من السهل جداً قراءة المستقبل.. اختر ما شئت فالألمُ هو العنوان.

في بلادي.. لا يُغلق كتابُ الحزنِ أبداً.

/