خلي الدنيا تعاكسك يوم
وشوف انا فيها بسوي شنو..
ولو في يوم ضراك مخلوق
بس وريني أذاكا منو..
من غير ماتقول شاور ليهو
او بس قول لي اوصاف عنو...

يا مساء السعادة عليكم

انتظرونا بكرة في حلقة فخيمة جداً برفقة الشاعرات الجميلات:

الشاعرة تاجوج درويش
سوهندا عبد الوهاب
الخنساء بت المك
Zoba Tashin

في حضرة الوطن العظيم ..
على قناة الثوار ..
ألكعوا وأعملو ليها لايك ومتابعة عشان بكرة تتابعونا لايف الساعة ٦ شووووووكة بالمساء ..

أبقو قراب وكل المحبة🥰

رابط القناة :

https://www.facebook.com/thwarchannel/
رابط القناة ☝

بريدك إنت يا السودان
وبي فضلك بقيت إنسان
انت الضحكة والبسمة
انت الفرحة والنسمة
انت الحب وانت الريدة
والتحنان
بريدك انت يا وطني
لانك جاري في دمي
وبعشق فيكا كل مكان
بريد شجرك
بريد نخلك
بريد ناسك
بحب اهلك
وريدي انا ليك صبح عنوان
بحب نيلك
وبعشق كل تفاصيلك
بريدو جمالك الفتان
وفيكا نظمتا اشعاري
بجر النم
غنا ودوباي
وبي رسمك بقيت فنان
وحاة اسم الله يا السودان
بحلف تبقى روحي فداك
وبدعو الواحد المنان يحفظ
كل مساحاتك ويبعد عنك العدوان
زيك مافي يا السودان
وأبدأ مافي ليكا مثيل
بريدك ريدة من جواي وشايلاك
ديمة في قلبي وفي عقلي
وفي عيني ومجرى دماي
وبدعو الواحد العطاي
يحرسك بالنهار والليل
بعزك عزة من تبيت
وفي ضلوعك شكيت وبكيت
منو الغيرك بواسيني وللدمعات
صبح منديل
وحاتك انت يا السودان
ما بقدر افارقك يوم
وفي بعادك بعيش محروم
بكون مظلوم وببقى ذليل
فيكا عرفتا معنى الحب
شربتا الطيبة والتحنان
ملخبطة بي مياه النيل
ومهما كتبتا فيك اشعار
ومهما وصفتا فيكا كتير
يا يعجز قلم حبري و
حايخلص ورق شعري
ويصبح وصفي فيكا
قليل ..

أرشيف..

اهلي الفي الوصف عالين مكانة وقامة
في باقي الدول باقي الدول باقين أنحن علامة
رافعين الجباه عزة وكرم وشهامة
اهلي الفي المحاص شايلة السيوف قدامة

عالين قامة أهلي أبان دقون واشناب
ما بهابو الرحيل ما بخافو ذل وارهاب
اهلي الفي الخصال مافيها زول بنعاب
اهلي الفي الدواس سلوها مرقو رقاب

نحنا عراقة نحن حضارة نحن الكوة
نحن مأصلين بنقوم ونقعد سوا
للسارقنا بنقوم حريقة وعوة
متلنا في الخلوق ما اظنو ولدت حوة

اهلي ابان سياط وابان دفوف وعككز
وان جيت للكرم يانا الاصل والمركز
اهلي الجاهلن في الحوبة ما بتلكز
ثابتين قول وفي الحوبات قرارنا ممركز

نحن صغيرنا في الحوبات هميم بطبيعتو
ونحن كبيرنا في المجمع بتفرح سيرتو
الضايح بنأويهو ونفكلو ضيقتو
والعادانا بنذلو ونكدر عيشتو

انحن رجالنا اصواتن غليظة وبحة
انحن سيوفنا في العركة بتسوي التحة
انحن كما الجبال الثابتة ما بنتنحة
نحنا ان متنا ما بتسمعنا قلنا الاحة

نحن الفي الكرم فتنا وخرقنا العادة
ونحن ضراعنا خدرة وباقية لينا وسادة
يوم ردعي السلاح والعركة ما بنتنادة
نحن عدونا بنكتلو ونسيلو مقادة

انحن بنرفل العركة ونحرر سوقا
وبالجود والكرم ايدينا مي واقوقة
انحن اعدانا زي كور المعيز بنسوقا
ما فوقنا الجلغ مافينا زولا عوقة

انحن النار والعادانا فوقنا شحم
ونحن صنج ونحن غنج ونحن الهم
انحن الفينا شم الدم وقال حرم
انحن ان جينا ندفع ما بنقول بي كم

انحن قلوبنا طاهرة وبالعفاف مكسية
نحن عزاز ونحن لذاذ وصافين نية
شان خاطر الوطن بنموت ولا همية
نسكن في ضراو ان شاء الله فوق قطية

نحن قلوبنا عامرة وصافية من الجوف
وجاري النيل وسطنا مسوي ليهو جروف
انحن رجالنا في الكوماج بقيفو صفوف
بنروي سيوفنا من الفقرة والغضروف


ولي كرم الضيوف نضبح ولو هامينا
طاعمين في الحديث ان درنا وان صافينا
البندورو بنزورو وحبابو يجينا
والكجنا نوطاهو بي نعلينا

انحن قلوبنا طاهرة ومافي فيها دناسة
انحن نضمنا واضح وخالي غش وخساسة
انحن نفرتق العركة وندقو نحاسة
بنسو النجيضة افعالنا ماها عواسة

انحن سيوفنا زي لمعي الدرر رارارية
انحن عدونا بنخلعو وتجيو صاصاية
القاصدنا في العركة بتجيو داداية
نحن طريقنا موو معووج طريق دالاية

هلينا الثورة هيلنا العز وهيلنا النيل
خاتين عيب وعالين هام واصلنا نبيل
وشنا للبزورنا بشوفو سمح وجميل
والعادانا يبشر بي خراب السيل

هن للكاشفة غتايين عروض وستارة
وهن للعركة حكاما وبيملو الدارة
هن اولاد مهيرة الما بيرضو حقارة
هن صافين ووكت الحارة ببقو عكارة

فينا اللي الضبح سن الجقيقة جهز
قلام الفقر ليهن بجر وبجز
هميم جاهلنا ليو في الحوبة ما بنلز
عدال من قمنا أسياد راي وسادة عز

بنفرتق رويس القصدو بينا يباعد
وعن ساعة المحاص صوت البندق راعد
الهامل المشلهت ليو نتب ونساعد
قسم مافيش متلنا وغيرنا شبهو في قاعد

انحن جانا ضايح بابنا ما بنسدو
بنوافي القريب والجار دوام بنفقدو
ان ادينا مدة قرشنا ما بنعدو
وان عادينا زول فوق للجمر بنمدو

انحن رحمنا بنزورو ونمشلو نوافي
ولي كرم الضيوف جاهلنا بمرفق حافي
انحن نضمنا بنزينو ونسيلو قوافي
متلنا في البلود معدوم وحرم مافي

الربابة
بتهوش روحي حين تبدأ التنقرش دابا
كان ما الخوف إقولوا مرام بقت كضابة
برررركز وبنجلد والعنجة ماني بهابا

الصقرية
هيل أهلي البخلفو الكية
بركزو للبطان وبشنقوا الطاقية
بشبع ضيفن إن جاهن مرارة وشية

آمنة فضل:

النقاره ااااااااه من نقرة النقاره
وكتين تنقر القلب الرهيف بي ناره
الدلوكة و الشتم المعاهو حراره
شيتا يمرق الدم في بطون الداره

مرام العبد:

النقرة البتوقد نار وتبدأ شرارة
السوط المقطرن ما بنضوقلو مرارة
الخماشة والنتاشة والحرحارة
بتبكي الجلود والدم بكب بغزارة

أجمل إصطباحة
لمن تصحى بدري
وتسمع صوت حبيبك
ويملاك حِن وراحة

توزع إبتسامتك
وتبدأ اليوم مفرهد
زي وردة بتقالد
في أنوار صباحا

تحس نفسك مميز
براكا ومافي زيك..
براك سيد السماحة
.
.
أجمل إصطباحة.. صباح السعادة عليكم..

فاهمة الريدة .. قارية كتابا
بعرف اكون متين قاسية ومتين كبكابة
ضقتا من المحبة حلوها ضقتا عذابا
وأحمدالله لاني الخاينة لا الكضابة

ردتو شديد
عقلي الجن بيهو بليد
سهران مايقي جافاني الغميد
شوفتو الجنة سيرتو براها عيد

نافر وقاسي
بعاتب طيفو واشكيلو المآسي
انا طارياهو يوت الليا ناسي
بصدع وأبكي وأسع رابطة راسي

انا بعشق كلامو
متوك قلبي واقع فوق غرامو
متين ألقاو وقلبي يتم مرامو
وتبشر كفي عن ساعة سلامو

أتقول كاتبني
يجهل إصد ويغلط هو ويجي يعاتبني
الحاسابو حبي وصاحبي أخويا و إبني
عاجبة سواهو عيلا الغيرو مو عاجبني

إت همباتي
سالب روحي كل ماليها ليك بتتاتي
قلبتا كياني جيت لخبطتا ليا حياتي
أعمل ايه معاك احترتا فيك انا زاتي

بتنخج وأصيح
حن فوق حالي لي متين أستريح
عقلي خرابة قلبي ولو نصيح
جروحي عقب دموما غشاها قيح

يلا قوموا
نمشي نقعد
ونحكي تحت القمرة قصة
وكل زول يمرق همومو
يلا رغم الليل نغني
ويرقص السماء
بي نجومو

يلا ننبش ذكرياتنا
يلا نحسب أمنياتنا
يلا نبكي
أيوة نبكي
عشان قطار الفرحة فاتنا
وإيه لزومو
ننوم حزانا
نصحى نشرد من
نعاسنا
عشان حلم بالجد أذانا
وإيه لزومو
ننوم تعابا
نصحى بنواجه الكآبة
نحندك النوم بالكتابة
نخلي قلم الريد يلومو

ياما ناس صاحين بريدو
وياما زول فاقد وحيدو
ياما زول سهران وبدعي
يشوف جديدو
ياما ناس في نهارا نايمة
ولما يبدأ الليل بحومو

ناس تريد في الليل ضلامو
وناس تريد في الليل كلامو
ناس تحب في الليل هدؤو
وناس تحب في الليل سلامو
الا عيني صاحية لليل شان تلومو
ليه عيون خلق الله نايمة
وليه براي انا صاحية فيك؟!
ليه بوانس فيك براي
ومافي زول ونسني فيك
ليه سماك بارد عليهم
وقلبي متوسد سمومو

ليه تشر للناس أمانك
وباقي لي جدا مخيف
وانت عارف
إنو بي سبب المواجع
قلبي أضعف من ضعيف
وبرضو عارف انو عيني
يومي في الدمعات بعومو

هسة خليك ليل ظريف
صاحية بترجاكا تعطف
حن علي يا ليل وقيف
ولولي عيني شان ينومو
.
.
خرمجة آخر الليل

في الراكوبة حبوبة بتسوي الجبنة
تسقي معاها كم زول غيرا
كانت شالعة زي القمرة
مالي الدنيا نورا وخيرا
باهية طلة سمحة سيرة
وبت أمونة
والراسية أم سماح فطونة..
متلمات قريب لسريرا
والضراب يطير بي فرحة..
ينزل تحتو حفرة كبيرة..
فيها حاجرة أصغر منو
لعبن بيهن أم حيفيرة
.
.
.
كل الجمال والسماح والعظمة والراحة والامان والطمأنينة والفرحة والايام الما بتتنسي كانت جنبك.. وكنا ماشين وبنكبر ومتيقنين بي دعاك.. وحتى الارض والحجار بتذكرنا بيك.. وبعدك الزمن انسخط والخلوق اتغيرت والنفوس ضاقت ..
حياتنا في قربك كانت جنة وحاجة أكبر من انها تتكتب بي حروف وبخوني فيها التعبير جدا (وأنا زي حنان حبوبة ما لاقيت مثيل💔) ربنا يرحمك ويجعل قبرك روضة من رياض الجنة ويجمعنا بيك في الفردوس الأعلى..

يازول في غيابك بتوتر
بشتدا عليا ضلام دنياي
والجو في سمايا بيتعكر
يازول فتشتا جواو زاتي
ولقيت الزات في زاتــــــ
اعماقك اتحـــــــــــــــكر
وانا قلتا اشيل زاتي وارحل
لكنو قليبي وقع مني وفي
داخل قلبك اتوغل...وانا قلتا
اشيل قلبي وارحل...لكنو دماي
سالت مني ومن مجرى دماك
دارت تنهل...وانا قلتا اعبئ دماي
وارحل...لكني لقيت مخي اتبرجل
لي كل زاكرتو الفيو ودر...طالبتو
يعرف نفسي عليك...لكنو نساني
واتنكر...ولقيتو بعرف لي زاتك
شخصيتك واسمك وميلادك
تاريخك ولي دنياك صور
وانا ما ظنيت عقلي بفكر
في زولا غيرك ويتزكر


.
.
أرشيفي

* ﺧﻄﺎﺏ ﻏﺮﺍﻣﻲ ﻣﻦ ﺩﺍﺭ ﺍﻟﻮﺛﺎﺋﻖ ﻣﻦ عام 1962 .. ‏(ﺍﻟﺸﻤﺎﻟﻴﺔ - ﻣﺮﻛﺰ ﺷﻨﺪﻱ - ﻗﺮﻳﺔ ﺍﻟﺸﻘﺎﻟﻮه).

- ﺧﺎﻟﻲ ﺍﻟﺤﺎﺝ ﺍﻟﺨﺪﺭ ﻭﺩ ﺍﻟﻔﻀﻞ
ﻭﻣﻨﻪ ﺍﻟﻰ ﻣﻴﻤﻮﻧﺔ
ﻳﺠﺪﻫﻢ ﺑﺨﻴﺮ - ﺷﻜﺮﺍً ﻟﺴﺎﻋﻲ ﺍﻟﺒﺮﻳﺪ

ﺇﻟﻰ ﻣﻴﻤﻮﻧﻪ ﺑﺖ ﺍﻟﺨﺪﺭ .. ﻭﺭﻕ ﺍﻟﺴﺪﺭ ..
ﻋﺎﺷﻘﻚ ﻃﺸﺎ ﻭﻭﺩﺭ .. ﺿﺮﺏ ﺍﻟﺒﻨﺎﺩﺭ
ﻋﺸﺎﻥ ﻳﺠﻴﺐ ﺍﻟﻤﺎﻝ ﻭﻋﺎﺭﻓﻚ ﺭﺍﺟﻴﺎﻫﻮ
ﻋﻠﻰ ﺍﺣﺮ ﻣﻦ ﺍﻟﺠﻤﺮ

ﺳﻼﻡ ﻟﻴﻜﻲ
ﻭﻟﻠﻨﺎﺱ ﺍﻟﺒﺮﻳﺪﻭﻛﻲ .. ﻭالبيحجنوكي ﻳﻄﻴﺮﻭ ﻓﻲ ﺑﻠﺪ ﺍﻟﻠﻪ .. ﻳﺼﻠﻚ ﺟﻮﺍﺑﻲ ﺩﺍ ﻭﻳﻠﻘﺎﻛﻲ ﻓﻲ ﺧﻴﺮ.

أﻣﺎ أﻧﺎ إﻥ ﺳﻌﻠﺘﻲ ﻣﻨﻲ .. ﻻ ينقصني ﺷﻲ ﺳﻮﻯ ﺭﺅﻳﺎﻛﻲ.

ﻣﻦ ﻳﻮﻣﻲ ﺍﻟﺮﻛﺒﺖ ﺍﻟﻘﻄﺮ ﻭﻗﺒﻠﺘﺎ ﻏﺎﺩﻱ
.. ﺳﺎﻓﺮﺕ ﺍﻧﺎ ﺍﻟﺠﺘﺔ ﻭﻗﻠﻴﺒﻲ ﺧﻠﻴﺘﻮ ﻣﺸﻌﻠﻖ ﻓﻲ ﺍﻟﻤﺸﻠﻌﻴﺐ ﺍﻟﻤﻌﻠﻖ ﻓﻲ ﻣﺮﻕ ﺩﺍﻧﻘﺘﻜﻢ .. ﻋﺸﺎﻥ ﻛﻞ ﻣﺎ ﺗﺠﻲ ﺗﺨﺘﻲ ﻟﻚ ﺑُﻘﺮﺓ ﻟﺒﻴﻨﺔ ﺗﺰﺣﻴﻬﻮ ﺑﺸﻴﺸﻲ ﻟﻲ ﻏﺎﺩﻱ ﻭﺗﻄﺮﻳﻨﻲ .. ﺗﻠﻮﻟﺢ ﻓﻴﻬﻮ ﻫﺒﺎﻳﺐ ﺍﻟﻐﻲ .. ﺳﻴﺪﻭ ﻳﻄﻤﺶ ﺑﺎﻟﺒﻨﺎﺩﺭ
ﻭﺷﺎﻭﻳﺎﻫﻮ ﻧﺎﺭ ﺍﻟﻐﻲ.

ﺍﻣﺎ ﺑﻌﺪ:-
ﺍﻓﻴﺪﻛﻢ ﺍﻧﻲ ﻭﺻﻠﺖ ﺍﻟﺨﺮﺗﻮﻡ .. ﻭﺭﻛﺒﺖ
ﺍﻟﺘﻜﺴﻲ قلتلو ﻭﺩﻳﻨﻲ ﺍﻟﺴﺠﺎﻧﺔ ﻋﻠﻲ
ﻧﺎﺱ ﺧﺎﻟﻲ ﺍﻟﺒﺸﻴﺮ .. ﻭﺻﻠﺖ ﺍﻟﺒﻴﺖ
ﻟﻘﻴﺖ ﺍﻟﺴﺘﺮﺓ ﻣﺮﺕ ﺧﺎﻟﻲ .. ﺍﺳﻜﺘﻲ ﻣﺎ
ﺑﺘﻘﻮﻟﻲ ﺍﻟﺴﺘﺮﺓ ﺍﻟﻤﻴﺤﻼﻧﺔ ﺩﻳﻚ ..
ﺳﻤﻨﺖ ﻭﺑﻘﺖ ﻗﺪﺭ ﺍﻟﻠﻴﻠﺔ ﻭﺑﺎﻛﺮ .. ﻧﺎﻥ
ﺍﻟﻘﺮﺍﺭﻳﺺ .. ﺍﻟﻘﺮﺍﺭﻳﺺ .. ﺍﻭﻝ ﻣﺎ
ﺩﺧﻠﺖ ﺟﺎﺑﻮ ﻟﻲ ﺻﺤﻦ ﻗﺮﺍﺻﺔ ﺑﻲ
ﺩﻣﻌﺔ ﻓﻮﻗﻬﺎ ﻟﺤﻴﻤﺎﺕ .. ﻭﻧﺎﺱ ﺍﻟﺒﻨﺪﺭ ﻳﺎ
ﻣﻴﻤﻮﻧﺔ ﻛﻞ ﻳﻮﻡ ﺑﻴﻀﺒﺤﻮ .. ﻣﻮ ﻣﺘﻞ
ﻧﺎﺱ ﺑﻠﺪﻧﺎ ﻳﻀﺒﺤﻮ ﻣﻦ ﺍﻟﺴﻮﻕ للسوق (ﻭﺍﻟﻀﺒﻴﺤﺔ ﻳﺎ ‏ﻋﻨﺰ ‏ﻛﺒﻴﺮﺓ .. ﻳﺎ ﻋﻨﺎﻕ ﻟﺪﻏﺎﻧﺔ)
وشفتي ﻳﺎ ﻣﻴﻤﻮﻧﺔ ﺍللمبه ﺍﻟﻠﺖ ﺍﻟﻜﻬﺮﺑﺎﺀ ﻣﺎ ﻋﻨﺪﻫﺎ ﺷﺒﻪ
ﻋِﻼ ﺍﻧﺘﻲ ﺍﺻﺒﺮﻱ ﻟﻲ ﺑﺲ إﻥ ﻣﺎ
ﻋﺮﺳﺘﻚ ﻭﺟﺒﺘﻚ ﺍﻟﺨﺮﺗﻮﻡ ﻭﺳﻮﻳﺖ ﻟﻚ
ﺍﻟﺒﻴﺖ ﻛﻠﻮ ﻟﻴﻤﺐ ﻣﺎ ﺗﺪﻳﻨﻲ ﺍﻳﺪﻙ ..
ﺗﻮﻟﻌﻲ ﻭﺗﻄﻔﻲ ﺳﺎﺍﺍﺍﺍﺍﻛﺖ !!
ﺍﻋﺮﻓﻚ ﺍﻧﻮ ﺍﻟﻤﻨﺪﻳﻞ ﺍﻟﻠﺨﺪﺭ ﺍﻻﺩﻳﺘﻴﻨﻲ ﻟﻴﻬﻮ ﺧﺎﺗﻴﻬﻮ ﻓﻲ ﻗﻌﺮ ﺍﻟﺸﻨﻄﺔ .. ﻛﻞ ﻣﺮﺓ ﺍﻣﺮﻗﻮ ﻭﺍﻋﺎﻳﻦ ﻟﻮ ﻭﺍﻃﺮﺍﻛﻲ.

ﻣﺸﻴﺖ ﻣﻊ ﺧﺎﻟﻲ ﺍﻟﺒﺸﻴﺮ ﻟﻠﻈﺎﺑﻄﻴﺔ ﻭﻗﺎﻟﻮ ﺧﻼﺱ ﺑﻴﺸﻐﻠﻮﻧﻲ ﻓﻲ ﺍﻟﺒﻮﻟﻴس.

ﻭﺑﻌﺪﻳﻦ ﻳﺎ ﻣﻴﻤﻮﻧﺔ ﺑﻌﺪ ﺷﻬﺮﻳﻦ ﻛﺪﻱ ..
ﺭﺳﻠﻲ ﻟﻲ ﻣﻘﺎﺳﻚ ... ﺭﺳﻠﻴﻬﻦ ﻣﻊ
ﺍﻗﺮﺏ ﺯﻭﻝ ﺟﺎﻳﻲ ﻣﻦ ﻃﺮﻓﻜﻢ؛ ﺭﺳﻠﻲ
ﺟﻼﺑﻴﺔ ﻣﻦ ﺟﻼﻟﻴﺒﻚ ﻋﺸﺎﻥ ﺍﻗﻄﻊ ﻟﻚ
ﺗﻼﺗﺔ ﺯﻳﻬﺎ ﻟﻠﻌﺮﺱ .. ﻭﺭﺳﻠﻲ ﻟﻲ ﻓﺮﺩﺓ
ﻧﻌﺎﻝ ﻣﻦ ﻧﻌﻼﺗﻚ .. ﻋﺸﺎﻥ ﺍﺷﺘﺮﻱ ليك ﺟﻮﺯﻳﻦ ﻧﻌﻼﺕ .. ﻭﻓﻲ ﺍﻟﺨﺘﺎﻡ ﺳﻠﻤﻲ
ﻟﻲ ﻋﻠﻰ ﺍﻟﻨﺎﺱ ﻣﻦ ﺟﻢ.

ﻭﺩ ﻋﻤﺘﻚ ﻭﺧﺘﻴﺒﻚ ﺳﺮ ﺍﻟﺨﺘﻢ ﻭﺩ ﺍﺑﺸﻮﺭه

* ﺟﻮﺍﺏ ﺣﻘﻴﻘﻲ ﻣﻦ ﺩﺍﺭ ﺍﻟﻮﺛﺎﺋﻖ 1962 .. ﻳﺎ ﺳﻼﺍﺍﺍﻡ ﺣﻠﻴﻞ ﺯﻣﺎﻥ ﻭﺃﻳﺎﻡ ﺯﻣﺎﺍﺍﺍﻥ .. الحب الصادق بي ابسط كلمات.

أريتو لو الزمن برجع
ونمسك عقرب الساعات
واريت الذكرى ما تسافر..
اريت الشوق يجيب الفات..
اريت الماضي لو ينعاد
أريتو يعود تراثنا المات

لمن كنتا صغيرة وبلعب بالتراب
ماما درستني الدنيا من كتاب
نجحتا ما رسبتا ..
درستا ما حسبتا

بدل ما أكتب حاضر
رسمتا صورة الماضي
وعدتا كل الغاب..
والموسيقى تضرب
والجرس بيضرب
والمعلم إضرب
والزمن بيضرب
والضرب عقاب..
والكشافة تكشف
والرقاصة تكشف
والدكاترة تكشف
والمريض مصاب
.
ياما قلنا ناكل
ناكل لما نشبع
ونكشح العقاب
والفضل فضيلة
عجوة كان بليلة
دورة الشبع غريزة
حتى في الكلاب
نشرب مرة قهوة
شربوت .. كان مريسة
بنشرب الحناضل
في كؤوس عذاب

كيفن نان بنضحك
انا غايتو ضحكي بجامل
وفرحي يوت كضاب

بعرف كيفن أبكي
ودموعي يوت تقيلة
متل المطر بتنزل
هي بتقهر الرموش
وهو بكسر السحاب ..
.
.
.
فهمتو شئ؟!
أنا غايتو ما فاهمة ..

أنا دايرة أشيل منك قلب
وأديك قلب
أنا دايرة أخشك فال وريد
وأعمل مع نومك حرب
تفضل تفكر فيني
بالليل والنهار
ومشيك يباري خطاي
براي وخطايا غير
دربك تغب..
تبقى الدليل
منديل بصد دمعي
البسيل..
نجمي البوريني الدرب
وأبقالك الحن والامان
وابقالك الدار والفرح
واغني ليك ...
هوي آ الحبيب ..
قوم يلا تب..
هوي آ الأصم قوم
أنكرب..
انا ميتة فيك..
شيل حملي خليني
أنجيك..
مليانة بيك..
خابراكا لي عيوني بتحب

لاقيني عند ساعة الشروق
والموج بدافر للمروق
م الرملة كاتلة ليهو شوق
يتقالدو ويتوانسوا ويجارو
في القيف والبحر
دفر الشمس خلاها مرقت
بالغرب..
والقمرة جات..
والغيم بغير من جيتا
فات السماء..
اصلا غيور وكتين
يشوفا بينسحب ..
واترصن النجمات سوا
بنوت نعش قعدن
قصاد العنقريب ..
في الواطة جم
ضل القمر.. يتونسن
ونسيم هواك فوقن بهب
وانا قاعدة بتكرف لقاك
وخيالي مليان بالصور
صورة عيونك ونظرتك
رصة سنونك وضحكتك
ركعات صلاتك وغرتك
صورة ملامحك ...
وفجأة أسرح في الصور
وأنعس مع بالي الضهب
وانوم واحلم بي لقاك
والقاك في النوم مبتسم
شايل معاك فرح السنين
كوم امنيات ومعاو قلب

واديك يقين ووعود
ملانة غرام وريد
وعيون مستفة بالحنان
وأديك بدل قلبك قلب
❤

الريدة أصلا لو حروف
حرمان علي شعري النضم
كان ما بداهو قصيدي بيك

الريدة لو كانت دموع
أنا ببكي من الليلة
لي يوم ألتقيك..

والريدة لو كانت عذاب
ياخ وآحلاتو عذابي فيك..

والريدة لو كانت هي خوف
رغم الضياع الحاسة بيهو
بخاف عليك

والريدة لو كانت سهاد
بسهر وأناجي القمرة والليل
وأدعي واتمناك شريك
.
.
.
(والله بريدك
ريدة ما أظن من خلقتا
مع البشر ..
حا تلقى زولاً رادا ليك)..
.
.
والله جد ❤