7.21七個月
不能習慣的荒謬 · 不能忘記的初心

荒謬，就係對恐襲計劃早已知情但刻意製造無警時份，然後話「對元朗暴力行為不能容忍」

荒謬，就係999打唔通警署拉閘收舖唔接受市民報案，然後話「從未停止服務」

荒謬，就係老人家大肚婆女記者畀圍毆到頭破血流，然後話「雙方打鬥」

荒謬，就係持槍警員見到施襲者然後背棄市民逃離現場，然後話自己「忠誠勇毅」

荒謬，就係警方接報後39分鐘等白衫恐怖份子安全撤退後先到達現場，然後話「冇機會睇錶」「冇八個字咁耐」

荒謬，就係所有傳媒鏡頭都拍下白衣人深夜持藤條木棍水喉通聚眾而在場警員無動於衷，然後話「唔見有人揸攻擊性武器」

荒謬，就係同持械鄉黑並肩同行談笑風生仲放水俾白衣人坐車安全離開，然後話「同黑社會誓不兩立」

荒謬，就係過百恐怖份子無差別襲擊市民影片照片閉路電視證據確鑿但事發多個月後都只係不足十人被起訴，然後話「要維護法治」

運動經歷八個月，政權一貫傲慢，黑警濫權濫暴無日無之，7.21似乎已經彷如隔世，但這樣是否代表你已經接受了當晚的種種荒謬？

上月底，元朗西鐵站連儂手足受鄉黑所襲，就係血淋淋的提醒：元朗那夜的黑暗，原來一直都未離開過

運動經歷八個月，集會過了、遊行過了、不合作過了、佔領過了、衝突過了、三罷過了，得到的只係1/5個訴求；武肺疫情來襲，政府無能亦無為，市民忙於自救，焦點分散了、腳步緩下了、力量減弱了，但初心變了嗎？

初心，就係拒絕荒謬成為常態
初心，就係相信改變始於行動
初心，就係盡力做可以做的事
初心，就係堅持幾攰都要出嚟
初心，就係毋忘手足煲底之約
初心，就係幫行唔到落去嘅手足行埋落去
初心，就係：

#光復香港時代革命
#五大訴求缺一不可
#沒有暴徒只有暴政
#解散警隊刻不容緩

#721元朗恐襲 #毋忘初心