සූර්යයාගේ ඒකපථ ප්‍රේමය...❤️
The one-way love of the sun...
🥺

"හඳ නිහඬ වූ දා පටන්,
මගේ වචනත් ගොළු වුණා."

සමහර මිනිස්සු
ජීවිතෙන් යන්නේ
රණ්ඩුවකින් නොවෙයි...
නිහඬවම දොරක් වහලා.

ඒ දොර ඉස්සරහ
තවමත් මම ඉන්නේ
ඇතුළට එන්න නෙවෙයි,
අවසාන වතාවට
හිනාවක් මතක් කරගෙන යන්න.

සඳවතිය" 🌙...
නුඹට මාව මතක නැති වුණත්,
මට නුඹව අමතක කරන්න
හදිස්සියක් නෑ.

ඒ නිසා
මම අදත් නිහඬවම බලා ඉන්නවා....
අහිමි වූ මිතුදමකට
වෛරයක් නොතියා.

Chathu_Rathnayake💖

සමහර අවස්ථාවලදී දෛවය කළු ගලක් වෙලා හරි එනවා අපේ ජීවිත වලට 💔🍃!

නිහඬ වේදනාවේ ප්‍රතිධ්වනි

නොහඬන හදවත්හි හඬ,
ලොවට කිසි කලෙක ඇසෙන්නේ නොවේ.
කඳුළු දෙනෙත අද්දර නවතා,
සිනා මුහුණෙහි සඟවාගත් දුක්,
විඳින්නාම පමණක් දනී.

තනිකම වනාහි
ජනශූන්‍ය ගෘහයක වාසය නොව,
සහස්‍ර ජනී ජනයා මධ්‍යයෙහි හිඳ,
තම හද අරුත වටහාගන්නට
එකම ප්‍රාණියෙකු හෝ නොමැති වීමයි.

නොකියූ වදන්
හද පත්ලෙහි ගල්වී නිදන කල,
රාත්‍රියේ නිහඬ බවම
ඒ වේදනාවේ ශෝක ගීතය ගයයි.
කඳුළු බිඳුවක් වනාහි
හදෙහි නොලියූ ඉතිහාසයක
අවසාන අකුරය.

අහෝ...
මනුෂ්‍යයෝ මරණයෙන් පමණක් අහිමි නොවෙති.
නොසලකා හැරීම්වලින්ද,
නොතේරුම්කම්වලින්ද,
නොඇසූ නිහඬ සුසුම්වලින්ද,
දිනෙන් දින නිවී යති.


එබැවින් අසමි...
හඬා වැටෙන්නන් සනසන ලොවක,
නිහඬව බිඳෙන හදවතක නිශ්ශබ්ද කඳුළක් කියවන්නට සමත් මිනිසෙක්,
තවමත් මෙලොව උපදින්නේද?

~ᴍesh:🥀

ඒ කොහොම වුණත්,
අනාගතේ දවසක මනුස්සයෙක්ගෙ හීනයක් හරි ලස්සන කරන්න පුළුවන් වෙන්නෙ
වර්තමානයේ ගෙවන මතකවලට විතරයි....

එහෙම වටින මනුස්සයෙක් වෙන්න පුළුවන් නම්
" ඔයා මනුස්සයෙක්!"

මනුස්සයෙක්ගෙ හීන පැහැර ගන්නව කියන්නෙ
ලෝකෙ තියෙන අමාරුම සොරකම...

හීනයක් වෙලා හරි
මගේ ළඟට එන්න කියල හුඟක් සින්දුවල ලියැවිලා තියෙන්නෙ නිකමට නෙමෙයි...

දකින්නවත් වරම් නොලැබෙන මනුස්සයෙක්ට හීන කියන්නෙ ඔක්සිජන්!✨

'ඔබ නැතුව
ඔය හිතම මං ඉඹිනවා'💔

කියල මං ලිව්වෙත් ඒ නිසා...

- අභිෂේකා විමලවීර✨

කම්පා නොවන්....
,
මහාමායා✨🪽

මතකයන් කඳුළු කරනු හැක
හදවතේ ගැඹුරුම තැනකින්...
එහෙත්,
ආදරය මැරෙන්නේ නැත
අහිමි වීමකින්...

කවි නොලියවුණත්,
නිහඬ හිතක් තුළ
තවමත් ලියැවෙයි
නුඹේ නමින් පේළි...

රිදුමක් වූ මතකයත්
කාලයත් සමඟ
ලස්සන කතාවක් වේවි
කවදා හෝ...

නුඹ දුර ගියත්,
වෛරයක් නොමැත මගේ හිතේ...
මන්ද,
සැබෑ ආදරයක් නම්
අහිමි වූ පසුවත්
සුබ පතන්නට දන්නා නිසා...

ඉතින්...
දිනෙක හෝ
මේ හිතේ දුහුවිලි පිසදා,
මම නැවතත් ලියන්නම්...

නුඹ නිසා නොව,
නුඹව ආදරයෙන් මතක තබාගත්
මගේ හිත වෙනුවෙන්...


Chathu_Rathnayake💖

නෙළන්නට බැරි ඉසව්වක පිපි
මලකි නුඹ මගේ ජීවිතේ
හඬන්නට ලොව උපන් ඇස් අග
කඳුළු බිඳුවකි ආදරේ....

°|තුහිරාවි|°

"තනියෙහි තුරුල්ල"

තනියෙහි පියමං යන මඟ සුළඟට කියමි රහසක්,
හදවත නොබිඳී රැකුණේ නිහඬ බවේ පහසක්.
අහිමි වූ දෑ ගණන් නොකළෙමි කාලෙහි මැදින්,
ඇති දේම සුවඳ වී පිපුණේ මගෙම හදින්.

නොබැඳුණු බැඳීමක් ඇත නිදහස නම් සෙනෙහස,
නොඇඬූ කඳුළක් ඇත සිනහව තුළ සැඟවුණු රස.
ලෝකයම සොයන සතුට පිටතක නැතැයි දැනුණා,
තනියම ඉන්න හිතට තමයි තමන් හමු වුණා.

පෙම් කතා නොලියූ දින ද වසන්තයම විය,
හිරු නැඟි හැම උදයකම නව බලාපොරොත්තුවක් දිය.

***තනිකඩ බව දුකක් නොවෙයි... සිත නිවෙන භාවනාවකි,
තමන්වම දිනාගත් මිනිසාගේ නිහඬ රාජ්‍යයකි.***

~Meshu!:🕊️

මොන ජගතා ආවත් මුහුද ගාවදී විනාඩි ගානක් නිශ්ශබ්ද වෙනවා...සමහරවිට අර කියන්නත් වගේ මනුස්සයෙක්ට ඉන්න හොදම ඇහුම්කන් දෙන්නා මුහුද වෙන්න ඇති!
ඇත්තටම මේ ලෝකේ කතාකරන්න පුළුවන් වුණා නම් රහම ජීවිත කතා ටික ස්ක්‍රිප්ට් පිටින් ෆිල්ම් ගහලා 'ඔස්කාර්' දින්නනේ හඳයි,අහසයි මුහුදයි වෙන්න ඕනේ!
ඇත්තමයි ඒ ගැන සැකයක් නෑ!!!

සමහරවිට එයාලත් කටවහන් ඉන්නේ කාගෙහරි රහසක් රකින්න වෙන්න ඕනේ......💙✨




꧁ѕнωєтнαтнмα꧂

https://t.me/shadowed_hearts

කැමති එය subscribe කරන් යන්නෝ 😁🫶

මල් කියන්නේ සමහරු ආදරෙයි නොකියා පපුව මැද්දෑවට දෙන කෑලි කෑලි වෙච්ච සමහරුන්ගේ හොඳම ආදරණීය හැඟීම ටික....

ප්‍රතික්ෂේප වෙන්න බයම මිනිහෙක් මුලින්ම කරන්නේ මලක් දෙන එක... මොකද මලක් වුණාම ඕනම මිනිහෙක් දෙපාරක් නොහිතා ආදරෙන් අතට ගන්නවා.. හැඩ බලනවා.. ඉඹිනවා.. ආදරෙන් තුරුල් කරගන්නවා..

හැබැයි.......!

ඒ ආදරේ වුණානම් මිනිස්සු අතට ගන්න කලින් දාස් පාරක් හිතනවා! අන්න ඒ වගේ.....

මල් කියන්නේ ලේබල් නැතිව ඇඩ්‍රස් කරන සමහරුන්ගේ කරලියට නොඑන මාන්නක්කාර වචන!!

මල් තරම් ම ගණන්.... නෑ!! ඊටත් වැඩිය ඔය වචන හෙන ගණන් !!!

Cp!

꧁ѕнωєтнαтнмα꧂

අඩු පාඩු විතරක් දැක්ක...........🤍

හිත කොහොමවත් ම නොදැක්ක.........🤍

සීතලේ දි ගිනි තියල මාව රැක්ක.........🖤

ආදරේ විසාලයි ලු,
"වඩා බෙංගාල බොක්ක......."🤍


-Rudrakshyapa 🖤!

https://t.me/mandaram_kaviya

Share karanna kamthi nam✨

අනිත්‍යයේ අභිසාරය..!!

නොපවතින ලොවෙහි
පවතිනැයි සිතූ සියල්ල
පිනි බිඳක් සේ
අරුණෝදයේ රශ්මි මත
නිහඬව දියව යන්නාහ.

කල්පයක් වැපිරූ බීජයද
එක් සුළඟක සිනාසෙමින්,
පත්‍ර වැටීමකින්
සිය වංශකථාව නිමා කරයි.

මිනිසා—
අහංකාරයේ කඳු මුදුනෙහි නැඟී
අහස අතැඟිල්ලෙන් මැන බැලුවද,
කාලය නම් මහා සෘෂියා
ඔහුගේ නාමය වැලි මත ලියා
රළකට භාර දෙයි.

එහෙයින්,
ධනය නොව, දහම වපුරන්න.
බලය නොව, කරුණා රකින්න.
කීර්තිය නොව, සත්‍යය වැළඳ ගන්න.

මන්ද—
සිරුර භූමියට යයි,
හුස්ම සුළඟට යයි,
නාමය මිනිසුන්ගෙන් මැකී යයි;

එහෙත්
යහපත් සිතකින් උපන්
එක් කරුණාබිඳුවක් පමණක්,
කාලයේ දොරටු පවා ඉක්මවා
අනන්තයේ නාදයක් වී
නිහඬව නොනැසී පවතියි.

~Mesh:🕊️