АҚШнинг Сурия бўйича махсус вакили Томас Барак:

📌 Суриядаги ҳарбий ҳозирлигимизни 8 та базадан фақат биттага қисқартамиз.

📌 Суриядаги сиёсатимиз ўзгариши арафасида, чунки бу сиёсат ўтган аср мобайнида самара бермади.

@manbauzz

📌 Иорданиядан Сурияга йўналтирилган цемент ортиб олинган юк машиналари сони 10 654 тага етди. Фақат кеча, душанба кунининг ўзида 1700 та цемент юк машиналари чегарадан ўтди.

📌 “Аль-Мамлака” телеканали хабарига кўра, Амман ва Иордания Савдо палаталари раиси Халил Ҳaж Тавфиқ бу ўсишни Қурбон ҳайити байрами олдидан бозордаги ҳаракатнинг кучайиши ва Сурия билан иқтисодий алоқаларнинг қайта тикланиши, айниқса қайта қуриш соҳасидаги ҳамкорлик билан изоҳлади.

📌 У бу рақамларни “илгаригига нисбатан мислсиз даражада юқори” деб баҳолади.

@manbauzz

Middle East Eye манбасига кўра:

📌 Туркия ва Сурия Демократик Кучлари (СДК) АҚШ воситачилигида тўғридан-тўғри музокаралар олиб бормоқда.

📌 Томонлар Суриядан АҚШ қўшинларининг чиқиши масаласини муҳокама қилдилар.

📌 Музокараларда ИШИД жангчилари ва уларнинг оилалари сақланаётган қамоқхоналар ҳамда лагерларни топшириш масаласи кўриб чиқилди.

📌 Асосий эътибор СДКни янги Сурия армияси таркибига қўшишга қаратилиши айтилмоқда.

📌 Музокараларда Туркия ва СДКнинг ўрта даражали амалдорлари иштирок этган.

@manbauzz

Сурия

Ички ишлар бошқармасига қарашли Ал-Бадия хавфсизлик хизмати 70-фирқаси билан ҳамкорликда Сувейда чўлида жойлашган Тулул ас-Сафа ҳудудида ИШИД гуруҳи фаолият юритаётган эҳтимолли нуқталарда қидирув ва тозалаш операцияларини амалга оширмоқда.

@manbauzz

Сурия Ташқи ишлар вазири Асад аш-Шайбони Қатардан қайтганидан сўнг ўтказилган матбуот анжуманида қуйидаги баёнотларни берди:

📌 Қатар ҳукумати Сурияда учта шифохонани қайта қуриш ва жиҳозлашга рози бўлди.

📌 Қатар Соғлиқни сақлаш вазирлиги билан Сурияда замонавий шифохона қуриш, соғлиқни сақлаш соҳасини қўллаб-қувватлаш ва доривор воситалар соҳасини ривожлантириш бўйича ҳамкорлик юзасидан келишувга эришилди.

📌 Қатар газини Иордания орқали етказиб беришни давом эттириш ва нефть ҳамда газ соҳаларида ҳамкорликни мустаҳкамлаш масалалари келишиб олинди.

📌 Қатар-Сурия қўшма холдинг компаниясини қайта фаоллаштириш ва уни ҳақиқий инвестиция майдонига айлантириш бўйича келишувга эришилди.

📌 Доҳа шаҳрида икки мамлакат ўртасидаги икки томонлама муносабатлар муҳокама қилинди.

📌 Умумий манфаатдор соҳаларда ҳамкорликни мустаҳкамлаш ва ривожлантириш масалалари кўриб чиқилди.

📌 Энергетика, иқтисодиёт ва савдо соҳаларида икки томонлама ҳамкорликни кенгайтириш имкониятлари муҳокама қилинди.

📌 Туризм, алоқа, ахборот технологиялари ва олий таълим соҳаларида ҳамкорликни кучайтириш юзасидан келишувга эришилди.

📌 Қатар молиявий муассасаларининг Сурия банк секторида иштирокини кенгайтириш режалаштирилмоқда.

📌 Биз Сурияни қайта тиклашда шериклик қилишни истаган ҳар қандай томонга қўлимизни чўзамиз.

📌 Сурия ўз суверенитети ва ҳудудий яхлитлигини қўллаб-қувватлаш бўйича Қатарнинг мажбуриятларини олқишлаймиз.

@manbauzz

Исроил ОАВ хабарларига кўра:

📌 Суриядан босиб олинган Голан тепалиги томон иккита ракета отилди.

📌 Ракеталар очиқ ерга тушган, Голан тепаликларида икки нуқтада сиреналар ишга тушган ва портлаш овозлари эшитилган.

📌 Исроил армияси бу ҳужумларга жавобан Сурия ҳудудларини артиллерия билан ўққа тутган.

📌 Шунингдек, Исроилга тегишли ҳарбий самолёт Сурия ҳаво ҳудудига киргани маълум қилинди.

@manbauzz

Исроил мудофаа вазири:

— “Сурия томондан қилинган ҳар қандай таҳдид ва ўқ узиш учун Сурия президенти шахсан масъул ҳисобланади.”

— “Суриядан бўлган ҳужумга жуда қатъий ва тезкор жавоб берамиз.”

@manbauzz

Сурия Ташқи ишлар вазирлиги

📌 Исроил томонига қаратилган ҳужумлар ҳақидаги хабарлар тасдиқланмади.

📌 Айрим томонлар минтақа барқарорлигини издан чиқариш орқали ўз манфаатларини кўзламоқда.

📌 Сурия ҳеч қачон минтақадаги бирор томон учун таҳдид бўлмаган ва бўлмайди.

📌 Жанубий Суриядаги асосий мақсад — давлат ҳокимиятини тўлиқ тиклаш ва ноқонуний қуролларни тугатишдир.

📌 Сурия ТИВ Исроилнинг Дараъ вилоятдаги қишлоқ ва шаҳарчаларни ўққа тутганини қатъий қоралайди.

📌 Бу ҳужумлар инсоний ва моддий йўқотишларга олиб келган.

📌 Исроилнинг бу ҳаракатлари Сурия суверенитетини очиқ-ойдин бузишдир.

📌 Жаҳон ҳамжамиятини ўз зиммасидаги масъулиятни бажариб, исроил босқинини тўхтатишга чақириб қоламиз.

📌 Сурия ва бутун минтақа хавфсизлигини тиклаш борасидаги саъй-ҳаракатларни қўллаб-қувватлаш зарур.

@manbauzz

Сирия фуқаро авиацияси “X” платформасидаги баёнотда, Сурия авиалиниялари директори Самиҳ Араби сўзларига таянилган ҳолда шундай маълум қилди:

📌 Яқин 3 ой ичида фаолиятдаги учоқлар сонини 5 тагача ошириш ишлари олиб борилмоқда.

📌 Бу қадам парвозлар бўйича ортиб бораётган талабни қондириш ва ҳаво йўналишларини кенгайтириш мақсадида амалга оширилмоқда.

@manbauzz

🇺🇸 Республикачи конгрессмен Жо Уилсон:

📌 Суриянинг янги ҳукумати президент Трамп билан тузилган келишувларини бажара олиши учун Мудофаа вазирлиги мамлакат ҳудудининг барча қисмида фаолият юритишига имкон бўлиши керак.

📌 Сурия расмийлари очиқча баёнот берди: Сурия Исроилга ҳеч қандай таҳдид солмайди.

📌 Қўшинлар ва хавфсизлик кучлари айрим ҳудудларга кира олмаслиги ҳолатидан фойдаланишга уринадиган томонлар бўлиши мумкин.

@manbauzz

Исроил оммавий ахборот воситалари хабар беришича, АҚШнинг Сурия бўйича махсус вакили Томас Барак Исроилга етиб келди.

Унинг ташрифи доирасида Суриядаги вазият ва Тел-Авив ҳамда Анқара ўртасидаги муносабатлар муҳокама қилинади.

@manbauzz

Шарқий Туркистон Ислом Партияси.

Шу кунларда Шарқий Туркистон Ислом Партияси жамоати тугатилди деган хабарлар тарқалди. Бунга келсак, жамоатнинг Шом бўлимидаги баъзи биродарлар, бизнинг хабаримизсиз Сурия миллий армиясига қўшилиб кетганлигига умумий Шарқий Туркистон Ислом Партияси вакиллик қилмайди (яъни жамоатни бунга алоқаси йўқ).

Шарқий Туркистон Ислом Партияси ҳеч қандай давлат ёки ташкилотга қўшилиб кетгани йўқ!

Бунга нисбатан яқинда тўлиқ тушунча баёнот берилади.

Шарқий Туркистон Ислом Партияси бош амири Абдулҳақ Домла

@manbauzz

АҚШ қўшинлари Суриядаги саккизта ҳарбий базадан фақат биттасини — мамлакат шимоли-шарқидаги Ҳасака атрофида жойлашган базани сақлаб қолади.

Қолган барча ҳарбий базалардан АҚШ қўшинлари чиқиб кетади.

Манба: Ал Жазира

@manbauzz

АҚШнинг Сурия бўйича махсус вакили:

📌 Трампнинг фикрича, Сурия ҳеч қандай ҳолатда қўшни давлатларга, жумладан, Исроилга таҳдид солувчи гуруҳлар фаолият юритиши мумкин бўлган ҳудудга айланмаслиги керак.

📌 Бугун Қуддусда Исроил бош вазири билан учрашиб, Сурия ва минтақадаги вазиятни муҳокама қилдим.

@manbauzz

Европа Иттифоқи вакили:

📌 Сурия халқига аниқ ва очиқ хабарни етказиш учун: биз сўнгги 14 йилда уларни қандай қўллаб-қувватлаган бўлсак, бугунги “Янги Сурия”ни ҳам шундай қўллаб-қувватлашда давом этамиз.

📌 Биз Сурияда қайта тикланиш ва иқтисодий барқарорликка эришишга ёрдам бериш мақсадида санкцияларни енгиллаштирдик, чунки иқтисодий тикланиш барқарорлик асосидир.

📌 Бу Сурия тарихидаги муҳим бурилиш нуқтасидир — 14 йиллик азоб-уқубатдан сўнг янги босқич бошланмоқда.

📌 Сурия — суверен давлат ва биз унинг қайта тикланиш жараёни сурияликлар раҳбарлигида амалга ошишини истаймиз. Европа Иттифоқи бу мақсадда 175 миллион евро ажратди.

📌 Қочқинлар масаласида Европанинг позицияси аниқ: уларнинг ихтиёрий ва хавфсиз қайтиши таъминланиши лозим, чунки улар Сурияни қайта тиклашда муҳим ўрин тутади.

📌 Молиявий ёрдамни банклар орқали амалга ошириш мумкин эди, аммо мен шахсан Сурияга келиб, Европа Иттифоқининг Сурия халқига содиқ эканини ифода этмоқчи бўлдим.

📌 Сўнгги олти ойда олиб борилган фаолият самара берди, аммо қайта тикланиш вақт талаб қилади. Биз фаровонликка эришиш учун имконият яратилишига умид қиламиз.

📌 Ҳозирда Сурия билан рақамлаштириш, инсон ресурслари, энергия ва технология соҳаларида техник ҳамкорлик ва икки томонлама келишувлар устида иш олиб бориляпти. Мен Европа инвестицияларини Сурияга жалб этиш устида ишлайман.

📌 Биз Исроилнинг Сурия ҳудудидаги ҳужумлари юзасидан ўз позициямизни аниқ баён қилганмиз: халқаро ҳуқуқнинг ҳар қандай бузилишига қарши чиқамиз.

📌 Биз ҳар томонлама ёрдам бериш учун бу ердамиз ва фавқулодда ёрдамларимиз тўхтамайди.

@manbauzz