Сурия

АҚШ яқин кунларда ўзининг ҳарбий делегациясини Дамашққа юборишни режалаштирмоқда. Сафардан мақсад — Суриядаги америкалик ҳарбийлар мавжудлиги ва уларнинг чиқиб кетиш механизмларини муҳокама қилишдир.

@manbauzz

Туркия Президенти Ражаб Тоййиб Эрдўғон Қурбон ҳайити муносабати билан йўллаган табригида шундай деди:

📌 Сурия барча қардош мамлакатлар кўмагида абадий тинчликка эришади ва ўзининг буюк кунларига қайтади.

📌 Мен янги суриялик маъмуриятнинг миллий бирлик, ҳудудий яхлитлик ва барқарор тараққиёт йўлидаги курашини юқори баҳолайман.

@manbauzz

Сурия авиалиниялари расмий баёноти:

📌 Халқаро санкциялар туфайли, авиакомпаниянинг расмий веб-сайти ишга туширилган бўлса-да, унда Visa ва MasterCard орқали тўлов амалга ошириб бўлмайди.

📌 Шу боис, ҳозирда Сурия ичида тўғридан-тўғри электрон буюртма ва тўлов имкониятини йўлга қўйиш, шунингдек, хориждан тўловларни амалга ошириш учун алтернатив усул ишлаб чиқиш устида ишлар олиб борилмоқда.

@manbauzz

Европа Иттифоқининг Суриядаги миссияси раҳбари:

📌 Европа Иттифоқи вакили Сурия президенти Аҳмад аш-Шаръ ва ташқи ишлар вазири билан ўзаро ҳамкорлик имкониятларини муҳокама қилди.

📌 Мулоқот чоғида Суриянинг Ўрта ер денгизи давлатлари халқаро битмига қайта аъзо бўлиши масаласи ҳам кўриб чиқилди.

📌 Сурияга ажратилган янги молиявий ёрдам маблағларини қандай йўналтириш лозимлиги Сурия ҳукумати билан келишиб белгиланади.

📌 Европа Иттифоқи банклари Суриядаги мавжуд иқтисодий имкониятлардан фойдаланишлари учун Сурия билан молиявий алоқаларни кенгайтириш тарафдори эканлиги билдирилди.

📌 Европа Иттифоқининг Сурия билан ҳозирги муносабатлари ҳар қандай дўстона давлат билан бўлган муносабатларга ўхшаш даражага етказилган.

📌 Сурия молия вазири ва марказий банк раҳбари билан мамлакат иқтисодиёти олдида турган асосий муаммолар ва уларни бартараф этиш механизмлари муҳокама қилинди.

@manbauzz

Сурия

📌 Адлия вазирлиги кўрсатмасига биноан Бош прокуратура Қурбон ҳайити арафасида бир қатор қамоқхоналарга ташриф буюриб, ҳуқуқий жараёнларни тезлаштириш ҳамда айрим ушлаб турилган шахсларни озод қилиш бўйича иш олиб борди.

📌 Адлия вазирлиги: Давлатнинг адолатни таъминлашга қаратилган саъй-ҳаракатлари доирасида 300 нафардан ортиқ ушлаб турилган шахс озод этилди.

📌 Адлия вазирлиги: Ушбу қадам ҳукуматнинг барча фуқаролар учун адолатни таъминлашга содиқлигини ва самарали суд-ҳуқуқ фаолиятининг аҳамиятини тасдиқлайди.

📌 Адлия вазирлиги: Мазкур ташаббус ушлаб турилган шахсларнинг шароитларини яхшилаш ҳамда янада адолатли ва ошкора ҳуқуқий муҳит яратишга ҳисса қўшишни мақсад қилган.

@manbauzz

#СаволЖавоб

Қурбонлик тақсимоти ва қассобнинг иш ҳақи

Савол:
Қурбонлик қандай тақсимланади? Қурбонликка сўйилган қўйнинг гўшти ё терисидан қассобга хизмат ҳақи ўлароқ бериш жоизми?

Жавоб:
Аллоҳ таолога ҳамду санолар, Расулуллоҳга салавоту саломлар бўлсин.

Қурбонлик гўштини уч қисмга бўлиш мустаҳаб саналади. Бир қисмини ўзи аҳлу оиласи билан истеъмол қилади. Яна бир қисмини фақир, бева-бечораларга садақа қилади. Учинчи қисмини ёру биродарлари, қўни-қўшниларига ҳадя қилади. Бунга далил Пайғамбар соллаллоҳу алайҳи ва салламнинг қуйидаги ҳадисларидир: "Ундан енглар, сақлаб қўйинглар ва садақа қилинглар" (Муттафақун алайҳ).  Қурбонлик гўштини бутунлай садақа қилиб юбориш ҳам, ундан бирон бўлакни ҳадя қилмай фақат ўзи ейиш ҳам жоиздир.

Қурбонликни сўйган қассобнинг хақи бошқа нарсадан берилиши керак. Бунинг далили Али разияллоҳу анҳудан ривоят қилинган ушбу ҳадисдир: "Расулуллоҳ соллаллаху алайҳи ва саллам мени қурбонлик устида туриб, гўшти, териси ва жунларини садақа қилиб юборишимни ва қассобга қурбонликдан бирон нарса бермаслигимни буюрдилар". Сўнг бундай деди: "Биз қассобга ўзимиздан бирон нарса берар эдик" (Муттафақун алайҳ).

Валлоҳу аълам.

https://t.me/islomnuricom