Сурия Ташқи ишлар вазирлиги:

📌 Асад режими даврида қўлланган барча иқтисодий санкцияларнинг Европа томонидан бекор қилиниши бўйича тарихий қарорни мамнуният билан қарши оламиз.

📌 Барча европалик санкцияларнинг бекор қилиниши муҳим бурилиш нуқтаси ва икки томонлама муносабатларда янги босқичнинг бошланишидир.

@manbauzz

Дамашқ

Дамашқ шаҳри ҳокими инвестиция ва шаҳарсозлик соҳалари бўйича мутахассислар ва маслаҳатчилардан иборат делегацияни қабул қилди. Учрашув Сурия ва Америка ўртасида барқарор шаҳар ривожланишига қаратилган лойиҳаларда инвестициявий ҳамкорликни кучайтириш мақсадида ўтказилди.

Ҳукуматнинг кейинги беш йиллик стратегияларидан бири — Дамашқ шаҳрини қайта тиклаш ва замонавийлаштириш орқали уни минтақадаги энг яхши шаҳарлар қаторига олиб чиқишдир.

@manbauzz

Сурия

АҚШ Конгрессидаги эшитувда сўзга чиққан Америка Ташқи ишлар вазири шундай деди:

“Суриядаги ўтиш даври ҳокимияти ҳозирги мураккаб вазият шароитида, агар санкциялар бекор қилинмаса, фақат бир неча ҳафта ичида яна фуқаролар урушини келтириб чиқарадиган йиқилиш арафасида турибди.”

“Санкцияларни бекор қилишнинг тўғридан-тўғри таъсири шундаки — қўшни давлатлар ўтиш даври ҳукуматига бошқарув механизмларини яратишда ёрдам бера олади. Бу эса ҳақиқий ҳукумат тузиш ва ҳарбий кучларни ягона байроқ остида бирлаштириш имконини беради. Баъзи давлатлар ёрдам беришни истаяпти, лекин улар бизнинг санкцияларимиздан қўрқиб, буни амалга ошира олишмаяпти.”

P/S: Трампнинг санкцияларни бекор қилиш бўйича қарорини Конгресс ҳозирча расман маъқулламаган. Айни пайтда бу борада амалий жараёнлар ва музокаралар олиб борилмоқда.

@manbauzz

Норвегия Ташқи ишлар вазири:

📌 Европа Иттифоқининг Сурияга нисбатан санкцияларни бекор қилиш қарорини олқишлайман — бу қадамни Норвегия ҳар доим қўллаб-қувватлаб келган.

📌 Президент Шаръ раҳбарлигидаги ҳукумат ва суриялик халққа мамлакатни қайта қуриш ва уни бирлаштириш имкониятини беришимиз керак.

@manbauzz

Reuters агентлиги тарқатган махсус хабарга кўра, Исроил мухбири Эли Коэнга тегишли шахсий буюмлар Сурия ҳукумати томонидан Исроилга топширилган. Бу қадам Исроилга бўлган муносабатни юмшатиш ва Трамп маъмуриятига нисбатан яхши ният ифодаси сифатида амалга оширилгани таъкидланган.

@manbauzz

Лазиқия

Россиянинг расмий ҳарбий сайти “Рыбарь” хабарига кўра, бугун Ҳмеймим ҳарбий базаси атрофида номаълум гуруҳ билан содир бўлган тўқнашув пайтида икки рус аскари ҳалок бўлган.

@manbauzz

Сурия

Кеча “Россия Сегодня” телеканали Суриянинг янги ҳукуматини танқид қилувчи эски видеолавҳаларни эълон қилди. Ушбу чиқишлар давомида ҳукуматнинг бошқарув қобилияти шубҳа остига олинди. Канал нутқидаги бундай ўзгариш — бу Москванинг расмий муносабатидаги ўзгаришдан дарак беради.

Бу ҳолат вақтинчалик бўлиши ҳам мумкин, лекин шу билан бирга, Россия сиёсатида муҳим бурилиш — яширин танқиддан очиқ адоватга ўтиш жараёни бошланган бўлиши эҳтимолдан холи эмас.

@manbauzz

Сурия Марказий банки раҳбари:

Европа Иттифоқи санкцияларининг бекор қилиниши — молиявий ва иқтисодий барқарорликни мустаҳкамлаш сари қўйилган ижобий қадамдир.

Биз босқичма-босқич халқаро пул ўтказмаларини қайта жорий этишни ва SWIFT тизимига уланишни тиклашни бошлаймиз.

@manbauzz

Дамашқ

Сурия Ички хавфсизлик хизмати Саҳнaйя шаҳарчасида ноқонуний фаолият юритаётган гуруҳлар қолдирган хавфларни бартараф этиш мақсадида тозалаш амалиётини бошлади.

Тадбир давомида ушбу гуруҳларга тегишли қурол-аслаҳа, ўқ-дорилар ва тунги кўриш мосламалари сақланган омборхона топилди.

Ушбу операция Дарайя минтақавий хавфсизлик бошқармасига қурол ва ўқ-дори мавжудлиги ҳақида маълумот етиб келгач, расман хавфсизлик операция бошланган.

@manbauzz

Россия ОАВ Лазиқия вилоятидаги Ҳмеймим ҳарбий базаси атрофида содир бўлган тўқнашувларда гўё Суриядаги ўзбек муҳожир муҳожидлари ҳужум қилгани ҳақида асоссиз маълумотлар тарқатмоқда.

Айрим маҳаллий фаолларнинг таъкидлашича, ушбу ҳужум айнан россияликлар томонидан режалаштирилган бўлиши мумкин. Улар бу орқали алавий тўдалардан фойдаланган ҳолда ҳужумни амалга ошириб, айбни ҳукумат сафидаги ўзбек муҳожидларига ағдаришни ва шу йўл билан ҳукумат билан муҳожирлар ўртасида кескинлик келтириб чиқаришни мақсад қилган бўлиши мумкин.

Чунки бунга ўхшаш ҳолат яқинда Ҳалабда ИШИДга қарши олиб борилган амалиётлар давомида ҳам кузатилган эди. Ўшанда ҳам ИШИД аъзолари гўё ўзбек муҳожидлари сифатида кўрсатилган ва гўё АҚШнинг талабига биноан ҳукумат кучлари чет эллик жангчиларни ҳибсга олмоқда, деган манипулятив ёлғон маълумотлар тарқатилган эди.

@manbauzz

Сурия

Дейр аз Зўр вилоятидаги Ал-Букамал ҳудуди хавфсизлик бошқармаси раҳбари Ироқ билан чегара яқинида жойлашган Ал-Ҳари қишлоғи атрофида яна бир янги қурол омбори топилганини эълон қилди.

@manbauzz