Сурияда хавфсизлик тизимини қайта ташкил этиш: мамлакат 5 та хавфсизлик ҳудудига бўлинади, тезкор жавоб гуруҳлари тузилади

Сурия Ички ишлар вазирлиги мамлакатдаги хавфсизлик операцияларини тубдан қайта ташкил этиш ва модернизация қилишни ўз ичига олган янги кенг қамровли ислоҳот режасини бошлади.

Вазирлик матбуот манбаларига кўра, ушбу янги тизимда мамлакатни бешта асосий географик хавфсизлик ҳудудига бўлиш ва ҳар бир ҳудудга Ички ишлар вазирига бевосита ҳисобот берадиган махсус вакил тайинлаш кўзда тутилган. Бу ёндашув собиқ режим ағдарилганидан сўнг хавфсизлик тизимидаги жиддий тузилмавий ўзгариш ҳисобланади.

Янги таклиф этилаётган 5 та хавфсизлик ҳудуди:

1. Шарқий ҳудуд – Ҳасака, Раққа, Дейр аз-Зўр

2. Шимолий ҳудуд – Ҳалаб, Идлиб

3. Соҳил ҳудуди – Лазиқия, Тартус

4. Марказий ҳудуд – Ҳомс, Ҳама

5. Жанубий ҳудуд – Дамашқ, Дараъ, Сувайда, Қунайтира

Вазирлик таъкидлашича, мазкур ҳудудий бўлиш марказий бошқарувга таъсир қилмайди ва барча ваколатлар ҳозиргидек Дамашқдаги марказий ҳокимият қўлида қолади. Бу маъмурий чоралар фақат жойларда хавфсизлик чораларини самаралироқ ташкил қилиш учун амалга оширилмоқда.

Ички ишлар тизимидаги янги тайинловлар:

• Абдулқодир Таҳҳон – Ички ишлар вазирининг хавфсизлик ишлари бўйича ўринбосари

• Подполковник Шодий ал-Юсуф – полиция ишлари бўйича ўринбосар

• Зиёд ал-Айёш – фуқаролик ишлари бўйича ўринбосар

Ушбу режа ҳали расман тасдиқланмаган бўлса-да, манбаларга кўра, охирги ҳуқуқий кўриб чиқиш босқичида ва яқин кунларда кучга кириши мумкин.

Қўшимча ўзгаришлар ва янгиликлар:

• Полиция ва Жамоат хавфсизлиги бошқармалари бирлаштирилиб, ягона қўмондонлик остида фаолият юритади.

• Бу тизим Ички ишлар ва Мудофаа вазирликлари ҳамкорлигида бошқарилади, лекин назорат тўлиқ Ички ишлар вазирлиги қўлида бўлади.

• Ҳарбий полиция ва ҳарбий разведка бошқармалари ҳам ушбу тизимга бирлаштирилиши юзасидан музокаралар олиб борилмоқда.

• Жиноятчи гуруҳларни қидириш ва уларга қарши курашиш бўйича янги бошқарма ташкил этилди — айниқса соҳил ҳудудида.

• Қора рангли махсус автомашиналар ва формалар билан ажралиб турувчи Тезкор жавоб қўшинлари ташкил этилди.

Махсус ташкилотлар мустақил қолади:

• Бош разведка бошқармаси (Ҳусейн ас-Салама раҳбарлигида) ва Миллий хавфсизлик бошқармаси — иккаласи ҳам Президент бевосита назоратида бўлиб, стратегик хавфсизлик масалалари билан шуғулланади.

Янгиланишда давом этаётган бўлимлар:

Жиноят қидирув бўлими, йўл полицияси, қамоқхоналар, гиёҳвандликка қарши кураш, миграция ва паспорт хизмати, кадрлар, маънавий тарбия, тайёрлов ва молия бўлимлари. Шу билан бирга, Ливан билан чегарада фаолият олиб бораётган чегара қўшинлари учун янги ўқув лагери ҳам очилди.

@manbauzz

Алҳамдулиллaҳ, Роббимиз бизга зафар ва ғалабани насиб этди — бу ютуқ фидокорона курашган мужоҳидлар, бошидан оғир синовлар ўтказган суриялик кўчирилган аҳоли ва инқилобга садоқат билан хизмат қилган фуқароларнинг жасорати самарасидир.

Аллоҳ таоло Шом халқи ва унинг озодлик йўлида курашган мужоҳидлари қилган қурбонликларни зое қилмади. Ниҳоят, ваъда қилинган буюк ғалаба амалга ошди.

Юзлаб оилалар — йиллар давомида ноҳақ равишда ўз уйларидан чиқариб юборилган ва қочқинлар лагерларида оғир шароитда яшаган фуқаролар — бугун бошлари тик, шараф билан ўз қишлоқ ва шаҳарларига қайтмоқда.

@manbauzz

Жанубий Сурия

📌 Исроил ҳарбий самолётлари Дараъ ва Қунайтира устидан парвоз қилмоқда.

@manbauzz

• Сурия марказий банки манбасига кўра, миллий пул бирлигини алмаштириш жараёни июль ойида бошланади.

@manbauzz

CNN хабарига кўра, Сурия ва Исроил расмийлари Озарбайжонда тўғридан-тўғри учрашув ўтказди.

@manbauzz

📌 Сурия ташқи ишлар вазири: Мамлакатимиз узоқ йиллардан сўнг араб дунёсига қайтаяпти.

📌 Сурия ташқи ишлар вазири: Сурияни узоқ давом этадиган урушга тортиш ҳаракатлари бор.

📌 Сурия ташқи ишлар вазири: Исроилнинг ҳужумлари вазиятни ёмонлаштирмоқда, биз тинчликка муҳтожмиз.

📌 Сурия ташқи ишлар вазири: Сурия бошқа давлатлар томонидан бошқарилишни ёки уруш майдони бўлишни истамайди.

📌 Сурия ташқи ишлар вазири: АҚШ санкцияларининг бекор қилиниши араб давлатларининг ҳаракати билан амалга ошди.

@manbauzz

Сурия Ички ишлар вазирлиги:

Ҳалаб шаҳрида Ички хавфсизлик бошқармаси “Ислом давлати” ИШИД ташкилотига алоқадор гуруҳларга қарши хавфсизлик операциясини давом эттирмоқда.

Олиб борилган чора-тадбирлар натижасида яна уч нафар аъзо қўлга олинди. Қолган гумондорларни қидириш ва қўлга олиш ишлари ҳозирги пайтда ҳам давом этмоқда.

@manbauzz

Сурия

Лазиқия вилояти Хавфсизлик бошқармаси “собиқ режим”га мансуб бўлган жиноятчи Муҳаммад Иброҳим ар-Роъийни қўлга олди. У фуқароларга нисбатан қотиллик ва жасадларга тажовуз каби жиноятларда айбланмоқда.

Текширув жараёнида у жиноятчи гуруҳлар билан ҳамкорлик қилгани, жумладан ўтган март ойида хавфсизлик ва ҳарбий нуқталарга қилинган ҳужумларда иштирок этгани аниқланди. Шунингдек, у гиёҳванд моддалар савдоси, қурол-яроғ ва ўқ-дорилар хариди билан ҳам шуғуллангани маълум бўлди.

Унга нисбатан зарур ҳуқуқий чоралар кўрилди ва ҳозирда у прокуратура қарори асосида терговга топширилган.

@manbauzz

Сурия Ички ишлар вазирлиги:

📌 “ИШИД” ташкилотига алоқадор 7 нафар аъзодан иборат гуруҳга қарши амалга оширилган операция якунланди.

📌 Улардан 3 нафари ўлдирилди, 4 нафари эса қўлга олинди.

@manbauzz

Сурия мудофаа вазири Мурҳаф Абу Қасра:

📌 Сурия озод қилингач, барча ҳарбий гуруҳлар ягона тизимга — Мудофаа вазирлигига қўшила бошлади. Бугун бу жараён тўлиқ якунланди.

📌 Бу иш барча қўмондонлар ва аскарлар ёрдамида амалга ошди. Ҳаммасига раҳмат айтамиз.

Ҳозиргача вазирликка қўшилмаган барча кичик ҳарбий гуруҳлар 10 кун ичида расман мудофаа тизимига қўшилиши шарт.

Агар бу муддатга риоя қилинмаса, қонунга мувофиқ зарур ҳуқуқий чоралар кўрилади.

@manbauzz