Трамп, Муҳаммад бин Салмон ва Сурия президенти Аҳмад аш-Шаръ ўртасидаги учрашувдан яна бир сурат.

@manbauzz

📌 Трамп билан учрашувдан сўнг Сурия Ташқи ишлар вазири Асад аш-Шайбоний:

“Сурияда янги, буюк бир давр бошланди. Бу учрашув мамлакатимиз учун тарихий бурилиш нуқтаси бўлади,” дея баёнот берди.

@manbauzz

Оқ уй маълумотларига кўра, АҚШ президенти Дональд Трамп Сурия президенти Аҳмад аш-Шаръга қуйидаги талабларни илгари сурган:

1. Исроил билан Авраам келишувларини имзолаш.

2. Барча хорижлик қуролли жангчиларни Сурияни тарк этишга чақириш.

3. Фаластинлик “террорист”ларни мамлакатдан чиқариб юбориш.

4. АҚШга ИШИДнинг қайта тикланишининг олдини олишда ёрдам бериш.

5. Сурия шимоли-шарқидаги ИШИД аъзолари сақланаётган қамоқхоналар учун масъулиятни ўз зиммасига олиш.

@manbauzz

Бироздан кейин, АҚШ президенти Дональд Трамп томонидан Сурия президенти Аҳмад аш-Шаръга қўйилган талабларни қисқароқ таҳлил қиламан:

Трамп ва Сурия раҳбари Аҳмад аш-Шаръ Саудия Арабистонида 30 дақиқа давом этган учрашув ўтказишди.

Учрашувда Туркия Президенти Ражаб Тоййиб Эрдўғон ҳам видеоконференция орқали иштирок этди.

@manbauzz

AP агентлиги хабар беришича, Исроил бош вазири Биньямин Нетаньяху ўзининг сўнгги Вашингтон сафари чоғида президент Дональд Трампга Сурияга қўйилган санкцияларни сақлаб қолишни шахсан илтимос қилган.

Бу ҳақда бир исроиллик расмий шахс Associated Press агентлигига маълум қилган.

@manbauzz

Таҳлил

1. Авраам келишувларини имзолаш

Бу талаб Суриядан Исроилни расман тан олишни ва унинг дипломатик алоқаларга киришишини сўрамоқда.

2. Хорижлик жангчиларни чиқариш
Трамп Сурияда фаол бўлган Эронга боғлиқ гуруҳлар, “Ҳизбуллоҳ” ёки бошқа хорижлик кучлар чиқарилишига эътибор қаратаётган бўлиши мумкин. Бу талаб орқали АҚШ Сурияда Эрон таъсирини чеклашни кўзламоқда.

– “Ҳизбуллоҳ” (Ливан)
– Эроннинг Исломий Инқилоб Гвардиясига алоқадор бўлган “Фотимийюн”, “Зайнабийюн” каби жангчи батальонлар
– Ироқдан келган “Хашд аш-Шаъбий”га боғлиқ бўлинмалар

Инқилоб ғалабасида қатнашган қуролли жамоалар:
Улар орасида янги маъмуриятни қўллаган, аммо ҳозирда АҚШ ёки Ғарбнинг қарашида хавфли деб баҳоланиши мумкин бўлган айрим мустақил гуруҳлар.

АҚШнинг бу талаб орқали кўзлаётган асосий мақсади — Суриядаги Эрон таъсирини йўқотиш, минтақада Исроил хавфсизлигига таҳдидни камайтириш ва бошқа геосиёсий рақиблар (масалан, Россия) билан бўшлиқни бўлишмасликдир.

Бу талаб Сурия янги маъмурияти учун жуда нозик сиёсий мувозанатни талаб қилади, чунки инқилобий ғалабада бу кучларнинг роли катта бўлган. Уларга нисбатан кескин сиёсат юритиш ички низоларга сабаб бўлиши мумкин.

3. Фаластинлик “террорист”ларни депортация қилиш
Бу талаб АҚШнинг Исроил хавфсизлиги борасидаги талаблари билан боғлиқ. Лекин бу масала Сурия-Иордания-Ливан ўртасидаги фаластинлик қочқинлар муаммосини ҳам кучайтиради.

4. ИШИДга қарши курашда ёрдам бериш
АҚШ Суриядан терроризмга қарши курашда фаол ва аниқ позицияни кутаётганини билдиради. Бу ҳамкорлик эҳтимоли бор, аммо унда турли халқаро манфаатлар тўқнашиши мумкин.

5. ИШИД қамоқхоналари учун масъулият олиш

Сурия шимоли-шарқидаги қамоқхоналарда минглаб ИШИД аъзолари сақланмоқда. АҚШ бу масъулиятни маҳаллий кучлардан янги маъмурият зиммасига ўтказишни истамоқда. Бу катта молиявий ва хавфсизлик юкини англатади.
(Admin)

@manbauzz

Сурия ҳукумати инқилобда қатнашган чет эллик мужохид жангчиларни чиқариб юбориш ўрнига қуйидаги муқобил йўлларни танлаши мумкин:

1. Интеграция қилиш – уларни давлат назорати остида хавфсизлик ёки ҳарбий тизимга қўшиш

Шунингдек, Фуқаролик бериш ҳам муҳим ва ўринли муқобил вариант ҳисобланади, айниқса мужохид жангчилар орасида Сурияда узоқ вақтдан бери фаолият юритган, янги маъмуриятни қўллаб-қувватлаганлар бор.

Бу йўллар орқали ҳукумат ҳам ташқи босимларга жавоб беради, ҳам ички барқарорликни сақлаб қолади.

Айримлар бу талабларни тўлиқ тушунмасдан туриб, янги маъмуриятни хиёнатда ёки ташқи кучларга бўйсунишда айблаши мумкин. Бироқ вазиятни холис баҳолаш, уни англаш ва оқилона таҳлил қилиш бугун жуда муҳим.

Суриянинг янги ҳукумати халқаро даражада, хусусан АҚШ томонидан расман тан олинишигача бўлган даврда ва ўтиш жараёнида, мужоҳидларни муҳофаза қилиш ҳамда уларни сақлаб қолиш мақсадида айрим реал ва муқобил йўлларни танлаш эхтимоли катта.

(admin)

@manbauzz

Сурия Ташқи ишлар вазирлиги баёноти:

📌 Президент Аҳмад аш-Шаръ, Саудия валиаҳди шаҳзода Муҳаммад бин Салмон ва АҚШ президенти Дональд Трамп ўртасида тарихий учрашув бўлиб ўтди. Учрашувда Туркия президенти Ражаб Тоййиб Эрдўғон ҳам иштирок этди. Шунингдек, Саудия, Сурия ва АҚШ ташқи ишлар вазирлари ҳам ҳозир бўлишди.

– Учрашувда Сурияга қўйилган санкцияларни бекор қилиш, иқтисодий тикланиш ва қайта қурилиш жараёнларини қўллаб-қувватлашнинг муҳимлиги таъкидланди.

– Шаҳзода Муҳаммад бин Салмон минтақада барқарорликка эришиш зарурлигини алоҳида таъкидлади.

– Президент Трамп АҚШнинг ушбу босқичда Сурияни қўллаб-қувватлашга содиқ эканини билдирди.

– Учрашувда терроризмга қарши курашда Сурия–АҚШ шериклигини мустаҳкамлаш масаласи ҳам муҳокама этилди.

📌 Баёнотда Сурия ва АҚШ ташқи ишлар вазирлари ўртасида икки томонлама ҳамкорликни давом эттириш учун яқин кунларда учрашув бўлиб ўтиши режалаштирилгани таъкидланди.

@manbauzz

Оқ уй баёнотига кўра, президент Аҳмад аш-Шаръ Дональд Трамп билан учрашувда Суриянинг Шарқ ва Ғарб ўртасидаги савдо алоқаларини енгиллаштиришда асосий боғловчи ҳалқага айланишига умид билдирди.

@manbauzz

Сурия Араб Республикаси Президенти матбуот хизматининг маълум қилишича, президент Аҳмад аш-Шаръ бугун соат 22:00 да тўғридан-тўғри жонли эфир орқали суриялик халқка мурожаат йўллайди.

@manbauzz

France-Presse агентлигига кўра, Америка санкциялари бекор қилинганидан сўнг Сурия Марказий банки музлатилган маблағлар ва активлардан тахминан 173 миллиард долларни қайта қўлга киритади.

@manbauzz

Сурия Саноат ва иқтисодиёт вазири:

📌 Санкциялар бекор қилинганидан сўнг давлатлар, компаниялар ва жисмоний шахслар томонидан Сурияга маблағлар оқими анча осонлашади.

📌 Энди хориждан Сурияга пул ўтказишда ҳеч қандай хавотир ёки тўсиқ бўлмайди.

📌 Санкциялар бекор қилинганидан сўнг яшаш даражасида яхшиланиш, ишсизликнинг камайиши ва Суриянинг кўплаб давлатлар билан муносабатларини тиклашни кутмоқдамиз.

📌 Сурия лирасининг ҳозирги қиймати мамлакатнинг ишлаб чиқариш салоҳиятини акс эттирмайди ва бу ҳолат вақтинчаликдир.

📌 Сурия Марказий банки мамлакат учун мос ва самарали бўлган янги пул-кредит сиёсати устида иш олиб бормоқда.

📌 Хорижий маблағлар оқими Сурия лирасининг қийматига ижобий таъсир кўрсатади.

@manbauzz

«Жиддий ўтмишга ва катта келажакка эга раҳбар» — Трамп Қатарга учиб кетар экан, президентлик самолётида Сурия президенти Аҳмад аш-Шаръ ҳақида юқори баҳо берди.

@manbauzz

Оли-Имрон сураси 140 оят. Эй мўминлар, агар сизларга Уҳуд жангида жароҳатланиш ва ўлдирилиш мусибати етиб, шунинг учун ғамга тушган бўлсангиз, бундан олдин Бадр жангида мушрикларга ҳам айни шундай жароҳатланиш ва ўлдирилиш мусибати етган. Аллоҳ таоло бундай кунларни – остида ҳикматлар борлиги учун – гоҳ ғалаба, гоҳ мағлубият тарзида одамлар ўртасида айлантириб туради. Аллоҳ таоло азалда билган нарсаси юзага чиқиши, Унинг Ўзи чин мўминларни бошқалардан ажратиб кўрсатиши ва ичларингиздан баъзи қавмларни шаҳидлик неъмати билан сийлаши учун шундай қилади. Аллоҳ Унинг йўлида жанг қилишдан четланиб, ўз жонларига зулм қилган кимсаларни ёқтирмайди

Трампнинг айтишича, Сурия Президенти Аҳмад аш-Шаръ унга Исроил билан муносабатларни нормаллаштиришга тайёр эканини билдирган.

@manbauzz

Сурия

“Ички хавфсизлик бошқармаси” Лазиқия вилоятида, Ҳафъа шаҳрига қарашли Анақия қишлоғидан бўлган Яҳё Али аз-Зурайр Усмонни қўлга олди. У собиқ режимнинг “Миллий мудофаа” деб аталган тузилмага мансуб бўлиб, Дамашқ шаҳрида бир неча текширув постларига масъул бўлган. У қийноқ ва товламачилик билан боғлиқ бир қанча жиноят ишларида иштирок этганликда гумон қилинмоқда.

@manbauzz

Сурия Ички хавфсизлик хизмати Ҳомс вилояти ғарбида жойлашган Ҳадида минтақасида собиқ режим қолдиқларига қарши хавфсизлик операциясини амалга оширди.

@manbauzz

Президент Владимир Путин президент Аҳмад аш-Шаръга расмий равишда Россияга ташриф буюриш таклифини йўллади.

@manbauzz

Сурия шимоли-шарқига жойлашган СДК (Сурия Демократик Кучлари)га тегишли қамоқхоналар яқин кунларда Сурия Ички ишлар вазирлигига топширилади.

@manbauzz