Халқаро атом энергияси агентлиги директори Рафаэль Мариано Гросси:

📌 Агентликнинг Сурия билан яқиндаги ҳамкорликдаги қадамлари икки томонлама муносабатларда янги босқични бошлаб берди.

📌 Суриядаги илгари аниқланмаган ядровий фаолиятларга оид объектларга тўлиқ ва чекланмаган дарҳол кириш ҳуқуқига эга бўлдик. Бу очиқликни таъминлаш ва ўзаро ишончни мустаҳкамлаш йўлида муҳим қадамдир.

📌 Президент Аҳмад аш-Шаръ билан учрашув доирасида янги битимлар имзоланишига олиб келди. Бу келишувлар Сурия ва агентлик ўртасида қишлоқ хўжалиги, озиқ-овқат хавфсизлиги, шунингдек, саратонни аниқлаш ва даволаш имкониятларини яхшилаш соҳаларидаги ҳамкорликни кучайтиради.

@manbauzz

Сурия

Асаднинг собиқ тузуми тарафдорларига тегишли саҳифаларга кўра, кеча Лазиқия вилояти Ички хавфсизлик бошқармаси томонидан эълон қилинган афв асосида Жабла шаҳридан 25 нафар зобит озод этилди. Улар Ички хавфсизлик хизмати ҳамроҳлигида ўз уйларига етказиб қўйилади.

@manbauzz

Икки нафар америкалик расмийнинг “Al-Monitor” нашрига маълум қилишича:

📌 АҚШ президенти Дональд Трамп Сурияга қўйилган бир қатор санкцияларни бекор қилиш тўғрисида фармон чиқаришга тайёрланмоқда.

📌 Бу қадам Суриянинг қайта тикланиш жараёнида Трампнинг барча санкцияларни бекор қилиш ҳақидаги ваъдасига мувофиқ келмоқда.

📌 Фармон яқин кунларда имзоланиши кутилмоқда.

📌 Расмийлардан бири Трампнинг бу қадамини “Сурияга қаратилган санкциялар тизимининг тўлиқ бекор қилиниши” деб таърифлади.

📌 Трампнинг фармони Сурияга оид бир қанча фармонларнинг бекор қилинишига олиб келиши мумкин.

📌 Ушбу фармон Америка фуқароларига Сурияга экспорт қилишини тақиқлаган чораларни ҳам бекор қилиши кутилмоқда.

@manbauzz

🇸🇾 Сурия SWIFT тизимига қайта қўшилмоқда

Сурия Марказий банки раҳбарининг баёнотига кўра, мамлакат бир неча ҳафта ичида халқаро тўлов тизими — SWIFT’га тўлиқ қайта қўшилади. Бу жараён ўн йиллик санкциялардан кейин амалга оширилмоқда.

SWIFT тизимига уланиш — Америка санкциялари ўтган ой бекор қилинганидан сўнг янги ҳукумат томонидан иқтисодиётни либераллаштириш ва халқаро савдони фаоллаштириш бўйича ташланган биринчи муҳим қадам ҳисобланади.

Шу билан бирга, ярим йиллик танаффусдан сўнг Дамашқ фонд биржасида савдолар ҳам қайта бошланган. Барча ушбу чоралар сўнгги 14 йил ичида урушдан вайрон бўлган мамлакат иқтисодиётини тиклашга қаратилган.

@manbauzz

Сурия

Дейр аз-Зўр шаҳрида аҳоли талабларига жавобан ва йўл-транспорт ҳодисаларининг олдини олиш, шунингдек, йўл ҳаракати хавфсизлигини таъминлаш мақсадида полиция кучлари томонидан йўл қоидаларига амал қилмаётган мотоцикл ҳайдовчиларига нисбатан кенг қамровли текширув ўтказилди.

Рейд давомида қатор қоидабузар мотоцикллар мусодара қилинди.

@manbauzz

Дамашқ шаҳридаги Миллий мудофаа милицияси қароргоҳларида топилган суратларда ушбу тузилмани асос солган ва бошқарган собиқ режим аъзоси Фодий Сақрга тегишли экани тахмин қилинган қатор маҳбуслар акс этган.

Бундан ташқари, “Тадомун қатлиоми”ни ташкил қилган муҳандис сифатида тилга олинаётган Фодий Сақр қўлида юзлаб инсонлар бедарак бўлгани ҳам маълум қилинмоқда.

Фодий Сақр — ҳарбий жиноятчи. Уни сиёсий саҳнага қайта чиқариш мумкин эмас, унинг Асаднинг зулмкор режими сафидаги бошқа жиноятчиларни ҳимоя қилиши ва жамоат олдида чиқиши кескин қораланмоқда.

Сулҳ ва ижтимоий ярашув шиори остида амалга оширилаётган айрим қадамлар жамоатчилик эътирозига сабаб бўлмоқда, чунки олдинги хатолар ва қарорлар ҳеч қандай конференция ёки ташаббус билан оқланиши мумкин эмас.

@manbauzz

Сурия

Халқаро коалиция кучларига оид жанговар дрон Идлиб шимолидаги Дана шахри атрофида икки киши булган мотоциклни нишонга олди.

@manbauzz

Сурия

Ҳалқаро коалицияга тегишли учувчисиз (дрон) Идлиб вилоятининг шимолида жойлашган “Каромат” лагерлари яқинидаги бир автомобилни нишонга олди. Ҳужум натижасида бир киши ҳалок бўлди.

@manbauzz

Ижтимоий тармоқларда собиқ режим сафида хизмат қилган айрим зобитларнинг озод этилгани бўйича билдирилаётган норозиликлар юзасидан Ички ишлар вазирлиги расмий вакили қуйидагиларни маълум қилди:

📌 Озод этилганларнинг кўпчилиги 2021-йилдан буён амалда хизмат қилиб келаётган зобитлардир.

📌 Уларнинг аксари Ироқ чегараси ва Сухна минтақасида ўз ихтиёри билан таслим бўлиб, “омонлик сўраб” ҳуқуқий тартибда давлат органларига мурожаат қилган.

📌 Тергов жараёнида мазкур зобитларга ҳарбий жиноятлар юзасидан ҳеч қандай далил аниқланмаган. (Шу боис ижтимоий тармоқларда “ҳақиқий жиноятчилар қўйиб юборилди” деган даъволар асоссиз ва мутлақ ёлғондир; бу янги ҳукуматга қарши йўналтирилган бузғунчи гуруҳларнинг ёлғон тарғиботидир).

📌 Ушбу шахсларнинг қамоқда сақланиши ҳукуматнинг умумий манфаатларига зид ва ҳуқуқий асосдан маҳрум экани инобатга олинган.

📌 Ички ишлар вазирлигига ушбу зобитларнинг яқинлари томонидан адолатли ҳуқуқий кўриб чиқишни талаб қилган асосли мурожаатлар келиб тушган.

📌 Вазирлик, зобитларнинг ҳарбий жиноятларга алоқаси йўқлигини инобатга олган ҳолда, қонун устуворлиги, ички барқарорлик ва ижтимоий осойишталикни таъминлаш мақсадида мазкур талабларга ижобий жавоб берди.

@manbauzz

Сурия

СДК (Сурия Демократик Кучлари) таркибидаги қўмондонлардан бири — Абду ал-Хайёт (лақаби Абу Жосим) Раққа шаҳрида ҳалок бўлди.

Ҳарбий шифохона ҳисоботига кўра, унинг ўлимига сабаб — «кристалл H-боз» моддасидан ортиқча миқдорда истеъмол қилгани бўлган.

@manbauzz

Сурия

Ички хавфсизлик бошқармаси Лазиқия вилояти шимолий туманида собиқ режим сафида бўлган “Фирас Али Субиҳ” исмли шахсни қўлга олди. У Лазиқия вилояти шимолида жиноий ҳаракатларда иштирок этганликда гумонланмоқда.

@manbauzz

Сурия бўйича “Монитор” сайти учун АҚШ элчиси баёноти:

📌 Бизга Аҳмад Шаръ атрофидаги муҳофаза тизимини мувофиқлаштириш зарур.

📌 Вашингтонда Сурия президенти Аҳмад аш-Шарънинг хавфсизлиги бўйича жиддий хавотирлар мавжуд.

📌 Аҳмад аш-Шарънинг бошқарувни мустаҳкамлаш ва Ғарб билан мулоқотни кенгайтириш борасидаги саъй-ҳаракатлари уни нороз тоифалар томонидан ўлдирилиши мумкин.

📌 Мен ишончим комилки, бизнинг манфаатларимиз ва Шаръники бир, у ақлли ва қилинаётган ишларига ишонч билан ёндашмоқда.

📌 Сурияга иқтисодий ёрдам кириб бориши кечиккан сари, турли бўлинган гуруҳлар буни ўз мақсадларида бузғунчилик учун имконият деб ҳисоблашлари эҳтимоли ортади.

📌 Биз эҳтимолий душман ҳужумчиларни у ерга етиб боришидан олдиноқ тийишимиз керак.

📌 Бундай тийиш фақат ҳарбий аралашув эмас, балки АҚШ иттифоқчилари ўртасида яқин ҳамкорлик ва разведка маълумотларини алмашиш орқали амалга оширилиши лозим.

@manbauzz

Суриянинг янги маъмурияти ишларига танқидлар ёки талаблар билдирилиши — бу янги Сурия раҳбарияти билан инқилоб фарзандлари ўртасида келишмовчилик бор дегани эмас. Ҳеч ким буни бошқача талқин қилмасин.

Тоҳир ал-Умар