السلام عليكم ورحمة الله وبركاته يا مُؤنِسات😃
استعدوا لـ 3 هدايا من منارة💜

الهدايا: 3 نسخ مجانية من كتاب "من أجل زواج آمن" لـ د. محمد سعد الأزهري " يتناول قضية تهم كل شاب وفتاة يريدان تكوين أسرة سوية ، وهي كيف يكون زواجهما آمنا ، ويهم كل زوج وزوجة وهي كيف نتخطى مشاكل الزواج اليومية + إن الكتاب ملحق به استبيانات وبحوث وحلول واقعية".

👈 الجمعة نهاية استقبال التمام والفوائد في التحدي ✌🏻.

(( تفاصيل التحدي ))👇
بودكاست جميل لدكتور محمد سعد الأزهري✨ 💜
بيتكلم عن مواضيع بتلامس حياتنا اليومية وتساعدنا نكون أوعى ومن أهمها اختيار شريك الحياة وفترة الخطوبة ونصائح غالية للمقبلين على الزواج🎧

اسمعي الحلقة وعيشي التجربة، وبعدها شاركينا في تعليقات بوست المسابقة:

• إيه أكثر فكرة أثّرت فيكِ وغيّرت نظرتك ولخّصيها في نقاط مفيدة ومختصرة جدا + مع كتابة [ تم ] للمهمة في التعليقات ✌️
وهنختار من تعليقات البوست 3 فائزات إن شاء الله😁💪

وخلونا نفتح نقاش حلو ونستفيد من بعض📝.
واتفضلوا لينك البودكاست 👇
https://youtu.be/2gdSrg4GK2A?si=2WAv5NwV8GynOcEZ


#منارة #المؤنسات # #زواج #ترشيحات #تحدي #شاركينا

مساء الخير والرضى لقلوبكُنّ يا طيّبات 🌸 💜

نصائح من القلب للقلب...👇

https://www.facebook.com/share/1AxLWvsXjy/

كل حاجة حواليكِ بتحتاج صيانة، طيب إيه أخبار صيانتك لـ روحك؟!

الروح هي سر الحياة، ولما تهتمي بيها، هتلاقي نفسك أقوى وأقدر على مواجهة التحديات، وعلشان كده هنذكر نفسنا بخطوات من القرآن والسنة نعمل بيهم صيانة دورية لأرواحنا 💜

▪️ أول خطوة: الذكر والدعاء، الله عز وجل يحب من يذكره، وأبسط حاجة ممكن تعمليها كل يوم هي تذكريه في قلبك ولسانك. قال الله تعالى: "فاذكروني أذكركم" وكمان { أَلَا بِذِكْرِ اللَّهِ تَطْمَئِنُّ الْقُلُوبُ } خلي الذكر جزء من يومك، وهتلاحظي الفرق في حالتك النفسية.

▪️ ثاني خطوة: التوبة والاستغفار كلنا بنغلط وده طبيعي وبدل حالة جلد الذات، خلينا نتفق إن الاستغفار هو مفتاح الراحة، الطمأنينة والسكينة. قال النبي ﷺ: "من لزم الاستغفار، جعل الله له من كل هم فرجًا".

▪️ ثالث خطوة: الاستماع للقرآن، يا جماعة ورد الاستماع من النعيم المُعجل في الدنيا والله، لو حسيتِ إنك تعبانة أو متعبة، خلي سماع القرآن يكون أول خطوة لتهدئة نفسك (فَاسْتَمِعُوا لَهُ وَأَنْصِتُوا لَعَلَّكُمْ تُرْحَمُونَ)💜

شاركينا إيه السورة أو الآية اللي دايمًا بتشعري معاها وبسببها بالراحة وخلي غيرك يقتدي بيكِ😉

#منارة #المؤنسات #قرآن #راحة #طمأنينة

إيه هي الطرق اللي نقدر بيها نواجه الضغوط بهدوء وثقة🤔؟

👇💌

https://www.facebook.com/share/19FYHSup6C/

السلام عليكم يا غاليات ❤️..

نرجوا أن تكونوا بأحسن حال وفي قمة نشاطكم وسعادتكم 🌸

اليوم جايبين لكم حاجة خفيفة ومفيدة بنفس الوقت:

• بودكاست رائع للدكتور خالد بن حمد الجابر عن الصبر والرضا🌸 كلامه يلامس القلب ويخلينا نفكر بعمق في معاني جميلة بحياتنا.

اسمعوه، متأكدين إنه هيترك أثر حلو عليكم بأمر الله 🦋

لينك البودكاست 👇: [https://www.youtube.com/watch?v=vkcmpQoaHM0&ab_channel=%D9%82%D9%86%D8%A7%D8%A9%D8%AF%D8%AE%D8%A7%D9%84%D8%AF%D8%A8%D9%86%D8%AD%D9%85%D8%AF%D8%A7%D9%84%D8%AC%D8%A7%D8%A8%D8%B1
]

وهننتظر تشاركونا على البوست هنا رأيكم بعد ما تسمعوه، نحب نسمع انطباعاتكم الجميلة ونتشارك في النفع 🌷

الله يجعل يومكم مليان رضا وسعادة وخير، يا أهل الخير كله❤️ .

السلام عليكم 😃 مساء الخيرات يا مُؤنِسات🌿 :

أسماء الفائزات بالكتب:💜👇

- رُفيدة أحمد فراج rofida-ahmed-farrag "من متابعات الانستجرام".
- فاطمة الحلواني Fatma Elhalwany "من متابعات الفيسبوك".
- إسراء حسام Esraa Hossam "من متابعات قناة التليجرام".

مبروك يا مؤنسات، وللبقية نفعكم الله بما تعلمتم من البودكاست وإن شاء الله يحالفكن الحظ في مرة قادمة🫂

رسالة قرآنية..💫💜

https://www.facebook.com/share/1BnmAFd1e3/

في سورة القصص، ذكر الله تعالى عن أم موسى:
{وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ ۖ فَإِذَا خِفْتِ عَلَيْهِ فَأَلْقِيهِ فِي ٱلْيَمِّ}

الآية دي بتمثل درس لكل امرأة فينا بتواجه تحديات ضخمة. أم موسى، في أصعب لحظة أمومة كانت قدام اختبار مؤلم بل إنه الأشد ألمًا على قلب كل أم، لكنها هنا عملت اللي مفروض احنا نعمله في كل موقف، وهو أنها: (وثقت في وعد الله رغم صعوبة الأمر).

الدروس اللي نتعلمها من موقف أم موسى:

الثقة في الله: مهما كان الوضع صعب، دايمًا فيه حكمة ربّانية لا يعلمها إلا الله.
التسليم للقدر: مهما زعلتي أو اتوجعتي لا قدر الله، يظل إن استسلامك للقدر هي أول مراحل أنك تسلمي، سلّم تِسلم!
الأم هي أساس التغيير: قراراتها، يقينها، مواقفها بتشكل خطوة خطوة مستقبل أجيال.
وقتها، أم موسى أنقذت نبي، وأنتِ كمان ممكن يكون دورك في حياتك أعظم مما تتخيلي💜

سؤالنا ليكِ: إيه أكتر موقف حسيتي فيه إن ثقتك في ربنا كانت سبب نجاتك؟
#منارة #المؤنسات #اليقين

الرحمة دي أفعال ومواقف بتظهر فيها حنية القلب على الناس، وبتخلي الواحد يحس بالأمان والطمأنينة💫💜

مفهومنا لليوم يا مُؤنِسات😃👇


https://www.facebook.com/share/12Edew7QnnV/

الأصل في أي علاقة "الرحمة" وأي حد يقول عكس كده غلطان✋

احنا هنا بنتكلم عن العلاقات الصحية الطبيعية، وسواء علاقة أبوة، أمومة، علاقة زوجية، صداقة، صلة رحم، معلم وطالب، فالأصل أننا نترفق ببعض، نعامل بعض بهدوء حسن ظن ولنا في نبي الله ﷺ أسوة، فمن المواقف اللي بتظهر رحمة النبي ﷺ لما السيدة عائشة غضبت لما اليهود قالوا للنبي "السام عليك" أي اللعنة عليك فغضبت وردت بل السام عليكم، فما كان منه صلوات الله عليه إلا أنه رد بكل هدوء وقال: "يا عائشة، عليكِ بالرفق، فإن الرفق لا يكون في شيء إلا زانه".

كذلك لمّا غارت وكسرت صحفة أمنا أم سلمة رضي الله عنها، فابتسم بكل رفق وقالت غارت أمكم! فهم مشاعرها برحمة ورفق وبرر موقفها ومتسببش ليها في إحراج أو غيره.

القصص دي بتعلمنا:

الرفق أساس التعامل: لما نخطئ أو حد يخطئ، المعاتبة برفق بتبني علاقات أقوى.
كلنا بنغلط: وأفضلنا هو اللي يتعلم من أخطائه ويبدأ من جديد.
ما كان الرفق في شيء إلا زانه💜
نصيحة: لما تغضبي من حد، فكري: إزاي ممكن يكون كلامك سبب إصلاح بدل ما يكون سبب أذى؟ ومنشني لأكثر شخص رحيم وبيتعامل مع اللي حواليه برفق خلينا نتعرف عليه🥰
#المؤنسات #منارة #مفاهيم

مشكلتنا مش في الواجبات..مشكلتنا في الهُوية!💜👇

https://www.facebook.com/share/p/1B43hqQrP7/

مشكلتنا مش في الواجبات.. المشكلة في الهُوية!

لما بنتقضي سنين الدراسة ونكبر وإحنا متربين على إن نجاحنا مرتبط بالمكتب والشغل بس، بننسى إن البيت كمان محتاج مهارات، وإننا بنبني فيه أعظم مؤسسة: الأسرة✋👑

كتير من البنات بيلاقوا صعوبة في التوفيق بين دورهم كأمهات ودورهم كموظفات أو عاملات، لأن محدش علّمهم يلاقوا توازن بين الاتنين، لكن خلينا نقولك حاجة: الهُوية الأساسية لكل أنثى هي البيت، الأنوثة والأمومة، هي ده الجذر اللي بيغذي كل أدوارك التانية.

لما هتعيشي دورك كأم بوعي وحب وتجديد نية إن ده هو الأساس، هتحسي إنه جزء من كيانك وده هيقلل الضغط من عليكِ لأنه مجرد واجب مفروض عليكِ بل الأساس! ولو اختارتي تشتغلي وده حقك ولا غبار عليكِ طبعًا مدام بنلتزم بالضوابط الشرعية، خلي شغلك إضافة لهويتك وكيانك، مش بديل عنها🫂

شاركينا إيه أكتر حاجة شايفاها صعبة في تحقيق التوازن بين دورك كأم أو زوجة وطموحك الشخصي؟ وإيه أكتر حاجة بتضغط عليكِ في المساحة دي؟
#هوية #منارة #مؤنسات

قاعدة فقهية عظيمة بتقول: (اليقين لا يزول بالشك)
القاعدة دي مثال لتيسير الله عز وجل علينا في كافة الأمور، وصحيح إن القاعدة بتشمل نواحي عديدة لكننا هنتكلم عنها في جزئية الظهارة فقط.

فأنتِ لو كنتِ على طهارة وحصل وشكيتي إنك خرجتي من الحالة دي، ايه الحل؟
الحل: أنك مدام في حالة شك وليس يقين، فأنتِ طاهرة مادمتِ شاكة مش متأكدة.

ودليلها قوله صلى الله عليه وسلم: «إذا وجد أحدكم في بطنه شيئا فأشكل عليه، أخرج منه شيء أم لا؟ فلا يخرجن من المسجد حتى يسمع صوتا أو يجد ريحا». وفي الصحيحين عن عبد الله بن زيد قال: "شكي إلى النبي صلى الله عليه وسلم الرجل يخيل إليه أنه يجد الشيء في الصلاة، قال «: لا ينصرف حتى يسمع صوتا، أو يجد ريحا».

فاليقين لا يزول بالظن، لا يزول اليقين إلا باليقين💜
شاركينا إيه أهم الأحداث اللي بتحصل معاكِ وبتكوني حابة تتأكدي فقهيًا منها وهنحاول نساعدك😉
#منارة #المؤنسات #فقه

تعرفوا إيه الفرق بين الطلب والإلحاح بزن ؟🤔

https://www.facebook.com/share/p/1BAvv5be8n/

عارفة إيه الفرق بين الطلب والإلحاح بزن؟
الفرق بسيط جدًا.. بس تأثيره ضخم على علاقتكم!

طلبك للمساعدة أو لأي شيء بسيط ممكن يكون فرصة تقرب بينكم..لكن الطريقة هي اللي تفرق:

لو طلبتِ مرة بثقة وبهدوء، هتوصلي له رسالة إنكِ معتمدة عليك ومقدّراك✋
أما لو كررتي الطلب بنفس الطريقة 10 مرات.. الرسالة هتتحول لـ"أنا مش واثقة فيك، أنت مفيش فايدة فيك، أنت مش هتيجي إلا بالزن!"🤓
وده طبيعي جدًا، لأن الإلحاح بيضغط عليه وبيخليه يحس إنه متحاصر.
عارفة اللي بيحصل وقتها؟
بدل ما ينفذ.. يبدأ يماطل أو حتى يرفض.

طيب إزاي تطلبي بطريقة تخليه يستجيب؟

اختاري توقيت مناسب، يكون رايق فيه.
عبري عن طلبك بلطف، ووضحي أهميته من غير ضغط.
وسيبيه يفكر، لأنه بيحتاج وقت يعالج الأمور ويقرر، طيب يا منارة لم يستجيب أعمل إيه؟ نختار تاني وقت مناسب، نذكره بلطف تاني وبأهمية الطلب جدًا وبذكاء ولطف نفهمه أننا معتمدين عليه ومحدش هيقدر ينجز الأمر ده غيره "ومتشمريش وتروحي أنتِ تعملي الأمر بنفسك، محنا عارفيينكم يا مؤنسات"😁

جزء من الحب هو إنكِ تفهمي طريقته في الاستجابة وتختاري أسلوبك بذكاء.
جربي الطريقة دي، وشاركي معانا النتيجة! 😊
#المؤنسات #منارة #سعادة_زوجية

عايزة تخلصي من نص مشاكلك مع زوجك؟
اقرأي البوست ده يا ست الكل😉💜👇

https://www.facebook.com/share/1BBTumxCky/

عايزة تخلصي من نص مشاكلك مع زوجك؟
اقرأي البوست ده يا ست الكل

بينك وبينه اختلافات كتير.. وأولها طريقة التواصل:
هو لما يتكلم، بيتكلم علشان يحل المشكلة.
أما هي، لما تتكلم، بتتكلم علشان تشارك مشاعرها وتفضفض!

المعادلة دي لو ما فهمناهاش، ممكن تتحول لأكبر مصدر نكد في البيت! 🙃
لو بتتكلمي معاه عن تعبك وطول اليوم اللي عدي عليكي، هو غالبًا هيقدم لكِ حلول: "طب ليه ما استريحتيش؟" "طب هاتي حد يساعدك."
وأنتِ هنا، كل اللي كنتي محتاجاه إنه يقولك: "أنا مقدّر تعبك.. وشايف قد إيه بتعملي حاجات كتير عشانا."

والعكس صحيح!
لما هو يسكت بعد أي خلاف أو مشكلة، أنتِ ممكن تحسي إنه بيبعد عنكِ، أو بيعاقبك أو متجاهلك، لكن الحقيقة إنه بيفكر، بيحاول يعالج الأمور بهدوء، وده جزء من طبيعته.

📌 الحل؟

خليكِ واعية لأسلوبه.. تفهّمي إن الحل عنده يعني اهتمام، مش تجاهل لمشاعرك.
وخليه يعرف إنكِ بتحتاجي لكلام دافئ ومشاركة عاطفية، مش بس حلول سريعة.

شاركونا رأيكم.. لما بتحصل مشكلة، بتلاقوا الحوار بيقربكم من بعض ولا بيزود المسافات؟
#منارة #خلافات #مؤنسات ##أزواج

ما وراء ال Quality time 😃💜👇

https://www.facebook.com/share/1DMG9zVY38/

الـ Quality Time مش مجرد وقت بنقضيه مع حد بنحبه.. دي لغة حب عميقة، بتقول: "أنا شايفك.. وأنا معاك بكلّي".

ناس كتير بتفهم المصطلح غلط وتظن إن مجرد الجلوس مع حد يكفي.. لكن الحقيقة مختلفة تمامًا.

جودة الوقت معناها:
حوار حقيقي: كلام من القلب يوصل للقلب مهما كان بسيط.
تواصل بصري جيد: عينك تحكي قبل لسانك.
إهتمام صادق: تركيزك الكامل في اللحظة ومع اللي قدامك.
رغبة للوصول لروح الآخر: فهمه، مشاركته مشاعره، ودعمه.

لكن لو قاعد مع حد وأنت مشغول بشيء تاني.. أو مجبر تقضي وقت معاه.. ده مش وقت "جودة"، وبدل ما يكون تعبير عن حبك، بيكون رسالة عكسية تمامًا. 💔

أوقاتك مع اللي بتحبيهم جزء كبير من رصيد علاقتكم..شاركنا مين أكتر حد محتاجة فعلا تبني معاه وقت الكواليتي تايم💜✨
# #مؤنسات #منارة #المؤنسات #سعادة_زوجية