قصة كليم الله 14

لما سيدنا موسى ترك قومه وراح لميعاد لقاء ربه
ترك سيدنا هارون عليه السلام خليفة ليه على بني إسر$ائيل
وكان بني إسرائيل لما خرجوا من مصر معاهم دهب أخدوه من القبط
يقوم بقى واحد اسمه السامري يقولهم الذهب اللي معاكم ده فلوس حرام فهنرميه في النار يسيح عشان نتخلص منه
ويقولهم انه معاه تراب من أثر الفرس اللي كان عليه سيدنا جبريل يوم مانزل لإغراق فرعون
فيحط التراب على الدهب اللي ساح من النار ويتشكل معاه عجل فتنة واختبار ليهم
وزيادة في الفتنة ليهم كان الريح لما يعدي جوه العجل يطلع صوت
السامري أقنعهم إن هو ده إلهكم وهو ده إله موسى اللي راح يقابله بس هو نساه
سيدنا هارون بقى في موقف صعب اوووي
بني إسرائيل صدقوا السامري وعبدوا العجل
وفي نفس الوقت هو مستخلف عليهم ومش عارف يصدهم عن الغلط اللي بيعملوه ومهما ينصحهم ويوعظهم مستمرين في الغلط
وفضلوا على حالهم لحد مارجع سيدنا موسى من لقاء ربه..
واول ماشافهم من الصدمة وقعت منه ألواح التوراة اللي فيها كلام ربنا
وقال لهارون عليه السلام ازاي ماخلتهمش يوقفوا الجهل اللي بيعملوا ده
سيدنا هارون قاله إنه حاول معاهم كتير ومالقاش إستجابة..
أما سيدنا موسى فمسك العجل ده وحرقه الأول في النار وبعدها خد الرماد بتاعه ورماه في البحر
وقال للسامري إن عقابك إنك مش هاتلمس حد ولا حد هتيلمسك لحد ماتموت ده عقاب الدنيا ولسه عقاب الآخرة..

وانتهت قصة العجل بس لسه بني إسرائيل مش عارفين يتوبوا ازاي من الكبيرة دي عشان ربنا يغفر لهم!!
ياترى هتكون توبتهم ازاي؟؟!!
يتبع ...،،،،

#كليم_الله
#قصة_موسى
#رسايل

قصة كليم الله 15

عبد بنو إسرائيل العجل في غياب نبي الله موسى
وجه الوقت عشان يتوبوا من الذنب العظيم ده
وكان طريقة التوبة من أصعب الحاجات اللي ممكن تتخيلها وهي إنهم عشان تقبل منهم التوبة يقتلوا بعض😧
اه يقتل اللي ماعبدش العجل أي حد من اللي عبده سواء أخوه ، ابنه أي حاجة
👈🏻ابقى افتكر ده بقى وإنت بتستصعب التوبة اللي ربنا سهلها لنا وخلاها بس مجرد إنك تقول يا رب وتسيب ذنبك وماتكسلش عن التوبة تاني

💡وأخيرا...قبلت توبتهم من عبادة العجل،،
وسيدنا موسى أخد أحسن 70رجل منهم عشان يعتذروا لربنا من عبادتهم العجل،،
لكن وكعادة بني إسرائيل في التعنت....
قالوا لسيدنا موسى لا مش مصدقين عاوزين نشوف ربنا👇🏻
وساعتها نزل عليهم صاعقة وماتوا كلهم
وفضل سيدنا موسى يناجي ربه
ويقول:"رَبِّ لَوْ شِئْتَ أَهْلَكْتَهُمْ مِنْ قَبْلُ وَإِيَّايَ أَتُهْلِكُنَا بِمَا فَعَلَ السُّفَهَاءُ مِنَّا"
فـ ربنا أحياهم تاني بعد الصاعقة آية ومعجزة جديدة لسيدنا موسى..

🔦وعاش سيدنا موسى مع قومه اللي فضلوا طول الوقت في تعنت لأوامر الله لدرجة إن ربنا رفع لهم الجبل فوقهم،،
وإما إنهم يستجيبوا لأوامر الله أو يقع الجبل عليهم
ويقولوا هانسمع الأوامر ويرجعوا تاني لنفس أفعالهم!!
🪫لحد ماجه الوقت اللي ربنا جعله لوفاة نبيهم موسى عليه السلام وهم على نفس الحال!!
🪙 وكانت النهاية لما وصل ملك الموت لنبي الله موسى فضربه في عينه فرجع ملك الموت لربنا وقاله يا رب أرسلتني إلى عبد لا يريد الموت،
⏳ربنا قاله: ارجع إليه فقل له يضع يده على متن ثور،
فـ له بما غطت يده بكل شعرة سنة،
يعني هايزيد في عمره سنة مقابل كل شعرة يبقى كده هايزيد الاف السنين
🪔 بس سيدنا موسى قال: أي رب ثم ماذا؟ قال: ثم الموت.
قال: فالآن.
🩸ولكن طلب من ربنا إنه يقربه شوية من الأرض المقدسة اللي كان نفسه يدخلها في حياته لكن كان الحرمان بسبب تعنت قومه

وقبض ملك الموت روح النبي الكريم كليم الله في فترة التيه بعد حياة مليانه معجزات وتضحيات وجهاد لدين ربنا..
فانشهدك ياربنا أنا نحب سيدنا موسى الكليم ونرجو أن تجمعنا معه ومع الأنبياء جميعا في الفردوس الأعلى

النهاية..،،،🚪

#كليم_الله
#قصة_موسى
#رسايل

"إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ"
صفقة الأحلام والله
لما يكون التمن الجنة واللي بيشتري هو الله تعالى ... يبقى مستني ايه ؟؟!! مش يلا حالا تقول تم البيع ولا ايه؟؟!!
صفقة الأحلام ....إنك تشتري الجنة تمليك دايم ...تدفع فيها كام دي ؟؟!!!
تدفع كام قصاد انك تشوف سعادة مافيش حزن بعدها أبدا وصحة مافيش مرض بعدها أبدا، تدفع كام قصاد إنك تعيش ملك خالد مخلد إلى ما لانهاية ؟؟؟!!
كل اللي هتدفعه انك تعيش في الدنيا دي تعمل اللي ربنا أمرك بيه وتبعد عن اللي نهاك عنه
- تمن الجنة هو صلاتك اللي لازم تحافظ عليها جماعة في وقتها وتحافظي عليها وماتكسليش
- تمن الجنة هو حجابك اللي بتصبري عليه رغم الحر وكلام الناس اللي بيضايقك
- تمن الجنة هو انك تبعد عن أي مصدر دخل حرام سواء ربا أو رشوة أو غيرهم
- تمن الجنة إنك تغض بصرك وتبعد عن أي علاقة مع بنت خارج الجواز لأنها حرام
- تمن الجنة إنك تصبر وتستحمل بس في الاخر هتستلم جنة تستاهل التعب💙
يلا عاهد ربنا وخليك زي الصحابة اللي قالوا للنبيﷺ "لانقيل ولا نستقيل " ...يعني مافيش رجوع في البيعة دي بأي شكل ... يلا امضي على عقد البيع انت كمان ...ده التمن جنة
ربنا يرزقنا وإياكم الجنة

#رسايل_تدبر

من سيشرب ومن سيطرد !
من روائع د.رامي النحراوي

#رسايل_في_حب_النبي
رسايل

[ ما لي أراكَ منكسِرًا ]

الجملة اللي مليانة حب وحنان اللي قالها النبيﷺ لجابر بن عبدالله لما لقاه شكله متغير وزعلان💔
ياترى كام واحد فينا بيتفقد أهله وأصحابه وجيرانه زي ماالنبيﷺ كان بيتفقد أصحابه؟؟!!
تعرف كمان الموضوع ماخلصش هنا سيدنا جابر شكى فعلا للنبيﷺ همه وقاله إن أبوه مات وساب له ديووون وعيال وهو ده اللي كان مخليه مهموم
وتعال شوف ساعتها النبي جبر خاطره وفرحه ازاي لما بشره إن ربنا ماكلمش حد مباشر قبل كده إلا أبوه كلمه مباشر وقاله اتمنى
وساعتها كانت أمنيته إنه يرجع تاني للدنيا ويموت وهو بيجا*هد في سبيل الله
تخيل معايا كده مشاعر سيدنا جابر وهو بيسمع الكلام ده وقد ايه نقله من الهم اللي كان فيه للفرح والفخر باللي حصل لأبوه🥰
تخيل لو حبيبكﷺ بيقولك إنت مالي أراك منكسرا وبيطيب خاطرك ؟؟!!
صحيح احنا حرمنا من مصاحبته في الدنيا ...بس لينا لقاء معاه على الحوض نحكيله كل اللي كسرنا
بس أهم حاجة دلوقتي
- نطيع أوامره ونحافظ على صلاتنا والحجاب للبنات
- نبعد عن الذنوب اللي هتبعدنا عن حوضه
- ناخده قدوتنا في الحياة فنتفقد أهلنا وأصحابنا ونجبر خاطرهم

#ليتك_معنا
#رسايل_في_حب_النبي ﷺ

[ ومضات من حياة النبي ﷺ (1) ]
• اسمه :
هو محمد بن عبد الله بن عبد المطلب بن هاشم ، وهاشم من قبيلة قريش، وقريش من العرب، والعرب من ذرية إسماعيل عليه السلام، ابن إبراهيم الخليل عليه وعلى نبينا أفضل الصلاة والسلام.

وفي حديث مسلم قال ﷺ : "إنَّ اللَّهَ اصْطَفَى كِنانَةَ مِن ولَدِ إسْماعِيلَ، واصْطَفَى قُرَيْشًا مِن كِنانَةَ، واصْطَفَى مِن قُرَيْشٍ بَنِي هاشِمٍ، واصْطَفانِي مِن بَنِي هاشِمٍ "

فهو خير أهل الأرض نسباً على الإطلاق ، فقومه أشرف قوم، وقبيلته أشرف قبيلة ،وفخذه أشرف الأفخاذ، وقد كان أعداؤه يشهدون له بعلوّ نسبه فيهم
.
•ومن أسمائه الثابتة في أحاديث صحيحة :
( محمد، و أحمد ، وعبد الله ، وخاتم النبيين، ونبي الملاحم، والعاقب, والحاشر, والماحي)

• ذكره في القرآن :
ذكر النبي –صلى الله عليه وسلم- في القرآن باسمه "محمد" في أربعة مواضع: في سورة آل عمران الآية (144)، والأحزاب الآية (40)، ومحمد الآية (2)، والفتح الآية (29)، وأما "أحمد" فجاءت حكاية عن عيسى عليه السلام في سورة الصف الآية (6).

•كنيته :
(أبو القاسم).
#رسايل_في_حب_النبي ﷺ
#رسايل

الله عزوجل سينصر هذا الدين ، وسيقود الإسلام العالم مرة أخرى بنص موعود ربنا سبحانه وتعالى ، وهذه الأمة أبدا لا تموت ..

" ولقد سبقت كَلِمَتُنا لِعبادِنا المُرسَلين . إنهم لَهُمُ المنصورون . وإن جُندَنا لَهُمُ الغالبون "

الصحابة كانوا مع النبي صلى الله عليه وسلم في فترة الاستضعاف في مكة ..
تعذيب وتنكيل بالمسلمين ..
شكى خباب إلى النبي ـ صلى الله عليه وسلم ـ ، فقال: "قلنا له: ألا تستنصر لنا؟ ألا تدعو الله لنا ؟، قال ـ صلى الله عليه وسلم ـ: كان الرجل فيمن قبلكم، يحفر له في الأرض فيجعل فيه، فيجاء بالمنشار فيوضع على رأسه، فيشق باثنتين وما يصده ذلك عن دينه، ويمشط بأمشاط الحديد ما دون لحمه من عظم أو عصب، وما يصده ذلك عن دينه،والله ليتمن هذا الأمر، حتى يسير الراكب من صنعاء إلى حضرموت لا يخاف إلا الله أو الذئب على غنمه، ولكنكم تستعجلون"

#الخلاصة
احنا لا نخشى موت أو ضياع الإسلام ، فالإسلام لن يموت ولن يضيع وربنا سينصر الدين 💪

- لكن المشكلة فيا وفيك .. أنا وأنت
احنا كأفراد عملنا ايه ؟!
يا ترى احنا لبنة في البناء وعودة الدين وعودة عز المسلمين .. بعبوديتنا لله وطاعتنا وحملنا لهم دين ربنا 🤔

- ولا احنا معول من معاول الهدم والطعن فيه بمعاصينا وابتعادنا عن دين الله وغرقنا في شهواتنا وأهوائنا واكتفاءنا بكلمة "مسلم" فقط في البطاقة !😔

- انا وانت كمسلمين عملنا ايه في فترة الضنك والذل دي ؟!
هنقول لربنا ايه ؟!
توبتك ورجوعك لله وطاعتك ليه ..
هي حجتك عند الله عزوجل ..

#رسايل

لكل من فقد فلذة كبده ..
عظم الله أجركم ورفع في الجنة درجاتكم ..
لا يسعني إلا أن أذكر لكم حديث النبي صلي الله عليه وسلم عله يكون لقلوبكم بردًا وسلامًا
عن قرة بن إياس : أن رجلا كان يأتي النبي صلى الله عليه وسلم ومعه ابنٌ له يأتيه من خلف ظهره ..
فقال له النبي صلى الله عليه وسلم : "أتحبه ؟ "
، فقال : يا رسول الله ! أحبك الله كما أحبه .
فتغيب الرجل عن الحلقة ..
ففقده النبي صلى الله عليه وسلم ، فقال : "ما فعل ابن فلان ؟ " ، قالوا : يا رسول الله ! مات
فذهب له النبي ليعزيه ..
. فقال النبي صلى الله عليه وسلم لأبيه : " أما تحب ألا تأتي بابًا من أبواب الجنة إلا وجدته ينتظرك ؟ " ..
فقال رجل : يا رسول الله ! أله خاصة أم لكلنا ؟ قال : "بل لكلكم "

فهنيئًا لكم باب الجنة 🤲
اخلف الله عليكم بالخير

(من كتاب كيف عاملهم )

#النبي_قدوتي
#رسايل_في_حب_النيي
#رسايل

#بتحب_النبي ..؟! (1)

علاقات كتير في حياتنا بقي فيها نوع من أنواع الرتابة ..
ودا شعور ممكن ييجي لعلاقات كتير في حياتك ، بس بتعدي
لكن الشعور دا مايعديش أبدًا لو كانت العلاقة دي بينك وبين النبي ﷺ
علاقه مفيهاش حماس ..!
مفيهاش مسارعة في إرضاء حبيبك ..
وتحري مواطن الاقتداء بيه ..
العلاقة مرسومة إنك كبيرك لما تسمع اسمه تصلي عليه وبس .!
وفاكر إنك كدة أديت اللي عليك ناحيته ..
العلاقة دي كدة فقدت روحها ..
فقدت الحب الحقيقي 💔
اللي فيه مسارعة لنيل رضا المحبوب ﷺ
النبي ﷺ لما يقولنا :
[ مِنْ أشَدِّ أُمَّتي لي حُبًّا، ناسٌ يَكونُونَ بَعْدِي، يَوَدُّ أحَدُهُمْ لو رَآنِي بأَهْلِهِ ومالِهِ ] رواه مسلم
حد مننا عنده استعداد يضحي بكل ممتلكاته وحياته عشان بس يشوف النبي
هل أنا كدة ؟
هل انت كدة ؟
النبي ﷺ لما راحله سيدنا عمر بعد ماسمع قوله :
[ والذي نفسي بيدهِ لا يؤمنُ أحدُكم حتَّى أكونَ أحبَّ إليه من والدهِ وولدهِ والناسِ أجمعينَ ]
فقال له عمر : يا رسول الله، لأنت أحب إليَّ من كل شيء إلا من نفسي!
فقال النبي صلى الله عليه وسلم: ((لا والذي نفسي بيده، حتى أكون أحب إليك من نفسك )

هل النبي أحب ليك من نفسك !!
الحب مش كلام
الحب ليه دلائل
اللهم صلي وسلم وبارك علي سيدنا محمد وعلي آله وصحبه وسلم

#رسايل_في_حب_النبي ﷺ
#رسايل

وأظلمت المدينة .. !

ليس سهلاً أن تنطفئ الشمعة الأخيرة فيعود الظلام لمزاولة مهنته!
وليس بسيطاً أن تلغى النبضات من قلوب عرفت لتوّها معنى النبضات ..
وأدركت قبل قليل مضمون الحياة ..
وحركة الدماء الدافقة !

وها هو النبي ﷺ يحزم أمتعته ، ويتوجه في ليلة باردة الجدران إلى طرقات المدينة ، ليسحب الأنوار التي نثرها في جنبات تلك الدروب العتيقة ..
ويودعها حقيبته ويغادر ..

يقول أنس بن مالك : «لمَّا كان اليوم الذي دَخَل فيه رسول الله ﷺ المدينةَ أضاءَ منها كلُّ شيء، فلمَّا كان اليوم الذي مات فيه أَظْلَم منها كلُّ شيء».

نحن على موعد مع شتاء الفجيعة .. وزمهرير الفقد .. وموسم الدموع
ومات الرجل النبيل ..؛
وماتت معه ابتسامة كانت قد تبرعمت في قلب عمر ..
وأغمضت الهناءة عينيها في نفس أبي ذر ..
وانسحبت ألوان الحياة من عيني أبي عبيدة

[ من كتاب الرجل النبيل - د.علي الفيفي ]
#وفاة_النبي ﷺ
#رسايل_في_حب_النبي ﷺ