#bayramona

AYOL

Ash'orlar bitilgan ayol nomiga,
Ularga takroran qaytgim keladi.
Maqtovlar shodasin birma-bir tizib,
Hech kimga o'xshatmay
aytgim keladi.

Ayolni dedilar muqaddas, go'zal,
Ta'riflab tolmadi shoir qalami.
Hoynahoy, alqovlar tojini ko'rib,
Ko'kda farishtaning kelar alami.

Ayol ezgulikka yo'g'rilgan timsol,
So'zimning isboti munis
onalar!!!
Shirin so'z, mehribon,pokiza xayol,
Har bir qarashidan ma'no taralar.

Qancha sanamlarning,qancha hurlarning,
Poyida tiz cho'kkan asov
yigitlar.
Ularni mahliyo qilgan aslida,
Mingta hayqiriqdan o'tkir sukutlar.

Malaklar rashqini keltirib
yana,
Ayolni alqayman o'ngda ham tushda,
Aybi falakdamas yerdaligimi,
Axir ayolmasmi asli farishta.

Ro'za Ganjayeva

@mahbub_ul_qulub

#bayramona

* * *

Севаман денг,
қисмат йўлига
бу сўзингиз садақа бўлсин.
Севаман денг,
маъшуқа руҳнинг
шодон бўлиб, қалби-да тўлсин.

Севаман денг,
иномни қалбдан
этагимга ташланг нон каби.
Зору нолон
очиққан қалбнинг
кўзи тўйсин, тўйинсин таъби.

Хайр қилинг,
бир томчи сувдай
токи, жон вужудга қуйилсин.
Севаманг денг,
шафоат этинг,
пешонамнинг шўри ювилсин.

Севаман денг,
шу зар тиллони
бир чақадай солинг кафтимга.
Сўнгги нафас,
сўнгги дамгача
божу хирож бўлсин бахтимга.

Севаман денг, марҳамат қилинг,
тортиқ этинг дунёга ишқни.
Сўнгра ҳайдаб
солинг майлига,
сўнгра қайтиб очманг эшикни…

Фақат,
севаман денг бир бора…

Гавҳар ИБОДУЛЛАЕВА

@mahbub_ul_qulub

#bayramona

Тириктоғ

Меҳринг сенинг тоғлардан юксак,
Лекин тошдан қаттиқдир қаҳринг.
Қуёш ва сен ўртага қўйсак
Ортиб қолар бир сенинг ҳаққинг.
Жилдиратиб сувни бошингдан,
Шўхликда толдириб болани.
Шу меҳринг-чун ахир тошингдан
Ундириб қўйибсан лолани…

Зебо Нур

@mahbub_ul_qulub

#bayramona

АЁЛГА МАҚТОВ

Шоирга йўл бўлсин, сизли чизай деб,
бўёқ қуюлтириб турар рассомлар!
Мукаммал ҳуснингиз ёғдуси учун
ой ҳам навбатчилик қилар оқшомлар!

Шоирга йўл бўлсин!
Куйлай деб сизни,
бастакорлар юрар ёқа чок, тажанг:
торни темирчига топширворгудек,
ҳар жаранг устида қилиб неча жанг.

Эъзозингиз буюк!
Саркарда Бобур,
жувонмард руҳлари бўлгай зиёда,
қўшинда биргина от қолса, шунга
сизни ўтқазгандир,
қолиб пиёда...

Шоирга йўл бўлсин!
Сиздаги талъат,
нозиклик кимларни ўйга солмаган?!
Оққуш, сувдан чиқмай, таранавериб,
бежиз бир оёқда ухлаб қолмаган!

Сиздай ясанмоқни истаб, қиш битмай,
Изҳорга лаб жуфтлаб ҳар бир куртаги,
ўриклар чиқдилар — бир тонг тўла гул,
Нур кийди жамики боглар юртдаги.

Шоирга йўл бўлсин, кечикди шоир
бу инжа рақобат, нурли талошга:
Ҳа бизга ҳеч юмуш қолмабди энди
Сизни жуда қаттиқ севишдан бошқа!

Омон МАТЖОН
@sherSehri

@mahbub_ul_qulub

Muhammad Yusuf she'ri

Onam yig'lar, onam yig'lar onam u ...

@mahbub_ul_qulub

* * *

Меваларин тўкиб боғлар жим,
Ростлаётир эгик қадларин.
Бир сен ўзинг менинг биринчи
Ҳамда бошқа муҳаббатларим.

Юрагингдир бахтим илинжи,
Умидларим — жавонмардларим.
Бир сен ўзинг менинг биринчи
Ҳамда бошқа муҳаббатларим.

Кутганларинг ёлғон, қаҳринг — чин,
Ёзсам қайтиб келар хатларим.
Бир сен ўзинг менинг биринчи
Ҳамда бошқа муҳаббатларим.

Гарчи ўтмас сенга ўтинчим,
Гарчи сиғмас сенга ҳадларим,
Бир сен ўзинг менинг биринчи
Ҳамда бошқа муҳаббатларим.

Сезмас, гарчи юрагинг синчи,
Руҳ тулпорим еган латларин.
Бир сен ўзинг менинг биринчи
Ҳамда бошқа муҳаббатларим.

Юлдузларнинг йўқолар тинчи,
Осмон қуёш қилар аҳдларин...
Бир сен ўзинг менинг биринчи
Ҳамда бошқа муҳаббатларим.

Мен бир қушман — осмон ўкинчи,
Синди қанот, куйди патларим...
Бир сен ўзинг менинг биринчи
Ҳамда бошқа муҳаббатларим.

Ҳижрон кунчи, айрилиқ — кинчи,
Кулфатларим сен, сен — бахтларим...
Бир сен ўзинг менинг биринчи
Ҳамда бошқа муҳаббатларим.

Матназар АБДУЛҲАКИМ

@M_Abdulhakim

...Юлдузларнинг йўқолар тинчи,
Осмон қуёш қилар аҳдларин...
Бир сен ўзинг менинг биринчи
Ҳамда бошқа муҳаббатларим...

@M_Abdulhakim

#drabbllar

Gunay Arda
GUNOHKOR

U haqiqiy gunohkor edi. Chunki bir yuz yigirma to'rt ming suvoriydan yolg'iz ugina vataniga sog'-omon qaytdi.

@mahbub_ul_qulub

#diqqat

Hamma ijodkorlarni 15-mart kuni soat 8:30 da Filologiya fakultetida bo'ladigan UrDU ijodkorlarining "Mushtarak dillar" to'plami taqdimotiga taklif etamiz.
(Mualliflar albatta borishi kerak)

Murojaat: @Yuldashev_Jumanazar

#Диққат_танлов

ЭЪЛОН

Хоразмлик ёш ижодкорлар диққатига!
Республика ёш ижодкорларининг 2019 йил ўтказиладиган ҳудудий семинарида вилоятдан иштирок қиладиган ёшлар рўйхати шакллантирилмоқда. Шу муносабат билан:

1. Болалар адабиёти
2. Назм
3. Наср
4. Драматургия
5. Публицистика
6. Бадиий таржима

Йўналишлари бўйича ижодий ишлар қабул қилинмоқда.
Ҳудудий семинар ғолиблари «Зомин» семинарида қатнашиш ҳамда давлат маблағлари ҳисобидан биринчи китобини нашр қилдириш имконига эга бўладилар.

Бизнинг манзил:
Урганч ш. Ал Хоразмий кўчаси, 23-уй, 4-қават, 411-хона.
Ўзбекистон Ёзувчилар уюшмаси Хоразм вилоят бўлими.

Мурожаат учун:
Телефонлар:
+998622230889 ;
+998912762695 ;
+998915701461 ;
+998905581507 .

Қўшимча маълумотлар олиш учун:
@RahmatBobojon

Ижодий ишларингизни кутамиз!

Қуйидаги файлдаги ҳужжатлар тақдим этилсин!👇

https://t.me/sheriyat_kechasi

O'RIK GULLAGANDA

Derazamning oldida bir tup 
O’rik oppoq bo‘lib gulladi...

Novdalarni bezab g‘unchalar, 
Tongda aytdi hayot otini 
Va shabboda qurg‘ur ilk sahar 
Olib ketdi gulning totini.

Har bahorda shu bo‘lar takror, 
Har bahor ham shunday o‘tadi, 
Qancha tirishsam ham u beor 
Yellar meni aldab ketadi.

Mayli, deyman va qilmayman g‘ash, 
Xayolimni gulga o‘rayman; 
Har bahorga chiqqanda yakkash, 
Baxtim bormi, deya so‘rayman.

Yuzlarimni silab, siypalab, 
Baxting bor, deb esadi yellar. 
Etgan kabi go‘yo bir talab, 
Baxting bor, deb qushlar chiyillar...

Hamma narsa meni qarshilar, 
Har bir kurtak menga so‘ylar roz, 
Men yurganda bog‘larga to‘lar 
Faqat baxtni maqtagan ovoz:

«Mana senga olam-olam gul, 
Etagingga siqqanicha ol, 
Bunda tole har narsadan mo‘l, 
To o‘lguncha shu o‘lkada qol.

Umrida hech gul ko‘rmay, yig‘lab 
O’tganlarning haqqi ham senda, 
Har bahorni yig‘lab qarshilab 
Ketganlarning haqqi ham senda...»

Derazamning oldida bir tup 
O’rik oppoq bo‘lib gulladi...

Hamid Olimjon

@mahbub_ul_qulub

УЙҒОНИШ

Қуёшдан бир нурли кўчки қўзғотган,
Қишнинг муз чойшабин парчалаб отган,
Ғафлат уйқусидан ерни уйғотган,
Бу баҳор эмасми,
Саволим шулдир?!

Тонгга ўчоқбоши сингари шошиб,
Эшикка қўшқанот бағишлаб очиб,
Фарзандин уйғотган меҳрлар сочиб,
Бу она эмасми,
Саволим шулдир?!

Даврабоши бўлиб алдов, хиёнат,
Бурчакка қисилган пайтлар диёнат,
Виждонни уйғотган, солган қиёмат,
Бу имон эмасми,
Саволим шулдир?!

Олам бир ёқ, сени бир ёқ этолган,
Вафони юракка байроқ этолган,
Тунни юлдуз билан уйғоқ этолган,
Бу севги эмасми,
Саволим шулдир?!

Лекин бир халқ мудраб, ётинқираса,
Ҳар кимга ўз тинчи ёқинқираса,
Шоирлари қўрқиб босинқираса,
Халқни ким уйғотар,
Саволим шулдир?!

Омон Матжон

@mahbub_ul_qulub

NAVRO'Z

Navro'z !
Ko'k bayrami!!!
Yurakni
Yam-yashil hayajon quchoqlar.
...Uyg'onma, bedazor,
Pusib yot, maysa.
Boshingni qirqishga shaydir
Pichoqlar.

Matnazar ABDULHAKIM

@M_Abdulhakim

Бугун Ўзбекистон Қаҳрамони, халқ шоири Абдулла Орипов таваллуд топган кун!

🇺🇿 @press24uz

Каналга қўшилиш учун👇
https://t.me/joinchat/AAAAAFNvbf9nxCymnknoUw

Abdulla Oripov
Sen bahorni sog'inmadingmi?..

She'rni shoira Zebo Mirzo o'qidi.

@mahbub_ul_qulub

Assalomu aleykum azizlar !!! Ushbu kanal ustoz shoirimiz Erpo'lat Baxtning shaxsiy kanali barcha qiziquvchilarni taklif etib qolamiz.

https://telegram.me/erpolatbaxt

Бедил билан диллашган дил

Шоир таржимон сифатида ўз ижодий ақидаларига содиқ эди. Бу ақидалар аслият лафзидан кўра маъносига эътибор қаратиш, мазмуннинг шаклдан устуворлиги, таржимон эркини чекламаслик кабилар эди. У ҳар бир сатр, ҳар бир асар таржимасини маромига етказиш устидаги ишни энди аслиятни бошқача таржима қилиш мумкин эмас, деган қарорга келгунча давом эттирарди. Масалан, Мирзо Бедилнинг
Мурувват аз дили хубон мажўид,
Фарангистон мусулмоний надорад ‒
байти бир неча таҳрирдан кейингина
Гўзаллардан мурувват истамангиз,
Фарангистон элин иймони йўқдур.
шаклини олган.
Ёки Шайх Нажмиддин Кубронинг
Зинҳор таъна мазан ту бар дарвешон,
Ҳастанд эшон чунончи ҳастанд эшон.
сатрлари
Дарвеш элин ёзғурма дебон хордурлар,
Тоб бордур улар, борлигича бордурлар.
деган шаклдан бошқача таржима ҳам қилиш мумкинми, деб ўйланиб қоласиз.
Толибга талаб йўлига тез етмак шарт,
Бошқасидан қўлни ювиб кетмак шарт.
Элга шифо бахш эту оч кўзларини,
Олам ҳама – Ул, Унга назар этмак шарт.
рубоийси таржимасида аслиятдаги “Олам ҳама ‒ уст, дийдае мебояд” сатри таржимасини бошқача тасаввур қила олиш қийин.
Тинимсиз меҳнат, азизларни аржуманд тутиш билан юзага чиққан таржималардан иборат “Азизлар анжумани” шоирнинг бошқа асарлари каби номига монанд дунёга келган китобдир.
Матназар Абдулҳаким Мирзо Бедил таржимасига қўл уриши дастлаб кўпчиликни ажаблантирди. Сабаби Бедилнинг бунгача айрим шеърларини Ғафур Ғулом, Шоислом Шомуҳамедовлар таржима қилишган бўлса ҳам, катта кўпчиликда серқирра Абулмаъоний ғазалларини таржима қилиш имконсиз деган қараш бор эди. Юртимизда бедилхонлик яқин-яқингача давом этгани, жумладан, унинг “Интизори дом охир мекашад нахжирро” (Тузоқнинг кўз тикмаги тортар охир ўз сайдини) мисрали байти шарҳида “Туҳфаи Хислат”дек ихчам баёзлар бунёд бўлгани маълум. Аввало, Матназар Абдулҳаким отаси Абдулҳаким махзум, Абдулқодир Маҳбубий, Янгибой‒ Орзу каби ана шундай бедилхонлар даврасини кўрган, уларнинг тарбиясини олган инсон эди. Қолаверса, унда бундай юксак бадиий дурдоналар ўзбек тилида яратилиши лозим эди, деган қараш бор эди, эҳтимол. Қатор даврий нашрларда берилиб бориб, дастлаб “Хоразм” нашриётининг илк маҳсули сифатида дунёга келган “Табаррук ташрифлар”дан жой олган Бедил ғазаллари таржимаси 1995 йилда “Такаллум” номи билан “Қорақалпоғистон” нашриётида тўлдирилиб, босмадан чиқди. Унга мутаржимнинг ўзи сўзбоши ёзиб, жумладан, қуйидагиларни битадики, булар юқоридаги мулоҳазаларимизни бир қадар асослайди: “Мирзо Абдулқодир Бедил ғазалиётида олис сафарга кетаётган карвон ҳақида талай ёниқ мисралар мавжуд. Бу шеъриятларда соғинч оҳанглари, айтиш мумкинки, етакчи оҳанглардан биридир... бу ҳол шоирнинг шоирнинг ёд-хаёли Туркистондан бир лаҳза бўлсин узилмаганини кўрсатади”.
Фикримизни бир ғазалнинг айрим байтлари мисолида кўрсак:
Бу йўқликнинг сабаб – бурҳони йўқдир,
Замирин топмоқ ҳеч имкони йўқдир.
Аслиятда:
Адам з-ин беш бурҳоне надорад,
Вужуб аст, ончи имконе надорад.
Таржимада аслиятда мазмун ҳам, оҳанг ҳам, муҳими, шунга муносиб равишда ўзига хос руҳ сақланиб қолган.
Мутаржим аслиятда:
Кушоду баст чашмат оламорост,
Жаҳон пайдоу пинҳоне надорад.
сатрларини
Очиқ ҳам берк-ажиб жумбоқ бу олам,
Сира ошкори йўқ, пинҳони йўқдир.
тарзида айнан таржима қилган бўлса, учинчи байтда аслиятга “касод бу мол” хулосасини қўшиш билан мисралар мазмуни бугунги ўқувчига тўлароқ етиб боришини кўзда тутган кўринади, назаримизда.
Харидор излама манманлигинга,
Касод бу мол, анинг дўкони йўқдир...
Матназар Абдулҳакимнинг Мирзо Бедилдан қилган таржималарини синчиклаб ўқиган китобхон кўз ўнгида мутаржим икки қиёфада намоён бўлади: бири – Мирзо Бедилнинг ўз она тилида ёза олмаган шеърларини халқига айнан етказиш иштиёқидаги таржимон, бири – Абулмаъоний ҳазратлари билан қайсидир маънода ижодий рақобатдаги, таржима асносида ўз кечинмаларини ҳам изҳор қилиб борган Матназар Абдулҳаким...

Абдулла Ўрозбоев,
филология фанлари доктори

@M_Abdulhakim

#mudom_tirik_dard

Muhammad Yusufning o'zi o'qigan ,,Bor bisotim" she'ri

@mahbub_ul_qulub

* * *

Қуёш тонг олдида қизарган каби,
Ғунчалар қисиниб юз ёрган каби
ийманиб келасан,
очилолмайсан:
«Анавилар бор-да, ўшалар...» дейсан.

Қўлингда Зуҳрадан гўё бир хат бор,
гўёки Лайлидан мерос қисмат бор,
минг йиллик ёзгутдан қутулолмайсан:
«Анавилар бор-да, ўшалар...» дейсан.

Азизам, юлдузлар фалакда бахтли,
инсон ўз қалбида —
юракда бахтли...
Сен сира ўзингни нурга солмайсан:
«Анавилар бор-да, ўшалар...» дейсан.

Гулим, «ўша»ларга ўчма-ўч очил,
сенинг учун бугун боглар бўш, очил!
Уларни қўявер, улар қолмаслар,
чунки бизлар каби сева олмаслар!

Омон МАТЖОН

@mahbub_ul_qulub