📻 Белем бирү процессында тәрбия эше аерым бер урын алып тора. Шөкер, соңгыелларда мәктәп һәм балалар бакчаларында рухи-әхлакый тәрбия бирү, туган җиреңә
һәм халкыңа яхшы мөнәсәбәт, милли үзаң формалаштыру юнәлешендә тырышып эшли башладык.

Сабый чактан ук дөньяны танып белергә, әхлак кагыйдәләрен үзләштерергә, гади генә итеп әйткәндә: яхшыны яманнан аера белергә әкиятләр аша өйрәнәбез. Әхәзерге балаларның заманча, сыйфатлы, үз дөньясына алып кереп китәрдәй әкиятләр
укыйсы, мультфильмнар карыйсы килә. Ни кызганыч, чит ил фильмнарындагы ясалма «супергеройларга» сокланып берничә буын үсте. Ә бит балада
милли үзаң тәрбияләү өчен нәкъ менә үзебезнең батырларны, милли геройларыбызныбулдыру кирәк. Бүген сүзебез дә әнә шул эшкә алынган «Туган авылым» ресторан
комплексы директоры Радик Габдрахмановның балалар өчен проектлары хакында булыр.

«Мәгърифәт нуры»
тапшыруының чираттагы кунагы – «Туган батыр» проекты җитәкчесе Айсылу Җамалиева.

@magarifgaile

📖 Бүген «Татмедиа»да язучы, «Мәгариф», «Гаилә һәм мәктәп» журналларының баш мөхәррире Гөлүсә Закирова «Энекәш» китабын тәкъдир итте («Казан утлары» китапханәсе сериясенең 28 нче басмасы).

Автор МХО вакыйгаларын үз күңеле аша үткәргән беренче автор буларак та тарихка кереп калачак. Әсәр нигезендә татар авылы егетенең аянычлы язмышы сурәтләнә.

🖇️ Китапта шушындый тетрәндергеч юллар бар:

Әни, әнкәй... Хәтерлисеңме, мин армиягә киткәндә ипи катысын сындырып каптырган идең, улым, бу кисәкне мич башына куям, кибеп бетсә дә, сине көтәр, ашап бетермәгән ризыкларың кайтарыр туган нигезгә, дигән идең... И әни, бу юлы елап калдың шул, ипи сыныгын кесәмә салырга да онытыбрак җибәрдең. Бүген нишлисең икән? Юка пешерәсеңме? Һай аның тәмлелекләре, пешкән кайнар юканы сындырып, сөт белән эчеп куйсаңмы? Көне буе йөртерлек ризык бит ул, әни. Улым еракларда ятып калды дип бик елама инде яме. Менә бу пычрак, хәсрәт тулы окопларны ләгънәт орсын! Ләгънәт орсын! Лә илаһе илләллаһ...

@magarifgaile

📑 Габдулла Кариев исемендәге Казан
Татар дәүләт яшь тамашачы театры артисты Инсаф Хәләүтдинов
повестьтан өзек укыды.

Сез дә тыңлагыз әле...

@magarifgaile

🧊 Казан мэриясе искәртә!

Татарстанда 14 марттан бозга чыгу тыела — хокук бозучыларны штраф көтә.

видео: шәһәр мэриясенең телеграм-каналы

🏫 Бүген Казанның 188 нче күппрофильле лицее базасында әти-әниләр БДИ тапшырып карый.

Әлеге чара «Бергә тапшырабыз. Әти-әниләрнең БДИ тапшыру көне» акциясе кысаларында уза.

@magarifgaile

Имтихан тапшыру пунктына керү алдыннан һәр әти-әни металл рамкалар аша узды.

@magarifgaile

«Бергә тапшырабыз. Әти-әниләрнең БДИ тапшыру көне» акциясендә ТР Мәгариф һәм фән министры Илсур Һадиуллин да катнашты.

Аның сүзләренчә, әти-әниләрнең күңел халәтеннән баланың ничек итеп имтихан тапшыруы тора.

@magarifgaile