Android uchun Telegram Beta'ning 7.8.0-versiyasida videotranslyatsiyali chat qilish imkoniyati paydo bo'ldi.

@mabrur_dev

Auf😕

@mabrur_dev

Bugun soat 23:00 da ovozli chat orqali suhbat qilamiz!

Mavzu nomi: Musulmonlar nima uchun rivojlanishdan ortda qoldi va qanday qilib rivojlanishlari mumkin!

Link: https://t.me/temurbek_adhamov?voicechat=47f5be902dbf34fb67

❗️ Freelancer bo'lib ishlash uchun 10 qadam.

1️⃣ Nima uchun aynan freelance - Birinchi bo'lib aniqlash zarur bo'lgan narsa, nima uchun aynan freelancer bo'lmoqchisiz? Buni biron yerga yozib qo'ying, masalan shu post izohiga bo'lsa ham mayli. Muximi aniqlab oling nima uchun aynan shu yo'nalish sizga qiziq. Aniq maqsadingizni yozib qo'yganingizdan keyin yo'l o'rtasida to'xtab qolmaysiz !

2️⃣ Sohangizni tanlang - Aniq bir sohani tanlang. Soha deganda bunga: Web-dizayn, Dasturlash, SMM, Kopiraytingni misol keltirish.

3️⃣ O'rganing - Aniq bir sohani tanlab bo'lganingizdan keyin, internetdan bepul materiallarni topib o'rganib chiqing. Boshida tanlagan sohangiz rostanam sizga qiziqmi, shuni aniqlashingiz kerak. Keyinchalik pulli resurslardan o'rganishni boshlasangiz ham bo'laveradi. Masalan, siz web-dizaynni tanlagan bo'lsangizu, lekin sizni qiziqtirmasa, xafa bo'lish kerakmas, boshqa sohalarni ham ko'rib chiqing. Shunchaki harakat qilib ko'ring. Odam faqat o'zi qiziqgan sohada mutaxasis bo'lishi mumkin.

4️⃣ Mijozlarni topishni o'rganing - Bu haqida alohida post yozgan edim. Asosiysi shuni unutmangki, boshida sizni vazifangiz bu: qanday bo'lsa ham ko'proq otziv to'plash, hattoki bu uchun arzon, deyarli bepul ishlashga to'gri kelsa ham.

5️⃣ Portfoliyo to'plang - Boshida har bir, hattoki kichik ishlaringizni ham portfolioga joylang. Portfolio uchun esa boshida biron bepul xosting, yoki konstruktor ham bo'laveradi, chunki unga kiradigan mijozga qilgan ishlaringiz muhimroq. Portfolio joylaganda ham, shunchaki screenshot va saytga havolamas, biroz qilgan ishingizni yoritib ham bering.

6️⃣ Blog - bu faqat telegram kanal emas, instagramdagi sahifangizni ham misol keltirsa bo'ladi. Har xil ijtimoiy tarmoqlardan ro'yhatdan o'tib, profilingizni to'ldirib, o'zingiz haqingizda ma'lumot berib turing. Ijtimoiy tarmoqlardan ham mijozlar ko'p keladi. Linkedindagi sahifa muximligi haqida yozib o'tgandim.

7️⃣ Moliyaviy yostiqqa ega bo'ling - Frilanserlikka endi qadam qo'yishni boshlaganda Финансовая подушкаga ega bo'lish juda ham muhim. Bu degani, ishlamasangiz ham hech bo'lmaganda 2-3 oy yashashga yetadigan pulingiz bo'lishi kerak. Bu pullar to'liq frilansga o'tib ketguningizcha psixologik sinmasligingiz uchun zarur bo'ladi 😈. Agar hozir offisda ishlab turgan bo'lsangiz, va u yerdan ketib to'liq frilansga o'tib ketishni rejalashtirgan bo'lsangiz, avval o'sha ishingizda moliyaviy yostig'ingizni (bilmayman tarjimasi qanday endi buni 😂) tiklab oling, keyin ishdan keting.

8️⃣ Yaxshiroq kompyuter oling - Bunga ortiqcha izoh shartmas manimcha, frilanserlar ishi doim kompyuterda, shuning uchun kuchliroq kompyuteriz bo'lsa, ishlash samaradorligingiz ham shuncha yuqori bo'ladi. Boshlanishida oddiyrog'i ham bo'ladi.

9️⃣ O'zingizni boshqarishni o'rganing - Frilanserlarni ish vaqti boshqarilmaydi, mijoz unga deadline qo'yadi, va o'sha deadline kuni kelganda, uni bajargan ishini tekshiradi. Shunday ekan vaqtni to'gri taqsimlash va o'zini boshqarib bilish frilanserlar uchun juda ham muhim.

🔟 Qo'rquvingizni yo'qoting - Bu soha men uchun emas ekan degan fikrlarni boshingizdan chiqaring. Hozir aytgan barcha qadamlarimdan ketma-ket o'tsangiz, frilanser bo'lib ishlashni boshlasangiz bo'ladi. Hamma ham boshidan boshlagan, hechkim mutaxasis bo'lib tug'ilgani yo'q.

Blogimda o'zim bilgan sirlarni o'rgatishga harakat qilyabman, iltimos postni do'stlaringiz bilan ulashib kanal rivojlanishiga o'z hissangizni qo'shing ☺️

👉 @lazerg

Bugungi kunda huddi pasportingizni himoya qilgandek (aslida undan ham qattiqroq) himoya qilish zarur bo'lgan narsalar:
- Telefon paroli
- Telefon raqami (albatta o'zingizni nomingizda bo'lsin)
- Telefonning o'zi va xotirasi (fleshka)
- Apple, Google akkaunt nomi va paroli
- Ijtimoy tarmoqlar ulangan email akkaunt va telefon raqam (o'zingizniki bo'lsin)
- Noutbuk/kompyuter paroli

Hozircha esimga kelganlari. Bu narsalardan birini yo'qotish hayotingizga, shaxsiy xavfsizligingizga jiddiy zarba berishi mumkin bo'lib qoldi.

Kibersavodxonlikni maktablarga kiritish, har bir insonga uqtirish lozim. Chalasavod odamlarning "telefonga parol nega kerak, telegramga parol nega kerak? Nimadan qo'rqasiz? Allohdan qo'rqing" degan ahmoqona gaplariga aldanmang.

Yuqoridagilardan biriga tajovuz bu nafaqat sizni, balki oilangiz, qarindosh-urug' va tanishlarigizni ham xavf ostiga soladi.

@sariqdev

✅22/100: Best Time to Buy and Sell Stock II

O'tgan oy boshida LeetCodeda masalalar yechishni to'htatib qo'ygan edim. Bugun, shu boshlagan ishimni davom ettirishga qaror qildim.

Endi, har bir ishlangan masalani GitHubimga ham qo'yib boraman. Qaysidir masalaning yechimi kerak bo'lsa shu yerdan topishingiz mumkin:
https://github.com/mabrur-h/leetcode-problems

Masala sharti: https://leetcode.com/problems/best-time-to-buy-and-sell-stock-ii/

GitHub nimaligi va undan foydalanishni sodda qilib tushuntirilgan video.

https://www.youtube.com/watch?v=JtVnOZ26XHA&ab_channel=SaidbekArislonov

✅23/100: Find Lucky Integer in an Array

Masala sharti: https://leetcode.com/problems/find-lucky-integer-in-an-array/

GitHub: https://github.com/mabrur-h/leetcode-problems

Agar, ko'rayotgan narsalarimizni diskka, video qilib saqlab olish imkoniyatimiz bo'lganida, har bir sekunddagi tasvirimiz 21,45 GBni tashkil qilardikan.

@mabrur_dev

Katta olimlardan boshlaymiz:

https://t.me/mayoquz
https://t.me/saudabdulwahed
https://t.me/app_hbs
https://t.me/sariqdev
https://t.me/najimov
https://t.me/saidbekarislonov

Yosh olimlardan:

https://t.me/muhammadyunus_uz
https://t.me/mabrur_dev
https://t.me/asadbekdev
https://t.me/programming_everyone
https://t.me/usmon_masudjonov
https://t.me/inspired_engineer
https://t.me/abdullatifstories
https://t.me/akbarjondev
https://t.me/shuhratbeks_blog
https://t.me/rasulismoilov
https://t.me/bahodiRajabov
https://t.me/ndn1618
https://t.me/dorayuldash

Qiziqarli:

https://t.me/ithumor
https://t.me/Intellektual_yumor

✅24/100: Number of Substrings With Only 1s

Masala sharti: https://leetcode.com/problems/number-of-substrings-with-only-1s

GitHub: https://github.com/mabrur-h/leetcode-problems

Frontend dasturlash 👨‍💻

Dasturchi uchun eng kerakli TOP maslaxatlar, ishga kirish jarayonida bo'ladigan suxbatlarga tayyorgarliklar, dasturlash bo'yicha videodarsliklarni frontend dasturchi ustozim Khumoyun Inoyatovning kanalidan olsangiz bo'ladi.

Ustoz 6 oy davomida bizga frontenddan dars berganlar, tajribali dasturchi :)

LINK: @khumoyun_codes

O'zim ham shu blogdan intervyu savollarini ko'p o'qib turaman )

YouTubedan dars ko'rib o'tiradiganlarga yuboramiz😅

@mabrur_dev

Nega ko’p bitiruvchilar ish topa olishmaydi? Axir kompaniyalar ham ishchi qidiradi-ku?

Shaxsiydan “men dasturlashni o’rganmoqchiman, ammo vakansiyalar kanalini ko’rsam 100lab dasturchilar ishsiz ish qidirib yurishibdi. Ertaga man ham dasturlashda o’qisam 1000$ ga ish topa olamanmi?” deb so’rashgan ekan. Qiziq, haqiqatdan nega kompaniyalarga dasturchi, bitiruvchilarga ish kerak. Lekin ular bir-birini hech ham topa olmaydi. Bunga sabab: “Ishga kirishga ish staji, ish staji yig’ishga ish kerak” degan ahmoqona gap emas.

Keling muammoni boshiga qaytamiz. Muammo aslida borib o’quv markazlarining reklamasiga borib taqaladi. Ishkallik shu yerdan boshlanadi. “Bizni kursni o’qing va 1000$ lik ish egasi bo’ling”, “Bizni bitirgan o’quvchi 1000$lik ishga joylashdi”, “Bizni bitirganlar kamida 2000$lik kadr bo’lib chiqishadi” va hakozo.

Odatda kuchli kadrlar, (reklamada ko’rsatilingan) 2-3 ta guruhning bittasidan chiqishadi. Tahminan 20/1 20/2 nisbatdagi o’quvchilar orasidan. 20/10 nisbatdagi o’quvchilar dasturlashni tark etadilar. Qolgan 20/8 nisbatdagi odam esa freelance, shogird, stajirovka evaziga ishga kirishadi.

Bundan reklamadan motivatsiya olgan o’quvchi, kursni bitiriboq birinchi qilgan niyati: “yaxshi bilim to’plash, jamoa bilan ishlash” emas. Balki “qancha maoshga ishga kirsa bo’ladi?” degan fikr bo’ladi.

Manga vakansiya bo’yicha qanday yozishadi: “Assalomu alaykum. Va alaykum assalom. Yaxshimisiz? Alhamdulillah. Ish borasida yozyabman. Yaxshi, rezyume yuboring. Aka, avval oylikni kelishib olaylik… Block user”

Hurmatli ishlash staji 0 va 0.5 yil orasidagi yosh dasturchilar. Sizlarda o’qishdan keyingi 2 yil ham o’qish. U vaqt davomida katta pul topishni orzu qilmang. U vaqt ichida biror jamoaning yetakchi vakili bo’lishga harakat qiling. Sizni ishingiz sabab qadrlagan kompaniya, siz uchun oyiga 2000$ to'lashdan qochmaydi. Ishonavering, 1 oylik staj bilan sizni hech kim “2000$”ga ishga olmaydi :))

✅25/100: Reverse Words in a String III

Masala sharti: https://leetcode.com/problems/reverse-words-in-a-string-iii/

GitHub: https://github.com/mabrur-h/leetcode-problems

​​Assalomu alaykum👋

Dasturlash sohasiga endigina kirib kelayotgan juda ko'pchilikni o'ylantirishi mumkin bo'lgan yolg'onlar haqida qisqacha yozishga harakat qildim.

▍Dasturchilar faqatgina kod yozishadi.

Yo'q, ular kod yozishdan tashqari, dasturiy ta'minotni rejalashtirishadi, dastur bilan bog'liq savollarga javob berib, mijozlar bilan bevosita aloqada bo'lishadi.

▍Googledan faqat yomon dasturchilar foydalanishadi.

Aksincha, tarjibali dasturchilar ham qiyin ahvolga tushib qolganida yechimni googledan qidirishadi.

▍Dasturchi bo'lish uchun matematikani yaxshi bilishingiz kerak.

Yo'q, ba'zi yo'nalishlarda matematika kerak bo'lishi mumkin, ammo dasturiy ta'minot ishlab chiqaruvchilar uchun maktabda o'rgatiladigan bilimlar yetarli.

▍Kod yozishni kitobdan o'rganishingiz mumkin.

Kitob sizga mantiqiy fikrlashingizni oshirshi va kod yozish nima ekanligi haqida tushuncha berishi mumkin, lekin kod yozishni o'rganishning yagona yo'li - sinab ko'rish. Klaviaturangizni qo'lingizga olib, biror ish qilib ko'rmaguncha natijaga erishishingiz qiyin.

▍Bu soha faqatgina aqlli va daholar uchun.

Unday emas. Dasturlash tug'ma qobiliyat emas, u huddi mashina xaydashni o'rganganingiz kabi, yillar davomida sekin-asta rivojlanib boradi.

💡 @mabrur_dev

TOP 3 lik

"Osmondagi bolalar" loyihasida shu paytgacha 14 ta suhbat bo'lib o'tibdi.

Shu suhbatlarning ichida o'zim uchun ko'proq foyda olgan 3 ta suhbatni sizlarga tafsiya qilmoqchiman. 1-2 marta qayta ko'rsangiz ham arziydi.

- Muhammadali Eshonqulov (Patronlar ligasi, Biznes kvadrat)
- Rustam Rahmatov (IMAN)
- Xurshid Maroziqov (Girgitton)

PS: Bu yerda 1,2,3 degan o'rin yo'q. Hamma suhbatlar ajoyib.
Bu TOP faqat men uchun.

Anvar ​​aka Narzullayev (Sariq dev) dasturlash asoslaridan dars lar chiqarayotganidan xabarim bor edi, oʻzim Javascript(NodeJS) developer boʻlganim uchun eʼtibor bergan edim.

Bugun koʻrsam:

- Dasturlash asoslari 50 ta dars;
- Maʼlumotlar tuzulmasi va algoritmlar 16-ta;
- Python veb dasturlash 11-ta dars chiqarishga ulguribdi.

Bugun dasturlash asoslari darslariga yozib borayotgan documentation koʻrib rosa hursan boʻldim. python.sariq.dev sahifasida har bir darsga yozilgan documentation oʻzbek tilida boʻlib oʻsha mavzuni tub maʼnoda tushunib yetish uchun koʻmakchi boʻladi.

Odatda pullik darslarda ham bunaqangi documentation yozib chiqilmaydi. Har bir dars uchun erinmasdan, vaqtini sarflab, moddiy manfaat keltirmaydigan ishga shuncha eʼtibor bergani uchun Anvar akadan Alloh rozi boʻlsin.

Daqiq eʼtibor bilan yozilgan documentation va yaxshi mutaxassis tarafidan yozilgan darsliklarni biz e’tiborsiz qoldirmasligimiz kerak. Bundan foydalanishimiz kerak, boshqalarga tavsiya qilishimiz kerak. Men bugungacha bu qadar tushunarli holda yozilgan oʻzbekcha documentation koʻrganim yoʻq.

Ilmni qadriga yetishni oʻrganishimiz kerak bu sifatli darslarni zoya qilmasligimiz kerak.

Anvar Narzullaev darslari joylab borilayotgan sahifalar:

Youtube: https://www.youtube.com/c/Sariqdev

Dasturlash asoslariga yozilgan documentation: https://python.sariq.dev

Maʼlumotlar tuzulmasi va algoritmlar: https://mohirdev.uz/courses/algoritmlar/

© Muhammad Bobur

​​📺 Telegram Betaning barcha qurilmalarida "Video chat" qilish imkoniyati paydo bo'libdi, hatto Linuxda ham )

Bu imkoniyatdan hozircha faqat Beta versiyadagi telegram egalari guruh va kanallarda foydalanishi mumkin.

Video chatni boshlash uchun, dastlab ovozli chatni yoqib, chat sarlavhasiga #vid heshtegini qo'yish kerak ekan.

Biroz oldin bu funksiyani sinab ko'rdim, video uzatish sifati yomon emas.

Quyida Telegram Betani yuklab olish uchun havolalar:

Windows - https://t.me/tgfiles/2454?single
Linux - https://t.me/tgfiles/2458
MacOS - https://t.me/tgfiles/2459

💡 @mabrur_dev