رَحَلَ اَلْأَحِبَّةُ وَالْفُؤَادُ مُولَعًا
وَارَى اَلدِّيَارَ مِنْ بَعْدِهِمْ تَسْتَبْشِع
نَادَيَتُهُمْ يَا رَاحِلِينَ تَمَهَّلُوا
حَتَّى بِرُؤْيَا وَجْهِكُمْ نَتَمَتَّعُ
فَأَجَابَنِي لِسَانُ اَلْحَالِ عَنْهُمْ
لَا تَجْزَعُ لِفِرَاقِنَا وَلَا تَتَوَجَّعُ
وَدَّعَ اَلْبُكَاءُ مَعَ اَلنُّوَاحِ
فَإِنَّ حُكْمَ اَلْإِلَهِ بِأَنَّنَا لَا نَرْجِعُ .

اليگلي شلونك يدفعني كفارات
وانا شلوني وشراح اسولفلة ؟
أنا شيبة واحطن وين ؟ گلها زغار
أنا وردة بوكت بي شاخت السلة
بعدني صغير أنا شجابني أعلى الشيب ؟؟
خلص وگت المراية وميلة الگذلة

شالوك حتىٰ مِن الحلِم
وحِلمّك يجيني بلا صور
وبلا خلِگ !
ولمَن أفز يبچي الحلِم
وثنينا ع الرآس نتگابل ندِگ
رادوني ماشوفك أبد !
ويا حَال مِن بعدك صِرت ؟
غِصن وخذوني مِن الشجر
وذبوني يَم نار الهجر..
واليوم.. باچر احترِّگ
عِشت بطرگ روحي
بسوادين العِشگ

گلي شراح اگلك وانت راح تروح
وليش تلح علية وتنتظر ردي
هذا لسان حال دموعي تحچي وياك
وراح اسكت واحچي دموعي البخدي
واسولف بالدمع واتوسلك عبرات
اود اشبع بشوفك واحتفل ودي
ظل وياي اريدك والبقن چم يوم
وهل چم يوم صارن حدك وحدي
خليني ارد اشوفك گمت احسك طيف
ويا عين التگض الطيف اليعدي
صرفنة سنين حبنة وخلصن تبذير
وعلى يوم النشوفك باچر نجدي

مارهمت ويانه تگول ماعيش
بمحكمة القَدر طَلگنه الأفراح
طيور الخَير هَجن عافن البَيت
وغراب الفُگر بمجانهن صاح
مسودن بَختنه وحَضنة مَشلول
ومنكثر الحَزن مَنهم على الراح
علىٰ الجَاهل گبُل نتنگب نگاب
هسة يموت أبونه نگول يرتاح
مدام الموت ارحم لليموتون
دمشونا لعد كل احنا نرتاح
- جبار رشيد

صيحتك ما منها رجا
فضحتني للراح واجا
سري للعدوي تورجه وتريد
منى مسامحه ؟
سامحتك و گلبي انشعب
ما فأد وياك التعب هذا المثل بيك انضرب
للبد وفه لا تمالحه
بد وفه وما تحكم عدل كلساع
تفك جرحي وتشل
ناس الي تحب وتمل
اقرأ عليها الفاتحة

الهوى يلتم عليه منين ماذكروك
وادگ رجلي وأظل بعازة الخنگه
وأغصّ بريحتك ما گمت أغص بالزاد
المفارگ النسمة العابرة تغرگه
مو بس الصواب النفس هم كتّال
سهم يمشي الخريف بريّة الورگه

شكد جنت فرحان بيها هلصورة جان يوم ميلادها وأول مره اخذ صوره وياها يمكن جانت هيه هاي بلأخير ضلت بس صوره هيه ماكو واضل اصفن شلون حكمل حياتي بعمر ال23 وامي راحت شلون من اتعب وهيه ماكو شلون من اجي من الشغل ومالكاها داصفن هواي صفنات شلون اتعايش ويا ايامي وامي ماكو صار 26 يوم واني اصفن ممصدك عقلي ينمل وماكدر اصدك ماعرف شلون حتعايش ويا عمري الباقي وهيه ماكو اضحك اسولف بنهار احاول مابين بس بلحقيقة محتاجه كلش محتاج اشوفها محتاج حضنها

أيام البعد
جبناها صفنات بين امالنه وحيرة امرنه
تجي لو ماتجي گضينه الأيام
صرنه وياهو يدري شلون صرنه
صبرنه متاع صار وبعدك بعيد
وتجوع أيامنه وتاكل صبرنه
شبعد يالماتمر مو كافي الغياب
وصار هواي ننتظرك تمرنه
نذرنالك تجي وندعيلك تعود
و عمت سجينه وشيب نذرنه
وعله غيرك جذب ماترهم الروح
ومن غيرك يسد حاجه نظرنه !
يبن الناس غير ماكو موضوع
وهلبت بالجذب شخصك ذكرنه
نسولف بيك الاخر لحضه بالليل
وترد من الصبح تشغل فكرنه
ماعنت عليك بساع غروب
روحك وشتهت تسمع خبرنه
ياروح الگلب ياعزة الروح
يادمعاتنه وهمنه وسهرنا
يا أول عهد يا تالي الايام
يلعب صبانه ياشيبة كبرنه
شكد گبلك مشو ما سلوا الروح
ولا بغيابهم كسرو ظهرنه
البعد نيران كبره يبخر الدموع
وبس يزود يتبخر بصرنه
منين نجيب مثلك حتى ننساك
ومنو المثلك يعوضك لو خسرنه
الشبه كل أربعين حچايه تنگال
واذا واحد يصح جان انتظرنه
تعال الجرح جن ومارضه يهيد
وحجينه ويا وماينفع عذرنه
يشگ روحه اعله روحه ونكت جروح
وكضينه خيوطنه وملت ابرنه
شوكت يندك علينه ويضحك الباب
ويترس بيتنه وصوتك يسرنه
وترد أنت ويجن الراحن وياك
وتجيبه وياك يا الماخذ عمرنه

بفنجاني تِقرا وقرّت..
ضيم ومأسي وتعَب
گِتلها هذا المُضىٰ
گلتلي هذا الجاي !
وصَحراء تگضي البُقىٰ
بَس الرمُل والشمِس
ماتِلگه بيها فياي !
گِلتلها هذا البَشر
بصرخة بديت العمُر
وبصَرخات مِن ينتهي
ومَحد يروح وياي..

طَعم مَا بيهَا صَارت
هَاي الأيام
نتعَب حَتى نِرجع
رأسًا ننَام
لأن مّا عِدنه
واقِع نستعز بي
أنهِزمنا مِن الحَياة
لنِص الأحلام .

اليوم عيد ميلادج وانتِ ماكو يحبيبي اليوم كبرتي سنة يروحي مافات الج عيد ميلاد وماسوينه الج وشكد تفرحين وتضحكين بودجونه هسه احنه نبجي لأن ماكو انتِ

ماعرف لشوكت اجي لصورتج وابجي ماعرف لشوكت ادورج بكل غرفة ماعرف لشوكت انتظرج تجين ماعرف لشوكت اضل احاجيج بس بلصورة بنفسي اسمع ضحكتج بنفسي اسمع صوتج مر اربعينج واني مامستوعبج رحتي والله تعبت واني اريد استوعب مو دكليلي ديربالك گلبك تعبان والله تعب اكثر بروحتج اني احجي وياج بهلطريقة بس ماكدر اطب محادثتج اموت بيها والله مشتاقلج كلش اسوي نفسي قوي كدام خواتي بس اني ضعيف مدمر بروحتج تدرين انتِ

بَعدني اشتاگلك رغم الخلافات
وبَعدها بغيبتَك ساعة الدقيقة
صدُك زعلان لكن زعَل چذاب
طَبع الياس مَيعوف الحَديقة
وأچذب لو گِلت أرهم بلياك
شنو نَفع الورد لو ما رَحيقه ؟
صعُب فرگاك كُلش تدري يَفلان
وهجرانك عَذابي الما أطيقه..

حلمت حلم وهلحلم كلش قوي يخص الامام علي وجانت امي موجوده بلحلم اريد اعرف هلحلم بشنو يفيد امي

دليتك أعلى الفرح
يَال علمتني البچي
ولو تدري يا صاحبي صدري
شكثر بي حچي من كثر ما مبتلي
الساني بسكوته اكتفى مشكور
ما قصرت فضلك ببيش اوصفه؟
بصدري غرزت الرمح
وتحطلي سم على الجرح
وتگلي بيه الشفه بكل هذا
ما يقتنع گلبي ويحسبك وفي
شگد غشيم الگلب يترجه منك وفه.

مَو سَهِل انتَ عليه
جَرح عَايش لسَه بيه
ومَـا تطيب ؟
وانَي مَا أريدك تَطيب
أبقَى بِين ضَلوعي خَنچر
وأن چان مَا مِرتاح ، افتر
گطع شَمتريد گطَع
وأخذ كُلش ولا تَرجع
وبَعثر بَروحي ، وانا خَليني اجمع .

ماتجين!
شلج بنوم المكابر فزي منة
وعني لاتتعطلين
ماتجين!
البيت ظلمة بدون وجهج
كل مكان البي كعدتي اذكرج ليهسة وحزين
ماتجين!
والله احس بعدج گبالي وگلبي ماينطيني اعدج وحدة من الميتين

بَعدني اشتاگلك رغم الخلافات
وبَعدها بغيبتَك ساعة الدقيقة
صدُك زعلان لكن زعَل چذاب
طَبع الياس مَيعوف الحَديقة
وأچذب لو گِلت أرهم بلياك
شنو نَفع الورد لو ما رَحيقه ؟
صعُب فرگاك كُلش تدري يَفلان
وهجرانك عَذابي الما أطيقه..