#من٠٠الانستا |

- نشرنالكم "بالستوري" تفاصيل المنحةه المجانيةه ، ♡
مثبت هايلايت بعنوان : المنحة المجانية .

#توضيح : طلاب راسلتني متوهمةه بخصوص المنحةه عبالها كل الاقسام فوضحنا بالستوري هالشيء ، رابط الستوري :
https://www.instagram.com/s/aGlnaGxpZ2h0OjE3OTg0MjcwMDQyMzQ1MDgx?story_media_id=3171319218997163893_46666345819&igsh=MXRtNGVlNmhueHllaQ==

» » مكتبتي للتقديم على الجامعات 𖣂

▪︎ شغلةه ثانيةه كلش مهمةه بالنسبةه لطلبةه الدور الثاني ، بما انه يحق الهم تقديم بس هسه هو معلك ، لا هيج ولا هيج فشنو يسوي،؟

ج: طلاب الدور الثاني ، امامكم خيارين
اما تتوقع ممكن شكد تجيب معدل وترتب استمارة ومسودة على ضوءها وتقدم ، وطبعا ابدا ما انصح بهالشيء (بس طلابنا وسواسس)
او تنتظر تتمدد التقديم لبعد ما تطلع نتائجكم . وهاي اضبط حل .
والتقديم يتمدد .

الحل الانسب ، انو لا تقدم هسه والتهي بدراستك وتابع الاخبار وتشوف الاستمارة شوكت تنسد ،؟ فقبله بيوم انت قدم اذا ما اجتي تمديد ،وهي تجي العام اجت وقبلها اجت، فتجي هالسنةه هم لاتشيلون هم .

#توضيح :
مثلا هليوم ب ١٢ منتصف الليل ينسد التقديم وما اجه التمديد واني دور ٢ ، فانت العصر او المغرب قدم. وعادة القرار مال تمديد تجي من وقت قبل الغلق بيوم او يومين.
فلا تشيل هم ابدا تمام. هسه التهي ادرس ❤

#ملاحظةه ١ : من تنشر استمارتك(بالمواقع تواصل) غوش(شخبط) الباركود لان يحتوي ع. معلومات تقديمك.

#ملاحظةه ٢ : الرقم السري احتفظ بي ولا تخلي بيد هذا وهذاك لان مستقبلك واذا ضاع ممكن الي يلكي يقدم بدالك ويضيع مستقبلك فانتبه واعتني بي زين.

#ملاحظةه ٣ : التعديل مرتين فقط ثالث مرة الا تراجع الوزارة في بغداد فأنتبه .

# فهرست القناة لطلاب ٢٠٢٤ ♡

» » مكتبتي للتقديم على الجامعات 𖣂
» » گروب مكتبتي

#توضيح

نظراً لتزامن الزيارة الاربعينية مع فترة التقديم الالكتروني للتعيين بصفة (عقد) والتي انتهت رسميا هذا اليوم، ولاتاحة الفرصة للراغبين بالتقديم مع مراعاة المحافظات المشمولة بالعطلة المحلية وتحقيقاً لمبدأ العدالة والمساواة بين الجميع ، أعلنت وزارة التربية عن فتح رابط التعيين مرة أخرى بعد انتهاء زيارة الامام الحسين (عليه السلام) ولمدة خمسة أيام إعتبارا من يوم الاحد الموافق 10 أيلول 2023 الى نهاية يوم الخميس الموافق 14 ايلول 2023 ، لذا اقتضى التنويه ...

» » مكتبتي للتقديم على الجامعات 𖣂
» » مكتبتي على الانستگرام

معلومات عامة عن تقديم طلبة إعداديات المهني؟

__أنواع تقديماتهم وترتيبها _

*️⃣التقديم الاول :
التقديم المركزي :
هو تقديم صباحي حكومي في الجامعات العراقية .
ينقسم نوعين حسب معدلات خريجين السادس إعدادي المهني الى:
🟦أولا:
الطلبة الاوائل
يقدمون عن طريق إستمارة إلكترونية خاصة للكليات التابعة للتعليم التقني للتخصصات المناظرة او القريبة للقسم اللي تخرجوا منه بالإعدادية.


🟦ثانيا:
الطلبة غير الاوائل
يقدمون بحضورهم شخصيا للمعاهد التقنية والتقديم حيكون الكتروني بشبعة التسجيل بالمعهد نفسه والتقديم ايضا حيكون على الاقسام المناظرة والقريبة للقسم اللي تخرجوا بيه الطلبة من الإعدادية .

#توضيح
#يعني شنو الفرق بين تقديم الاوائل وغير الاوائل ؟
تقديم الطلبة الاوائل ميحتاج يحضرون بنفسهم للكلية يكون الكتروني يقدمون بنفسهم
تقديم الطلبة غير الاوائل يحتاج حضور الطلاب للمعهد والتقديم يصير بالمعهد مع جلب مستمسكات التقديم.


#توضيح
#شنو المستمسكات اللازم جلبها؟
١-بطاقة موحدة للطالب ووالده ووالدته.
٢-بطاقة السكن
٣-تاييد درجات من المدرسة.

🟨زين وين نقدم ؟
عدكم سبع مراكز تقديم متوزعة بالمحافظات
مذكورة بالصورة اعلاه يحق الكم تقدمون باي وحدة منهن عادي

🎾هل اكو جامعات غير التقنية تقدمون عليها ؟
نعم
🎾يحقلكم بالنسبة للكليات التابعة للاوقاف
كلية الامام الاعظم وكلية الامام الكاظم
تقدمون عليها
التقديم بيها يكون بشكل حضوري للكلية
———————-
🪀ملف اقسام كليات الاوقاف واماكن توزعها بالمحافظات
ادناه⬇️

*️⃣التقديم الثاني :
التقديم الموازي:
وهو حكومي صباحي باجور دراسية
لطلبة المهني يحقلهم يقدمون على الكليات والمعاهد بالتخصصات المناظرة والقريبة على قناة التعليم الحكومي الخاص الصباحي .
————————
🟥شوكت موعد هذا التقديم ؟
بعد إعلان نتائج قبولات المركزي .
————————

🟥يصير اقدم وانسحب؟
يصير تقدم واذا القبول اللي بالموازي ما عجبك
هنا تتركه وتكدر تكتفي بقبولك المركزي او تقدم على القنوات الثانية.
يعني اذا معجبك وما ردت تداوم متسجل بالقبول نهائيا .
————————
#فقرة مهمة
التسجيل بقناة الموازي يلغي القبول المركزي وكل انواع القبولات الاخرى .
————————

#توضيح مهم
التسجيل وليس التقديم هو اللي يلغي القبول
معناتها عادي تقدم بالموازي وتنتظره ومن يطلع قبولك انت هنا الك خيارين
🟨الخيار الأول :
اذا جنت حابة تسجل بيه وتخلي ببالك هنا رح ينلغي قبولك المركزي وميحقلك ترجعله.

🟨الخيار الثاني :
اذا طلع قبولك غير مرضي الك
فتعوفه ومتسجل بيه

*️⃣ التقديم الثالث :
التقديم المسائي:
ايضا قبول حكومي مسائي باجور دراسية ويحق للطلبة خريجين المهني التقديم على المعاهد والكليات بحسب اختصاصاتهم المناظرة والقريبة.——————-



🟥زين شوكت موعد تقديمه ؟
بالنسبة للكليات التابعة للاوقاف تعلنه على صفحاتهم الرسميه يكون بنفس فترة التقديم المركزي
وبالنسبة للمعاهد مرات ايضا تقدم موعد التقديم المسائي حسب كل معهد
ومرات التقديم المسائي يبلش بعد إعلان نتائج قبولات الموازي .
الافضل متابعة صفحات الجامعات والمعاهد اللي تردون تقدمون الها .

——————
اذا القبول ما عجبنه شنوي نسوي ؟
نتركه ومنسجل بيه .
——————
#توضيح مهم
التسجيل بالموازي يلغي ايضا قبول المركزي .
——————
#توضيح استثناء
بالاضافة للتخصصات المناظرة والقريبة فاكو فئات من الطلاب بالمسائي يحقلها تقدم بعد على كليات اخرى .

#منو هاي الفئات؟


❇️فئةالابطال (مرشحي اللجنة الاولمبية)
يحقلهم التقديم على:
كليات التربية البدنية وعلوم الرياضة.
وقسم التربية البدنية وعلوم الرياضة في كلية التربية الاساسية بمعدل لا يقل عن ٦٠٪؜.



❇️فئة الموهوبين
يحقلهم التقديم على :
كليات الفنون الجميلة .
كليات الفنون التطبيقية .
واقسام التربية الفنية في كلية التربية الاساسية .
وبمعدل لا يقل عن ٦٠٪؜

————-
ملف كليات ومعاهد واقسام المسائي
الموجودة بكافة المحافظات ، ادناه :

*️⃣التقديم الرابع :
التقديم الاهلي:
دوام بالكليات الاهلية وبيه كذلك صباحي ومسائي واثنينهم باجور دراسية وايضا حسب تخصصاتكم المناظرة والقريبة .
————————-
🟥شوكت موعد التقديم للاهلي؟
بعد اعلان نتائج قبولات المسائي ويكون اخر تقديم .
————————-
#توضيح
التسجيل بالقبول الاهلي يلغي المركزي .

*️⃣التقديم الخامس
التقديم المباشر :
هو تقديم بعض الكليات وليس جميعها مشمولة بيه
الطالب لمن يقدم على هذي القناة
يحضر بشكل مباشر للكلية ويقدم .

#ويشمل بعض طلبة المهني ايضا.


📩شوكت موعد هذا التقديم ؟
بعد نتائج الدور الاول لطلاب السادس وبنفس فترة تقديم الطلاب المركزي .

📩توضيح جدا مهم📩
اللي يقدم على هذي القناة ما يحقله ينسحب منها
فقبل لا تقدم كون متاكد من قرارك
لان القرار هذا لا رجعه فيه.

☯️شنو علاقة التقديم المباشر بالمهني ؟
بعض فروع المهني يحقلها التقديم على بعض من
الكليات اللي يكون تقديمها مباشر

#توضيح مهم
☯️كافة تفاصيل المهني والتقديم المباشر مذكورة بملف
تحت عنوان

#المهني والقبول المباشر

الملف ⬇️

🪀زين احنا مو اوائل مهني ونريد نقدم على
المعاهد التقنية شنو هية الاقسام التقبلنا ؟
#توضيح مهم
كل المعاهد اللي
تقبل كافة فروع المهني
مدرجة بحقول الملف ادناه ⬇️
الملف:⬇️

#توضيح بخصوص هالكتاب .

- طالب خريج معهد تمريض مثلاً . توظف بتخصصه على ملاك وزارة الصحةه ، وكمل دراسة ثانية ، فالنفرض تخدير او مجموعة طبيةه كالاسنان او صيدلة وهم تخرج .
المحصلةه صاى عنده شهادتين (دبلوم تمريض وبكالوريوس تخدير او مجموعة طبيةه )

هنا اذا قدم استقاله من التمريض علمود يتعيين على شهادة التخدير او المجموعة الطبيةه ) فراح ينرفض . يعني مراح يعينوه
ولربما يفقد التمريض هم .
فأنتبهوا على هيج أستراتيجيةه .

» » مكتبتي للتقديم على الجامعات 𖣂
» » گروب مكتبتي

#توضيح_مهم |

مجلس الوزراء يوافق على إجراء امتحانات الدور الثالث للطلبة الراسبين بالدور الثاني للعام الدراسي (2023-2024) لجميع الدروس بالنسبة للصف الثالث المتوسط ولثلاثة دروس للصف السادس الإعدادي ويستثنى من ذلك الراسبين بسبب الغش ولا يسمح لهم بأداء الامتحانات.

⬅️مكتبتي للتقديم على الجامعات
⬅️كروب مكتبتي