استهلال... لبدايه مجلس.. موكب..


شكرآ لله.. ع هلخدمه..
...........................
اول محرم من بده..
وتحظرو خدامه

بيهم يوزع بموكبه
وبيهم ويل الطامه.

وبيهم اعيونه تصب نهر
يغرك بدمعه الثامه

ماي العلا حسين انمنع
نطشه بثواب أيامه

بيك احنه نشوف. بغيرك نعمه.
شكرآ لله.. ع هل خدمه

.................

استهلال ثاني محرم.. مجلس.. موكب.


شكرآ لله.. ع هل خدمه
.................

ثاني محرم من بده..
كلمن دمعته بعينه.

وي العليله من السفر
شابع بجي اعلا احسينه

كل يوم عدنه كربله.
وعاشور صار اعلينه

وشايبنه ابو حيل الكصب
صدره يعرف جفينه.

ليومك يحسين.. حيله يضمه..
شكرآ لله... ع هل خدمه..
...................

استهلال.. ثالث محرم.. مجلس. موكب



شكرآ لله... ع هل خدمه..
...................................

ثالث محرم من وصل..
نواسي العليه بدمعه..

سافر احسين ال كربله
ومن كربله شيرجعه..

موكب بسمها نحط شهر.
ورادود بيه بس ينعه..

خلصن ثلاثه من الهجر..
وضلن اعليها السبعه..

بويه من تصيح.. بس لا تضمه.
شكرآ لله. ع هل خدمه..
................................

استهلال رابع محرم. مجلس. موكب.


شكرآ لله... ع هل خدمه

..............................

رابع محرم من بده..
وي ام البنين الحره..

نواسيها ب الخدمه ودمع
وكلمن محظر صدره..


اربع ابنين وما رضت.
تتمنه جانو عشره..

ويحسين وفت ب الكمر
من المدينه النحره..

حسين ابني تكول. مو بس امه.

شكرآ لله... ع هلخدمه..

استهلال خامس محرم...


شكرآ لله..... ع هل خدمه..

.........................
خامس محرم من وصل..
كل شيعتك حزنانه..

حسينك يخاير صحبته..
ياهو اليضل ويانه..

كلوله يحسين العمر..
يخلص وهم تلكانه..

الي يصاحب من صدك
لازم مثل صحبانه..

من اسم احسين.. تنزل رحمه..
شكرآ لله... ع هل خدمه..

بعض ما تعلمناه من الامام الحسين عليه السلام..



تعلمنه بعاشورك ثوره..
ع الضالم نسكت هيهات..

من اصلاحك طلعت فكره.
تلتم كل القوميات..

العالم كله من يزورك..
ياخذ فكرة عاشورك..

تلتم كل القوميات..
..........................................

طلعتك من المدينه ادروس بيها
والي مثلي بنحره لازم يشتريها
بيت والله مفظله عن امة نبيها
شلون ترضه بكافر اليحكم عليها

ترضه بذبحك بس ما ترضه.
ظالم يتسلط ع الناس...

جيت بجيش وزينب عرضه.
وطوله القرآن وعباس.

اليفهم بطف ويشورك.
ياخذ فكره عاشورك.
....................................

موش بس الشيعي كبرك ركض زاره
المسيح ويانه يطلع ب الزياره
يمكن ابراهيم بسمك طفه ناره
الله رادك كبش وبنحرك قراره

ما بالغ بيت الله مطهره.
الكلبك ما يوصل شيطان

حته يغطي اخيال الحره.
يصعد خليته الدخان

تصلح كل غايه دورك.
ياخذ فكره عاشورك.

..................................

الكاع بسمك والعمر يوميه عشره..
بيك كل كطره دمه من اطيح ثوره
جم يزيد الراح هو وجيش شمره
وبالسمه وبالكاع الك يحسن حضره

بطفك طلعت اجمل لوحه
وعبدالله اليرسمها بماي..

انت الفلك الشايل نوحه.
وخسران المايركب هاي

من نور الخالق نورك.
ياخذ فكره عاشورك..

.....................................

ياهو كبلك منتصر ع السيف دمه
شلون اصدك انن ماي وتالي تضمه
شفت عبدالله الرضيع اكماطه سهمه.
لوحه جان الطف ترا ودمك يرسمه

ياتاريخ اليكتب جرحك..
وشراح يخلي العنوان..

راسك دم يشرب رمحك..
ليش يسموك العطشان..

والماي التم بسورك..
ياخذ فكره عاشورك..

.....................................

اخيامك البطف مضايف ماهن اخيام.
دمك اليسگي ويخضر بيها الاسلام.
مو بعيده ان شاء الله يوم من الايام
يطلع المهدي ويصير القائد العام


اول ما الله يفك بابه..
ثاره الجفين وعطشان

من الطف للزهره احسابه..
ويصلب فلتان وي افلان.

ويرد بجيشه يزورك..
ياخذ فكره عاشورك.

تلتم كل القوميات..




الشاعر منتظر الكعبي..

وحك من فرض حبنه.. بس ابانه..

بكتابه وي نبيه . .. بس ابانا..

يكافل زينب اختك بسبي انه..

وسوك الشام عَيِد عيد بيه..

استهلال سادس محرم... مجلس. موكب..


شكرآ لله... ع هل خدمه..
.......................................

سادس محرم من بده..
تناشد حميده بدمعه.

التفكد ابوها من الزغر..
طول العمر متوجعه..

لا شافته ولا حضنته..
والمات جاا شيرجعه..

من القصر مسلم وكع..
وهسه اندفن ب السبعه..


بنيه وشتريد. كون تضمه.

شكرآ لله.. ع هل خدمه

استهلال سابع محرم.. مجلس.. موكب.


شكرآ لله.... ع هل خدمه..

.................................
سابع محرم من بده..
خيم الموت اعلينه..

عباس يوكع ع النهر
وينكسر ضهر احسينه..

وحسين يبقه الوحده.
لزينب ايدير ابعينه..

اليفكد اخوه بلا ضهر..
والله اعلا فكده يعينه..

حسين من يكول.. تنزل رحمه.
شكرآ لله.. ع هل خدمه
.

استهلال ثامن محرم..موكب.. مجلس


شكرآ لله...... ع هل خدمه

.............................
ثامن محرم من بده..
من الحزن غابت شمسه.

ورمله يغطيها الدمع .
وحيد وغاب شتنسه..

بس راس ابنها اعلل رمح
وذباحه يمه يحرسه.

كلبت الحنه اعلل ترب
من دمه حنت عرسه

وليدي المذبوح. كون اشتمه
شكرآ لله... ع هل خدمه

استهلال تاسع محرم.. مجلس.. موكب


شكرآ لله... ع هل خدمه

.................................
تاسع محرم من بده
يوم الدمع تعويده..

شفنه الحسين ابكربله..
علل خاصره حط ايده

شكد يتعب أخلافه الابو
لمن يروح وليده.

جدامه يصعد ع الرمح
مذبوح جان وريده..

من رد مكسور.. سولف لمه..
شكرآ لله... ع هل خدمه.

استهلال عاشر محرم.. موكب.. مجلس



شكراً لله... ع هل خدمه

...............................

عاشر محرم من بده..
يسحك بظلع الزهره

وكل بني هاشم ع الرمل
وع التل تصيح الحره..

قرآن ربك ما سلم
ومن الگفه نحز نحره

يصعد ع صدره الشمر
وثنعش طبره يطبره..

وادري المذبوح.. نحره يلجمه
شكراً لله على هل خدمه..

رايح.. والدنيا ظلمه بلا گمر..
رايح.. ومنين مااعاين خطر..
رايح.. وفتر عكس بينا الدهر.. رايح
.............................

زينب تعايلك اباب المخيم.
ياابوفاضل جدمك اعلل موت مهتم.
ردت اروح وياك لاجن الله يعلم.
حزن كل الدنيا عگبك بيه ملتم.

بيه.. مايوسع الدنيا الحجي..
بيه.. والخيمه متروسه بجي..
بيه.. يا واحد اعليه ننتجي.. رايح
...................................

يانهر مايك عذبنه الي نريده.
الناس بيت وانت بس طولك قصيده.
تسكت الطفله البجت بسمك تعيده.
يجي حسين ينوم اسكينه اعل ايده.

وينه.. العطش يشرب بالدمع..
وينه.. اصياح بس ما ينسمع..
وينه.. تسأل عليك بهل وضع.. رايح.

............................

ياسند ياجيش الحسين اوزيره.
لو رحت بين الخيم حيرتنا حيره.
انت تبقه اعلل نهر واني أسيره.
وتطب سوگ الجانت بضلك اميره.

مايه.. محتار ياهو العجب..
مايه.. ذاك النهر منك شرب..
مايه.. عباس بس انت الذهب.. رايح.

............................

ياهو مثلك يحدي ب النوگ اعلكيفه.
ايد أمان اعلل خيَم وايد اعلا سيفه.
من رحت جم سيف صار حسين ضيفه.
حسين طاح ولعبت الخيل ب مضيفه.

ساعه.. بين الذبح بين العطش..
ساعه.. صدره مضيف َمن انفرش..
ساعه..وجدامي جم ليل اهدعش..رايح

.................................

لا يهمك تكمل الثوره اعلديه.
الشام كله يدنگ اكبال السبيه.
لمن اخطب يصفن العالم عليه.
الا اسوي القصر تل ال زينبيه.

زينب.. بالقصر هيئه نبي..
زينب.. يصير تل الزينبي..
زينب.. يبتدي حرب العبي.. رايح..



الشاعر منتظر الكعبي..

يل عريس الليله اتهنه..
وجه امك شوف اشبع منه.
باجر رمله تضل محتاره.
تحنيك بدمك لو حنه..
....................................

كلمن عدها اوليد تريده.
يكبر وتزفه اعلا أحلامه.
تنثرله ورود بكل خطوه.
وشموع تضويله أخيامه.
وأمه ترفرف مثل الرايه.
وبشيله اتهوس جدامه.
وأني وليدي نزف الموته.
وشو مذبوح باحلئ أيامه.

كبرته وضميته الكبري..
بليله ويوم ويكسر ضهري..
وال علتك ماترهم جاره.
تحنيك بدمك لو حنه.
.............................

روح مهنه بهاي الساعه.
يستاهل عمك كل منحر.
باجر ارفع راسي اكباله.
لو خلاك بصف الأكبر.
ويم ام حسين احجي حجايه
عفيه بجسام ال ما قصر.
جن عمه العباس بهايه.
بسيفه الوحده يفر العسكر.

هنيالك مذخور الهايه..
هذا السيف وهاي الرايه..
وعمك ما ضلت أنصاره..
تحنيك بدمك لو حنه.
...............................

يبني وحضرت اهدومك.
للميدان تسوي الزفه.
خل الرايه ترف بمتونك.
وخل سيفك صوبين تعرفه.
وخل امك بالخيمه تهلهل.
عفيه بجاسم كفه وفه.
يبني ولو عمك ما يرضه
كله يعيش اليكثر نزفه.

لو ب الطف كطعوا نحره..
يضل خالد لو خلص عمره..
وجسام يحب ياخذ ثاره
تحنيك بدمك لو حنه..
...........................

شفتك من طبيت العسكر.
بين الضلمه تبين الكمره.
وشفت حسين تسولف عينه.
يتغير شو فتره وفتره.
وشويه وكلبي يسولفلي..
ابنج جاسم كطعوا نحره
ومن جابك عمك بالخيمه.
وركه و مكطوعه من الشجره

وحنيت اجفوفي بدمك..
لاجن يبني فدوه العمك..
لو بس هو يضل بداره.
تحنيك بدمك لو حنه..

.............................

طاح حسين وصرنه بحيرة.
وشفنا النار أبين اخيمنه.
لا من كفال ولا والي.
بس نسوان ومحد يمنه.
طشينه وما بين الغربه
وزينب تركض حتى تلمنه..
فوك النوگ تركب الخدر
بحبال اجتفنه ورحنه .

بس روس اعل رماح ويانه
ويا مسجون يحب سجانه..
بكل واحد بينه تشب ناره
تحنيك بدمك لو حنه


الشاعر منتظر الكعبي.

هاا يا أم الولد نوحي..
راح الأكبر من أيدي

باجر كلمن ورمحه.
راسي وراسك أوليدي.

..........................

بعد ساعه انتوادع والبجي يحله.
واسم الله اعلطولك ياعلي اسم الله.
ابني الجن محمد ب الخلك شكله.
باجر عل رمح راس ابني يتعله.

اول ما توادعنه.
موادع والد ويبنه.
وركه من الشجر طحنه
راح الأكبر من أيدي.

.............................

طلع من خيمته وافتر علا العسكر.
ورجيف الجيش واصل خيمه الاكبر.
مثل حيدر علي بسيف ضل يفتر.
رأس برأس طكها ومنحر ب منحر.

شايل رايه الساده.
تفر منه الزلم عاده.
بسيفه يشمر القاده.
راح الأكبر من أيدي.

..............................

ابن غانم برزله حسين هيج يكول.
يليله ادعي للاكبر والدعاء مقبول.
يمن رديت يوسف لا يرد مجتول.
انه أمه واموتن لو غيابه ايطول.

لو سالم يرد ليه.
اكومن بيه ما بيه.
واكولن هلا بهل جيه.
راح الأكبر من أيدي.

.............................

رجع بس من رجع شفت العطش هده.
مثل جمره بهوئ هيج احترك جبده.
حتى ادموع ابوك حسين ما عده.
شده والله يفرج باجر الشده.

ساعه ورد علا العسكر
يخيط منحر بمنحر.
جبده من العطش جمر.
راح الأكبر من أيدي.

...........................

طاح الاكبر وشفت انهدم عمري.
وبعد ما ينجبر طول الدهر كسري.
شلته الخيمته بس انكسر ضهري.
كبل نحره ابني ريته من انكطع نحري.

جبيره وياهو اليسدها.
كسرتك بيه وحدها.
امك ياهو إليردها.
راح الأكبر من ايدي.

.......

الشاعر منتظر الكعبي.

جنه اثنين... من ورده.

هسه حسين.. ظل وحده.

.........................

يلحسن يا ماي عيني..
كلشي بيك إندار بيه.

فرگتك كلش جبيره
جن سمه وطاحت عليه

اثنينه من توادعينه
بساعه جنها الغاضريه

ذخر ظميت خوتك للأيام السود
من يطفح عطشنه وعل خيام يزود
يبو محمد كسرتك مثل كسره عود
جبدك وال نحر باجر اعلل موعود


هاي منين.. هل شده
هسه حسين..ظل وحده..

.............................

وحشتك كلش جبيره
جن سمه ومابيها نجمه

وانت تدري الشوك يكتل
والبعد ما عده رحمه

يا ضوه اعلل دنيا كلها
وكلشي دونك يمي ضلمه.

مو تدري إليروح وطول اغيابه
هله يطيحون كلهم ب العزه ابابه
الله يعين كلبه الفاكد احبابه
بس انت الصدك والدنيا جذابه

دمع العين.. شيسده
هسه حسين.. ظل وحده

............................

راحت أمنه وعشنا حاله..
تموت ال متروسه ماي

ثاري كلمن فاكد أمه
يعيش غربه وانت راي

عشت يمك شمع ليل
وعينك تجمل ضواي

ورحل حيدر علينه وضلَمت دنياي
وبعد فكد الابو شفنه العطش شراي
ما أهم باليجن جي انت جنت وياي
بسيفك وبمضيفك ما تمل يمناي

سهم البين.. شيرده
هسه حسين.. ظل وحده

.......................

يا جبير الساده كلها..
وحزني كدك يا جبير

شابع ال بلكاع زادك
وال علل غيمه يطير

شلون هسه تروح مني
حيره ب الطف راح أحير

تروح وابقه وحدي أبين عدواني
يا سيد شباب العالم الثاني
شسوي ابدون اخو محتار بحزاني
وباجر كربله بجيش اتلكاني

سيفك وين.. وتحده
هسه حسين.. ظل وحده

..........................
كربله باجر جريبه..
وحيلي كله اعليك طاح.

وشكو راس من ال هاشم..
باجر تشيله الرماح.

بكلشي بالطف يبدي موته
من العطش حته الرياح

وباجر خيل اميه اكبالي من تفتر
وتطلع زينب من الخيمه تتعثر
باجر يلحسن ما يسلم المنحر
من عبد الله حد ما توصل الأكبر

لو صفين .. تتعده
هسه حسين.. ظل وحده


الشاعر منتظر الكعبي

ها يلمدلل رقيه
ورمح أعلا من اديه

كلشي بطف بعده نار .
من الخيم حد الصغار.

======================
أخ من اليله الأولى..
وع لرمح راسك عله
حيره تشمرني ع حيره..
ومشكله تجر مشكله
بت الحسين بخرابه..
وبت عدونه مدلله
ساعة السوده من اجينه..
ومن وصلنه كربله

ارد اجي يمك واخبرك
شويه بس نزلي نحرك

ليلي يبدي من النهار.
من الخيم حد الصغار.

======================
زينب تسد بالخرابه..
خاف ينشاف الخدر
واحنه بيت من الله نغبش..
ننطي للوادم ستر
وهسه عماتي وخواتي..
مجتفه بحبل ليسر
وين لمدللها ابوها..
كسر بطف تنكسر

وين اكو بطف حمامه
بالسبي تعيش بسلامه

الخيمه هم محسوبه غار.
من الخيم حد الصغار.

======================
اليل يخلص بالبواجي..
ولشتم يبدي الصبح
الله وكبر شنهو ذنبه..
بسهم عبدالله نذبح
طفله مشدوده ع طفله..
رمح مشدود برمح
هواي هنه رماح اهلنه..
منين ابديلك شرح

شنهو جا عبدالله ذنبه
وبيش جتالك يطلبه

لهسه دمك بعده حار.
.من الخيم حد الصغار.

======================

الحادي صوب الشام اخذنه..
ويه جتالك مشيت
عمه شيريدون منه..
وشبكت عمتي وبجيت
وي وادم موش اوادم..
عفتك ومسبيه اجيت
بيت لمكمل لرساله..
هسه باقي بلايه بيت

ناس تشتمنه من جينه
وناس تتفرج علينه.

لمايصير ويانه صار.
.من الخيم حد الصغار

===================

رحنه بتراب الخرابه..
وبس حبل مابيدي راي
وبالسبي طيفك لفاني..
ونكطع منك هواي
والعطش يبس لهاتي
وجانت اعيونك ضماي
بالطشت جابولي راسك..
بويه جا حسبالي ماي

وكتله بوبه بعالي صوتي
فوك راسك صار موتي

وجن عليه بعينه دار.
من الخيم حد الصغار.

==================≠==



الشاعر منتظر الكعبي

يم المهدي بهاي الليله ...
عن الطف زينب تحجيله ...
لو تسأل ..
ع اليذبل ..

عرش الله وياها ..

.............................

الحزن باخر خميس بدمعه غطانه
حداد وال هاشم كلها حزنانه
النبي يهجر دخل انعوفه بمجانه
لذا بعض الصحابه بموته فرحانه

عمه من احجيلك ..ماتغفه بليلك
وجا حيلك طاح
شكد صارو ضدنه..ويا عمه بدفنه
بس حيدر راح ..

الله يساعد حيدر وحده ..
ياهو يعينه بهاي الشده ..

وتحمل ..
ع اليذبل
عرش الله وياها
.............................

الحزن من كل مجان مبين اصوابه
اجه الباب الزجيه وكاتب اكتابه
لو جان النبي هم يندفع بابه
الغريب يشاهده واليحرك اصحابه

واليرتد شفته ..عن جدي وملته
المحسوبه اصحاب
ضل يضحك يمها. وينكط دمها
عمه اعلل الباب ..

نار البطف جانت ناره ..
واليرفع عبد الله بسماره ..

وما كمل
ع يذبل
عرش الله وياها ..

...................................
مو بس الغدير من النبي نكروه
الحقد هم واصل لحيدر علي وطبروه
الصار ابيت الله ابيته من غدروه
يعمه والحسن ميت وما رحموه

مابين اسهامه ..والطبرو هامه .
المجرم معروف ..
وشتحمل زينب ..خل احجي الاصعب .
جدامي اطفوف ..

شيطيب حيدر وصوابه ..
وكمت اشتم دخان ابابه ..

شو طول ..
ع اليذبل ..

عرش الله وياها ..

..............................

عمه الطف اخذنه اوين ودانه
لنفس ذاك اعلا امك سرفن اردانه
اجينه ويانه وين ال الله عنوانه
ورجعنا بلا اهل بس روس ويانه

واقع شيفسره.. من حزو نحره ..
وملتمه الناس ..

لا ضل الاكبر ..ولا جاسم يكبر .
ولا ضل عباس ..

عمه الطف باكاها اعيوني ..
مجتوفه وياهم. ودوني ..

بلهزل ..
ع اليذبل ..
عرش الله وياها ..

..............................

عمه الهل وكت زينب ترا تعاني
بعدني الوحدي وما يمي خواني
نفس زمرت يزيد اليوم. عدواني
ضريحي بيد واحد حكمه سفياني

ياعمه بكيفك .. والثار بسيفك ..
رايك شيكول ..
من فاطم والباب ..والطف والمحراب
وتصلبه المسؤول ..

باجر بيدك سيف ورايه..
وخدامك تطلع مشايه ..

يل تندل ..
ع اليذبل ..

عرش الله وياها ..

.....................

الشاعر منتظر الكعبي

حسين بنص غربته.. يتباها بصحبته..
انطيح احنه اثنين اثنين..
بس كون يضل حسين..

ما ثنوا كلمته.. يتباها بصحبته..

............. ............ ........

كل حب رزق وحسين حبك يكبر
هاي الصحابه البيها واحد يفخر
من گال ياهو إلي يرد العسكر
كلوله يمك منحر بصف منحر

اي واحد تأمره. يركض بيده نحره
مو بس واحد سبعين..
بس كون يضل حسين
ما ثنوا كلمته..
.................. ............. ........

من الطفوله وعالوفه تربينه
جدامك بسوح الحرب تلكينه
شما تصغر الدنيا انت تكبر بينه
ماردنه بس خدامك تسوينه

بس الخدمه غايه.. تسوه الدنيا هايه
ونطيحلك صوبين.
بس كون يضل حسين
ما ثنوا كلمته..
.......... .......... ........

التموا عليه ويمه دگوا ثايه
وهوس حبيب وبيده شال الرايه
مانهتم الكل العساكر هايه
ساعه وتشوف اصحابك الوفايه

والزينب نوافي.. نهوس بجفافي

والحبك عيب يلين
بس كون يضل حسين
ما ثنوا كلمته..
............. ............ ........

ساعة وزه وصحبانك تجربها
خيل وزلم جدام انأدبها
خل بس اخيتك تطلب اليعجبها
والقاده يم الخيمه روس احسبها

لغير ابن الزجيه.. مو حلوه المنيه

ومو مره ولا مرتين..
بس كون يضل حسين
ما ثنوا كلمته..
............... ........... ...........

حي الله صاح وتوه حط لعمامه
وشاف الشوارب تنفتل جدامه
واحد ورا الثاني يفرع الهامه
بس لا عدو واحد يصل لخيامه..

مدميه الشوارب. طاحوا ع الترايب
بيك يعدلون الدين
بس كون يضل حسين
ما ثنوا كلمته..
............


الشاعر منتظر الكعبي

ليل افراكهم ياليل.. يخلص كام ب الكوه..
بعدهم يا اعيون اتشوف گلي ويا عمر يسوه..

..............

ليل افراكهم طول عليه والكلب ينحب
وأنه جل طير مذبوحه أضل الوحدي اتكلب
عليله وموتي بجفاهم ضل اعليه يتكرب
بعد وخلاقهم بدار ياهو ال يسليني.
...................

ياهو أخلافهم بدار الي لو غربت شمسه..
واهلي ووجوهم تنظاك واحد منهم شينسه..
مو بس الضوه منهم جانولي دوه ونسه..
راحوا والمطر جذاب مايلحك دمع عيني..

................... .......... .....

غيم اعيوني ماينزاح الا اكبالي اشوفنهم..
وحنين الناكه ابد يا ليل مو مثلي من احن الهم..
شيردهم بعد ياليل حتى بهاي أكللهم..
اول تالي ابو حسين اتلوع يخليني..

................... .......... .........

اتلوع وما مش راي والينبض خلص صبره. .
وشفت اغراب ليلي يحوم واعيونه أصبحت حمره..
خافن عمتي وحيده وحسين انكطع نحره..
ويراد الدربهم حيل بس كل شيوديني..

....................... ........... ..........

شيوديني و دربهم نار والموت اركب ارحاله..
ودخان وعطش والماي دربه تحرسه خياله..
خاف حسين من يروح ما يرجع علا اعياله..
حلم شيخلصه بعيوني يموتني ويصحيني..
................... ............... ......

يصحيني وانه بهل الليل وين انطي الوجهه ياصوب..
اروح اليا درب كلي بعيني الدنيا كلها ادروب ..
ياليل المحب يموت من يبعد عليه محبوب..
وانا اهلي علي راحوا ريت الموت يلفيني..
...............

يلفي الموت ياريته إليه وتخلص ايامي..
ولا اشوفن ابوي حسين عاري وينجتل ضامي..
وزينب تبقه ب الهيمه وتصيح النار بخيامي..
عليه ياجدم يسرع وتخلص يمهم اسنيني..

............... ..............................

اسنين المالي بيها اعزاز كون ولا تضل ليه..
ابوي برمح عالي يصير وزينب تمشي مسبيه..
وينك ياعلي وينك.. العطش غير معانيه..
ياليل وبقت بدار حيطان اشتاحاجيني..
......................... .....

الشاعر منتظر الكعبي