‏خلّ السوالف تجري لخطف الأنفاس
‏ رحنا على كلّ المواقف وجينا

‏تكبر ورانا هالة العزم والباس
‏والهقوه اللي سعدها في يدينا

‏إمّا مقامٍ يِقعد الرأس لـ الرأس
‏ولاّ مطيحٍ ما يشمّتك فينا

‏يمكن تضحّك الليالي على الناس
‏أمّا علينا ؟ ما أنت ضاحك علينا .

يطري علينا شيّ ما يطري عليك
‏فـ لا تـذم الشيّ  . . لأنـك جاهله

‏أخذ السهل دامه بمتناول يديك
‏بس الصعب خلّه لمن يستاهله .

‏وإن هبّ عاصوفٍ تقفّاه عاصوف
‏ما حنا على وجه البسيطه خفافي .

من لامني فيك لو شافك من قريب
‏كان أعتذر عن خطاه وقال أنا جاهل

‏كنك قصيدة ثناء في واحدٍ طيب
‏إذا سمعها عدوه قال - يستاهل .

ألطف من النسمة اللي ترضي النفس المعيفة
فارقٍ ما تلتمس حتَّى طبوعه في أخوانه .

حتى سميّه . . يجيه من الغلا قسّمه .

على طريق الصعب و الأستحاله
‏قدرت أدلّ و كنت متعمّد أتوه

‏هزايمي درس و صمودي رساله
‏عايش و لا لحَّقت دنياي مشروه

‏قـلبـي قـنـوع بـوحدته و انعزالـه
‏مـاهـو مدوّر للعرب كان ما جوه

‏اللـي يشـوف انّـه يـكفّـي لـحالـه
‏ما يلتفت لـ النّاس لا أقفوا وخلّوه .

واصل علوك والسلالم سكاكين
لا يردعك نزف الجروح العطيبه

أصعد بعزمك وأترك الجرح بعدين
ما فيه قمّه .. ما عليها ضريبه .

نطلبّ الله في رفعة الحظ و الرزق الوسيع
و السعه فالصدر . . و الوجه الأبيض و الغناه .

‏كيف ابنسى وليفٍ ما أستمع للمشير
‏مايطيع الخوال ولا يطيع العمام

‏مع لباقة علومه فيه زينٍ غزير
‏قرن ضافي ووسط خافق ياسلام .

يا زولها : القتال واللا مستطيع
شكراً لـ أبوها وأمها : يازولها

ماهي متناوله بيد الجميع
غيمةٍ : تبطي اليدين تطولها .

الـغزال اللي ورا الشاشه تخفّت
زينها واضح من أسلوب الكتابه .

‏أعوذ بك ربي من الخوف ومن الوسواس
‏ومن حاجةٍ مالي بها قوه ولا حِيلة

‏فيك الرجى ما خاب يارب الفلق والنّاس
‏ومنك الأمل ما مات لا لحظة ولا ليلة

‏أنت اليقين اللي قطع حبل الجزع واليأس
‏وأنت الأمان اللي بخوفي دايم اشْكي لة .

لاتضايق .. لامرتك السنين العجاف
‏رحلة العمر ماتمشي على المشتهى

‏خايف من إيش ماله داعي إنك تخاف
‏باقي أيام حلوه .. مابعد عشتهاا .

‏أنا كنت أحسب إن راحة العبد فيما أختار
‏وأثر خيرة المولى .. لعبده مسنّعته .

‏تمطر و أحس إن الثرى أصبح عطر
و يصير أحلى شي فالكون السحاب

جو المطر ، ريح المطر ، وقع المطر
يا رب سُقيا رحمة لا سُقيا عذاب..

‏ترا الضايق اللي من وجيه الخلايق ملّ
ليا هلّت الامطار .. تتبدّل احواله

تبسّامة القيعان بعد المطر ما هلّ
تبسّام شايب .. يفخر بـ سمعة عياله .

لاتنطوي نفسك على نفسك و تذبل مادريت
خل المطر يمطر عليها . . و الهبوب تهبّها .

اي قلب دامه يتبع الصدق ماضاع
‏في كل نبضاته اثر من وضوحي

‏لاهبت رياح الألم صدري شراع
‏لاوجاعي اتصدى واداوي جروحي

‏عزيت نفسي لين ما أعطيت الأطماع
‏ظهري وبقيت الشامخه في صروحي

‏من كثر ماصرت اترفع عن القاع
‏مافيه أحد يوصل لـ قمة طموحي .

يا قلب خفّف من عتبك شويّ
‏رحيب حلمك ما لحقت أقصاه

‏يمكن عوض صبرك يكون بـ شيّ
‏أحسن من اللي .. كنت تتمنّاه .