ترى الشجاعة صملة أنسان مرتاع
‏وترى المعزة خطوة بدرب يقهر

‏ومن ذاق طعم العز من بعد الأوجاع
‏يعاف قطف السهل لا شافه أزهر .

رزيّنه مثل حزني .. مثل بحرٍ هادي الأمواج
‏مثل ذاك السكون اللي تهبّ العاصفه بعده .

وريمية الوادي ذعرها الصوت واخذتها الليال
من جوف صدرٍ ذيرت من مرتعه ريم الفلا

مدري خذاها الطيش من بعد القصايد والدلال
ولا تبي تقفي وتختبر المحبه والغلا

خلتني أبدع في مجال الفقد لا جاله مجال
واقاول المشراف والدربيل وفجوج الخلا

امر مدهال اللقى واقرى مراسيل الوصال
واعزم انساها ولا عزمت جددت الولا

ودي بعد طول البطى مره تعاود الاتصال
وتسمع قصيدة ، ياحبيب الروح ، قلبي ماسلا

وإن شدت رحال الجفى لـ البعد شديت الرحال
و ودعتها اللي ماتضيع وداعته جل وعلا .

‏اللي تبينه على خشمي وجعله فداك
والطعنة اللي تجيني من يدك جايزة

إن كان هذا تغلي مايغرك غلاك
وإن كان هذا تحدي فـ أنتي الفايزة .

تلدّين العيون و تسرقين القلب و الألباب
‏ يا ليتك يوم قالوا لك كبرتي ما تكبرتي .

‏يا صاحبي عدٍ يهين النفس ما أبيه
ماااا أبيه لو الكبد مشفيةٍ على ماه

و اللي ترا هذا أوله .. ينعاف تاليه
يعافه اللي ما يعيش إلاّ بـ يمناه

و ما قدّر الخالق على المخلوق يأتيه
و أرضى بـ مقدوره عليّ و الحمدلله

حمداً كثيراً طيباً مباركاً فيه
كما يحبه ربي و ربك و يرضاه .

‏المواقف كلبوها تطلب إستسلامي
بس لا يمكن على ماهي تحب أعطيها

ماشيه .. لو المسافه دربها مترامي
لين أشوف أحلامي توّقف على رجليها .

‏عشانك حرّ .. من ماكر حرار و مبتغاك صعيب
تخوض الحرب من شيمه ولا تبغى غنايمها .

‏هوى القلب يا ما قاد له رووسٍ ما تنقاد
عسى القلب ما ينزل به إلاّ من يحنّه

وجودي وجود إللي حبيبه على إستعداد
يضحي به إن حصّل قلوبٍ يحبنّه

بغيت أتجاوز كبر فقده ولا الله راد
مثل من تجاوز كبر جاهه .. كبر سنّه .

ما عرفت الحب لكن شفت فيك سهاده
‏خطوةٍ ترجع عواقبهـا على خاطيهـا

‏والا أنا من جيت لـ الدنيا وفيني عاده
‏أتعض من غلطة الشاطر ولا أسويها .

‏خلصّنا من دروبّ الهوى والقلوب صحاح
ولاني بـ أخايل بارقٍ ما هو بـ صوبي .

‏روحي خجولة طبايع تكره أفاخر
اعيب فيها خجلها خوف من طمسي 

لو إني أحياناً أعشق طبعي الزاخر
بأشياء في هالزمن راحت مراح أمسي

وقور عقلي كثر ما مبسمي ساخر
و ثرثار بالي كثر ما ينفقد همسي

وعيني ملاها بياض القلب عالآخر
" أفرح لغيري مثل ما أفرح لنفسي" .

‏شريت الكرامه و الكرامه رصيد و ظل
تخيّرت منها عمّة الراس و ثيابي

لعل الفلوس اللي يجي من وراها ذل
ما تدخل بمخباتي ولا تدخل حسابي .

‏انا أدعي لـ كلّ سنافي و كلّ فاعل خير
لو انه من أقصى الناس أحبّه على النيه .

لو عرف قدره مشى بين البشر متسامي
ما تواضع ما مشى بين العباد مسالم

‏يحسب أنه شخص من هالعالم المترامي
ما درى أنه في عيون إنسان كل العالم .

لا ضامي من الماء ولا أدوّر الفيّ
‏في خير و في نعمه و مبلول ريقي

‏مشتاق لك .. رغم إني مابي ولا شيّ
‏و هذا هو الشوق النظيف الحقيقي .

مع غيرك أقسى من الحجر وأثقل من الطود
‏ومعاك النسانيس الخفيفة تمرجحني .

المُرهف اللي صادقة نبضه حشاه
‏مثل المطر رحمه من الله مصبه 

‏سهله تمره بس صعبه تعداه
‏تبقى بذاكرتك وسواويس حُبه

‏أكثر ماقالوا في صواديف ملقاه
‏" عَز الله إن اللي مربيه ربى "

‏منزه النيات و الوجه والجاه
‏حتى و لو إنه عدوك تحبه

‏لا تستحي من ما استحى من سواياه
‏بس المسبه لا ترد المسبه

‏أجرح بعفوك كل جارح بميناه
‏جرح العفو ما طببوه الأطبه

‏و احيا حياتك فارقً مالك أشباه
‏لو قلدوه الناس ما ينتشبه

‏صدق دُعائك كل ما قلت رباه
‏" ذروة بني آدم يقينه بربه "

‏هذا أنا رغم إني أعذب من الاه
‏ما كل ريحً تل ضعفي مهبه

‏أخاف بعد الله ضميري و نجواه
‏صخرة بحر قلبي و نجواه غبه

‏لانْي أحب بلا سبايب من الله
‏عجزوا لكرهي لا يلاقون سبه .

‏والله إن طيبي على كثر السواقي
‏مانضب ماه .. وتعكر سلسبيله

‏لا يردك شي عن ليلة فراقي
‏كان لك قلبٍ تبي تشفي غليله

‏خذ معك خوفي وصبري وأشتياقي
‏وإترك عيوني تشيل اللي تشيله

‏ولا تدور مثل قلبي ما أنت لاقي
" ‏القلوب اللي مثل قلبي قليله " .

ضايقتني يوم جيتك بـ الكلام القليل
‏وخسرتني إياك لكنك بعد بتخسر

غديت ضيفٍ حشاد في ضيافة بخيل
‏كلامه يقول اسر وعيونه تقول اسر .

‏شد الرحال من الحشا - ماعاد لك بالصدر زادّ .