*🔴 СААРЛЫККА БАЙЛАНЫШТУУ 8 ХАДИС*
 
Аллахтын элчиси ﷺ хадистеринде мындай деп айтты: 

❒ «Саарлык ичкиле, себеби саарлыкта береке бар». (Сахих Бухари, 1923)

❒ «Ким орозо кармай турган болсо, анда саарлыкта бир нерсе жесин». (Ахмад, 14533)

❒ «Саарлык – берекелүү тамак-аш. Андыктан аны калтырбагыла, бир уурттам суу болсо да ичкиле. Чындыгында Аллах жана периштелер саарлык ичкендерге алкыш-мактоолорду айтышат». (Ахмад, 11003)

❒ «Курма – ыймандуу адам үчүн кандай сонун саарлык». (Абу Дауд, 2345)

❒ «Биздин орозобуз менен китеп ээлеринин орозосунун ортосундагы айырма – саарлыкта тамактануу». (Сахих Муслим, 1096)

Башкача айтканда, мусулмандарды христиан менен жөөттөрдөн айырмалап турган белгилердин бири. Шариятта аларга окшошууга кескин тыюу салынган. Ошондуктан мусулман адам саарлыкка туруп тамактанып, аларга окшошпоосу керек.

❒ «Эртең мененки саарлык тамагын ичкиле! Чындыгында ал таңкы берекелүү тамак». (Насаи, 2166)

❒ «Оозуңарды (кечиктирбей) эрте ачкыла, саарлыкты (эртелетпей) кечиктирип ичкиле». (Сахих аль-Жаами, 2835)

Башкача айтканда, мусулман адам ооз ачар убактысы кирери менен дароо оозун ачуусу керек. Ал эми саарлыкты ооз жабар убактысына жакындатып ичүүсү зарыл. Болжолу ооз жабар убакытка чейин жарым саат же бир саат аралыгында жапканы жакшы.

❒ «Үч нерсе пайгамбарлардын сыпаттарынан – оозду (кечиктирбей) эрте ачуу, саарлыкты (эртелетпей) кечиктирип ичүү жана намазда оң колду сол колдун үстүнө коюу». («Мажмаъ аз-Заваид», 2/105)
 
═════════

https://t.me/Juroktordunachkychy

УЙДАН КАНТИП ЗЕКЕТ БЕРИЛЕТ?. ОРОЗО 108-САБАК. ( Зарыл сабак). Шейх Чубак ажы.

Телеграм каналга кошулуу

https://t.me/Akyretke_daiardyk

КОЙДОН ЗЕКЕТ КАНТИП БЕРИЛЕТ?. ОРОЗО 109-САБАК. (Зарыл сабак) ШЕЙХ ЧУБАК АЖЫ.

Телеграм каналга кошулууңуз! https://t.me/Akyretke_daiardyk

⚠️ Аллахтын Элчиси ﷺ айтты: «Кадыр түндү Рамазандын акыркы он түнүнүн так түндөрүнөн издегиле». (Сахих Бухари)

‼️ КАДЫР ТҮНҮ:

• Намаз окуңуз
• Куран окуңуз
• Дуба кылыңыз
• Зикир сөздөрүн айтыныз

https://t.me/Akyretke_daiardyk

🔴 КАДЫР ТҮНДӨ ДҮЙНӨДӨН МУРУН АКЫРЕТТИ СУРА

Мусулман адам Рамазан айында, айрыкча акыркы он түнүндө көп дуба кылуусу зарыл. Айрыкча Кадыр түнгө байланыштүү сүннөттө келген дубаны көп айтканы жакшы. 
 
Күндөрдүн биринде Аиша энебиз пайгамбарыбыздан ﷺ: «Оо, Аллахтын элчиси! Эгер мен Кадыр түн кайсы түнү экенин билип калсам, эмне деп айтайын?» – деп сураганда, ал мындай деп айт деген: 
«Аллахумма иннакя аъфуввун, тухиббуль аъфва, фаъфу аъннии (Оо, Аллах! Чындыгында Сен Кечирүүчүсүң. Кечиргенди жакшы көрөсүң, мени кечир)». (Тирмизи, 3513)

￣￣￣￣￣￣￣￣￣￣￣￣ 
Ибн Касир ﴾رحمہ الله تعالــﮯ﴿ айтты: 

«Бардык убакта дуба кылуу сүннөт. Рамазан айында, анын акыркы он түнүндө, айрыкча так түндөрүндө көбүрөөк кылуу зарыл. Ушул дубаны көбүрөөк айтуу сүннөт: «Аллахумма, иннакя аъфуввун, тухиббуль афъва, фаъфу аъннии». («Тафсир» Ибну Касир, 8/472)

Ибн Каййим ﴾رحمہ الله تعالــﮯ﴿ айтты: 

«Эгерде Ал сени кечирсе, анда сага муктаждыктарың суратпастан келет». («Минхаж аль-Каасидин», 1/343)

Имам Абдулхамид ﴾رحمہ الله تعالــﮯ﴿ айтты:

«Кадыр түн дүйнө үчүн эмес, динди максат кылыш үчүн берилген. Көпчүлүк адамдар «эгер Кадыр түндүн кайсы түнү болорун билсем, анда дүйнөнү сурамакмын» деп кыялданышат. Кимде ушундай ой пайда болгон болсо, анда ал тообо кылсын. Аллах таала ﷻ улуу Китебинде мындай деп айткан:
«Ким акырет эгинзарын кааласа, Биз анын эгинзарын көбөйтүп беребиз. Ал эми ким дүйнө эгинзарын кааласа, Биз ага андан беребиз, бирок ал үчүн акыретте үлүш жок». (Шуура сүрөөсү, 20-аят)
Биз муну менен кайсы бир адамдын Аллах таала жаратып койгон себептерди аткарып, дүйнөгө жетүүгө болгон аракетин туура эмес дебейбиз. Биз акыретти коюп, дүйнөнү гана ойлогон адамдын кылганын туура эмес дейбиз. Алар акыретти эсине албай, дүйнөнү гана сурайм деп кадыр түндү күтүп турушат». («Аасар аль-Имам Абдулхамид», 2/329)

https://t.me/Akyretke_daiardyk

🔴 КАДЫР ТҮН МИҢ АЙДАН ДА АРТЫК

Аллах таала ыйык Куранда айтты: 
«Кадыр түн – миң айдан да артык (түн)». (Кадр сүрөөсү, 3-аят)
 
Кадыр түн – жыл ичиндеги эң улуу түн. Мусулман адам бул түндө кандай ибадат кылбасын, ал ибадаты Аллахтын алдында миң ай кылынган ибадаттан да жакшыраак. Аллах таала мындай артыкчылыкты Кадыр түнгө гана берген. Жыл ичиндеги башка эч бир түн бул түндүн даражасына жетпейт. 
 
Миң айды жыл менен эсептей турган болсок, 83 жыл 4 айга барабар. Азыркы күндө 83 жашка чыккан адамдар саналуу гана. Эгерде адам ошончо жашка чыкса дагы ал өмүр бою ибадат кыла албайт. Бирок Аллах Өзүнүн сүйүктүү пенделерине акылга сыйгыс мүмкүнчүлүктөрдү түзүп койгон. Эгерде мусулман адам Кадыр түндү ибадат кылуу менен өткөргөн болсо, анда анын ошол түнкү кылган ибадаты – Аллахтын алдында миң айдан ашык кылынган ибадаттан да артык деп айтылган.

Анас ибн Малик айтты:
«Кадыр түндөгү кылынган ибадат, садака, намаз жана зекет миң айдан да жакшыраак». (Ад-Дурру аль-Мансур, 6/370)

https://t.me/Akyretke_daiardyk

​​🔴 КАДЫР ТҮНДҮ КАНТИП ТОСУУ КЕРЕК?

❏ КАДЫР ТҮНДҮ СААТ КАНЧАДАН БАШТАП ТОСУУ КЕРЕК?
 
ЖООП:
Кадыр түн шам намазынан баштап багымдат намазына чейинки аралыкта тосулат. Тагыраак айтканда, ооз ачкандан ооз бекиткенге чейин тосуу керек.

❏ КАДЫР ТҮНДӨ КАНДАЙ ИБАДАТТАРДЫ КЫЛУУ КЕРЕК? 
 
ЖООП:
Кадыр түндө жалпы эле ибадаттарды кылууга уруксат. Бирок төрт ибадатка айрыкча көңүл буруу зарыл: 
1) Намаз 
2) Куран 
3) Зикир 
4) Дуба 
Ушул төрт ибадатты алмак-салмак кылыңыз. Мисалы, намаз окуңуз, эгер чарчасаңыз Куран окуңуз. Эгер уйкуңуз келип баратса, эшикке чыгып уйкуңузду ачып сергип келиңиз, кийин туруп кайра намаз окуңуз, андан соң отуруп зикир чалыңыз, намаздардын араларында дуба кылыңыз ж.б. Ар бир убакытты ушул ибадаттардын бири менен өткөрүңүз.

❏ МИСАЛЫ, КАЙСЫ НАМАЗДАРДЫ ОКУЙБУЗ? КАНДАЙ НИЕТ КЫЛАБЫЗ?
 
ЖООП:
Кадыр түн үчүн атайын белгиленген намаз жок. Адатта орозодо окулган намаздарды окуй бересиз, мисалы таравих намазы окулат, тахажуд намазы окулат ж.б. Мисалы, куптанды окуңуз, андан кийин таравихти окуңуз. Андан кийин эки-эки рекеттен тахажуд окуңуз. Тахажуд намазы кадимки эле эки рекет намаздай окулат, бир гана айырмасы, ниет кылганда тахажуд намазы деп кыласыз. Канча кааласаңыз ошончо окуй бересиз. 

❏ КУРАН ОКУГАНДА АРАБЧАДАН ОКУУ КЕРЕКПИ? ЖЕ КОТОРМОСУН ДА ОКУСА БОЛОБУ?
 
ЖООП:
Эң жакшысы арабча Куранды окуганы. Анткени хадистерде Курандын окулган ар бир тамсына ондон сооп берилет деп жазылган. Эгерде арабча окуганды билбесеңиз, анда Курандын кыргызча котормосун окуңуз же болбосо Курандан жаттаган сүрөөлөрдү оозеки окусаңыз да болот. 

❏ ДУБА КЫЛГАНДА КАНДАЙ ДУБАЛАРДЫ КЫЛУУ ЗАРЫЛ?
 
ЖООП:
Дуба кылганда жалпы эле дубаларды кыла бересиз, Куран-сүннөттө келген дубаларды айтканыңыз жакшы. Билбесеңиз, анда жакшы ой-тилектерди камтыган жалпы эле дубаларды айтсаңыз болот. Мисалы: «Оо, Аллах! Мени туура жолго сал, бейишке киргиз, тозоктон сакта, мага хидаят бер, күнөөлөрүмдү кечир, тооболорумду кабыл кыл, бактылуу, ырыстуу пенделериңден кыл, акыретте бейишке кирүүнү насып кыл, акыйкат жолдон адаштырба, ыйманымдан айрыба, ден-соолукта кыл, ийгилик бер ж.б.» маанидеги дубаларды айтсаңыз болот.

⚠️ Дуба кылардан алдын сөзсүз дубанын адептерине көңүл буруу зарыл. Дуба кылардан алдын алгач Аллахка мактоолорду айтып, Аны улуктап баштаңыз, андан соң пайгамбарыбызга салават айтыңыз, андан соң дуба кылыңыз, тилектериңизди сураңыз, анан акырында салават айтып бүтүрүңүз. Кимде-ким ушундай кылса, анда анын дубасы кабыл болот.

❏ КАДЫР ТҮН ТОСУУДА ЭМНЕЛЕРДЕН АЛЫС БОЛУУ КЕРЕК?
 
ЖООП:
Кадыр түндө ибадаттан алаксыткан, күнөө болгон бардык иштерден алыс болуу зарыл. Мисалы, телевизор көрүү, кино көрүү, сотка чукулоо, интернетке алаксуу, ушакташуу, адамдар менен чогулуп дасторкон жайып пайдасыз сөздөрдү сүйлөшүп олтуруу ж.б. Кээ бир адамдар ойлошот, Кадыр түндө уктабасаң эле тоскон болосуң деп. Бул туура эмес. Кадыр түндү ибадат кылуу менен өткөрүү керек. Себеби бул түн жыл ичиндеги эң ыйык түн. Ким ушул түндү ибадат кылуу менен өткөрсө, анда анын кылган ибадаттары миң ай ибадат кылганга барабар болот. Ошондуктан бул түндүн ар бир мүнөтүн ибадат менен гана өткөрүүгө аракет кылуу зарыл.
 

https://t.me/IslamKoranNashida

🔴 КАДЫР ТҮНДӨ УШУЛ ЗИКИРЛЕРДИ АЙТЫҢЫЗ

Кадыр түндө айтылган зикирлердин эң жакшысы – «Аллахумма иннакя аъфуввун, тухиббуль-аъфва, фаъфу аънни» (Оо, Аллах! Чындыгында Сен Кечирүүчүсүң. Кечиргенди жакшы көрөсүң, мени кечир). 

Ошондой эле төмөнкү зикирлерди да айтсаңыз болот:

❏ ЛАА ИЛААХА ИЛЛАЛЛАХ (Аллахтан башка сыйынууга татыктуу кудай жок)

❏ СУБХААНАЛЛАХ (Аллах айып-кемчиликтерден Аруу)

❏ АЛХАМДУЛИЛЛАХ (Аллахка мактоо-шүгүрлөр болсун)

❏ АЛЛАХУ АКБАР (Аллах улук)

❏ СУБХААНАЛЛАХИ УА БИХАМДИХИ (Аллах аруу жана Ага мактоолор болсун)

❏ СУБХААНАЛЛАХИ УАЛХАМДУЛИЛЛААХИ УА ЛАА ИЛААХА ИЛЛАЛЛАХУ УАЛЛААХУ АКБАР (Аллах аруу, Ага мактоо болсун, Аллахтан башка сыйынууга татыктуу кудай жок, Аллах улук)

❏ АСТАГФИРУЛЛАХ (Аллахтан кечирим сурайм)

❏ АСТАГФИРУЛЛАХА УА АТУУБУ ИЛАЙХИ (Аллахтан кечирим сурайм жана Ага тообо кылам)

❏ ЛАА ИЛААХА ИЛЛА АНТА, СУБХААНАКА, ИННИИ КУНТУ МИНАЗ-ЗООЛИМИИН (Сенден башка сыйынууга татыктуу кудай жок. Сен аруусуң! Чындыгында мен өзүмө зыян кылуучулардан болдум)

❏ ЛАА ИЛААХА ИЛЛАЛЛАХУ УАХДАХУ ЛАА ШАРИИКА ЛАХУ, ЛАХУЛЬ МУЛЬКУ УА ЛАХУЛЬ ХАМДУ УА ХУА АЪЛАА КУЛЛИ ШАЙИН КОДИИР (Жалгыз Аллахтан башка сыйынууга татыктуу кудай жок. Анын шериги жок. Мүлк жана мактоо Ага гана таандык жана Ал бардык нерсеге кудуреттүү)

￣￣￣￣￣￣￣￣￣￣￣￣ 
⚠️ Бул зикирлерди канча кааласаңыз айта бересиз. Ар бирин жүздөн айтыңыз же миңден айтыңыз, кыскасы эч кандай чектөө жок. Канчалык көп айтсаңыз ошончолук сооптуу. Ошондой эле зикирди айтардан алдын сөзсүз түрдө анын кыргызча маанисин да окуп алыңыз. Айтып жатканда Аллахтын улуктугун жүрөгүңүз менен сезип, жан-дилиңиз менен берилип чын ыкластан айтыңыз. Зикирди тил менен гана кайталай бербестен, андагы камтылган маанини жүрөк менен туюп айтуу зарыл. Мына ошондо зикир толук болуп эсептелет.

https://t.me/Akyretke_daiardyk

⸻

Пусть благословенный праздник Ид аль-Фитр наполнит ваш дом радостью, светом и гармонией!
Пусть Всевышний примет все ваши посты, молитвы и добрые дела, совершённые в месяц Рамадан.
Желаю крепкого здоровья, душевного спокойствия, благополучия и изобилия вам и вашим близким.
Пусть в сердце всегда живут вера, надежда и любовь, а каждый день будет наполнен счастьем и добром.

Ид мубарак! 🌙✨
Eid muborak
🩷🎊🎉

💖https://t.me/Akyretke_daiardyk