الغايب عن العين ساكن فِ القلب 💞
وزي ما بنقول إحنا
" سكن القلب، أصلو دهب نار وحطب 💞"

بصوتوا الرُجولي العميق الفخم جداً بدأ
ب جُملتوا المفضله
"الحلقه دي منكم وليكم إنتو الطلبتوها ، وانتو الح تديروها أنا ح أستقبل مشاركاتكم واتصالاتكم حتي رسايلكم علي تويتر  ونناقشها كلنا سوا  وموضوعنا للإنضموا لينا ياداب 

"الحب وتأثيرو علينا وعلي نفسيتنا ؟ "

وبدت الحلقه ب مشاركات الناس ، واحد ورا التاني
مشاركه أُولى :
-الحب يعني أغاني رومانسيه ، يعني راجل عاوز يتزوجك ، من قبل م يخليك تفكري حتقولي شنو لأبوك وأمك علشان يجي يقابلهم ،الحب إحترام وموده ورحمه ،ومعزه ، الحب راجل مهما كان قوي ومشغول وعندو مركز تفضلي أنتي فحياتو رقم واحد ..

-المشاركه البعديها من بنوته قالت :
=الحب بيأثر علينا شديد ، خصوصاً إحنا البنات ، أنا شخصياً بعد ما حبيت اختلفت تماماً عن ما كنت قبل ، حُبو ليا غيرني ، للأفضل  ، حفزّني ورفعني حببني ف نفسي ، خلاني أحبها ، اداني push  لقدام ،  دعمني ، شال عصبيتي اللي كان بيمتصها ب كلمتين حلويين ، "وضحكت " الحب دا ياه والله اجمل حاجه في الدنيا . بس نعرف نختار صح ..وها الله ها الله على الحب وعلي اللي بيحبو..
 
وحده مصريه إتصلت وبقت بتحكي :

-أنا أهلي بيقولولي اتجوزي الناصح اصل الحب لا هياكلك ولا يشربك ..

-عارفه اني لما اجوع الحب مش هيأكلني..
بس عارفه بردو إني لما اتعب وأنام في السرير مش هيسندني وهيجيبلى الدوا لحد عندي غير حد بحبه وبيحبني ولما اعيط وانهار مش هيطبطب عليا وياخدني في حضنه غير حد بحبه وبيحبني ، لما اتخن وشكلي يتغير واتبهدل مش هيفضل جمبي يشجعني ويرجعلي ثقتي في نفسي تاني غير حد بحبه وبيحبنى مش هخاف يبص برا مش هخاف يخونني ولما الحِمل يزيد عليا وازهق من الدنيا كلها مش هيهوّن عليا غير حد بحبه وبيحبني.. الفلوس ممكن تشترى احسن اكل وشرب واكبر بيت في الدنيا بس عمرها ما تشترى حنيه وراحة بال وأمان ابداً.

-وحده تانيه قالت :
أنا بصدق جدًا جُملة 
"الحب ما كل حاجة ، بس هو كل حاجه ،
في حاجات كتيره  أهم من الحُب ، علشان تقول دة يستحق تكمل معاه ، الحب مش حيخليني أكمل لو شخصيتك سيئه ، لو بتقلل مني ، لو ما مرتاحة معاك ، لو بتضربني ، لما تخليني اعاين لنفسي بطريقه ما تمام  لو ما بتساعدني أكون أحسن ، لو ما قادرة أكون أنا بطبيعتي معاك ، الحب ما حيخليني أكمل لو أنت ما راجل أقدر أتسند عليه لما أكبر وأعجز ، أنا بعاين لبعد كدة ، لسنين كل يوم أصحي فيها وأنا متاكدة إني ماغلطت في اختياري.

حكت وحده  تالته ورابعه وهو كان مستمع جيد جداً  ووبيرد ردود الطف من اللطافه نفسها ..  وأنا هنا بتفرج وقلبي مخطوف.

-لحد ما سالوهو ، إنت الحُب أثر علي نفسيتك كيف !؟

ف قال بعد م شال نفس عمييق كدا وضحك  :

=من يوم ما عيني وقعت عليها حبيتها ،
كنا بنطلع مع بعض كتيير شديد ك أصحاب وكتير من الناس بيعلقو ع إننا لايقين علي بعض ،  كنت ولا زلت مبهور بتفاصيلها حتي رغبتها احياناً ب إنها ماعاوزه تطلع وعاوزه تفضل مع نفسها لفتره طويله كنت بحب الحاجه دي فيها لإنها عارفه نفسها بتعمل ف شنو ؟
عارفه قيمه نفسها كويس جداً ، ف اليوم ال حصلت لي مصيبه لقيت نفسي اتجاوزت كل الناس وجريت عليها اتصلت ليها وجاتني ما كان عندي شك انها حتجي لي كنت واثق من معدنها ، من انها مهما حصل لي حتسندني م حتخليني أقع .

كمل كلامو و قال نكمل إستقبال مكالماتنا .. 
كملو الحلقه وفي الآخر قالوا ليهو وجهه ليها رساله  قال أنا حابب أقول ليها :

-شكراً  للإحساس الحلو اللي بتوصليهو لي كل يوم شكراً ع الأمان ال بحسو وأنا معاككي شكراً عـلي إن ماجا يوم وخذلتيني فيو وإنك مقدراني تقدير كبيـر جداً شكرا علي الثقة المنحتيها لي، لما بجي أتكلم عنك وأفتخر بـ دا شكراً على كل حاجة حلمت بيهاا وأنتي خليتيها حقيقة  قصاد عيني  شكراً  لإنك كنتي حلمي فـ يوم من الأيام وبقيتي لي  حبيبه وسند،  شكرا ع تفاصيل  ككل يوم  الححلوة بيكك وبوجودك شكرا لانكك علمتيني يعني شنو حب ولما عرفت أحب حبيتكك.

حلقتنا خلصت أشوفكم بكره لكم تصبحون علي خير ولها احبك 💞

وأنا على لسانُ حَالي :
وأنا تُحبك ، وقلبِي مَع قلبَّك لَو ديارَك بعِيدَه، 💞".

#الكثير_من_اللطف
#مقتطفات_حكايه_قلب
#ريما_عباس