صباحُ الخير حباً
تساؤل اليوم

إحساسك شنو لما تترفض من شخص انت كنت فاكرو بحبك ذي ما انت بتحبو وما متوقع منو الرفض ابداً ، كنت متوقع يبادلك نفس الشعور بس هو رفضك؟؟


نقطه وحده ح اعيدها تاني
" ما ترفع سقف توقعاتك "

لو الطرف التاني ما صرح ليك ب عضمه لسانو انو بحبك ما تتوقعها منو بناءاً على إحساس.
بالنسبه ل احساسي!

اتوقع حيكون شي حزين بالذات لما تكون باني احلام بانه ممكن الشخص دا حيكون مبادلك نفس الشعور عموما ما نهايه العالم وحتى احساس الزعل دا ما حيقعد وقت طويل
فتره وحتعدي، الجانب المشرق في الموضوع انك حتكون قدرت تحسم القصه واتكلمت بمشاعرك عشان ماتقعد تقول ياريت اتكلمت وياريت وياريت..

#ريما_عباس
#بودكاست_الصباح_البدري 🪴📌

تساؤل اليوم :
"محتاج شنو علشان اتعافى؟ "

‏أحيانا كل اللي بتحتاجه عشان تبدأ تعافي هو إنك تفقد الأمل ف الأشخاص اللي انت دايمًا متوقع منهم حاجة عكس طبيعتهم, حتى لو الأشخاص ديل والدك او والدتك,
لازم تتعلم تفقد الأمل و تتقبل الخسارة بدل ما تقعد تشارك مشاكلك و حزنك معاهم و تتلقى ردات فعل باردة ولامبالية او غير مراعية.‏
انا عارفة ان حقيقة إن اهلك ما زي الأهل اللي انت بتشوفهم عند أصحابك او ناس تانيين
ال حقيقةدي  بتوجعك و بتكسر قلبك بس مافي حاجة تقدر تعملها عشان تغيرهم, هم وصلوا لنمط الشخصيات اللي وصلوا ليها دي بعوامل نفسية كتيره  و مافي حاجة تقدر تقولها ليهم ح تغير شخصياتهم, ف فيهم أفقد الأمل فيهم. وبعدها ح تموووف اون 🍿

#بودكاست_الصباح_البدري
#ريما_عباس

#توضيح ل نقطه مهمه جداً لفتت انتباهي

لو البعد عن الشخص أو الحاجه البتأذيك قوّه لكن إنت ماقادر تبعد ف دا ما معناه إنك ضعيف.
ولو قلنا إن الانفصال هو الحل للعلاقات اللي مافي منها أمل لكن أنت صعب تاخد الخطوه دي، ل جا ما معناه انك ما عندك كرامه وان اللي قدر ينفصل دة أقوى وأحسن منك،
لأ خالص..
ظروف كل واحد فينا تختلف عن التاني واللي انا اقدر اعملو ما شرط انت كمان تعملوا ودا لا جهل فيك ولا ضعف منك،
ولكن اللي انا عملته هو المناسب لي وانت حتعمل المناسب ليك..

كل واحد فينا عنده أولويه، اللي بيختاروها راحته واللي يختار كرامته واللي بيختار العشره وعموما كلنا صح وكلنا عندنا هدف ف ما في واحد فينا أجمد من التاني كل الحكايه ان ظروفنا واولوياتنا مش شبه بعض؟

وضحت؟؟ 😊

#بودكاست_الصباح_البدري

📥ملحوظه مهمه ع السريع..

‏كل ما تجمعني ونسة مع شخص الأيامات دي ألاحظ إنتظاره لشيء ما معين،
في المنتظر حاليًا سفرة،
في المنتظرة يرجع السودان ،في المنتظر وظيفة، في المنتظر زواج، في المنتظر يرجع دراسة!

الفترة دي من الفترات البينطلق من خلالها
برنارد شو في تعريف الإنسان
Your patience when you have nothing
‏أيام الإنتظار دي، والمرحلة البتسبق دائمًا حدوث
الشيء الأنت منتظره دة بيتحدث عنها الإمام أبو حامد الغزالي حديث فضفاض عشان يختم في نهايته بجملة مفتاحية واسعة الدلالة ونصيحة عظيمة جدًا

" لا يطيق اليأس من طاق الرجاء "

عشان يعلن بإمتياز إنه دي أيام رجاء‏والرجاء في حد ذاته وبممارسته عبادة، بل هو من أركان العبادة الثلاثة، المحبة والخوف والرجاء.

- مهم عشان الفرج في الفترات دي الصبر ، وما بالصبر بمجرده لأنه الصبر أنواع

إنما [الصبر بالله] والصبر بالله بمعنى التصبر بالله كالصلاة والقيام والتضرع والإبتهال بالدعاء والأهم الإلحاح .‏- مهم في أيام الأنتظار دي وأنت لا تملك شيء إنه ربنا يلقاك مؤمن بيه ومؤمن بفرجه وبثقتك في إمكانية تحقيقه لمرادك ، محاربتك الأيام دي بالله بيمثل في حد ذاته عبادة , مهم جدًا من وسط كل الجموع و القلوب المنتظرة دي إنه قلبك يكون مميز بالرجاء ، دة الحيديك قدم سبق دائمًا لصالحك.‏ومن جميل الشواهد القرآنية شهادة ربنا سبحانه وتعالى عن سيدنا أيوب بعد سنواته مع البلاءات

﴿إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّاب﴾

عشان يكون الفلاح والمبتغى العظيم في الفترات دي إنه ربنا يلقاك فيها صابر ، منتظر ، ممتلئ بالرجاء ما مجرد أيام بتعدي وخلاص.❤️🌷

🔔#بودكاست_الصباح_البدري

ما تنسوني من دعواتكم عند الإفطار ❤️😎

By➡️ @lovefm21

Dear diary:

ليست من عادتي أن أنشر كثيرًا.
لكنني شخص يحب الكتابة.
أشعر أن بين أسطري يكمن الحل المناسب لمشاكلي.
لا أعلم لماذا تتسلل إلي تلك المشاعر الغريبة، التي تجعلني أشعر أنني مجرد شخص واحد وفارغ. في الصباح، أظن أنني أحاول فقط أن أؤنس نفسي في وحدتي.
لن أنكر أن نفس الشعور يراودني كل مرة، كأن اسمي لا يناسبني.
هل يمكن أن يتوافق الحزن مع البسمة حقًا؟

#ريما_عباس✅
#بودكاست_الصباح_البدري ⭐️

By 🎮 @Reemadiary