✨‏لاحظت حاجة مهمة بتخلي الناس ينتهكوا حدودك بأريحية و هي انك بتبقى مُتردد و أنت بترسم الحدود دي و بيبقى واضح عليك التردد و عدم الثقة و لما شخص بيعارضك بخصوص انك حطيت ليو حدود؟ بتخضع لمعارضته و بتتراجع عن الحدود اللي حطيتها و ممكن يكون ف بالك انك خايف تنرفزو او خايف يسيبك بس..‏وحط ف بالك أن فرضك لحدودك الجديدة على غيرك ح يخليك مُعرض لمقاومة كتيره من الطرف التاني و عادي يهاجمك و يتذاعل معاك أو يبتزك عاطفيًا عشان تتراجع عن اللي بتقولو،
ف لو اللي قدامك استمر ف السلوكيات دي و استمر ف عدم احترام حدودك؟
ف انت عارف ان ماينفع تبقى قريب منو تاني
انا عايزة اقول ليك حاجة مهمة، اللي مش بيحترم حدودك و بينتهكها و بيفضّل مصالحه الشخصية فوق إحتياجاتك و رغباتك؟
ف هو ماينفع يتواجد ف حياتك.
لو انت عايش في تهديد و قلق تجاه الشخص و بتخاف تحط له حدود عشان قلقان من انو يسيبك؟
ف أعرف كويس جداً إن دة الوقت اللي إنت لازم تمشي فيه.✅

#ريما_عباس

https://t.me/lovefm21 🔗

تساؤل اليوم :
"محتاج شنو علشان اتعافى؟ "

‏أحيانا كل اللي بتحتاجه عشان تبدأ تعافي هو إنك تفقد الأمل ف الأشخاص اللي انت دايمًا متوقع منهم حاجة عكس طبيعتهم, حتى لو الأشخاص ديل والدك او والدتك,
لازم تتعلم تفقد الأمل و تتقبل الخسارة بدل ما تقعد تشارك مشاكلك و حزنك معاهم و تتلقى ردات فعل باردة ولامبالية او غير مراعية.‏
انا عارفة ان حقيقة إن اهلك ما زي الأهل اللي انت بتشوفهم عند أصحابك او ناس تانيين
ال حقيقةدي  بتوجعك و بتكسر قلبك بس مافي حاجة تقدر تعملها عشان تغيرهم, هم وصلوا لنمط الشخصيات اللي وصلوا ليها دي بعوامل نفسية كتيره  و مافي حاجة تقدر تقولها ليهم ح تغير شخصياتهم, ف فيهم أفقد الأمل فيهم. وبعدها ح تموووف اون 🍿

#بودكاست_الصباح_البدري
#ريما_عباس

ح قول لك حاجة
التنازل بيجيب تنازل وبيخليه فرض عليك .. ولو في يوم ما إتنازلت بيلوموك.
فيا ريت من اليوم تعمل حدود مع كل شخص .. لأن أول واحد ح يبيعك اللي أنت ضحيت واتنازلت عشانوا ..
ما عشان أنت كعب .. لأ
عشان هو فهم التنازل علي أن دي قيمتك القليلة اللي تستحقها .. ف ما ح يعرفوا يترجموها لحب أبدا.📥

#ريما_عباس

انا حرفياً استوعبت خلاص ان مافي أهم من صحتي و سلامي النفسي ،
دا اللي أولى عندي حالياً إني احافظ عليه ، مابقا فارق لي حاصل شنو حوليني ؟
ولا منو قال عني شنو ؟
ولا دا عمل كده ليه !
، بقيت شايفه كل دا فعلاً اهيف ما يكون بالنسبه ، و اقل من انو يشغل بالي او ياخد حتي مساحة من تفكيري ، بقيت موفره كل طاقتي لنفسي ، بعيد عن أي مجادلات او نقاشات طويلة مع اي كان ، بعيد عن أي ضغوطات و حرق أعصاب في زعل و عتاب و خلافات ..
ببساطة كده تقدر تقول
" اني كبرت دماغي من الدنيا كلها و اشتريت راحتي و نفسي "..👌

#ريما_عباس
#بعض_من_اللطف

نقول تاني

التمسُّك وقت الشدة أهم من الكلام الحلو، الجدية في العلاقة أهم من كلام الدلع اللطيف،
و تحمُّل العتاب من الطرف التاني أجمل من كلمة "إشتقت ليك " اللي بتتقال أوقات الود والدنيا لطيفة،
إعتذار صادق من القلب عن غلط أو تقصير أجمل من أجمل قصيدة،
الصِدق في الوعود والإلتزام بالكلمة وإحترام إنتظار الطرف التاني هم الحب نفسه ، إحنا بنكبر وبنشوف الدنيا بنظرة مختلفة،
نظرة بتمجِّد التعب والمجهود والأفعال، وبتبطَّل تنبهر بالكلام طالما ما إرتبط بفعل💕 .

#بعض_من_اللطف
#ريما_عباس