كنز القناعه غناة النفس لـ الراضي
يعيش دنياه .. فاهمها وفاهمته

هيه ياللي فارقٍ بـ الغلا قدر ومقام
‏والله إن لك بين الأضلاع قومه وقعده

‏في عيوني والله إنك محط الإهتمام
‏وإن شوفك شف قلبي وعيده وسعده .

‏إن ضاقت الأرض كان الحب ياسعنا
‏معقوله أيامنا صارت من الماضي ؟
‏
‏كل ما جلست بـ مكانٍ كان يجمعنا
‏يملاني الشوق من كرسيّه الفاضي .

يوم المعادين صاحو وين ذبّاحي
‏والنّاس من كثرة الأموات ماخوذه

‏برّدت تسبدي وقلت ابرّد سلاحي
‏وقمت اتعيّن صورّك داخل الخوذه

‏رشّي على الصدر يا بيض السحاب القنوف
‏مبطي و أنا ما حصل لي قطرةٍ في يدي .

‏حياتي بـدونه مثل بيـتٍ بلا سكان
كساه الغبار وعشعش الطير بركونه

صافحت كفّي في خيال العزيزين
‏وأثره جنون الشوق صافح يديني .

تعكزي بي ترا وضعي على مايرام
‏حتى ولو شفتي بيمناي غصن شجرة

‏انا وعدتك قبل خمسة وخمسين عام
‏مايلحقك من غرابيل الزمان شعره

شفتو الورد الحقيقي صار وين ؟
يشبه المعروف في بطن الردي .

عن الغياب الجازم قيل :

‏العام علمتك إن ما عاد لي طاقه
‏وليا افترقنا ترى الفرقا "هي الفرقا"

‏_ عمر الودعاني

‏ماهو بـ دايم بروح شوي واعوّد
‏إن رحت هالمره الروحه "هي الروحه"

‏_عبدالله السراهيد

‏أنا من اللي ينتظر وأن راح ؟
‏بـ يموت مافكر "يجي بعدين "

‏_ ربيّع بن كلثم

لا انتهى عمر الغلا وأقفت عن ديارك رحالي
‏لك يمينٍ بـ الله اني ما اتنازل بـ "التفاته"

_ عويّد النجود

عن عزة النفس قيل :
‏" خلي دايماً عقابك هو إنسحابك "

ويقول سالم حمد :
‏ مثل ما كنت تدري قبلها عن غلاك
‏والله لتدري أني كنت واجد عليك .

يقول عبدالله بن دايس :
أرحل لو انك ماتملك قيمه هدومك
‏كل شي و لا انّك تجي على العرب عاله


ويقول مساعد الرشيدي "الله يرحمه"
وانا احمد الله عزيز وسابقي حره
‏مالي ومال القصير الناقص الداني .

ويقول سفر الدغيلبي :
ما يضاهي عزّة النفس بالدنيا غناة
‏عن دروب الذل يا خطوة العز أنتحي .

بين حيرة حمدان المري :
‏وش عاد اسوي يومك أقفيت عني‏
لا أنا أتبع المقفي ولا أحب فرقاك.

‏و كبرياء حمد السعيد :
‏ماتعودت أتبع المقفى ولو حضرت جنابك
‏رح عساها خيره والدرب لك عرضه وطوله.

‏عن الحال :
‏والله اني شبه منهار وان قلبي حزين
‏من ظروفٍ جعل الايام تقطع صيبها

‏ عن الحظ :
‏ان عطاني الوقت فرحه لمدة ساعتين
‏جاتني صكات بقعا وقالت جيبها

‏ من الآخر :
‏الليالي كنها الحيره بوجه الفطين
‏ما اقدر اعرف رداها ولا اعرف طيبها

‏من مجريات الوقت لا دارت رَحَاه
‏صرنا نحس إن الطمأنينة كمين

‏حتى الحزن يبي من الواقع نجاة
‏ما يزبن الّا في صدور الطيبين

‏ماعلى وجه البسيطه مستريح
‏كل جوفٍ فيه همٍ منزوي

‏القوي يحاول انه ما يطيح
‏والضعيف يحاول يسوي قوي

كل موقف درس والخذلان دايم خيره
‏ لا تكبّر قيمة الاشياء و لا تتهقوىّ

‏كل درب تزل رجلك فيه دور غيره
‏كلها يومين تتعافى و ترجع أقوى

‏اعتقد في حبال صوتك مزيج من الكحول
‏مستحيل افقد شعوري .. وانا في مكالمه