صباح الخير اماً بعد :

‏"مصير الوقت يشرح لك ظروفه لو غفلت ونمت
‏يصحيك الزمان اللي يصحي كل من نامي"

- سعد بن جدلان رحمه الله

‏﴿يُدَبِّرُ الأَمْرَ﴾
لا قلق بعد هذا الوصف ولا خوف ولا حيرة.❤️

"اللهم إني أسألك نفسًا مطمئنة تؤمن بلقائك وترضى بقضائك وتقنع بعطائك"

الوتر ✨

‏"في حطام الوقت والحسره على مرّ الليالي
‏بين تقليب المواجع والمحطات الأليمه

‏كنت أزيل الذكريات اللي تمرّ بدون والي
‏لين ماوقّف حنيني في مشاهده القديمه

‏عند صورة وجهك اللي ماتزعزع من خيالي
‏كل مايطري فـ بالي تلحقه بسمه .. يتيمه"

‏ويمرّ طاريك ويهب الهوى من شمال
‏ويعكّر الصفو .. قلبٍ ، يطلب إعانته

‏لازال يعزف على لحن اللقا والوصال
‏حتى .. لو إنه "يعاني" وسط زنزانته

‏ماغيّرت منزلة حبّك صدوف الليال
‏جوارحي .. لو يطول البعد ما خانته

‏ماآحبك إلين تاخذك السنين الطوال
‏آحبك .. ( إلين ربي ) ياخذ آمانته

‏أنا نسيتك .. بس توّي ذكرتك
‏يومي شملتك بالدعا لا إرادي :(

‏"عادك ورا عوج الضلوع مقيم والناس نزّالة وشدّادة".

‏في قانون الحُب، الصباح الذي لا يبدأ بتأمّل وجه من تُحب يبقى ليلًا حتى إشعار آخر ،

‏لذلك قال عابر:

‏"صبحيني بالرماح اللي تحت حجانك
‏والبرد والجمر والسيف الحدب والجوري"

‏عبدالمجيد عبدالله ذكر في أغنيته،
‏( بعدي وقربي أستوى في كفة الميزان )

‏وطرا علي بيت يحمل نفس الشعور /
‏"لا أستوى في عين شوقك رحيلي مع بقاي
‏أستوي يا الارض.. ما للغريب الا أهله"

‏الوكاد أنه شعور، ما ودّك إنك تجربه من غاااااالي "

‏" يا عزيزي حنّا بدو الديره إذا ضاقت علينا عفناها ومشينا "
‏- فما بالك بالقلوب؟

‏يقول راشد بن خديعة :
‏الإنسان كانه ماشقى ماعاش فالدنيا سعيد
‏لولا الشقى ما كان للدنيا طراة ولا طعم.

عسى مقابيل الليالي تباشير
علم يسره الخاطر ولايضره.

اللي يغرّبني عن الناس واجد
واللي يرّجعني لنفسي قصيده

وصف بليغ ومُختصر وأعتقد إنه أسلوب حياتي أيضاً

فمان الله وأسحب سالف أعجابي
‏أبرحل عن مداهيلك . . وأخليها .

يارب عبدك تايه بين الذنوب
‏مالقى راحه غير في سجده يناجيك

‏يمشي على جرحه، ولا قال اتوب
‏لين الهوى جره لطيش يعصيك

‏مابين خوف منك، وحزن له لهوب
‏وبين ندم يسري، ودمعه ترجيك

‏يمشي بدرب الخطا ماشاف دروب
‏ويطيح، لكن ما نسى يوم يناديك

كان مساعد الرشيدي -رحمة الله-
‏يشرح كيف أن الانسان في عز ضعفه وخسارته
‏انه يظل يحب اللي يحبه وقال:

‏ احبك رغم تجريح الليالي لقلبي المقهور
‏اشوف الجرح يكبر وانت تكبر وسط تفكيري
‏ /
‏احبك من هنا حتى طلوع الفجر حد النور
‏صحيح انك قدر محتوم بس اجمل مقادير

‏بخير يا ناشدٍ عنّي يا جعلك بخير
‏لو الله يفكنّي من نفسي و سِوّها

‏بعدك تغيّر روتيني فالزمان الأخير
‏على كثير الأماني طاغيٍ شوّهـا

‏انام واخفف من الأكل واقرا واسير
‏واصدّ عن ليتت الأنفس وعن لوّها

‏وادوّر الضحك لو اضحك مع لي غرير
‏من قفّت اشين سوالفنا بـ محلوّها :)

‏– محمد بن الذيب

مساء الخير اما بعد:

‏من يحط الله تعالى بين عينه
‏حطه الله في المقام اللي يسره .

‏من تالي:
‏"الوقت غير مع الايام .. تفكيري
‏أستصغر المشكلة والنار وهاجة".