أشتاقٍ لك في غيابك وين ماكنت .

عزالله ان الحياه ماترحم الناس الكرام
دايمٍ اشوف الحزن علي وع قلبي فايق

عقبه عفت الحياه وقد عليها كثير السلام
حاولت اخفي حزني وتعبت مابه طرايق

ومن الشوق اتمنى اشوف صورته فالمنام
عزالله اني فقدته فقد قحطان لـ بن شايق .

‏ماغير اتخيل صورته بعد فرقاه .

والله إني مانسيتك يافقيدي ولا سهيت
كيف أبنسى حرقة فراقك وأنا بعدك كسير

من بعد موتك مريض وكل ماتطريٍ بكيت
ماحسبت حساب فقد ولاهقيت انه يصيّر

كل ماحاولت أبسلى من همومي ماسليت
عودت بي ذكرياتك تطحن الضلع القصيّر .

فقدت الذرا والظل والعرف والتوجيهٍ .

اشوفك ملاذي في حضوري وفي منفاي
‏ماودي تغيب ولا تقصر فـ ماجوبي

‏يعيش الغلا لاصار طيفك على مسعاي
‏ويموت الغلا لاغاب طيفك عن دروبي

‏لو اني ماهيب ايات حاجه تجيب اقصاي
‏خطفني غلاك وجيت لك يا اجمل ذنوبيٍ .

كل صبُح أرسم ظلالك حول ظلي .

سابقاً لاهيّ .

{ صدقه جاريه لـ جدي رحمه الله } .

{ صدقه جاريه لـ فلاح رحمه الله } .

‏﴿ رَوحٌ ورَيحَانٌ وجَنَّةُ نَعِيمْ ﴾
‏اللهُم طمأنينة تحيط قبورهم ، اللهُم نعيم يحفّهم، وأنهار تسرّ ناظرهم ، اللهُم الخلود لأرواحهم في جنةٍ مثل التي كانت بقلوبهم ، اللهُم أرحم موتانا ومَوتى المُسلمين .

: