أشيل العزم خلف الحلم لين يجيبه التحقيق
‏و إذا حققت حلمي صار حلمي شبه روتيني

أعوذ بالله من سعيٍ بليّا حصيل
‏ليا أصبح ســراب ما يروي كبدٍ ضاميه

سواليفه العذبه تطيّر عماس الراس
‏لا سولف معي ماكنه .. إلا مقهويني

‏تجيني على غفلة من الليل و الترحال
‏وأحب النسيم اللي يجيبك .. وأهلّي به

‏زرعك الله فقلبي مثل ما زرع فـالبال
‏سوالفك صورّك و صوتك و ترحيـبه

‏تنحّرت لي بعض المساعي و دربي طال
‏وعرفت إنك المسعى .. بحلوه و تعذيبه

دخيلك على بعضك ولا هي بدعوة عتاب
‏تعيد النظر في البُعد من قبل لاتبديه

‏عليك الله أكبر وأنت حكمك شريعة غاب
‏تجي بالطعون وتجرح الخافق وتدميه

‏وأنا أموت فيك وِصال وأموت فيك غياب
‏وهي موتةٍ وحدة مع فارق التشبيه

‏أحبك ولاتسأل حبيبي عن الأسباب
‏أنا لو أعرف أسباب حبك قدرت أنهيه !

ليلةٍ نسناسها عجّل .. وثوانيها طويلـة
‏في طرفها يلبس الملتَـاع جلباب الطواري

‏وماضيٍ كنه مصابيحٍ تشع بْلا فتيـلة
‏وحاضرٍ كله تنهـات وتحسَّاف ومساري

صيبًا نافع يا ربي، ومدرارٍ غزير
‏بأمرك تسابق بروقه بَرد وسميّته

‏ما تلده ريحٍ إن هبّت تعكس المسير
‏هاديٍ وبله يشيل السعد في جيّته

‏يغسل صدري بعد وعكة الجرح الأخير
‏لين تشفى علةٍ دمرت نفسيّته

داخل على رحمتك تغسلني من الذنوب
‏ لو سيئاتي تبي غير رمضان .. رمضان

ما بعتك بالسحايب والبروق السمْر والأنسام
‏وساموني بتلويحة وداع، وبِعت بأوّل سوم

أمانه وش معي ولا وش اللي من غيابك لي ؟
‏يا كود الونّة اللي ما تعدت صدر راعيها

أستعذبك، وأنت أعذب من الماء في حزّة صيام
‏وأنسى معك بُعد المسافة دامك غايتي

كنت أقول إني لو تضيق الوسيعة ما أضيق
واكتشفت إن البني آدم ضعيف ولو قوى

كل ماسقت القدم يم السعة ضاق الطريق
وكل ماحطيت رجليني على درب التوى

أمتلت عيني من الماء وفي صدري حريق
والطعون اللي من يدين الحبايب مو سوى

والله إني كنت أدف طويق واطيح طويق
لين صرت أطيح لو يلفح طرف ثوبي هوا

من العايدين وجعل أعيادك تعود
‏وجعل الظروف القاسيات أتلاين
‏
‏أهم شيء إنك على الأرض موجود
‏وباقي الأمور واللي وراها هواين

أدري ما على قلبي من صدوف الفراق خِلاف
لو إن نوبات حزن الذكريات تضيّق ضلوعي

ومثلك ماتردّيه الليالي .. ومنه ماينخـاف
لو إنك كاشف أسراري وعارف وش هي طبوعي

لكن ليه الحياة الجايرة ماتعرف الإنصـاف
ياكيف أحلى الليالي معك تسقى بمالح دموعي ؟

لو إنه يعتري عين الحزين من الغياب سهاد
عجز ينسى على درب الغرام أوّل مشاويرك

عوافي واتفدى الجرح دامه من يديك انصاب
‏لو إن العافية من حالي المنكوب منصرفه

مابي أخاف الخوف لامن حدني من كل صوب
‏أخاف أموت ولي معك كلمة غلا .. أجّلتها

تلقوني بتويتر
lhiir1