مهما ڪانت علاقتي بالشخص، ومهما ڪان اللي صار بيناتنا، منقدرش نڪون أنا الطرف المؤذي، سوا ڪنت غالطة أو مش غالطة.
ومش لأن الشخص يهمني، ولا لأن هذا ضعف مني مرات يڪون شخص اول مرهه نتعامل معاه في حياتي، لڪن طبع فيا يخليني نضرب الحولة على حاجات مضايقتني، بس عشان منبيش نخلي ورايا أثر مش حلو.
يمڪن هذا غباء مني، ويمڪن نبالغ في محاسبـه روحي، لڪن بجد أنا نحب روحي لدرجة منحبش نقعد مع نفسي ونلقى روحي متجاوبة مع الأذى، أو إني ڪنت سبب في وجع حد، حتى لو ڪنت أنا اللي متأذية
مرات نكون مضايقه من الموقف وعندي ألف سبب يخليني نرد لڪن حاجة فيا ديما توقفني، لأني ببساطة منبيش نڪون الشخص اللي يوجع غيره، حتى لو هو وجعني.
انا من الناس اللي ما يتحملوش القسوة سوا ڪانت في كلام أو أسلوب أو نظرات نتأثر م لحاجات اللي غيري ممڪن يعتبرها عادية