وحك من حاطلك شامه...على شفاك
احبك وليحب يفدي...على شفاك
يخايب هل دنت نفسي...عل شفاك
تدنه وخل حرام الله عليه

ليش تكسر خاطري چي مشتريك
واني لجلك روحي ماحاچيها

گتلك امسح عيني غرگت بالدموع
ما گلتلك حط اصبعك بيها

مو بگد الجرح لا تسأل عليه
ويا جروحي تهزك إمن أحچيها

فشلة عيوني عمت لو عمري ضاع
لو دموعي الگبل ما باچيها

آخ لو بس ترجع أيامي هذيچ
چا هدمت أحلامك البانيها

وچان رديت الدموع إعله الجفون
ولو تموت گبالي ما بديها

وخاف ترجع بعد تضحك عالغشيم
شموع ضحكاتك يكون أطفيها

لكن شترجع بعد والراح راح
وحته لو ترجع رخص غاليها

يا سفن الأشواگ صارت ذكريات
إوي النوارس تيهت شاطيها

ويا عمت عين الجرح لو حن عليك
جروح تحني الراس ما أخليها

گبل شلتك حلم بعيوني شجاك
تصير خنجر بالحلم تعميها

أمنتني شموع بالنار ومشيت
شتظن باچر من ترد تلگيها

صور خوف إبالي ظلت من مشيت
الموت يخطف من يمر طاريها

وگف حتىٰ الوكت بيه وگمت أشوف
الساعه ميته وميلها يجر بيهه

ذابله عيوني وردت ليلك يفوت
وفات ملحك وإشتهه يسويها

إتگطعت بيناتنا كل الجسور
الضفه ع الضفه العمة يدليها

گبل طاحت دمعتي بس مو أكيد
باچر يجوز أستعز أطيها

الدمعة مهره وتعرف الخيال زين
وهسه دمعاتي إتعرف راعيها

لا تسولفلي إعله جرحك عمري ضاع
الجرح يشفه إسنيني وين الگيها

تبچي چي مايك تبده إعله السراب
وآنه روحي لخاطرك چافيها

كون مو گد الهوىٰ شجابك عليه
چفوف مو يمك شكو تلاويها

لا تبرر ذبلت الوردة بأديك
أنت مو گدها الشمس شعليها

وردة ماتت المن ترشلها ماي
وهذا يا هو الگالك تحييها

صرت كتالي برگبتك دمي صار
وذيچ روحي بذمتك خليها

سالفة العاف القفص يرجع عليه
شعنده راجع هاي لا تحچيها

آنه ردتك لمن چانت بيه روح
ترجع إلمن بعد روحي شبيها

تفگه المكتره بساعات الثگال
فشله من يگضن تجر سرگيها

ولا تعيرني بجرح غير أنت هاذ
آنه لو أعرف جروح أشريها

إطيب لو مهما تمر بيها السنين
جروح المسودن شمس تچويها

ما إدوم وداعتك يوميه راي
إبدمعه وإبضحكة السنين أگضيها

شالتك دنياك بس باچر إطيح
وترجع إسحگك سحگ رجليها

مثل طبع الگاع مره تصير بور
ومرة يصعد للشمس برحيها

شوف وين وياك وداني العتاب
خل أرد السچة ما ماشيها

وهي تصفه شلون مو شغلك هذاك
روح عني وربك إيصفيها

السمه هاي شكبرها و النجوم شهود من احطها بصدري
ثق
تضيع كلها ترا هاي النجوم تدلي اليتيه وترا نجمه
تحب اليركع الها لا تركع وخلي نجوم تضيع
مابيه بخت كون اركع الها انن السيف ذاك الما تصهره
النار
وانه ذاك العجيد الما قبلها ترا الدنيا خرافه وبيها جلبت
ناس وترا قله قليله الي صدك هدها شنهي الدنيا
حتئ تحس الها حساب
وعليمن هلقلق؟ والموت ماچلها
عيش بمشتهاك وهنه هلجم يوم
ماعنده بخت كلمن يذل لها
لا تقبل تعيش وانت روحك طين
وابد لا تستحي بس كوم غسلها....،

شتاگلك والليل وحشة
ودمعتي التنزل ثگيلة
وصوتها من تطيح عالي
حتى محد يدري بيها
اركض اتلگاها بيدي لمن تمر اعلى بالي
انتَ وين؟
اني نص موعد بدونك
مدري ياهو يسد مكانك
وحشة فراگك جبيرة
جبيرة بكد عشرتك!
نار تكبر تحرگ بروحي امنيات
مشتاگلك والليل وحشة
ودمعتي التنزل ثگيلة
وصوتها من تطيح عالي
حتى محد يدري بيها
اركض اتلگاها بيدي من تمر اعلى بالي
انتَ وين؟
اني نص موعد بدونك
مدري ياهو يسد مكانك
وحشة فراگك جبيرة
جبيرة بكد عشرتك
نار تكبر تحرگ بروحي امنيات
ويعلى دخان الضنون
وطير امل روحي احس بي يختنك
وكل هذا وانه
باقي ادور بلكت الگالي وعد مانفترگ
بلكت الگالي حلم مامحترك
لو جمرة منه
حتى اشوفك اصبر وتنشف دمعتي
وترجع بروحي الحياة
انتَ موجود بحياتي تروح تبقى
حتى بعيوني من ادور تارك ذكريات
جفي بعده باقي اثر عسفك علي
ناصح تشوفه لكن محد يلمسه بأدي
من طفولة موعدي وياك
الگمر ماخذ عليك
بيدك يضل ويلاانتَ تمشي عنه
بكل هدوء اتركه غافي
تبوسة وتگلة حبيبي نايم
ونومك عوافي
وتمشي عنه وارجع بلياك اتاني
والسمه تغيم وداع وتمطر بحضن الثواني
وابرد واسئل صفنتي يمتى اشوفك
يمتى اخلي الساعة تفتر من جديد
شلون اخلص ليلي وحدي واني احس انك بعيد
جفني ساكت گوة يمي
خاف اموت
يبچي سكته حتى ماحس بالدموع
يمتى اشوفك
تتعب عيوني من اركز بانتضارك
يمتى اشوفك؟
تتعب عيوني من اركز بانتضارك
واعدتني وكتلي اعود
وكلشي عاد
خوفي حسرتي حيرة الضنون العذاب
كلها ردت الا انتَ
شما اصد بدربك الا الصورة تتحول ضباب
شماركضت لنهرك ارجع مكتشف نهرك سراب
منو اليندلك طريق
الليل؟
الليل لامايدري بيك هواي
جم مرة سئلتة ورفض ينطيني جواب

فيما مضى وقتا جميلا وانقضا
واليوم أقضي ليلتي أحصي بنجمات الفضا
ذاك الذي أسقيته من ماء عيني
مدة ما عاد يشعر بالرضا
فوضت أمري للذي خلق المشاعر كلها
عبدا ضعيفا تائها متكاسلا
متمارضا ما بي حيل أرفع جفن
ذبلان جسمي من الحزن والدمع
الدمع من كد ما نزل ما خله لون برمشي
محتار باحلامي البقن شو ما رضن يتحققن
مثل اللي يشوف ابنه
البكر كبران بس ما يمشي
ما عندي كلشي بيا بخت يردوني أرضى بكلشي
وحدي بغرفتي وأي بشر ما أحمله وما أطيقه
و ما أريد أسمع لا نفس لا صوت لا موسيقى
الأعمى يوكع لو عثر بأصغر حجارة تعيقه
خلوني وحدي ولو متت بس أمي ترفع نعشي
إن داهمتني حسرتي يا ربي ما أقساها
أبدو ضعيفا عندها طفلا إذا أخشاها
طالت عليا نهايتي أحتاج أن ألقاها
لو كان عمري باسما لا ما
رجوت لقاها بس هي ظلت للرخص
مو وكت اللي يحب بحرص وكت الأفعال الجارحة
و يا قلبي بطل لا تحس و لا تنتظر
دورة شمس باجر شبيه البارحة
خسرانة يا روحي العشق
والصحبة بيمن فالحة
أمضيت عمري منصفاً ما افكر آخذ غيبة
قد كنت شخصاً طيباً بس ما تفيد الطيبة
وتأمل الناس التيجي مو مثل الناس الرايحة
و يا جفني يالدمعك نزف الميت غريب
و موعرف ادينا واجبنا
وخلص خلينا نقرا الفاتحة
وخلنفتهم أكبر غلط نربط فرحنا بأي شي
مو تدري يا جفني الدمع ما خلا لون برمشي

مريض اني ونزل مرضي على...شفاي
وطـب لندن فـلا يڪدر على...شفاي
حبيبي مـن تحط شفتك على...شفاي
اطيب ومايظل كل مرض بيه

اضن الله بكذلتك...بده ليله
يخلي وكلبي يمك...بده ليله
اذا قيس على ربعه...بده ليله
ابديك على اخوي والديه

ادوخن من أضل وحدي...بلاياك
مصايب كلبي ما تنحل...بلاياك
شلي بدنياي يا روحي...بلاياك
الموت اهون ولا غيابك عليه

وشحط بالملح ويغزر...وياهم
حملت الضيم والذله...وياهم
امس غثيتهم حته اعرف...وياهم
ملاعين وحچيهم طعن بيه

حربية يا زين الاسم والطيب عنوانه
يا وردةٍ بين البشر ما شفت أنا مثلها
ضحكتچ تسوى العمر وأيامه وأحزانه
وعيونچ حكاية حب ما أملّ من أهلها

حربية يا نبض قلبي ويا أجمل أمانيه
من شفتچ صار الهوى ساكن بعيوني
إنتِ القصيدة وإنتِ أحلى معانيه
وإنتِ الغلا اللي ما يغيّره الزمن دوني

حربيّة يا وردةٍ بين البنات تميّزت،
يا طيب قلبٍ بالوفا دومه تزيّن،
من شفت عيونچ، روحي إلچ انحازت،
وصار حبچ بوسط گلبي ما يتعيّن.
يا حربيّة، يا أجمل من مرّ بطريقي،
يا ضحكةٍ تمحي من القلب التعب،
لو يخيّروني بين الدنيا ورفيقي،
أختارچ إنتِ، لأنچ أجمل حب. ❤️