Бугун Хитой Халқ Республикасининг Lanzhou университети Коммунистик партиясининг бош секретари Ma Xiaojiye бошчилигидаги делегация «ТИҚХММИ» Миллий тадқиқот университетига ташриф буюрди.

Жорий йилнинг Апрель ойида университетимизда ташкил этилган "Иқлим ўзгаришларини ўрганиш" лабораториясини мониторинг қилиш, ҳаво сифатини ўрганиш бўйича навбатдаги учрашув бўлиб ўтди. Учрашувдан кўзланган мақсад икки университетнинг ҳамкорлик даражасини янги босқичга олиб чиқиш, келгусида қўшма таълим дастурини йўлга қўйиш, магистратура талабалари ва ёш олимларнинг алмашинувини ташкил этиш бўйича келишувга эришилди. Ушбу соҳада етук кадрлар тайёрлаш бўйича мукаммал йўл харитаси тузиш белгилаб олинди.

Учрашув сўнгида Ma Xiaojiye бизнинг университет билан ҳамкорлик ўрнатгани ва икки мамлакат ривожи учун ҳисса қўша оладиган олимларни биргаликда етиштириб чиқариш йўлида амалга оширалаётган ишлар тез фурсатда ўз натижасини кўрсатаётганидан мамнун бўлиб, университет раҳбариятига Lanzhou университети номидан миннатдорчилик билдирди.

—
Tiiame.uz | Facebook | Instagram | Telegram | Youtube