СЕЙБІТУ БЯДЫ

Зло сеяў шмат гадоў
І горкіх пазбягаў пладоў.
Ён выхаваў садыстаў
Ды іх прыгрэў рублём.
Уведаў сталініста
Нацыянальны дом.
Відушчы люд на сходзе
Даў сейбіту бяды
Прысуд: “Цярпець нам годзе—
Жні, пажынай плады!..”
11–31.08.2020

Васіль Жуковіч. Дзеяслоў №109

17 лютага (серада) а 19.00 адбудзецца "Творчая кухня" з паэткай Настай Кудасавай 🌸

У сераду паразмаўляем пра яе новую кнігу "Вясна, вуснам цесна", прэмію Міхася Стральцова, абмяркуем, ці складана вывучаць удмурцкую мову і як пісаць вершы ў перыяд грамадска-палітычнага крызісу. Таксама паэтка прачытае некалькі вершаў і адкажа на пытанні гледачоў.

Глядзець трансляцыю можна ў сацсетках Беларускага ПЭНа і “Еўрарадыё” і на Youtube.

“Творчая кухня” – сумесны праект “Еўрарадыё” і Беларускага ПЭН-цэнтра. Гэта праграма, дзе літаратары дзеляцца сваёй творчасцю анлайн: чытаюць вершы, прозу, пераклады, спяваюць, расказваюць пра сваё жыцця падчас пандэміі і грамадска-палітычнага крызісу і адказваюць на пытанні гледачоў.

Радзіма там, дзе начуе душа
#цытатадня Рыгор Барадулін

Калі вы прапусцілі трансляцыю фестывалю, зрабілі для вас фрагменты найбольш важных падзей:

Цырымонія ўручэння прэміі Міхася Стральцова: https://youtu.be/KV6vOEB7TPY

Цырымонія ўручэння прэміі "Залаты апостраф": https://youtu.be/J2Q_Wf1X45k

"Творчая кухня" з Настай Кудасавай пачалася! Далучайцеся да трансляцыі!

https://www.youtube.com/watch?v=M3kQoGDpEVs&feature=youtu.be

У новым выпуску праграмы "Кантэкст" гутарым з паэткай, рэдактаркай, дзіцячай пісьменніцай Аксанай Спрынчан.

Прыемнага прагляду і не забывайце падпісвацца на наш канал!

https://youtu.be/gbfx0tLUL0I

Кахаць, вучыцца і працаваць дзеля вызвалення Беларусі!
#цытатадня Максім Гарэцкі

18 лютага 1946 года Якуб Колас зрабіў такі запіс у дзённіку: 

«Хацелася б запісаць усё, чым жывеш, што думаеш, што збіраешся зрабіць. Але гэта марны замах. Усяго не запішаш. Можа, было б добра мець стэнаграфіста, які адзначыў бы ўсе думкі, усе пачуцці і рухі душы... У тлуме ўсіх гэтых разважанняў першае месца займае старасць. Як ты ні "хорохорься", а ты адчытаны чалавек. Стой, брат, падумай: а можа, гэта і не так, можа, ты яшчэ здолен на нешта патрэбнае людзям <...> Покі носяць цябе ногі, ты нешта рабі, рабі тое, што трэба людзям...».

🌟Прыём заявак на прэмію імя Наталлі Арсенневай за найлепшую паэтычную кнігу на беларускай мове адкрыты!

Галоўныя крытэры для падачы:

🔘жанр кнігі – паэзія;
🔘мова кнігі – беларуская;
🔘кніга павінна быць выдадзеная ўпершыню ў папяровым ці электронным выглядзе
🔘кніга выдадзеная ў 2020 (кніга, якая была выдадзеная ў 2019, але па нейкіх прычынах не ўдзельнічала ў мінулагодняй прэміі, можа быць пададзеная ў гэтым годзе)

❗️Дэдлайн - 11 сакавіка 2021 года.

Падрабязнасці і форма для падачы заяўкі на сайце ПЭНа па спасылцы.

Свежы нумар часопіса "Дзеяслоў" едзе да сваіх чытачоў

Чым за морам віно піць, лепш у Нёмане вадіцу
#цытатадня Народная прыказка

📜Найстарэйшы італьянскі часопіс славістыкі «Ricerche slavistiche» прысвячае сёлетні нумар Беларусі і запрашае да ўдзелу даследчыкаў беларускай культуры.

Падрабязнасці чытайце на нашым сайце👇

https://pen-centre.by/2021/02/19/najstarejshy-italyanski-chasopis-slavistyki-ricerche-slavistiche-prysvyachae-syoletni-numar-belarusi.html

Яшчэ адзін фрагмент прамінулага фэсту - успаміны пра Міхася Стральцова, агучаныя ўдавой пісьменніка, Аленай Дзмітрыеўнай. Паглядзіце, гэта цікава!

https://youtu.be/p1uE49ZOdug

Да прыгожых словаў трэба прыгожыя ўчынкі
#цытатадня Адам Станкевіч

Раім да прагляду дакументальны фільм пра Івана Мележа, якому сёлета магло б споўніцца 100 гадоў

https://youtu.be/pQd1k93wZaM

На нашым канале з'явіўся запіс вельмі актуальнага цяпер круглага стала “Пісьменства ў халодным клімаце”. Абмяркоўваліся найноўшыя дэманстрацыі, рэпрэсіі і іх уплыў на беларускую літаратуру.

Мадэратарка: Ганна Севярынец. Удзельнічаюць Уладзімір Лянкевіч, Таццяна Нядбай, Уладзімір Някляеў, Дзмітрый Строцаў.

Не забывайце падпісвацца на нас у ютубе. Для гэтага трэба зайсці ў сваю пошту, потым перайсці на ютуб і націснуць кнопку "Падпісацца". Загадзя ўдзячныя!

https://youtu.be/0-RvD-xlKCE

Кожны народ мае хаця б адзін геніяльны твор, і гэты твор ‒ мова
#цытатадня Алесь Разанаў

Да Дня роднай мовы чатыры партызанскія раёны - Серабранка, Шарыкі, Трактарны і Велазавод - запісалі песьню зь мюзіклу "Miserables". Прыемна, што мой пераклад спатрэбіўся для добрай справы. "Ноч праміне й настане дзень. Беларусь, жыві!"