⭐️ Тамары Барадзёнак - 65!

Сёння дзень нараджэння адзначае паэтка Тамара Дзмітрыеўна Барадзёнак.
🌺 Нарадзілася 4 мая 1959, в. Матырына, Ушацкі раён. У 1978 г. скончыла фельчарскае аддзяленне Полацкага медыцынскага вучылішча, працавала медсястрой.
🌺 Як літаратар выступае ў розных жанрах: паэзія, сатыра і гумар, проза, піша казкі для дзяцей.
🌺 Аўтарка больш дзясятка кніг: «А я люблю…», «Мелодыі душы маёй», «І жартам, і ўсур’ёз» і інш.
🌺 Жыве ва Ушачах.

Віншуем!💐💐💐

#угэтыдзень

⭐️ Дзень друку

Сёння ў Беларусі адзначаецца прафесійнае свята - дзень друку. Каб не псаваць вялікоднага настрою, канстатуючы відавочнае, дзелімся з вамі тэматычным мемчыкам і віншуем усіх датычных! 💐

#угэтыдзень

Да 100-годдзя Паўлюка Вазёрнага 🗞

Прапануем вам артыкул да стогадовага юбілею Паўла Урбана (літаратурны
псеўданім Паўлюк Вазёрны) са старонак свежага нумару літаратурна-мастацкага праекту “Літаратурная Беларусь”.

“Паўлюк Вазёрны абараніў дысертацыю «Вялікае Княства Літоўскае за часамі вялікага князя Аляксандра (1492—1506)». Праз нейкі час выехаў у Рым, дзе збіраў матэрыялы для доктарскай дысертацыі ў багатай бібліятэцы Усходняга Інстытута. Меў таксама доступ у Ватыканскую бібліятэку і нават у Ватыканскі сакрэтны архіў.
Пропускі туды дапамог атрымаць кардынал Тысеран, які сам і запрапанаваў дапамогу. У Рыме Паўлюк Вазёрны пасябраваў з айцом Аляксандрам Надсанам, які вучыўся тады ў Грыгарыянскім інстытуце. Пасябраваў і са спеваком Пётрам Конюхам ды айцом Пётрам Татарыновічам, які вёў беларускія перадачы на Ватыканскім радыё.”

👉 артыкул цалкам

#лонгрыд

⭐️ Яўгеніі Казловай - 75!

Паэтка Яўгенія Яўгенаўна Казлова нарадзілася 6 мая 1949 года ў Вільні.
🌺 Скончыла Віцебскае медвучылішча, працавала ў Аршанскім гарадскім цэнтры гігіены і эпідэміялогіі.
🌺 З вершамі дэбютавала ў друку ў 1999 г. у “Аршанскай газеце”.
🌺 Аўтар дзвюх кніг паэзіі — “Спеў флейты” (2004) і “Мора любові” (2007).
🌺 Жыве ў Оршы.

Віншуем!💐💐💐

#угэтыдзень

📅 120 гадоў з дня нараджэння Паўлюка Труса

Паэт нарадзіўся 6 траўня 1904, в. Нізок, Уздзенскі р-н, Мінская вобл. — памёр 30 жніўня 1929, Мінск).
📌 У 1923—1927 гг. вучыўся ў Беларускім пэдагагічным тэхнікуме ў Менску. Сябраваў з Язэпам Пушчам, Максімам Лужаніным, Сяргеем Дарожным, Зінаідай Бандарынай і многімі іншымі літаратарамі свайго часу.
📌 Разам з М. Лужаніным і П. Глебкам выпускаў вусную сатырычную газэту «Чырвоны прамень» пад псэўданімам «Шавец». У 1925 прыняты ў літаратурнае аб’яднаньне «Маладняк».
📌 Друкавацца пачаў з 1923 г. У 1923—1924 публікаваўся ў газэтах «Радавая рунь», «Малады араты», «Савецкая Беларусь», «Чырвоная зьмена», часопісах «Беларускі піянэр», «Маладняк», «Полымя» і інш.
📌 Аўтар зборнікаў паэзіі «Вершы» (1925) і «Ветры буйныя» (1927). Рыхтаваў трэці зборнік пад назваю «Чырвоныя ружы» і працаваў над паэмаю «Сірата Алеся».
📌 Памёр 30 жніўня 1929 ад тыфу ва ўзросце дваццаці пяці гадоў.

#угэтыдзень

⭐️ Прэмія Міхала Анемпадыства - ужо заўтра

7 траўня ў Варшаве а 18:00 пачнецца цырымонія ўзнагароджання пераможцы прэміі Анемпадыстава, якой адзначаць найлепшую кніжную вокладку.👍

Будзе абвешчана імя аўтара найлепшай вокладкі для кнігі, выдадзенай у 2022 г. Спецыяльны госць – Лявон Вольскі, які заспявае песні на вершы М. Анемпадыстава.🔥🔥🔥

#анонс

📚 Новыя дзіцячыя кніжкі ад "Папуры"

У выдавецтве пабачылі свет тры кніжачкі ад вядомай пісьменніцы і псіхолага Сюзанны Ізерн:
🌸 "Лісяня кажа няпраўду",
🌸 "Яноцік хоча быць першым",
🌸 "Вавёрачка не ўмее казаць "не".

Кнігі скіраваныя на развіццё эмацыйнага інтэлекту, бо кожная гісторыя дае важныя жыццёвыя ўрокі. Сюзанна Ізерн апісвае сітуацыі, якія могуць здарыцца з кожным дзіцём і дапамагае зразумець, як лепей у такіх сітуацыях паводзіць сябе. 👍

👉 Шукайце навінкі ў кнігарні "Параграф 45" (Мінск, вул. Леаніда Бяды, 45), а таксама на Wildberries.

#палічка

⭐️ Фестываль інтэлектуальнай кнігі PRADMOVA запрашае да абмеркавання

З дапамогай меркаванняў неабыякавых наведвальнікаў каманда фэсту плануе даведацца, што і як можна дапрацаваць, каб мерапрыемствы сталі больш цікавымі.

Калі вы былі на імпрэзах фэсту афлайн альбо глядзелі іх анлайн і гатовыя выказаць сваё меркаванне, PRADMOVA запрашае вас паразмаўляць з сябрамі каманды. 🔥

❗️Для ўдзелу трэ запоўніць форму. (Дэдлайн да 15 траўня).

#навіны

⭐️ Прэмія Міхала Анемпадыства

Прэмію за найлепшы дызайн кніжнай вокладкі атрымала дызайнерка Яна Галушкіна і лічбавы архіў VEHA за вокладку кнігі “Людзі лесу”.

З фармулёўкай журы: "За майстэрскую перадачу ідэі, зместу і вартасці выдання, што падымае цэлы пласт беларукай мінуўшчыны, праз гарманічнае спалучэнне мадэрнісцкага знака, шрыфту, геаметрычнай формы і фатаграфічнай выявы”. 👍

#навіны

📙 "Бяс край" - зборнік Ігара Кулікова

У выдавецтве hochroth Minsk выйшаў чарговы томік паэзіі - цяпер гэта "БЯС КРАЙ" Ігара Кулікова. 👍

У кнігу ўвайшлі вершы, напісаныя аўтарам за апошнія гады. 🔥🔥🔥

👉 Замовы на новую кнігу і іншыя кнігі выдавецтва можна дасылаць на адрас: minsk@hochroth.de

#палічка

⭐️ Літаратурная рэзідэнцыя

Варшаўскі Старамесцкі Дом Культуры (SDK) запрашае падаваць заяўкі на літаратурныя рэзідэнцыі ў Варшаве для пісьменнікаў з Беларусі. Мяркуецца выбраць як мінімум пяць рэзідэнтаў для пражывання ад 2 да 6 тыдняў. 👍

❗️Заяўку трэба падаць да 19 траўня

👉 Дэталі тут

#навіны

📙 «Лёгка сказаць» - кніга прыказак для дзяцей

Выдавецтва «Тэхналогія» выпусціла дзіцячую кнігу беларускіх прыказак з малюнкамі «Лёгка сказаць».👍

Кніга для ўсіх, хто хоча ўзбагаціць сваё маўленне трапным слоўцам і дасціпным выразам.🔥

👉 Перадзамова тут

#анонс

⭐️ Літаратурны конкурс да 100-годдзя Васіля Быкава

Да ўдзелу ў конкурсе запрашаюцца маладыя аўтары і аўтаркі да 35 гадоў, што працуюць у жанрах прозы, эсэістыкі і публіцыстыкі.

Мова твораў — беларуская, тэматыка твораў не абмежаваная. 👍

Дашліце рукапіс сваёй кнігі ў фармаце .docx(.doc) на адрас: bellit.info@gmail.com з пазнакай «Конкурс», а таксама далучыце анатацыю, сваё фота і кароткую аўтабіяграфію.

Аб’ём тэксту не абмяжоўваецца. 👍

❗️Дэдлайн — 1 чэрвеня 2024 г.
Вынікі і абвяшчэнне пераможцаў пройдзе 19 чэрвеня, у дзень народзінаў Васіля Быкава.

#анонс

📙 Паэзія Уладзіміра Арлова па-польску

"Na brzegu innego czasu” (“На беразе іншага часу”) — так называецца зборнік вершаў пісьменніка Уладзіміра Арлова, які мае выйсці ў чэрвені ў польскім выдавецтве Państwowy Instytut Wydawniczy. Вершы пераклаў па-польску паэт і перакладчык Богдан Задура. 👍

#анонс

⭐️ Аўтограф-сесія Лявона Вольскага ў "Кнігаўцы"

Сёння 10 траўня ў беларускай кнігарні "Кнігаўка" у Варшаве стартуюць продажы новага рамана Альгерда Бахарэвіча "Капітан Лятучая Рыба". 👍

З 16 да 18 гадзін гэтую кнігу можна будзе набыць з аўтографам Лявона Вольскага, які выступіў ілюстратарам выдання. 🔥🔥🔥

👉 Адрас: ul. Kłopotowskiego, 4.

#анонс

“Літаратурная Беларусь” 🗞

“Хата: жыхары, гаспадары ды іншыя насельнікі” (Замалёўкі на палях сямейнага альбома) Васіль Аўраменка

“Жыла-была адна хата. Чаму жыла? — спытаеце. І сапраўды! Хата толькі была, а жылі якраз у ёй — мышы ды каты, мухі ды павукі, макрыцы ды прусакі, іншыя насельнікі і кватаранты. І, вядома ж, не абышлося без самых прыкметных хатніх жыхароў — людзей. Людзі, увогуле, вельмі саманадзейныя істоты, бо лічаць сябе галоўнымі і бадай адзінымі насельнікамі хаты. Але нават калі ты нешта пабудаваў і лічыш тое толькі сваім, — будзь упэўнены: заўсёды знойдзецца нехта, хто будзе
карыстацца вынікамі твае працы і без твайго ведама. Асаблівым нахабствам, як мне здаецца, надзелены найбольш таямнічыя насельнікі хаты — шашалі…”

👉 чытаць цалкам

#лонгрыд

***
Цёплы вечар, ціхі вецер, свежы стог,
Улажылі спаць мяне вы на зямлі.
Не курыцца светлы пыл усцяж дарог,
Ў небе месяца праглянуў бледны рог,
Ў небе ціха зоркі расцвілі.

Знічка коціцца агністаю слязой,
Прашумела мякка скрыдламі сава;
Бачу я, з прыродай зліўшыся душой,
Як дрыжаць ад ветру зоркі нада мной,
Чую ў цішы, як расце трава.
(1910)

Максім Багдановіч

#раптамверш