📅 130 гадоў з дня нараджэння Альбіна Стаповіча

Альбін Мацвеевіч Стаповіч (Стэповіч) нарадзіўся 18 сакавіка 1894, вёска Барані, Астравецкі раён Гродзенскай вобл. — памёр 18 снежня 1934;
📌 Грамадска-палітычны і музычны дзеяч, публіцыст, брат Казіміра Сваяка.
📌 Вучыўся ў кансерваторыі ў Вільні, Казанскім і Віленскім універсітэтах (1918—24). Выкладаў спевы і музыку ў Віленскай беларускай гімназіі. Адзін з заснавальнікаў Беларускага інстытута гаспадаркі і культуры, яго сакратар. Віцэ-старшыня Беларускай хрысціянскай дэмакратыі (БХД), выдавец яго органа — газеты «Беларуская крыніца».
📌 Супрацоўнічаў у выданнях «Наш шлях», «Крыніца», «Беларуская крыніца», «Родныя гоні», «Нёман», «Новы шлях», «Шлях моладзі», «Самапомач» і інш. Аўтар музыкі да вершаў Я. Купалы, М. Машары, К. Сваяка, Ф. Грышкевіча, У. Казлоўскага, А. Гурло, вершаваных перакладаў з польскай мовы, аўтар гімна Беларускага інстытута гаспадаркі і культуры «Дзе чутны мовы нашай гукі».

#угэтыдзень

⭐️ Дзень паэзіі з часопісам „TAŬBIN”

Інтэрнэт-часопіс сучаснай беларускай паэзіі і яго аўтары запрашаюць вас адзначыць Дзень паэзіі разам!
Сярод выступоўцаў - Сабіна Брыло, Наста Кудасава, тоні лашдэн, Ганна Шакель і іншыя.

❗️Дзе і калі: г. Варшава, 21 сакавіка, 17:30, вул. Mokotowska 24, офіс 64

#анонс

⭐️ Прэмія Анемпадыстава - хто прэтэндуе сёлета?

Журы абвясціла доўгі спіс прэміі імя Міхала Анемпадыстава - у ім 14 кніг. Узнагарода за найлепшую кніжную вокладку, заснаваная ў 2019 годзе і прысвечаная памяці мастака, дызайнера і паэта Міхала Анемпадыстава, уручаецца за дызайнерскае рашэнне, паліграфічную якасць і адпаведнасць афармлення кнігі яе зместу.👍

👉 Дэталі тут

#навіны

📗 Выйшаў першы нумар часопіса «Наша вера» за 2024 год

У першым сёлетнім нумары часопіса «Наша вера» чытайце:
🖍 Сяргей Чыгрын «Дзесяць фактаў з жыцця экзарха Антона Неманцэвіча».
🖍 Ігар Сурмачэўскі «Вялікае італьянскае падарожжа Яна Паца (1597–1598 гг.)»
🖍 Ірына Багдановіч «Паэт і святар Юзаф Маралёўскі»
🖍 Жанна Некрашэвіч-Кароткая «Звярыныя гратэскі ў паэтычнай культуры славянаў…»
🖍 Анатоль Брусевіч «Прастора, прыдатная для палётаў»
І іншыя цікавыя матэрыялы.

👉 Увесь змест нумара тут

#анонс

⭐️ КРАСА І СІЛА

20 скавіка Літаратурны музей Максіма Багдановіча запрашае на аўтарскую праграму Міхала Бараноўскага.

Падчас праграмы, прысвечанай Сусветнаму дню паэзіі, прагучаць песні на словы Уладзіміра Караткевіча, Максіма Багдановіча, Алеся Наўроцкага, а таксама ўласныя вершы аўтара. Вы даведаецеся шмат цікавых фактаў пра беларускіх паэтаў, іх кнігі і творы. 👍

❗️Пачатак а 19:00

#анонс

📚 Рэмарк, нячысцікі ды сабака Мані - кнігі, якія выйдуць у выдавецтве «Папуры» сёлета

✏️ "Беларускія нячысцікі. Лясныя
Беларускі нячысцікі. Водныя і балотныя". Аўтар і ілюстратар Артур Басак
✏️ "Тры таварышы" Эрых Марыя Рэмарк. Пераклад на беларускую Уладзімір Папковіч
✏️ "На заходнім фронце без змен"
Эрых Марыя Рэмарк. Пераклад на беларускую Сяргея Матыркі.
✏️ "Самы багаты чалавек у Вавілоне"
Джордж Сэмюэл Клэйсан. Пераклад на беларускую Наталля Зайцава.
✏️ "Як Меша знайшоў хвост". Аўтар Надзея Ясмінска.
✏️ "Сабака Мані" Бода Шэфер. Пераклад на беларускую Ігар Крэбс.
✏️ "Мае цудоўныя гісторыі на добры сон". Пераклад з французскай Кацярыны Маціеўскай.

👉 Падрабязней тут

#анонс

⭐️ “Вялікае княства Паэзіі”

Сустрэча з такой назвай прымеркаваная да Міжнароднага Дня Паэзіі пройдзе 21 сакавіка ў Вільні.
Удзел возьмуць беларускія і літоўскія творцы. Мадэратар сустрэчы - Андрэй Хадановіч.
Удзельнічаюць: Ліна Буйвідавічутэ, Уладас Бразюнас, Марус Бурокас, Вітас Дзякшніс, Ванда Марцінш, Ціхан Чарнякевіч.

❗️Пачатак а 16:30
Месца: ЕГУ, аўдыторыя 303 (Savičiaus g. 17)

#анонс

Сёньня Сусветны дзень паэзіі - з чым і віншуем вас, шаноўныя нашыя чытачы, а таксама і ўсіх суайчыннікаў, бо, вядома ж, - Беларусь - краіна паэтаў. 💐💐💐
І сёння на нашым канале з гэтай нагоды - толькі вершы. Чытайце, натхняйцеся, дасылайце сябрам! 👍

* * *
Які пахмурлівы небакрай!..
Адтуль
вясна надыходзіць.

***
Вісіць і не падае
у паветры зялёны дождж:
ніцыя вербы зазелянелі.

***
Беляць у садзе вясновым
камлі - галіны
самі пабеляцца неўзабаве.

Алесь Разанаў

#вершдня

Памёр Аляксей Каўка

Сёння ня стала гісторыка і літаратуразнаўцы Аляксея Каўкі.
📌 Нарадзіўся ў 1937 г. на Чэрвеньшчыне. Скончыў БДУ, з 1965 г. жыў у Маскве.
📌 Аўтар палемтэічнага "Ліста рускаму сябру" (1976), у якім вялася гаворка пра моўную асіміляцыю Беларусі.
📌 Даследваў творчасць Ф. Скарыны, А. Міцкевіча, А. Пушкіна, Я. Купалы і іншых пісьменнікаў.

Выказваем шчырыя спачуванні блізкім, сябрам і вучням спачылага.

#навіны

📙 “Зэлмэняне” Мойшэ Кульбака

Беларускае выдавецтва Vesna, якое месціцца ў Празе, анансавала выхад навінкі — раману “Зэлмэняне” Мойшэ Кульбака. Пераклад твору з ідыш на беларускую мову зрабіў Сяргей Шупа.

Упершыню па-беларуску гэты раман выходзіў у 1960 годзе пад назвай “Зельманцы” ў перакладзе Віталя Вольскага, потым перавыдаваўся ў 2015 годзе выдавецтвам “Папуры”. Савецкае выданне з меркаванняў цэнзуры было скарочаным. Новы пераклад — першы поўны на беларускую мову.👍

👉 Болей тут

#анонс

📙 "І цуды, і страхі : эсэ, спроба рэканструкцыі" Вольга Бабкова

Пад адной вокладкай сабраныя эсэ Вольгі Бабковай па гісторыі штодзённасці Вялікага Княства Літоўскага XVI—XVII стст. Аўтарка не імкнецца вытлумачыць жыццё людзей позняга Сярэднявечча і пачатку Новага часу, адно спрабуе адчуць тагачасныя колеры і смакі. Шматгадовая праца са старажытнымі рукапіснымі дакументамі дала магчымасць аўтарцы адгукнуцца ўласным голасам на «экзістэнцыяльнае рэха». У другое, дапоўненае выданне кнігі (першае выйшла ў 2010 г.) дадаліся тры новыя тэксты: «Нашыя „бшчолы“», «Жыццё і смерць менскага земскага суддзі Грыгорыя Макаровіча» і «Тодараў дзень». 👍

👉 Набыць можна тут

#палічка

⭐️ Арлоў у Вільні

Віленская сустрэча з пісьменнікам Уладзімірам Арловым, адмененая раней з прычын бяспекі, адбудзецца сёння 22 сакавіка на новай пляцоўцы - у прасторы “Замак” па адрасе Naujoji Riovonių g. 10.
У праграме: прэзентацыя кніг, паэтычныя чытанні, размова з аўтарам і аўтограф-сесія. 👍

❗️Пачатак а 19.00. Уваход вольны.

#анонс