مو صدفة إنُ رب العالمين يختبرك بالصعب، فتدعي اهواية حتى يهونها عليك ، ولا صدفة إنك تضيع شي معين لأنُ رب العالمين كاتبلك الأحسن منها ،
ولا صدفة لما وكعت بورطة كشفتلك الناس الي حواليك وخيبوا ظنك بيهم ،
هاي كُلها رسائل من رب العالمين، مو مباشرة، بس كلش واضحة للگلب اللي يحس ويؤمن.
دا يگلك بيها: انا وياك، لا تخاف… اصبر بس شوية،
مرات الحياة تضيق بوجهك حتى ما تلجا الا اله،
ومرات تنكسر بخاطرك شغلات حتى تعلمك انُ السند الحقيقي هوَّ ربك،
ومرات تتاخر امنياتك مو لانك ما تستحق، بالعكس، لانُ رب العالمين يهيئلك شي اكبر واجمل بوقت انسب الك،
فلا تزعل من تاخير، ولا تنكسر من خيبة، ولا تظن انُ التعب راح يظل طول العمر،
كُل دمعه الها نهاية، وكُل دعوة الها وقت مستجاب، وكُل صبر وراه عوض يدهش القلب ويطيب الروح،
واذكر دائمًا:
مو كُل شي انكسر يعني أنتهى، يمكن ربك دا يبعد عنك شي ياذيك،
ويمكن دا يقربلك شي ينسيك كُل التعب اللي مريت بيه،
فخلي ثقتك بربك اكبر من خوفك، واكبر من حزنك،
لانُ مواعيد ربك ما تجي صدفة، تجي بقدر، ورحمة، وجبر خاطر يرد الروح للحياة من جديد .

مُستحيلٌ رَبّي ما يعوِّضك بعدَ البلاء ، مُستحيلٌ ما يجازيك،
صَدكوني ، مهما حسيتوا إنُ :
“يا ربّ، طالَ الانتظار”
فعرفوا أنُ كُلما طالَ الصبر ، چان العوَض أكبر وأجمل ،
وربّ العالمين ما ينسى دَمعة نزلت، ولا قلب صبر وهوَّ موجوع ، ولا دعوة انگالت بنصِّ الليل ،
والعِوَض مو دائمًا يكون مادّي أو دنيوي ، أحيانًا يكون راحة بعد تعب ، وطمأنينة بعد خوف ، وقلب هادئ بعد فوضى طويلة،
وهذي النِّعمة مو هيّنة أبدًا ، هذي سكينةٌ وجنّةٌ صغيرة بالقلب ، ما يعطيها اللَّه إلّا لعبادة الصابرين اللي تعبوا وكتموا وجعهم وكالوا:
“الحمد للَّه” رغم كُل شيء .
فلا تستعجلون الفرج ، لأنَّ اللَّه إذا أعطى أدهش ،
وربّك الكريم يعرف شكد تعبت، ويعرف شكد حاولت ، ولهذا مُستحيل يترك قلبك مكسور للأبد
ثِقوا بالله دائمًا، فكُل تأخير ورا حكمة، وكُل صبر ورا عِوَضٌ يليق بقلبكم الجميل🩵🩵🩵.

وَيُؤْنِسُنِي أَنَّكَ عَلِيمٌ بِمَا يَخْفَى

أحيانًا رب العالمين يخليك تمر بأيام ثقيلة، مو لأنّه ناسيك،
بس حتى يعلمك إنو ماكو سند حقيقي غيره، وإنو بعد كُل تعب أكو راحة، وبعد كُل ضيقة أكو فرج يشرح القلب
لا تحسب دموعك راحت عبث، ولا تظن الدعوات اللي تدعيها بالليل تضيع،
ربك يسمع حتى الكلام اللي ما گدر يطلع من قلبك،
وإذا حسيت الدنيا ضاقت بيك، تذكّر إنو رحمة الله أوسع من همومك كُلها،
وهوَّ يكدر يبدّل حزنك لطمأنينة بلحظة وحدة
العِوض الحقيقي مو دائمًا شي نشوفه بعينا،
مرات يكون قلب هادئ، أو راحة بال، أو ناس طيبين يرسلهم الله بوقتهم الصح حتى يخففون عنك التعب،
فاطمّن دائمًا…
لأن الإنسان من يكون ويّه الله، حتى لو تعبت روحه، يبقى بقلبه نور ما يطفيه شي .

مو كُل تأخير عقوبة، ومو كل فقدان نهاية ،
مرات رب العالمين ياخذ منك شي لأن الخير مو بيه، ومرات يأخر أمنية لأن وقتها بعده ما حان ،
إحنا بعين البشر نشوف التعب، بس اللَّه يشوف الصورة كلها ، يشوف شكد تحملت، وشكد حاولت تبقى قوي رغم كُل شي ،
أحلى شعور ممكن يوصله الإنسان، مو إنو تصير عنده الدنيا كلها ،
الأحلى من يحس إن قلبه مطمّن باللَّه ، وإنو مهما ضاقت ، أكو رب كريم يدبّرها بلطفه ورحمته،
فلا تيأس إذا تعبت، لأن الله ما يخلّي الصابرين بدون عِوض،
وكُل دعوة انكسرت بيها روحك، أكيد إلها وقت حلو حتى تتحقق،
ويمكن الخير اللي جاي إلك أكبر بهواية من الشي اللي تمنّيته أصلًا،
خليك قريب من اللَّه دائمًا، لأن القلوب من تتعب ما يهديها غير رحمته،
وماكو أمان بالدنيا يشبه الأمان اللي يجي من رضا اللَّه✨.

﴿البَاقِيَاتُ الصَّالِحَاتُ خَيْرٌ وَأَبْقَىٰ﴾ 🌷

مرات رب ألعالمين يخليك تنتظر اهواية ، ويأخر عنك الشي اللي نفسك بيه ، مو لأنك ما تستاهله… بس لأن اللَّه يعرف الوقت الصح أكثر منك
فلا تزعل من التأخير ، ولا تفسّر كُل باب انغلق على إنه خسارة ، يمكن ورا هذا الباب رحمة ما شفتها ، ويمكن اللَّه أبعد عنك شي چنت تحسبه خير ، وهوَّ يعرف إنو نهايته كانت راح توجع قلبك ،
أطمئن ، ربك ما ينسى عبده، ولا تضيع عنده دعوة، ولا دمعة، ولا لحظة صبرت بيها وأنتَ ما تعرف شلون تكمل ،
وأحيانًا يكون العوض مو بالشي اللي تمنّيته، يكون إنو اللَّه يرزقك قلب راضي ، ونفس هادئة ، وقرب منه يخليك مهما اضطربت الدنيا حواليك تبقى مطمئن ،
يا رب عوّض كُل قلب تعب، وارحم كُل روح أثقلها الحزن، واشرح صدورنا، واغفر ذنوبنا، وحقق لنا الخير اللي نتمنّاه
ويا رب إذا تأخر العوض، ارزقنا صبرًا جميلًا، وإذا جاء العوض، ارزقنا قلبًا
يعرف يقول: الحَمدُ للَّه… لأن هسة فهمت ليش تأخرت🩵🩵.