❖ሊቃውንተ ቤተ ክርስቲያን TUBE❖

++ ‹‹ ትንሣኤና ሕይወት ›› ++

ሞት ህይወትን ይየዘው ዘንድ አልተቻለውም ነብሳትን ከመቃብር ያግዝ ሲነጥቅ የነበረው ሞት በክርስቶስ ሞት ግን ነብሳትን እንዲነጠቅ ሆነ ። ውስን ያልሆነ ሕይወት ክርስቶስ በፍጥረቱ ብቻ የተወሰነው ወደ ሆነው ሞት ሄደ ውስኑ ሞት ማይወሰነውን ህይወት ክርስቶስን ይይዘው ዘንድ አልቻለውም ። ትንሣኤና ሕይወት እርሱ ነውና ዮሐ 11፥25 ። በታተመች ድንግል ማኅፀን በጠባብ ደረት የተወሰነ ድንግልናዋን ሳያጠፍ የተወለደ በታተመ በተዘጋ መቃብርም ክፈቱልኝ ሳይል ወጣ ። ሞት በኃያሉ ኃይሉን አጣ ። ትንሣኤ ፦ *መነሣት* ማለት ሲሆን ፍሲካ ፦ *ማለፍ* (መሻገር) ማለት ነው ። እስራኤል ስለልጆቻቸው ፍንታ በግ ሰውተው የበጉን ደም በራቻው ላይ በመቀባት ሞት እንዳለፈላቸው የእኛም ሞት በክርስቶስ ሞት እንዲያልፍልን ሆኗል የበጉን ደም ያልቀቡት ግብፃውያን ግን የበኩር ልጆቻቸውን ሞት ወስዶ ነበር ። በክርስቶስ ሞት ግን ሁሉን አጥቷል ። *ሶርያዊው ቅዱስ ኤፍሬም* ሁሉን የመነጠኩን የማጣቱን ምሬት ሲገልፅ ‹‹ ሞት እንዲህ አለ ፦ ወደ ሙሴ ዘመን ብመለስ ሳይሻለኝ ይሆን ? ሙሴ እኮ በዓልን ደግሶልኝ ነበር ። በግብፅ ፍሲካ የታረደው በግ ከእያንዳንዱ ግብፃዊ ቤት የበኩር ልጅ ሰጥቶኝ ነበር በሙት ላይ ሙት በሲኦል ደጅ ተከምረውልኝ ነበር ይኅኛው የፍሲካ በግ (ክርስቶስ) ግን ሲኦልን በዘበዘው ሲኦልን ከእጄ ነጥቆ አወጣቸው›› ። እያለ ይገልፃል ። ትንሣኤው እኛ ክርሰቲያንኖች ከሞት በኋላ ህይወት እንዳለ ምናምንበት ነው ። ጥቂት የምድር መከራዎቻችንን ሁሉ በትንሣኤው ተስፍ እንታገሳቸዋለን ሮሜ 8፥18 ። የክርስቶስ ትንሣኤ በክርስቶስ ክርስቲያን ለተሰኘን ለእኛም ትንሣኤ ማስረጃ ስለሆነ ።
‹‹ ሙታን የማይነሱ ከሆነ ክርስቶስ አልተነሳም ክርስቶስ ካልተነሳ እምነታቹ ከንቱ ናት ›› እንተደተባልን ። (1ኛ ቆሮ 15፥16) የሃይማኖት ፍፃሜው ትንሣኤ ነውና ። ስለ ክርስቶስ ትንሣኤ ማስረጃ ምንድ ናቸው ከተባልም አስቀድሞ በብሉይ በትንቢት በብዙ የተነገሩ እንዲሁም እራሱ ክርስቶስ ስለራሱ ትንሳኤ የተናገራቸው ይሆናሉ ፦ “እግዚአብሔርም ዮናስን የሚውጥ ታላቅ ዓሣ አሰናዳ፤ ዮናስም ሦስት ቀንና ሦስት ሌሊት በዓሣው ሆድ ውስጥ ነበረ።” ዮናስ 2፥1
ዮናስ ሶስት መዓልት እና ሌሊት ህያው ሆኖ በአሳ ሆዱ ውሰጥ መቆየቱ ህያው የሆነ ክርስቶስም በመቃብር ሶስት ቀን የማደሩ ምሳሌ ነው ። ክርስቶስም ፈሪሳውያን ምልክት ሽተው ለጠየቁት ጥያቄ ሲመልስ “ከነቢዩም ከዮናስ ምልክት በቀር ምልክት አይሰጠውም።” ዮናስ በአሳ አንባሪ ሆድ ውስጥ ሶስት ቀን እና ሌሊት እንደ ቆየ እንዲሁ የሰው ልጅም በምድር ልብ ውስጥ ይኖራል ብሎ ሰው የሆነ እርሱ በመቃብር ሚቆይበትም ተናግሮ ነበር ማቴዎስ 12፥39 ።

ክርስቶስ ለምንድ ነው በመቃብር ሶስት ቀን ብቻ የቆየው ለምንስ ከዛ በላይ ወይም በታች ሁለት አንድ ቀን ብቻ አድሮ ያልተነሳው ሚሉ ጠያቂዎች ይኖራሉ ። ለዚህ ምላሽ ፦ በእፀ መስቀል ላይ ከድካሙ የተነሳ ተጠማሁ ባለ ጊዜ
‹‹ ለመብሌ ሐሞት ሰጡኝ፥ ለጥማቴም ሆምጣጤ አጠጡኝ ›› ። መዝ 69-21 ያለው ቃል ይፈፀም ዘንድ በሰፍነግ ሆምጣጤ አጠጥተውት ነበር ። አይሁድ በአንድ ቀን ከመቃብር ቢነሳ ያጠጣነው አስክሮት አደንዝዞት ነው እንጂ በእውነት ሞቶ አይደለም ይሉ ስለ ነበረ ምክንያት ያሳጣቸው ዘንድ ቶሎ ከመቃብር አልተነሳም ። በሶስተኛውም ቀን በመቃብር ካደረ በኋላ የተነሳው በእርሱ መፍረስ መብስበስ እንደሌለ ያሳውቅ ዘንድ ነበር ‹‹ ነፍሴን በሲኦል አትተዋትምና፥ ቅዱስህንመበስበስን ያይ ዘንድ አትተወውም ›› ። መዝ 16፥10 ዳዊትም ስለራሱ ሳይሆን ስለ ክርስቶስ ሳይፈር ከመቃብር መነሳት የተናገረው በክርስቶስ ትንሣኤ ተረጋገጠ ። በኋላም አስቀድሞ ተናግሮ የታወቀ የተነገረ በመሆኑ ተናግሮም ታውቆም ብቻ አልቀረ ውሸት ይባላልና በኋላም ሲናሳ በዚህ ታውቋል ። ዓለምን
ሁሉ በሚያድን፡ትንሣኤው፡እማፀናለሁ ። እኔንም ፡ከመውደቅ፡ያነሳኝ፡ዘንድ፡ከመቀጥቀጥ፡ልምሾም፡ከመሆን፡ያድነኝ ፡ዘንድ እፈቅዳለሁ። (አርጋኖን አባጊዮርጊስ ዘጋስጫ)** _ ሙታን እንደ ሚነሱ ተስፍ ለሰጠን መሲህ ምስጋ ይገባል እርሱ ሞትን አጥፍቶ ተነስቷል እና በሞት የበሰበሰው ዳግመኛ እንደሚታደስ ለሰው ልጅ ማረጋገጫ ሰጠ ። (ድርሳነ ቅዱስ ኤፍሬም ሶርያዊ )

መልካም የትንሣኤ በዓል ይሁንላቹሁ 🙏

ዲያቆን ፍፁም ከበደ
ሚያዝያ 7 2015 ዓ.ም
ኢትዮጵያ
@likawinte_betekiristiyan@likawinte_betekiristiyan

1.2K viewsⓂChⒺAⓁ, 04:24