💡እኔና አንተ አንድ ቦታ ላይ በተለያየ አቅጣጫ ፊታችንን አዙረን ብንቆም የእኔ ቀኝ ያንተ ግራ ነው። 'ቀኝ ይሄ ነው ወይም ግራ ይሄ ነው' ብዬ ብከራከርህ ቂል ነኝ ።  እንዳንተ አቋቋም ያንተ እውነት ይሆናል ። እንደ እኔ አቋቋም ደግሞ የእኔ እውነት ይሆናል ። ባንተ እውነት ለማመን ያንተን ጫማ መዋስ አለብኝ። የቆምኩበት ሆኜ ለስህተትህ ሒሳብ እየሰራሁ ስዳኝህ እቀሽማለሁ።

💡ሰዎች በየቦታው ፍጹም ትክክል መስለው ሲታዩ  ሰውኛ አይመስለኝም ። ከራሱ እየተቧቀሰ አካባቢው በቀረፀለት የትክክለኛነት ሳጥን ውስጥ የሚንፈራገጥ ሰው ራሱን ያጣ አሳዛኝ ይመስለኛል። ለእያንዳንዱ ነገሩ የሚጠነቀቅ ሰው ራሱን እየሆነ እንዳልሆነ ነው የሚገባኝ። ራስን መሆን እርማት አይጠይቅም። ራስን መሆን ጥንቃቄ አያሻም። መጠኑ ቢለያይም ሁላችንም ጋ ጥቂት እብደት፣ ጥቂትም ስህተት፣ ጥቂትም ፀፀት እና ጥቂትም ውድቀት አለ ብዬ አስባለሁ።

💎እውነታው ሰዎች ሊያወድሱህ ከፈለጉ ከፈጣሪ ታናሽ ያደርጉሃል ። ሊዘልፉህ ከፈለጉ ደግሞ ሳጥናኤል የሚቀናበት ክፉ ያደርጉሃል ። ከሰማሃቸው ደግሞ ራስህን የመሆን እድል አይሰጡህም ። ሁሉም በፈለጉት መንገድ ሊቀርፁህ መጥረቢያ ይስላሉ ።  ልብህን ከከፈትክላቸው የየድርሻቸውን ጠርበው ቅርፅ አልባ ያደርጉሃል።


                        📖 ጠበኛ እውነቶች
                ✍ሜሪ ፈለቀ

‎የሚሰማህን የምታስበውን የምታረገውን የምትደግፈው አቋምህን ስለ ሁሉ ነገር ለሰው አትናገር ሰዉ የራሱ የሆነ አረዳድ አተረጓጎም ነገሮችን ከራሱ ስሜትና ወቅታዊ አቋም ጋር የማያያዝ አባዜ አለበት። ስለዚህ ነገሩን ሰምቶ ምንም ማይፈይድልህ ከሆነ ልንገርህ የምታተርፈው judje እና criticise መደረግን  ነው ።
‎ይህ የተወሰነ ሰው ላይ ነውና የኔ ሰው ይህን አያረግም ብለህ ልታስብ ትችላለህ ነገር ግን የሰወች አእምሮ የሚሰራው በማነፃፀር ነው ስለዚህ የአንተ ወሬ የሚመዘነው ከሰውየው ገጠመኝ ልምድ የስሜት ሁኔታ ነው።
‎so ለምን ተናግረህ እነዚህን ታተርፋለህ ?
‎ስለዚህ ወዳጄ የምልህ ይሄን ነው ስለራስ ለሆነውም ላልሆነም ብትችል ሰው ለተባለው ፍጥረት አትናገር ብትችል ለፈጣሪህ ንገረው እሱ ሳያነፃፅርህ ሳያወዳድርህ አንተን ከአንተ አንፃር ብቻ ያይሀል።

@libanteltay
‎

...እሺ በቃ እወድሻለሁ "አላት የሞት ሞቱን።ቃላቱ አልወጣ ብለው ተናንቀውት ነበር። "እወድሻለሁ ማለት መሸነፍ የሚመስላችሁ ለምንድን ነው?'' አለች ሰብለ።
ደስታ የሰማውን አላመነም ''አልሰማሽም እንዴ፤እወድሻለሁ ነው እኮ ያልኩት ''አለ። 'እሱንማ ሰምቼዋለሁ።

የጠየቁህ ግን ያንን ለማለት የፈጀብህን ጊዜ እና ሂደት ከግምት ውስጥ በማስገባት "እወድሻለሁ"ብሎ ደፍሮ ፊት ለፊት መናገር ለምን ይከብዳቸዋል ብዬ ነው አለች።''ትልቅ መሸነፍ ነው የሚሆንባችሁ"አለችው ከሱ መልስ ሳትጠብቅ። "መሸነፍማ ነው አላት። "ምን?ምን አልክ?"አለች እሷም በተራዋ የሰማችውን ባለማመን።

"አዎን መሸነፍ ነው ።ፍቅር መሸነፍ ነው።ፍቅር መያዝ ነው።ፍቅር ለስሜት ተገዢ መሆን ማለት ነው።ፍቅር ከምክንያት ውጪ ሆኖ መኖርን መቀበል ነው።ፍቅር ከራስ ቁጥጥር ውጪ መሆን ነው" ስለዚህ አዎ መሸነፍ ነው።ያስፈራል ፍቅር ፣የማይታከሙት ህመም፣የማይጠገን ቁስል፣የማያባራ እንባና ሰቆቃ :: ሊሆን ይችላል።

የሚያስፈራው ያፈቀርሽው ሰው ሳይሆን ፤ማፍቀር ራሱ ነው"ካፈቀርሽ በኋላ"እኔ የምትይው ሁሉ ይጠፋል።ለራስሽ ትርፍ ትሆኛለሽ።በፈቃደኝነት ከራስሽ የምታስቀድሚውና የምታስበልጪው ሌላ ሰው ይኖራል ማለት ነው።"
ፍቅር ያለ ውጊያ መማረክ ነው፣እጅ መስጠት፣ወዶ

መግባት ፣ከራስ መነጠል፣መጥፋት ፣በማያውቁት ሰው ዓለም ውስጥ ገብቶ መሰደድ ።አያስፈራም አትበይኝ ያስፈራል ::''

ወንድ ወይንም ሴት ስለሆንን ግን አይደለም ፍቅርን የምንፈራው።ሰው ስለሆንን ነው።

ማናችንም ብንሆን የህይወታችንን መንገድ መቆጣጠር ባንችል እንኳን ማቀድና መምራት እንፈልጋለን ።አንቺን ወደድኩሽ ስል ይህን ሁሉ መተው ማለት ነው።አንቺን በመውደዴ ከዚህ ቀደም የኖርኩት፣ ያቀድኩትና እያሰብኩት ሁሉ ተጠራርጎ ገደል ይገባል። ምን እንደሚሆን፣ምን እንደሚመጣ፣ምን እንደሚፈጠር አላውቅም፡፡ምክንያቱም ከኔ ቁጥጥር ውጪ ነው"
አለማወቅ ደግሞ ያስፈራል።

ራሴን እንኳን እየተቆጣጠርኩ ባለሁበት ሁኔታ፣ስለ ህይወቴ አካሄድ የማውቀው ጥቂት ነው።ግን የማውቅ ስለሚመስለኝ በሰላም እኖራለሁ "ፍቅር ግን መምሰልን ያጠፋል።ከፊት ለፊቴ የተቀመጠው ስራዬ፣ዕውቀቴ፣ ጓደኞቼ ወዘተ የምላቸው የኑሮ ማስመስያዎች በሙሉ ትርጉም ያጣሉ።ከዚህ ሁሉ በላይ ግን ምን እንደሚያስፈራ ታውቂያለሽ ?አላት። ምን ? አለችው።

አፏን ከፍታ ስታዳምጠው ስለነበር ጥያቄውን ያነሳችው እሷ ራሷ መሆኗ ሁሉ ጠፍቶባት ነበር::
"ፍቅር መተወን አይችልም

በመሆኑም ከልቡ የወደደና ያፈቀረ ሰው ማፍቀሩን ማወጅ ቢያስፈራው አይደንቅም።በቀላሉ እወድሻለሁ የሚል ሰው መውደዱን ገና ያላወቀ ወይንም አስመሳይ ነው" አላት።

አለመኖር 📚

“ፍቅር catastrophe ጥፋት ነው፤ የእብደት በሽታ ተጠቂ መሆን። ፍቅር ህይወትህን ያበላሻል ግን ደግሞ እንደዛ ለመሆን ያህል ፍቅር እንዳልያዘኝ ሳስብ በጣም ይከፋኛል።”

                      –Slavoj Žižek

         Photo by Simon Plestenjak 📷

"ይኧውልሽ oxytocin የሚባል ነገር አለ..."....አለችኝ መቀመጫዋን እያመቻቸች....

"ምንድን ነው እሱ...."

"simply attachment making hormone ነው....."

"አሁን ከምናወራው ነገር ጋር ይገናኛል...."

"አዎ በደንብ ይገናኛል....ይገናኛል እንጂ....አሁን ፍቅረኛሽ የጠየቀሽን ነገር 'እሺ' ከማለትሽ በፊት በደንብ ስሚኝ...."...ጉሮሮዋን በውሀ አርሳ ቀጠለች....

"oxytocin hormon ነው....እንዳልኩሽ attachment የመፍጠር ሀላፊነት የእሱ ነው....እናትን ከልጅ የሚያጣብቅ  አንጀቷን የእናት አንጀት የሚያደርግ....የሚያንሰፈስፍ....በቀን አስር ጊዜ ልጇን የሚያሰኛት....ይሄ hormon ነው...."

"still ነጥብሽ አልገባኝም...."

"ይሄ ሆርሞን ልጅ ከመውለድሽ በፊት አብረሽው ግንኙነት ከምታደርጊው ሰው ጋርም ይፈጠራል....remember አንቺ ላይ እንጂ አብሮሽ የተኛው ወንድ ላይ የማይፈጠር መጣበቅ ይፈጠራል....ስለዚህ አምላክሽን ፈርተሽ ባትተይው እንኳን ለራስሽ ፈርተሽ እስከ ጋብቻ እንዲታገስ ንገሪው...."

"ያልገባሽ ነገር ዮኒ ባሌ ነው...የግድ ወረቀት መኖር አለበት እንዴ....ዮኒ የእኔ ነው...."

"it's not about peper....ልልሽ የፈለግኩት ዮኒ እንኳን ሳትጋቡ ተጋብታችሁ ሁላ የብዙ ሰው ነው....ስትጋቡ 75% ያንቺ ነው....25%ቱን ደግሞ የእናቱ...የአባቱ...የማህበረሰቡ...የራሱ....ብዙ ብዙ....ሳትጋቡ 50/50 ነው...ይሄ ሆርሞን በሚፈጥርብሽ attachement 100% የእኔ ካልሆነ ትያለሽ....ያልተገባ ንጭንጭ ውስጥ ትገቢያለሽ....ምንም ቢወድሽ ላንቺ ጊዜ እንደሚሰጥሽ ሁሉ ለቤተሰቦቹም ይሰጣል...ይሄ ደግሞ ይበል የሚባል ነው...ማንኛውም ፍቅር ጊዜ ይፈልጋል...የቤተሰቡ ፍቅርም እንደዛው.... .እግዜር እንኳን ሁሉን እየተረዳ ስለሚወደን ብቻ ጊዜ እንድንሰጠው ይጠይቀናል...24 ሰአት ሰጠሁሽ አይደል ቢያንስ 2 ደይቃ ስጪኝ እና በፀሎት ከእኔ ጋር ተነጋገሪ ይል አይደል......


ይሄ ሆርሞን ጭንቅላትሽ ላይ መረቡን ይዘረጋል....ሌላው ቀርቶ ሳይመቸው ላላነሳው ስልክ እንኳን ትዕግስት አይኖርሽም...ማወቅ ያለብሽ ነገር ሁሌም ቢሆን 1 ሰው የብዙ ሰው ነው....ከዚ ሆርሞን ጋር ይሄን መረዳት አትችይም...ለምን በእጄ አልተመገበም....ለምንስ በእኔ አፍ አልተናገረም....እንዴት ቢጠላኝ ነው በእግሬ የማይራመደው.....አይነት ውሀ ቀጠነ ንጭንጭ ውስጥ ትገቢያለሽ...አስታውሺ ወንድ ልጅ ከምንም በላይ ቦታ ሚሰጠው ነገር ሰላሙን ነው....ለዛ ነው ትንሽ የአረፍተ ነገር ጥርቅም ሁላ ጭቅጭቅ የሚመስላቸው....

አይንሽ እያየ እራሱ በፈጠረው ሆርሞን ታጭዋለሽ....ሲያገባሽ ቢያንስ 'ያንቺ ነው' ተብሎ ብቻ የሚያልቅ ግንኙነት አይደለም...አካልሽም ጭምር ነው የሚሆነው....በአካልሽ ብታዢ ጤነኝነት ነው...ውሎ ሚገባው አንቺ ጋር ነው....አብዛኛው ጊዜ ያንቺ ነው....አየሽ እግዜር በመፅሀፉ የሚከለክለውን ዝሙት አሻፈረኝ ብለሽ እንዳትፈፅሚ በscincem እንደሚያስረዳሽ ያው ከሰማሽ...እግዜር በሰማሽው በኩል ያወራል.....ትልቅ ልጅ ነሽ....ያላየሽውን ለማሳየት እሞክራለሁ እንጂ አልወስንልሽም....ምርጫው ያንቺ ነው...."....ብላኝ ሰአቷን አየት አደረገች....


"እዚ ተጎልተን ሰአቴ አለፈ...አለቃዬ ገደለኝ...."....ብላ በሴቶች ሰላምታ ጉንጬን ነክታ ተጠዳድፋ ሄደች....ግራ እንደገባኝ ከራሴ ጋር ቀረሁ....


አታድርጊ ብሎ በደፈናው ከሚመክረኝ ...ነውረኛ ብሎ ከሚሰድበኝ ዘወር ብሎ ከሚያሽሟጥጠው ሁሉ በለጠችብኝ.... ለካ እንዲህ ፈትፍቶ የሚያስረዳኝ ነበር የሚያስፈልገኝ....



✍Shewit

ኤደን ደማቅ ጥቁር ነች ። የጥርሷ እና የአይኗ ንጣት ጥቁረቷን ያጎለዋል ። ልበ ደንዳና የምትባል አይነት ነች ። አወራሯ ፣ አደናነቋ ፣ አገራረሞ የእናት ነው።

ተንከባካቢ  ነች ።አባቷ ስድስት ኪሎ university ያስተምራል ፤ ምስጉን የታሪክ ፕሮፌሰር ነው ።

መጀመርያ አካባቢ ሁኔታዬን እያየች የግርምት ፈገግታ የፈገገች ይመስለኝ ነበር ( አሁን ፈርዶብኝ እንጂ ፈገግታን መመርመር ነበረብኝ? )

ኤደንን አወቅኳት ፤ ሳውቃት አመንኳት ፤ እሷ ጋ ነፃ ሆንኩ  ።  ድሮ እናቴ ጋ ስሆን የሚሰማኝ 'security' ይሰማኛል።

ኤዱ ጥያቄ መጠየቅ ትወዳለች ።

ስለራሴ ተጠይቄ የማላውቀውን ፣ አስቤው የማላውቀውን ፣ ደጋግሜ ያሰብኩትን ነገር በፍቅር ትጠይቀኛለች

ለራሴ እንደማወራ ሆኜ ሳልጠነቀቅ ፣ ሳልሰጋ አጫውታታለሁ ።  ትሰማኛለች አሰማሟ ርህራዬ አለው ። ሳወራ በትኩረት እንደ ተከታታይ ፊልም አይኗን ፣ ጆሮዋን ሰጥታ ትከታተለኛለች ።

ከራሴ ጋ እተዋወቅ ጀመር ። ገጠመኝ ያልኩትን 'incident' ጠቅላላ ስቶሪ አደረገችልኝ ። ሳወራት ቀለል ይለኛል ።

"መንገደኛው ሁሉ ይወቅኝ አልልም ። ልቤ ውስጥ ያለውን እውነት በእኔ ልክ ሁሉም ጋ ይስረፅ አልልም ። እንከን አልባ ለመሆን አልሞክርም"ያለቺኝ ቀን ያለቺው እውነት እንደነበር ኑሮዋን ሳጤነው ደረስኩበት

ታድላ አልኩ !

ሁኔታዋ ከሰዎች ጋ ያላት መቀራረብ ሰላማዊ ነው ። ራሷን በየቦታው አታስረዳም ። ስለ'ኔ ሳወራ እኔም እኔም እያለች እንደ'ኔ ጨዋታ አታደፈርስም ።

  የሆነ ሰው ቱግ ሲል ፣ በተገቢው  "treat" ካላደረጋት  በእርጋታ ታስረዳለች ፤ አልያ ታልፈዋለች አባቴ "ሰነፍ  ነው ለአፀፋ የሚቸኩለው ይላል" ትላለች ።

የሆነ ቀን እያወራን
"ከሁሉም ነገር ጋ ራስን ማገናኘት ፤ በሁሉም ቦታ ራስን ለማስከበር መሞከር ፤ ሁሉም ሰው ቀልቡን ይስጠኝ  አይባልም" አለችኝ። አባባሏ እንደምክር አይደለም  ቀለል አድርጋ ነው።  በጊዜው ያስፈልገኝ ነበር ፤ የወረወረቺው ሃሳብ ሳልከራከር ፣ ሳላብራራ ዋጥኩት

ራሴን  በእርጋታ እንዳጤነው ፍርሃት እና ስጋቴን እንዳየው አደረገችኝ   ።

ትላፋኛለች ፣ ትስመኛለች ፣ ታደምጠኛለች ። ቅሬታዬን ስነግራት "ትክክል ነው ግን እስቲ እንደዚህስ ሊሆን አይችልም?" ትላለች ።

ከብዙ አቅጣጫ ሁኔታውን ታሳየኛለች ። ስናደድ ፣ ሲደብረኝ በጥሞና ሁኔታዬን ማኔጅ ማድረግ አለመደችኝ ።

ቅር ያለኝን ነገር ተረጋግቼ እንድናገር ፤ ምንም አይነት  ኮተት ሃሳብ አልጋ ላይ ይዤ እንዳልሄድ  ሁሉንም ነገር በ "serious" እንዳልወስደው በኑሮዋ አስተማረችኝ

Don Miguel Ruiz የፃፈውን  The Four Agreements" 
Mark Manson የፃፈውን  The Subtle Art of Not Giving a F*ck"   Eric Ries የፃፈውን "The Lean Startup"
የአቡነ ሺኖዳን   የነፍስ አርነት  Daniel Goleman የፃፈውን  "Emotional Intelligence"  ብዙ መፅሃፎችን በቁምነገር እየተከታተለች አስነቡችኝ

እሷ ኑሮዋ ፣ ፍቅሯ ያስነበበችኝ መፅሃፎች

አዳኑኝ !

ጎበዝ አስተማሪ ነበረች ፣ ጎበዝ ተማሪ ነበርኩ እና
ዳንኩ !
   መፈለግ እና መትጋት የማያበጀው ነገር የለም !!

እዚህ ቤቶች

ዘመን ህፃናት አያነቡም ከማለት በፊት ገበያ ላይ ያሉትን ተረት መፅሀፎች ማየት ተገቢ ይመስለኛል። ከአስር አመት በታች ላሉ ህፃናት እንድድሮ ተረቶች አጥጋቢም ባይሆን አጫጭር ተረቶች አሉ

ከአስር አመት እስከ አስራ አራት አመት ላሉ ልጆች ግን ከአዋቂ ልብወለድ መለስ ያለ ከህፃናት የጦጣና የጅብ ተረት መለስ ያለ መፅሀፍ እጥረት አለ ብዬ አስባለሁ

ይኸው በዚህ ምክንያት የአላዲንን ታሪክ የሴት ጂኒ ጨምሬ fanfiction ለእህቴ ለማውራት የተገደድኩት ለዚሁ ነው
ምን ለማለት ፅሁፍ የምትሞክሩ ልጆች አሪፍ area ስለሆነ አስቡበት ባይ ነኝ

✍ናኒ

መቼም እንዳትረሳኝ 🥺
   ....... ቃልኪዳን ባትገባም 🤷‍♂️
ፃድቃን ቅዱሳንን ..
   ... ጠርተህ ባትምልም

ትዝ ይልሀል አይደል 😊
እንዳትክድ ውዴ በልብህ ምለሀል 💔
እንደውም ትዝ ካለህ
እንዴት ትረሳለህ 🤔

ያኔ ለብቻችን ብቸኛዋን
    ጨረቃ ስናይ ተመስጠን 🌙
በፍቅራችን ወጀብ ላንገኝ ተጣፍተን
አይንህን ሳትሰብር እያየህ አይን አይኔን 👀
ቃላት ሳታወጣ ሰተከኛል ቃልን 🗣️

እናማ የኔ ❤️ ቻው ሳልልህ ብሄድ
በሄድኩበት ቦታ በዛውም ብለምድ 🏠

ናፍቀኝ አልልህም
የናፍቆት ቃጠሎን መቆቆም አትችልም 🔥
የኔን ቦታ ለሌላ እንዳትሰጥ አደራ አልሰጥህም 🚫

  
ግን

ቃል የለንም ብለህ
እንዳትረሳኝ ነው አደራ የምልህ 🥺
ምክንያቱም እኔ ስላልቻልኩ ልረሳህ

አትናፍቅ ይቅርብኝ
አታፍቅረኝ ተወኝ
ግን ብቻ እንዳትረሳኝ😢


https://t.me/kurachikal

‎I dropped atear in
‎The ocean and the day
‎You find it is the day
‎I will stop loving you
‎
‎✍️Unknown

ዶስቶይቭስኪ በCrime and Punishment 📖
መጣጥፉ ውስጥ እንዲህ የምትል አንቀጽ አለችው፦
«ሁሌ የመግለፅ አቅሜ ምንም ያህል ደካማ ቢሆንም የሚወዱኝን ከእነሱ በላይ አጥብቄ የምወዳቸው እኔ ነበርኩ። እንዳላጣቸው ሃቀኛ ነገሮቼን በጠቅላላ እሠዋላቸው ነበር። ይህን የማደርገው ምናልባት ከግንኙነታችን መጨረሻ በኋላ ዋጋውን ሊረዱ ይችላሉ በማለት ነው!።

መጀመሪያ ላይ እንደማንኛውም ሰው በጣም ጥሩ ናቸው፤ ሁሉም ጥልቅ ደግነት ይታይባቸዋል። ታማኝነት፣ ጥሩ ምላሾች እና ግልጽ ፍላጎታቸውን ያሳዩኛል። እኔ ግን ሁልጊዜ ከዚህ እርምጃ በኋላ የሚመጣውን መፈለግ ይቀናኛል። ብቻ በእያንዳንዱ ጅምር ሁሉም ነገር መልካም የሚባል ነበር፤ ነገር ግን ቀን በጨመረ ቁጥር ስሜታቸው ይቀዘቅዛል። ጉጉት ወደ እኔ እንዳቀረባቸው ጊዜ ይፋ ያወጣቸዋል፤ አልያም የፍላጎት ብዛት ገፋፍቶ እንዳመጣቸው፤ የመሰልቸት ስሜት ያርቃቸዋል።

በእንዲህ አይነት ስብራት ውስጥ ሳልፍ ለአዲስ ሰው እንደ ንጹህ አዲስ ሰው መሆን ይከብደኛል። የተፈጠረብኝን ክፍተቶች ለመድፈን የፈነቀልኩት ድንጋይ ጫንቃዬ ላይ ሀዘን ሰርቶ ያስጎነብሰኛል። በህይወቴ አንዴ እንኳን ለእኔ ሲል የተቀየረ ወይም ከእኔ ጎን ለመቆየት መስዋትነት የመረጠ ሰው አግኝቼ አላውቅም። መቼም፤ በፍፁም!።»

“Pain and suffering are always inevitable for a large intelligence and a deep heart. The really great men must, I think, have great sadness on earth.”

``
ህመም እና ስቃይ ሁል ጊዜ ትልቅ የማሰብ ችሎታ ላለውና እና ለጥልቅ ልብ የማይቀር ነው።  በእውነት ታላላቅ ሰዎች በምድር ላይ ታላቅ ሀዘን ሊኖራቸው ይገባል ብዬ አስባለሁ።
`` ―Part III Chapter V 📖

ልጅ እያለሁ ህይወት ቀላል ነው ብዬ አስብ ነበር። 🧸 ሁሉም ጓደኞቼ ታማኝ ይመስሉኝ ነበር። በወረቀቴ ላይ ቀለም ስቀባው የኖርኩት የስዕል ቤት እርካሽ ይመስለኝ ነበር። 🎨 ልብ ላይ የተሰካው ቀይ ቀስት  ፍቅር እንደሆነ፤ ❤️ ህመሞችንም መርጠን የምንታመም ይመስለኝ ነበር። መርፌን ትምህርት ቤት ለማይሄዱ ሰዎች እንደሚታዘዝ፤ በህይወቴ ውስጥም ትልቁ የማጣው ነገር ጥርሴን ብቻ ይመስለኝ ነበር። 📚

ለእኔ ዋጋ ያለው ናፍቆት የምወደውን ፊልም ሰዓት እስከሚደርስ መጠበቅ ነው ብዬ አስብ ነበር። 🎬 በሰዎች መታለል መጫወቻዬን ሲሰርቁኝ እንደሆነ፤ ብሎም ፍርሃትን መጋፈጥ ከአባቴ ጥፊ ለማምለጥ ከእናቴ ጀርባ መደበቅ ይመስለኝ ነበር። 🛡️

ነፍ ገንዘብ ሲኖረኝ ብዙ ከረሜላ እንደምገዛ አስብ ነበር። 🍫 ቢሆንም ይህ ሁሉ ወደ አሳዛኝ መጨረሻ አደረሰኝ። 😔 ሳድግ ደስታዬ በዛው ልክ ብዙ ይሆናል የሚል ተስፋ ቢኖረኝም። ነገር ግን ትልቅ ስሆን ደስታዬ ትንሽ ሆኖ አገኘውት። ምክንያቱም ዛሬ ላይ አድግያለሁ በቀላል ነገሮች መፈንጠዝ ልጅነቴ ላይ ቀርቷል!። ✨

ህይወት ውስብስብ መሆኗን ለመረዳት እና ይህንን ውል ለመፍታት ውስጤን ማሳመን ነበረብኝ። 🧠 በዚህ አለም ላይ ደስታዬን እንዴት መፍጠር እንደምችል ለማወቅ ጊዜ ፈጅቶብኛል። ትዕግስት እና ቀጣይነት ያለው ፍለጋ አሁንም በየቀኑ አብሮኝ የሚያድግ  እውነት ነው። 🌱
         ―አህመድ ካሊድ ታውፊቅ

      

#1 ከህይወት
‎ታቃለህ ብላ ጀመረች። የተሰላቸ ፊት እያሳየኋት ምን ደሞ የተሰላቸውት እኮ የምታመጣቸው ሀሳቦች የማይረቡ ሆነው ሳይሆን ልታሳምነኝ እኔ እንዴት እንዲህ አላየሁትም ብዬ እራሴ ላይ ጥያቄ እንዳነሳ ስለምታረገኝ ነው ።
‎ውስጤ ያለውን የነቃችብኝ ይመስል ወይ ደግሞ ዛሬም አንላቀቅም ይሁን ምንነቱን ባላወኩት ሁኔታ እየተፍለቀለቀች ለምን ይመስልሃል Nelson Mandela እዚህ ደጃ የደረሰው ጥሩ የንግግር ክህሎት ስለነበረው እሺ Oprah Winfrey  እሺ እሱ ይቅር -- Viktor Frankl ? I think ጥሩ ፀሀፊ ስለሆነች  ተሳስተሀል  በውስጤ  "ዛሬ እንኳን የማይረባ ሀሳብ ነው ያመጣሽው አገኝሁሽ" በሚል የድል አድራጊነት ስሜት ደገፍ እያልኩ
‎
‎እሺ… ለምንድነው?” አልኳት።
‎“Nelson Mandelaን እንውሰድ። 27 ዓመት በእስር ቤት አሳልፏል። የሰው ልጅ በእሱ ቦታ ቢሆን በቂ ምክንያት አለው ብሎ ሕይወቱን በቁጭትና በቂም ለመሙላት። ግን እሱ የደረሰበትን ነገር በሌላ መንገድ አየው። እስሩ የሕይወቱ መጨረሻ እንዲሆን አልፈቀደም።
‎Oprah Winfreyን እንውሰድ። ድህነት፣ የልጅነት ጉዳትና ከባድ የሕይወት ፈተናዎች አልፈዋል። ግን ዛሬ ሰዎች ሲያዩዋት የሚያዩት የተጎዳች ልጅ ብቻ አይደለም። ከዚያ ሁሉ የተገነባችውን ሰው ነው የሚያዩት።
‎Viktor Franklንም አትርሳ። በHolocaust ዘመን በናዚ የማጎሪያ ካምፕ የደረሰበትን እጅግ ከባድ ሥቃይ አለፈ። ቤተሰቡንና ብዙ የሚወዳቸውን ሰዎች አጣ። ነገር ግን ከዚያ ሁሉ በኋላ የሰው ልጅ ከሁኔታው በላይ ለሕይወቱ ትርጉም መፈለግ እንደሚችል ጻፈ።
‎እነዚህ ሰዎች ጥሩ ነገር እንዳላቸው አልክድም። ግን ሦስቱም ሰዎች የደረሰባቸውን በደል፣ ሀዘንና መከራ ለዓለም በሚጠቅም መንገድ ማሳየት ችለዋል።
‎ማለትም… የደረሰባቸው በቂ አልነበረም እንደሌሎች “በቃኝ፣ ተጎዳሁ” ብለው ለማለቃቀስ?
‎እነሱ ግን ያንን መንገድ አልመረጡትም።
‎“ኡፍ… ቤዛ፣ እባክሽ አታሰልቺኝ። ለማለት የፈለግሽውን ቀጥታ ተናገሪ።”
‎ፈገግ ብላ፣
‎“You know, everything is about perspective.”
‎“ጉዳታቸውን ያዩበት way ነው?” አልኳት።
‎“አዎ። እና ምን ልልህ ነው… አንዳንዴ እኔ የነበረኝን፣ ያለኝን፣ የገጠመኝን ሁሉ ሌላ ሰው እንዲሁ ቢያጋጥመው ምን ያደርግ ነበር ብዬ አስባለሁ።
‎ምን ልልህ ነው… maybe እኔ የተማረርኩበት ጉዳይ፣ ሕይወቴን የሚቀይር opportunity ቢሆንስ?
‎እኔ እንደ መጨረሻ የማየው ነገር፣ ለሌላ ሰው መጀመሪያ ሆኖ ቢሆንስ?”
‎በውስጤ፣ አይ… ዛሬም አገኘችኝ አልኩ።
‎ልክ ነሽ።
‎አንዱን ሰው “አበቃልኝ” ያስባለው ጉዳይ፣ ሌላውን ሰው ለስኬት መነሻ ሆኖ ሊያገለግለው ይችላል።
‎It’s about mindset.
‎“እኮ ስለዚህ ማላዘንህን አቁም።” አለች።
‎“የትኛው ችግሬ ነው ወደ ስኬት የሚወስደኝ?” እያልክ ችግሮችህን ማየት ጀምር።
‎ምክንያቱም ምናልባት…
‎የምትሸሸው ችግር ሳይሆን፣ የምትፈልገው ሕይወት መነሻ ሊሆን ይችላል።

✍️የአብስራ
@libanteltay

ድሮ... ቆንጆ ስለሆነች ብቻ ነበር የወደድኳት ። ስቀርባት አራዳ ናት! አንድ ቀን በፀሃይ ተገናኝተን ስንቃደድ፥ ስንጫወት አስተናጋጇ መጥታ ይቅርታ ልወጣ ነው ሂሳብ አለችን ...

ፈረቃዋን ጨርሳ ልትሄድ መስሎን ነበር፤ ለካ መሽቶ ሊዘጋ ነው። የምንወደው ሰው እንደኛው መለክያ ስናገኘው ሰዓቱ አልመጎተቱ ነው አይደል?

ያልተመቸን ቦታ ሁሉ ሰዓቱ አይበርም!!
ተፈጥሮ እንደ ምላስ We had an amazing time!! ብሎ አይዋሽም!!

ስቀርባት መልኳን ትበልጠዋለች ...!

ከሚሰማት 'ርቃ አታስመስልም፤ ጥላቻ አያሳድዳትም ፣ የበታቾቿ ላይ አትቀማጠልም። የወደቀ ላይ አትንጠራራም... ደስታዋ ቁስ ላይ አልተንጠለጠለም...።

ትወጂኛለሽ እላታለሁ...?

አስከሰማይ ነው የምወድህ ትላለች...አንገቴ ስር እየተወሸቀች። አወዳደዷ ስር አለው...ድንገት ተገንብሮ ውድቅ ሊል ይችላል የሚባል አይነት አይደለም።

እዚህ ጋ...መዋደድ ባይኖር መኖር ይሰለቻል ብለን መኖርን እናበሽቀዋለን!!
       

የሆነ ጠንቋይ ጋ ሄጄ እንዴት በሌለችበት ናፍቆቷ እንደገረፈኝ፣ እንዴት በሳቄ መሃል ትዝ እንደምትለኝ ፣እንዴት ሆኜው ያልወደደችውን  ነገር ሁሉ እንደተውኩ ቢያሳይልኝ ብዬ ተመኝቼ አውቃለሁ ....

በቀደም አመሻሽ ላይ በርዷት አውልቄ የሰጠኋት ጃኬት ለብሳ ከፊልድ ስትመጣ የገዛችልኝን ቲሸርት ለብሼ ያየኋት ግዜ ፖሊሶች ቢበድሉኝ ወይ  አሞኝ ብወድቅ እና ብታዝንልኝ ብዬ ተመኝቻለሁ .....

የሆነ ብረት መትቶኝ እሷን ብቻ መርጦ ቢያስረሳኝ እሷ በሂወቴ ከመጣችበት ቀን  በፊት ወዳለው ትውስታዬ ቢመልሰኝ ብዬ ሽቼ አውቃለሁ ....

     አንዴ ፈልጋኝ ያጣችኝን  የገፋኋትን ልጅ ፣ ፊቷ ደም መስሎ ስታብራራ የሳኩትን፣ ነገዋን ከኔ ጋ ስታቅድ እንዳልገባኝ የሆንኩትን...  እያወራረድኩ እየከፈልኩ ይሆን ?

ግን ጌታ ከመቼ ጀምሮ ነው እንበደላችን ያኖረን ? ይቅር በለን ያልነውን እየገረፈ የሚያስታውሰን ?

    መቼም የምድር አሰራር ልዩ ልዩ ነው !