📚 "АЯЛАР ПАТАЛ" рубрикадай

Кроссворд "Майваяр"

#АяларПатал

📕 "ЛЕЗГИ ЧIАЛ (Лезгинский язык)"

РикIел гъун

Сив хуьх - Пака Ашураъ югъ я

... Аллагьдин расулдивай (Аллагьдин салават ва салам хьурай вичиз) Ашураъ йикъан сив хуьникай хабар кьуна, ада жаваб гана (мана):
«Ада (а юкъуз сив хуьни) алатай йисан гунагьар „багъишламишуниз себебвалда“ ». (Муслим)

Хабар гузва хьи, бес, Абу Къата‌дагь асгьабди (Аллагь рази хьурай вичелай) лагьана: Аллагьдин расулди (Аллагьдин салават ва салам хьурай вичиз) лагьана (мана): „Ни гьар вацра пуд юкъуз сив хвейитIа ва рамазан вацрани, ам гуя гьамиша сив хуьна ава, Арафадин йикъан сив хуьнай, за умуд кутазва, Аллагьди алатай ва вилик квай йисан гунагьар михьи хъийида, Ашураъ йикъан сив хуьнай, за умуд кутазва, Аллагьди алатай йисан гунагьар михьи хъийида“». (Муслим: 2803)

("Вучиз Ислам?" сайтда чапнавай "Ашура" тIвар алай макъаладай къачунвай пай (таржума).)

РикIел гъун

Аллагьди Къуръанда лагьанва (49-сура, 12-аят, мана):

«Эй, иман гъанвайбур! Яргъа хьухь (куьн) гиманрикай гзафбурукай, гьакъикъатда, бязи гиманар - гунагь кар я; ва сада-садакай жасусвал ийимир, ва къуй куь садбуру муькуьбурукай гъибет тавурай. Бес, квекай садаз кьван вичин кьенвай стхадин як нез кIан жедани - (гьелбетда) квез а кар гзаф нифретлу я (ва гьавиляй квез ам хьиз такIан хьухь адаз ухшар карни - яни мусурман касдикай гъибет авун). Ва кичIе хьухь квез Аллагьдихъай! Гьакъикъатда, Аллагь - тубаяр кьабулдайди, регьимлуди я!»

(Гиман – подозрение; жасус – шпион; гъибет – злословие;  – нифрет – отвращение,–ред.)

(«Пак Къуръан ва адан манайрин таржума лезги чIалал» ктаб, таржумачи – диндин алим Ямин Мегьамедов).

Бине Ахцегь райондай тир Замир Шихагьмадова Нальчик шегьерда тхэквондодай кьиле фейи Россиядин чемпионатда 1-чка кьуна.

Идакай Ахцегь райондин кьил Абдул-Керим Палчаева вичин телеграм-каналда хабар гана.

Алай йисуз СтIал Сулейманан райондин мектебар 36 аялди медалралди акьалтIарнава. Абурукай:

14 аялди - къизилдин

22 аялди гимишдин медалар къачунва.

Идакай муниципалитетдин кьил Саид Темирханова вичин ТГ-каналда хабар гана.

СтIал Сулейманан райондин Курхуьруьн 1-нумрадин юкьван мектебди "Движение первых" гьерекатди кьиле тухвай конкурсда кIвенкIвечи чка кьуна.

Гъалибчи мектебдиз савкьат яз 200 агъзур манат пул гана.

Идакай муниципалитетдин администрациядин ТГ-каналди хабар гузва.

❗️Дагъустандин Кьил Сергей Меликова вичин ТГ-каналда алай вахтунда Россиядинни Азербайжандин алакъайра арадал атанвай гьаларин гьакъиндай вичин фикирар лагьана.

Республикадин Кьили дагъустанвийривайни азербайжанвийривай ри­кIе пис ниятар авай къуватриз кьве халкьдин арада къалмакъал твадай мумкинвилер тагуниз эвер гана.

Гегьеншдиз Сергей Меликован ТГ-каналдай кIелиз жеда.

РикIел гъун

Сура: «аль - Фа‌тигь‌агь»                                                                             
1 - Сура: «Ачухзавайди»

1. Мергьяматлу, Регьимлу Аллагьдин тIварцIелди!  
2. (Вири) гьямд хьуй Аллагьдиз, (вири) алемрин Раббидиз,
3. - Мергьяматлудаз, Регьимлудаз,
4. Эвездин Йикъан Меликдиз (авур крарин гьакъи хгудай Йикъан садтир Пачагьдиз, Гьукумдардиз)!
5. (Анжах) Ваз чна ибадатзава ва (анжах) Вавай чна куьмек тIалабзава!
6. (Вуна) чун Дуьз Рекье аваз твах 
7. Рекье аваз - Вуна няметар (иман, диндарвал) гайибурун, чеб Ви ажугъдик (гъазабдик) акатнавайбурун ваъ (гьахъ чиз амал тавуна), ва чеб (Дуьз) Рекьелай алатайбурун ваъ (гьахъ, чирвилер квадарна, ягъалмишвиле гьатна).

(«Пак Къуръан ва адан манайрин таржума лезги чIалал» ктаб, таржумачи – диндин алим Ямин Мегьамедов).

РикIел гъун

«А‌ят-уль-Курсий» (мана)

Аллагьди Къуръанда лагьанва (2-сура, 255-аят, мана):

Аллагь - авач ила‌гьи (ибадатдиз лайихлу тир) Адалай гъейри, (Ам) - (Гьамиша) Чан Алайди, (вири затIар Вичиз муьгьтеж яз, гьар са шей идара ийиз) Вири Кьиле Тухузвайди я; Ам - я суствили (муьргуь гьалди) я ахвари «кьазвай туш» (Адак я суствал, я ахвар акатзавай туш); (са) Адаз талукь я цавара вуч аватIани ва чилел вуч алатIани (виридан иеси Ам я). Вуж я ам Адан вилик «шафаатвал» ийиз жедайди, Адан изин аваз авунилай гъейри?! Адаз чизва абурун вилик квайдини (гележегни) ва абурулай кьулухъ галайдини (хьана алатнавайди, вири чизва), ва абуруз чизвач Адан чирвилерикай са шейни, Адаз (абуруз расулрилай чириз) кIан хьайи шейэрилай гъейри. Адан «Курсий»-да цавар ва чил (гегьеншдиз) гьакьнава (Адан Курсий гегьенш я цаварилайни чилелай. Курсий - Аршдихъ галаз алакъалу тир затI я, Адан кIвачер эцигдай чка я - сагьабий Ибн Аббаса баян гузвайвал), ва (гьич) залан туш Адаз абур кьведни (цавар ва чил) хуьн; ва Ам - Вине Авайди, ЧIехиди я! (И аятдин тIвар «А‌ят-уль-Курсий» я, ам виридалайни зурба аят яз гьисабзава, ам гьар кпIунин гуьгъуьнай, ва ксудайла, ва маса чкайрални кIелун гзаф лайихлу кар я!)

(«Пак Къуръан ва адан манайрин таржума лезги чIалал» ктабдай (таржумачи – диндин алим Ямин Мегьамедов).